ప్రేమజంటపై ఇనుపరాడ్ తో దాడి.. యువతి మృతి..

గుంటూరు జిల్లా మంగళగిరి మండలం నవులూరు గ్రామంలో దారుణం చోటు చేసుకుంది. ఉడా టౌన్‌ షిప్‌లో ప్రేమ జంటపై గుర్తు తెలియని వ్యక్తులు ఇనుపరాడుతో దాడి చేశారు. ఈ ఘటనలో యువతి అక్కడికక్కడే మృతి చెందగా.. యువకుడు ఆస్పత్రిలో చికిత్స పొందుతున్నాడు. తాడేపల్లి మహానాడుకు చెందిన జ్యోతి, శ్రీనివాస్‌గా గుర్తించారు. పథకం ప్రకారం జరిగిందా… లేక ఆకతాయిలు ఇలా చేశారా అనే కోణంలో పోలీసులు దర్యాప్తు చేస్తున్నారు. యువతి గుంటూరులో ‌ఫార్మసీ పూర్తి చేసిందని.. సర్టిఫికేట్స్‌ తీసుకొస్తానని చెప్పి.. ఇంట్లో నుంచి వచ్చిందని బంధువులు చెబుతున్నారు.