రాక్‌స్టార్ ‘దేవీశ్రీ’ మ్యూజిక్ షో..

దేవీశ్రీ పేరు చెబితేనే ఊపు, ఉత్సాహం వచ్చేస్తుంది. మోస్ట్ ఎనర్జిటిక్ మ్యూజిక్ డైరక్టర్ ఎవరైనా ఉన్నారా అంటే దేవీశ్రీ పేరే ముందుగా గుర్తుకు వచ్చేది. పదాలకు స్వరాలు సమకూరుస్తాడు. పెదాలపై పలికిస్తాడు, పాటకు పదం కలుపుతాడు. యువతని ఉర్రూతలూగిస్తాడు. దేవీశ్రీ స్టేజ్ మీద ఉన్నాడంటే సంథింగ్ ఎక్స్‌ప్టెక్ట్ చేస్తారు ఆడియన్స్.

దేశంలోనే కాదు విదేశాల్లో సైతం దేవీశ్రీకి ఫ్యాన్స్ ఉన్నారు. ఆగస్టు 25న అమెరికాలో డెట్రాయిట్‌లోని చీని పార్క్ దగ్గర జరగబోయే ఈవెంట్‌లో దేవి శ్రీ ఫెర్ఫామ్ చేయనున్నాడు. యూఎస్- కెనడాలను వేరు చేసే లేక్ మిచిగాన్ తీరంలోని ప్రతిష్టాత్మక స్టేజ్‌పై షో చేయడం పట్ల డీఎస్‌పీ సంతోషం వ్యక్తం చేస్తున్నారు. సౌత్ ఇండియా నుంచి ఈ ఛాన్స్ కొట్టేసిన మొట్టమొదటి మ్యూజిక్ డైరక్టర్ డీఎస్‌పీ. ఇక్కడి ప్రదర్శన ముగిసిన తరువాత దేవీ టీమ్ డల్లాస్, న్యూజెర్సీ శాన్ జోస్‌లో పర్యటిస్తారు.