వైఎస్ వివేకానందరెడ్డి హత్య కేసు.. అసలు ఏం జరిగిందంటే?

ys vivekanandhareddy dead

ఏపీలో మరో సంచలనం. జగన్ బాబాయి వైఎస్ వివేకానందరెడ్డిది ఆకాలమరణం కాదు..హత్యని తేలింది. అతని ఒంటిపై మొత్తం ఏడు గాట్లు ఉన్నాయి. వైఎస్ వివేకానంద మృతదేహాన్ని మొదట చూసిన అతని పీఏ ఎంవీ కృష్ణారెడ్డి..తెల్లవారుజామున ఏం జరిగిందో వివరిస్తూ పోలీసులకు ఫిర్యాదు చేశారు.

పీఏ ఎంవీ కృష్ణారెడ్డి.. ఉదయం 5.30కు వైఎస్ వివేకానందరెడ్డి ఇంటికి వెళ్లినట్లు పులివెందుల పోలీసులకు తన ఫిర్యాదులో తెలిపాడు. అయితే..అప్పటికీ ఆయన నిద్రలేవలేదని..దాంతో పేపర్ చదువుతూ కూర్చున్నట్లు చెప్పాడు. అరగంట తర్వాత వైఎస్ సౌభాగ్యమ్మకు ఫోన్ చేసి సార్ ను నిద్ర లేపాల అని అగాడు పీఏ. రాత్రి ఆలస్యంగా వచ్చారేమో..లేపవద్దు అని వైఎస్ సౌభాగ్యమ్మ తనతో చెప్పినట్లు కంప్లైట్ లెటర్ లో వివరించారు. అయితే..మరో అరగంట తర్వాత కూడా వైఎస్ వివేకానంద నిద్ర లేవలేదని చెప్పాడు. అదే సమయంలో వంట మనిషి లక్ష్మీ అతని కుమారుడు వచ్చారని..సార్ కోడపతారని నిద్ర లేపాలని చెప్పినట్లు తెలిపారు.

వంట మనిషి ఎన్నిసార్లు పిలిచిన సార్ పలుకలేదని..వాచ్ మెన్ రంగన్న బెడ్రూం సైడ్ డోర్ తీసి ఉండటాన్ని గమనించి చెప్పాడని కంప్లైట్ లో కృష్నారెడ్డి వరించాడు. వాచ్ మెన్, తాను వెళ్లి చూశామని బెడ్రూం డోర్ కూడా తీసి ఉందని..దాదాపు రెండు లీటర్ల రక్తం ఉందని చెప్పాడు. బెడ్రూంలో కూడా సార్ లేకపోవటంతో బాత్రూంలో చూశామని..వివేకానంద రక్తం మడుగులో పడి ఉన్నాడని కృష్ణారెడ్డి వివరించారు. నుదురుపై తల వెనకభాగంలో అరచెయ్యిపై గాయాలు ఉన్నాయని..నాడీ పట్టుకొని చూస్తే అప్పటికే నాడీ ఆగిపోయి ఉందని కృష్ణారెడ్డి పోలీసులకు ఫిర్యాదు చేశారు.

Also Read : వైఎస్ వివేకానందరెడ్డిది హత్యే.. ఏడు చోట్ల గాయాలు..