Live News Now
  • ప్రగతి భవన్ దగ్గర తీవ్ర ఉద్రిక్తత.. సాక్షర భారత్‌ మిషన్ కోఆర్డినేటర్ల ఆందోళన..
  • రికార్డు గరిష్ట స్థాయికి పెట్రో ధరలు..
  • కేంద్రానికి నరసింహన్ నివేదికపై సస్పెన్స్..
  • ఏపీలో హోరెత్తుతున్న హోదా ఆందోళనలు.. శ్రీశైలం భ్రమరాంబకు బోనాలు
  • ధాన్య రాశుల నిలయంగా నల్గొండ!.. సీఎం చొరవతోనే సాధ్యమైందన్న హరీష్
  • జమ్మూకశ్మీర్‌లో మరో ఎన్‌కౌంటర్‌.. పుల్వామా జిల్లాలో టెన్షన్‌ టెన్షన్
  • బాలీవుడ్‌లోనూ కాస్టింగ్ కౌచ్.. తొలిసారి ఆరోపణలు చేసిన సరోజ్‌ ఖాన్
  • ఏపీలో చంద్ర క్రాంతి ప్రారంభం.. ద్వారపూడిలో అభివృద్ధి కార్యక్రమాలకు శ్రీకారం
  • కర్ణాటక కాంగ్రెస్‌కు ఐటీ షాక్.. మంత్రి మహదేవప్ప ఇంట్లో రైడ్స్
  • తలకు బదులు కాలుకు ఆపరేషన్.. ఢిల్లీ ప్రభుత్వాసుపత్రిలో వైద్యుల నిర్లక్ష్యం
ScrollLogo మిషన్ భగీరథ దేశానికే ఆదర్శమన్న కేసీఆర్ పెండింగ్ పనులు పరుగులు పెట్టించాలని ఆదేశం ScrollLogo మిషన్ భగీరథ దేశానికే ఆదర్శమన్న కేసీఆర్ పెండింగ్ పనులు పరుగులు పెట్టించాలని ఆదేశం ScrollLogo ఎంపీలు, ముఖ్యనేతలతో జగన్ కీలక భేటీ ప్రత్యేక హోదా, భవిష్యత్ కార్యాచరణపై చర్చ ScrollLogo కాల్పుల మోతతో దద్దరిల్లిన గడ్చిరోలి ఎన్‌కౌంటర్లో 14మంది మావోయిస్టులు మృతి ScrollLogo కొడుకుతో సహా తల్లి ఆత్మహత్య.. విజయనగరం జిల్లాలో విషాదం.. ScrollLogo వైసీపీ, జనసేన కుమ్మక్కయ్యాయన్న బోండా ScrollLogo 58 లక్షల మంది రైతులకు 6 వేల కోట్లు.. రైతు బంధు పథకం చారిత్రాత్మకమన్న హరీష్ ScrollLogo టీడీపీపై మహా కుట్ర జరుగుతోంది: బోండా ScrollLogo పోలవరం స్పిల్‌ ఛానల్‌ కాంక్రీట్ పనులు ప్రారంభం.. ScrollLogo ఐపీఎల్‌లో పంజాబ్ వర్సెస్ ఢిల్లీ.. క్రిస్‌గేల్‌పైనే అందరి చూపు
Telangana News
man-suicide-by-love-problems
విషం తాగిన ప్రియుడు.. శ్వాస ఇచ్చిన ప్రేయసి.. చివరకు చూస్తే..

ప్రేమ వ్యవహారం, కుటుంబసభ్యుల తీరుతో విసుగు చెందిన ఓ యువకుడు ఆత్మహత్య చేసుకున్నాడు. ప్రియుడు బ్రతకాలని అతనికి శ్వాస అందించే ప్రయత్నంలో తీవ్ర అస్వస్థకు గురైంది ప్రియురాలు. సిద్దిపేట జిల్లా బెజ్జెంకి మండలం రేగులపల్లికి చెందిన కొట్టె సంతోష్‌ రెడ్డి (27), భువనగరి రాణి (24) చిన్నప్పటినుంచి స్నేహితులు, అయితే వారి స్నేహం కొంతకాలానికి ప్రేమగా మారింది. ఈ క్రమంలో వారు పదేళ్లుగా ప్రేమించుకుంటున్నారు. ఇంట్లో తమ వ్యవహారం గురించి చెప్పారు, కులాలు వేరు అవడంతో వారి పెళ్ళికి నిరాకరించారు పెద్దలు. దీంతో రాణికి వేరే యువకుడితో బలవంతంగా  వివాహం చేశారు. పదిహేను రోజుల కిందట రాణి తిరిగి పుట్టింటికి వచ్చి మళ్ళీ సంతోష్ రెడ్డితో సన్నిహితంగా ఉంటోంది. అయితే సంతోష్ రెడ్డికి వేరే మహిళతో వివాహం నిశ్చయించారు పెద్దలు. విషయం తెలుసుకున్న రాణి ఇదేంటని సంతోష్ రెడ్డి కుటుంబసభ్యుల్ని నిలదీసింది. సమస్య పరిష్కారం కోసం రూ.5లక్షలు ఇస్తామంటూ సంతోష్‌రెడ్డి కుటుంబసభ్యులు ప్రతిపాదించగా.. వారు ఒప్పుకోలేదు. దీంతో సంతోష్ రెడ్డి , రాణిలను ఎక్కడికైనా వెళ్లి జీవించాలంటూ పెద్దలు కోరారు. ఈ పరిణామాలతో విసుగు చెందిన సంతోష్ రెడ్డి రాణి లిద్దరు హైదరాబాద్ వెళ్లిపోయారు. తిరిగి సోమవారం మళ్ళీ సిద్దిపేటకు వచ్చారు. అయితే సిద్ది పేట బస్టాండ్ లో సంతోష్ బాత్ రూమ్ కు వెళ్లివస్తానని చెప్పి విషం తాగాడు, అతను ఎంతకీ బయటికి రాకపోవడంతో రాణికి అనుమానం వచ్చి చూడగా నోటినుంచి నురగలు వస్తుండటంతో భయాందోళన చెందిన రాణి వెంటనే కొందరు వ్యక్తుల సాయంతో  ఆసుపత్రికి తీసుకెళ్లాలనుంది. ఇంతలో సంతోష్ రెడ్డికి శ్వాస ఆడక ఇబ్బంది పడుతుండటం గమనించిన రాణి నోట్లో నోరు పెట్టి శ్వాస అందించే ప్రయత్నం విఫలమయ్యి సంతోష్ రెడ్డి మరణించాడు.చివరకు  ఆమె కూడా తీవ్ర అస్వస్థతకు గురై ఆసుపత్రి పాలైంది.

nagam-joins-in-congress-party
కాంగ్రెస్ కండువా కప్పుకున్న నాగం జనార్దన్‌రెడ్డి

బీజేపీ నేత నాగం జనార్దన్ రెడ్డి కాంగ్రెస్ తీర్థం పుచ్చుకున్నారు. ఢిల్లీలో రాహుల్ గాంధీ సమక్షంలో ఆయన కాంగ్రెస్ కండువా కప్పుకున్నారు. కొన్నాళ్లుగా బీజేపీ అధిష్టానంపై అసంతృప్తితో ఉన్న నాగం.. హస్తం గూటికి చేరారు. నాగంతోపాటు.. ఆది శ్రీనివాస్, గద్దర్ కుమారుడు సూర్యకిరణ్‌ కూడా కాంగ్రెస్ పార్టీలో చేరారు. వారికి సాదర స్వాగతం పలికిన పీసీసీ చీఫ్‌ ఉత్తమ్ కుమార్ రెడ్డి తన వంతుగా అండగా ఉంటానని చెప్పారు.

 2019 ఎన్నికల్లో రాహుల్‌ను ప్రధానిగా చేయడమే లక్ష్యంగా పనిచేయాలని ఉత్తమ్ పిలుపునిచ్చారు. తెలంగాణలో కూడా పార్టీని పవర్‌లోకి తీసుకొచ్చేందుకు కృషిచేస్తామని నాగంతోపాటు కాంగ్రెస్‌లో చేరిన నేతలు అన్నారు.

drunk-drive- case
గచ్చిబౌలిలో సాఫ్ట్‌ వేర్‌ ఇంజినీర్‌ హల్‌చల్‌

మద్యం సేవించి వాహనం నడపడం ప్రమాదకరమని ఎన్నిసార్లు చెప్పినా.. డ్రంక్ అండ్‌ డ్రైవ్‌ తనిఖీలు నిర్వహించినా కొందరిలో ఇంకా మార్పు రావడం లేదు. ఇటీవల మద్యం మత్తులో ఫుట్‌పాత్‌పై ఉన్న ఓ వ్యక్తిపై నుంచి కారు పోనిచ్చిన ఘటన మరవక ముందే.. మరో యువతి హల్‌చల్‌ చేసింది. సాఫ్ట్‌ వేర్‌ ఇంజినీర్‌గా పని చేస్తున్న ఓ యువతి.. హైదరాబాద్‌ గచ్చిబౌలిలో కారుతో బీభత్సం సృష్టించింది. రెడ్‌ నిస్సాన్‌ కారుతో అతివేగంగా..నిర్లక్ష్యంగా నడిపి మరో కారును ఢీకొట్టింది. దీంతో కారు డ్యామేజీ అయ్యింది..అందులోని యువకులు ప్రాణాలతో బయటపడ్డారు.

యువతి ర్యాష్‌ డ్రైవింగ్‌పై సమాచారం అందుకున్న పోలీసులు.. ఆమెను అదుపులోకి తీసుకున్నారు. మద్యం మోతాను పరీక్షించగా... సదరు యువతికి 132 పాయింట్లు వచ్చాయి. దీంతో డ్రంక్ అండ్ డ్రైవ్‌ కేసు పెట్టి.. ఆమె కారును స్వాధీనం చేసుకున్నారు. ఐతే.. గచ్చిబౌలి పోలీస్‌ స్టేషన్‌లో పోలీసులతు ఆ యువతి వాగ్వాదానికి దిగింది. తనపై కేసు బుక్‌ చేస్తే.. సూసైడ్‌ చేసుకుంటానని బెదిరించింది. దీంతో యువతి సోదరుడిని పోలీస్‌ స్టేషన్‌కు పిలిపించి..  అతని ముందు కౌన్సిలింగ్ ఇచ్చారు.

 old-couple-suicide-in-sangareddy-district
ఉరివేసుకుని వృద్ధ దంపతులు ఆత్మహత్య

నేను లేకపోతే నువ్వెలా బతుకుతావు అంటూ ఇద్దరూ ఒకే తాడుకు ఉరివేసుకుని ఆత్మహత్య చేసుకున్నారు తెలంగాణ సంగారెడ్డి జిల్లాకు చెందిన వృద్ధ దంపతులు. ముగ్గురు పిల్లలు ఉన్నా ఎవరి జీవితాలు వారివి. అందరూ తలా ఒకచోట ఉన్నారు. పటాన్ చెరు మండలం ఇస్నాపూర్‌కు చెందిన రమణయ్య గుప్తా, సరస్వతి దంపతులకు ముగ్గురు సంతానం. కుమారుడు శ్రీధర్ ఆర్మీలో పనిచేస్తూ ఉద్యోగ రీత్యా పంజాబ్‌లో ఉంటున్నాడు. పెద్ద కుమార్తె దేవర కొండలో, చిన్న కుమార్తె సోలక్‌పల్లిలో ఉంటున్నారు. దంపతులిద్దరూ ఇస్నాపూర్‌లోనే పిండి గిర్నీ నడుపుతూ జీవనం సాగిస్తున్నారు. పిల్లలు అప్పుడప్పుడు వచ్చి పోతుండేవారు. వారి వద్దకు రమ్మన్నా ఇప్పటి నుంచే వారిని ఇబ్బంది పెట్టడం ఎందుకు అంటూ ఎవరింటికీ వెళ్లే వారు కాదు. కొంత కాలంగా ఇద్దరి మాటల్లో మనలో ఎవరు లేకపోయినా ఒకరు ఒంటరి వారవుతారని అనుకుంటూ బాధపడుతుండేవారు. ఈ క్రమంలోనే ఓ రోజు ఆలోచించుకుని కఠిన నిర్ణయం తీసుకున్నారు. దంపతులిద్దరూ మంగళవారం ఉదయం ఇంట్లోని ఫ్యానుకు ఒకే చీరతో ఉరివేసుకుని ఆత్మహత్య చేసుకున్నారు. మా మరణానికి ఎవరూ బాధ్యులు కాదు, జీవితంపై విరక్తితోనే తనువు చాలిస్తున్నామంటూ వారు రాసి ఉంచిన లేఖను పోలీసులు స్వాధీనం చేసుకున్నారు. 

 Anam-Vivekananda-Reddy-has-died-with-illness
ఆనం వివేకానంద రెడ్డి కన్నుమూత

గత కొంత కాలంగా అనారోగ్యంతో బాధ పడుతూ హైదరాబాదులోని కిమ్స్ ఆసుపత్రిలో చికిత్స పొందుతున్న టీడీపీ మాజీ ఎమ్మెల్యే ఆనం వివేకానందరెడ్డి తుది శ్వాస విడిచారు. 

Rainfall-and-thunderstorm0- likely-from-tomorrow- Met
అలజడి...ఉరుములు,మెరుపులు..వర్ష బీభత్సం

తెలుగు రాష్ట్రాల్లో  ఒక్కసారిగా వాతావరణం మారిపోయింది. మధ్యాహ్నం వరకు ఎండ ప్రచండంగా కాసినా, ఆ తర్వాత  దట్టమైన మేఘాలు ఆవరించి.. పలు ప్రాంతాల్లో ఉరుములు, మెరుపులతో వర్షం కురిసింది. అకాల వర్షం తూర్పుగోదావరి జిల్లాను తడిసి ముద్ద చేసింది. కాకినాడలో భారీ వర్షం కురిసింది.. రోడ్లు జలమయం అయ్యాయి. లోతట్టు ప్రాంతాల్లోకి నీరు చేరింది.రాజమండ్రిలో కురిసిన వర్షానికి లోతట్టు ప్రాంతాలు జలమయం అయ్యాయి. వాహనదారులు తీవ్ర ఇబ్బందులు పడ్డారు.521,518

ఉత్తరాంధ్రలో వర్షం బీభత్సం స్పష్టించింది. చాలా ప్రాంతాల్లో కుండపోతగా వాన కురిసింది. శ్రీకాకుళం జిల్లాలో  పిడుగులు ఇద్దర్ని బలితీసుకున్నాయి. వీరఘట్టం మండలం పనసనందివాడలో ఒకరు, రేగిడి మండలం ఖండ్యాంలో ఒకరు చనిపోయారు.517

విజయనగరం జిల్లాలోనూ ఈదురుగాలులు, ఉరుములు, మెరుపులతో భారీ వర్షం కురిసింది. భోగాపురం మండలం రాజపులోవ చెరువు సమీపంలో పిడుగు పడటంతో ఇద్దరు చనిపోయారు. మనవరాలు శ్రావణితో కలిసి వెళ్తున్న రామయ్యమ్మపై పిడుగు పడటంతో వారు అక్కడికక్కడే చనిపోయారు. పూసపాటిరేగ మండలం రెల్లివలసలో పశువులు కాస్తున్న యువకుడిపై పిడుగుపడింది. తెర్లాం మండలం సుందరాడలో పొలంలో పనిచేస్తున్న ఆదినారాయణ అనే వ్యక్తి చనిపోయాడు. నందబలగలో ఒకరు గాయపడ్డారు. 516

కడప జిల్లాలో గాలివాన బీభత్సం స్పష్టించింది. శ్రీ వీరబ్రహ్మేంద్ర స్వామి గురుపూజా మహోత్సవాలకు  ఆటంకం కల్గింది. భక్తుల కోసం వేసిన చలువ పందిళ్లు గాలికి ఎగిరిపోయాయి. భక్తులు సమర్పించే తలవెంట్రుకల కోసం ఏర్పాటు చేసిన కల్యాణ కట్ట నీటికుంటలా మారింది.  స్వామివారి పురవీధుల్లో ఏర్పాటు చేసిన పందిళ్లు కూడా నెలకొరిగాయి. బ్రహ్మంగారి మఠం మండలం మడిపల్లిలో ఇంటిపై పిడుగు పడటంతో మహిళ తీవ్రంగా గాయపడింది.

భద్రాది కొత్తగూడెం జిల్లాలో అకాల వర్షం రైతులను నిండా ముంచింది. బూర్గంపాడు మార్కెట్ యార్డుకు తీసుకువచ్చిన దాదాపు 20 వేల బస్తాల  ధాన్యం తడిసిపోయింది. 15 రోజుల క్రితం మార్కెట్‌ను ధాన్యం తీసుకువచ్చినా అధికారులు కొనుగోలు చేయలేదని రైతులు ఆరోపిస్తున్నారు. ఇప్పుడు వర్షానికి పంటంతా నీటిపాలైందని ఆవేదన వ్యక్తం చేస్తున్నారు. తడిసిన ధాన్యాన్ని వెంటనే ప్రభుత్వం  కొనుగోలు చేయాలని రైతుసంఘాల నేతలు డిమాండ్ చేశారు.

herish rao- visted- nalgonda-irrigation-projects
ఆ మంత్రి పర్యటనతో జిల్లా నేతల్లో జోష్

కాంగ్రెస్‌కు అధికారం యావే...కుర్చీ కోసం కొట్లాటేనని మంత్రి హరీశ్ రావు అన్నారు. నల్గొండ, సూర్యాపేట జిల్లాల్లో మంత్రి జగదీష్‌రెడ్డితో కలిసి పర్యటించిన హరీష్‌.. పలు అభివృద్ధి కార్యక్రమాలకు శ్రీకారం చుట్టారు. తెలంగాణలో 24 గంటల విద్యుత్‌తో వ్యవసాయంలో అద్భుతం ఆవిష్కృతమవుతోందన్నారు. కాళేశ్వరం ప్రాజెక్ట్‌తో సూర్యాపేట జిల్లా సస్యశ్యామలం అవుతుందని పేర్కొన్నారు.

ఉమ్మడి నల్గొండ జిల్లాలో మంత్రులు హరీష్‌రావు, జగదీష్‌రెడ్డి సుడిగాలి పర్యటన చేశారు. పెద్ద ఎత్తున అభివృద్ధి కార్యక్రమాల్లో పాల్గొన్నారు. భక్తాలాపురం, నామవరం, చివ్వెంల, తిమ్మాపురంలో SRSP కాలువలను పరిశీలించారు. 71 డీబీఎం కాలువ దగ్గర HPCL పైప్‌ లైన్ అడ్డురావడంతో జపాన్ నుంచి వచ్చిన యంత్రంతో చేస్తున్న పనుల గురించి అధికారులు మంత్రులకు వివరించారు. వచ్చే వేసవి నాటికి మేడిగడ్డ ప్రాజెక్ట్ ద్వారా సూర్యాపేట జిల్లాలోని రెండు లక్షల నీళ్లందిస్తామని హరీష్ తెలిపారు. తెలంగాణ సీఎం కేసీఆర్ భగీరథ ప్రయత్నం చేసి, కరువు పీడిత ప్రాంతాల్లోని రైతుల కష్టాలు తొలగించేందుకు కృషి చేస్తున్నారని వివరించారు.

Harishrao



అంతకు ముందు కేతేపల్లి మండలం ఇప్పలగూడెంలో .. 3 కోట్లతో నిర్మిస్తున్న 5 వేల మెట్రిక్ టన్నుల సామర్ధ్యం గల గోడౌన్లకు మంత్రులు భూమి పూజ చేశారు. అలాగే అర్వపల్లి మండలంలోని వెలుగుపల్లి, తుంగతుర్తి మండలంలో గోడౌన్లకు శ్రీకారం చుట్టారు. వెంపటి చెరువు పునరుద్ధరణ పనులను పరిశీలించారు. వెంపటి గ్రామం నుంచి వెలిశాల ఎక్స్‌ రోడ్‌ వరకు ఎస్సారెస్పీ కెనాల్‌కు సంబంధించిన డీబీఎం 69ను పరిశీలించారు. తెలంగాణలో 24 గంటల విద్యుత్‌తో వ్యవసాయంలో అద్భుతం ఆవిష్కృతమవుతోందని మంత్రి హరీష్‌ రావు అన్నారు.

అనంతరం సూర్యాపేట జిల్లా తిరుమలగిరిలో జరిగిన టీఆర్‌ఎస్‌ జనహిత సభలో మంత్రులు హరీష్, జగదీష్‌రెడ్డి పాల్గొన్నారు. కాంగ్రెస్‌ నేతలు ప్రజల కోసం ఎప్పుడైనా ఆలోచించారా..? అని ప్రశ్నించారు. కాంగ్రెస్ హయాంలో రైతులకు పంట నష్టపరిహారం ఇవ్వలేదని చెప్పారు. మే 10 నుంచి రైతులకు పంట పెట్టుబడి పథకం అమలు చేస్తున్నామని పేర్కొన్నారు. కాళేశ్వరం ప్రాజెక్ట్‌తో సూర్యాపేట జిల్లా సస్యశ్యామలం అవుతుందని హరీష్‌రావు పేర్కొన్నారు.

మొత్తానికి ఉమ్మడి నల్గొండ జిల్లాలో మంత్రులు సుడిగాలి పర్యటన చేయడం..పెద్ద ఎత్తున అభివృద్ధి కార్యక్రమాల్లో పాల్గొనడంతో.. టీఆర్‌ఎస్‌ శ్రేణుల్లో జోష్‌ వచ్చింది.

bjp-leaders-join-in-congress-party-in-telangana
బిజేపీకి షాకిచ్చిన కాంగ్రెస్!

తెలంగాణలో కాంగ్రెస్ దూకుడు పెంచింది. అధికార టీఆర్‌ఎస్‌పై ఒంటికాలిపై లేస్తున్న కాంగ్రెస్ హస్తం నేతలు కేసీఆర్ నియంతృత్వ పోకడలపై జనంలోకి వెళ్తున్నారు. బస్ యాత్ర ద్వారా నియోజకవర్గాలు చుట్టేస్తున్న పీసిసి చీఫ్ ఉత్తంకుమార్‌రెడ్డి రాష్ట్రవ్యాప్తంగా కేసీఆర్ వ్యతిరేక శక్తులను ఏకం చేసేందుకు పక్కా కార్యాచరణను అమలు చేస్తున్నారు. ఇప్పటికే పార్టీలో వివిధ పార్టీల నుంచి వస్తున్న నేతల చేరికతో ఉపుమీదున్న కాంగ్రెస్ కు.. ఇప్పుడు మరోసారి చేరికల పర్వానికి తెరలేపబోతోంది.

చేరికలో ప్రత్యేకంగా ఫోకస్ పెట్టిన కాంగ్రెస్ నేతలు ఈ సారి రాష్ట్రంలో బీజేపీని టార్గెట్‌గా పావులు కదుపుతున్నారు. రాష్ట్ర బీజేపీలో కీలక నేత నాగం జనార్ధన్ రెడ్డికి గాలం వేసిన హస్తం నేతలు ఆయన్ని పార్టీలోకి ఆహ్వానిస్తున్నారు. ఆయనతో పాటు కరీంనగర్ జిల్లా వేములవాడ బీజేపీ ఇంచార్జ్ ఆది శ్రీనివాస్ సైతం కాంగ్రెస్‌లో చేరేందుకు సిద్ధమయ్యారు. డిల్లీలో రాహూల్ గాంధీ సమక్షంలో ఈ ఇద్దరు బీజేపీ నేతలు కాంగ్రెస్ పార్టీ తీర్ధం పుచ్చుకోనున్నారు.

ఇక ప్రజా గాయకుడు గద్దర్ కుమారుడు సూర్యం సైతం పొలిటికల్ ఎంట్రీకి రంగం సిద్ధం చేసుకున్నారు. కాంగ్రెస్ నుంచి ఆయన రాజకీయ జీవితాన్ని ప్రారంభించేందుకు ప్రయత్నాలు చేస్తున్నారు. నాగం జనార్ధన్ రెడ్డి, ఆది శ్రీనివాస్‌తో పాటే సూర్యం కూడా రాహూల్ సమక్షంలో కాంగ్రెస్ పార్టీలో చేరనున్నారు. రాష్ట్రంలో కేసీఆర్ నియంతృత్వ పోకడలకు వ్యతిరేకంగా రాజకీయ పోరాటం చేసేందుకే గద్దర్ కుమారుడు సూర్యం కాంగ్రెస్ పార్టీలో చేరుతున్నట్లు చెబుతున్నారు. 

మరోవైపు నాగం జనార్ధన్ రెడ్డి చేరికపై కాంగ్రెస్ పార్టీలో ఓ వర్గం అసంతృప్తి వ్యక్తం చేస్తోంది. ఉమ్మడి పాలమూరు జిల్లాలో మాజీ మంత్రి డీకే అరుణ, ఎమ్మెల్సీ దామోదర్ రెడ్డి నాగం చేరికను వ్యతిరేకిస్తున్నారు. వాళ్లందరిని సమన్వయపరుచుకుని నాగం ను పార్టీలో చేర్చుకుంటామని పార్టీ పెద్దలు గతంలో చెప్పినప్పటికీ.. ప్రస్తుతం నాగం చేరికపై తమకెలాంటి సమాచారం లేదని డీకే అరుణ, దామోదర్ రెడ్డి చెప్పడం గమనార్హం.

Fire-Accident-At-Jeedimetla
రాత్రి పటాన్‌చెరులో.. ఇప్పుడు జీడిమెట్లలో.. భారీ అగ్నిప్రమాదం

పటాన్‌చెరు పారిశ్రామికవాడలోని రబ్బర్ ఫ్యాక్టరీలో మంటలు చల్లారకముందే.. జీడిమెట్లలోనూ ఇలాంటి ప్రమాదమే జరిగింది. ఓ కెమికల్ గోడన్‌లో చెలరేగిన మంటలు అంతకంతకూ ఎగిసిపడతున్నాయి. మంటలు అదుపు చేసేందుకు ఫైరింజన్ల సాయంతో ప్రయత్నిస్తున్నారు. ప్రమాదానికి కారణాలు ఏంటన్నది ఇంకా తెలియలేదు. 

Lover-Commits-Suicide-In-Siddipeta
పారిపోయి వచ్చారు.. ఇంతలోనే ప్రాణాలు కోల్పోయిన ప్రియుడు

సిద్దిపేట కొత్త బస్టాండ్‌లో సోమవారం అర్ధరాత్రి యువజంట కలకలం సృష్టించింది.  రేగులపల్లికి చెందిన కె.సంతోష్‌రెడ్డి, అదే గ్రామానికి బి.రాణి రెండు రోజుల క్రితం ఊరు వదలి సిటీకి వచ్చారు. సిద్దిపేట బస్టాండ్‌లో అర్ధరాత్రి యువజంట వేచి ఉన్న సమయంలో అకస్మాత్తుగా సంతోష్‌ నోటి నుండి నురగలు కక్కుతూ పడిపోయాడు. ఇది గమనించిన యువతి అతన్ని కాపాడేందుకు శ్వాస అందిస్తూ నోటిలోంచి నురుగ తీయబోయింది.. దీంతో కొద్దిసేపటికి ఆమె సైతం తీవ్ర అస్వస్థతకు గురైంది. స్థానికులు 108 వాహనంలో వారిని ఆస్పత్రికి తరలించారు. వైద్యులు చికిత్స అందిస్తున్న  సమయంలో సంతోష్‌రెడ్డి ప్రాణాలు కోల్పోయాడు. అతడు విషం తీసుకున్నట్లుగా భావిస్తున్నారు. దీనికి సంబంధించి పూర్తి వివరాలు తెలియాల్సి ఉంది. 

Two-Years-Boy-Dies-after-Eating-Egg
రెండేళ్ల బాలుడి ప్రాణం తీసిన గుడ్డు

ఆడుతూ పాడుతూ ఉన్న ఆ చిన్నారి అమ్మ ఇచ్చిన గుడ్డు తిని ప్రాణాలు కోల్పోయాడు. సిద్దిపేటలోని దౌల్తాబాద్ గ్రామానికి చెందిన రమేశ్, సంగీత దంపతులకు నిహాన్‌ అనే రెండేళ్ల కుమారుడు ఉన్నాడు. బాబుకి అంగన్ వాడీ కేంద్రం వారు ఉడకబెట్టిన కోడిగుడ్డును ఇచ్చారు. తల్లి వాడికి గుడ్డును చేతికి ఇచ్చి పని చేసుకోవడానికని వంట గదిలోకి వెళ్లింది. అప్పటి వరకు ఆడుకుంటున్న నిహాన్ తల్లి గుడ్డు ఇవ్వగానే ఆత్రంగా నోట్లో పెట్టుకున్నాడు. అది కాస్తా గొంతులో ఇరుక్కుపోవడంతో ఇబ్బంది పడ్డాడు. శ్వాస తీసుకోవడం కష్టంగా మారింది. ఊపిరి అందక స్పృహ కోల్పోయాడు. వంటగదిలోనుంచి బయటకు వచ్చిన తల్లికి కుమారుడిని ఆ పరిస్థితిలో చూసేసరికి నోట మాటరాలేదు. వెంటనే కుటుంబ సభ్యుల సహాయంతో దగ్గరలోని ఓ ప్రైవేట్ ఆసుపత్రికి తరలించినా ఉపయోగం లేకుండా పోయింది. అప్పటికే నిహాన్ మరణించినట్లు వైద్యులు ధృవీకరించారు. బంగారం లాంటి బిడ్డని పోగొట్టుకున్నానని తల్లి కన్నీరు మున్నీరవుతోంది. 

Flexi-war-in-Nalgonda
నిన్న కేటీఆర్.. నేడు హరీష్ పర్యటనలో ఫ్లెక్సీల రగడ...

ఉమ్మడి నల్లగొండ జిల్లా టీఆర్ఎస్‌ పార్టీలో ఫ్లెక్సీల రగడ కొనసాగుతోంది. మంత్రి కేటీఆర్ మిర్యాలగూడ పర్యటనలో.. టీఆర్ఎస్ శ్రేణులు రచ్చ చేస్తే.. ఇవాళ హరీష్ పర్యటన సందర్భంగా  సేమ్ సీన్ రిపీట్ అయింది. మంత్రి హరీష్ రావు.. సూర్యాపేట జిల్లా తుంగతుర్తి నియోజకవర్గంలో పర్యటించనున్నారు. హరీష్ కు స్వాగతం పలుకుతూ.. తెలంగాణ జాగృతి ఉపాధ్యకుడు రాజీవ్ సాగర్ ఏర్పాటు చేసిన ఫ్లెక్సీ వివాదానికి కారణమైంది. 

రాజీవ్ సాగర్ ఏర్పాటు చేసిన ఫ్లెక్సీపై ఎమ్మెల్యే కిశోర్ అనుచరులు అభ్యంతరం వ్యక్తం చేశారు. ఫ్లెక్సీలో ఎమ్మెల్యే ఫోటో లేక పోవడాన్ని వారు తీవ్రంగా వ్యతిరేకించారు. ఆగ్రహంతో.. ఫ్లెక్సీని చించి వేశారు. 

ఈనెల 4 తేదీన మంత్రి కేటీఆర్ నల్గొండ జిల్లా మిర్యాలగూడలో పర్యటించారు. ఈ సందర్భంగా ఫ్లెక్సీల తొలగింపు... అధికారపక్షంలోని వర్గాల మధ్య చిచ్చుపెట్టింది. కేటీఆర్‌ పర్యటన నేపథ్యంలో.. గతంలో ఆయన ఆదేశించినట్లుగా...మున్సిపల్‌ సిబ్బంది ఫ్లెక్సీల తొలగింపు చేపట్టారు. అయితే అమరవీరుల స్థూపం వద్ద ఏర్పాటు చేసిన ఫ్లెక్సీలను తొలగిస్తుండగా... అమరేందర్‌ రెడ్డి వర్గీయులు అడ్డుకున్నారు. పట్టణమంతా ఫ్లెక్సీలు ఉండగా...  కేవలం తాము ఏర్పాటు చేసిన వాటిని తొలగించడంలో ఆంతర్యమేంటంటూ నిలదీశారు. ఎమ్మెల్యే భాస్కర్‌రావుకు వ్యతిరేకంగా నినాదాలు చేశారు....

అటు సాగర్ రోడ్డులో సైతం ఇలాంటి ఆందోళనే జరిగింది. తమ వర్గం ఏర్పాటు చేసిన ఫ్లెక్సీలను మాత్రమే తొలగించడం వెనక ఆంతర్యమేంటని... మాజీ ఎమ్మెల్యే విజయసింహా రెడ్డి అధికారులతో వాగ్వాదానికి దిగారు. 

మంత్రుల పర్యటన గురించి ముందే తెలిసిన అధికారులు... ఫ్లెక్సీలు తొలగించి ఉంటే ఈ గొడవలు జరిగేవే కావని... టీఆర్ఎస్‌లోని కొంతమంది నాయకులు అంటున్నారు. ఏది ఏమైనా మంత్రుల పర్యటన సమయంలోనే... టీఆర్‌ఎస్‌ నాయకులు  వర్గాలుగా చీలిపోవడం... అధిష్టానాన్నికలవరపెడుతోంది.


Police-Arrest-Children-Kidnap-Gang-in-Karimnagar
చిన్నపిల్లలను ఎత్తుకెళ్తున్న ముఠాను స్థానికులు ఏంచేశారంటే?

కరీంనగర్ జిల్లాలో చిన్నపిల్లలను ఎత్తుకెళ్తున్న ముఠాను స్థానికులు పట్టుకుని చితకబాదారు. జమ్మికుంట మండలం కొత్తపల్లి గ్రామానికి చెందిన నాలుగేళ్ల రిత్విక్‌రెడ్డి, సాత్విక్‌రెడ్డి కవలలు. ఇద్దరు ఇంటి ముందు ఆడుకుంటుండగా ఒరిస్సాకు చెందిన వ్యక్తి అక్కడికి వచ్చాడు. మాయమాటలు చెప్పి ఎత్తుకెళ్లేందుకు ప్రయత్నిస్తుండగా స్థానికులు గుర్తించారు. కిడ్నాపర్‌ను పట్టుకుని చితక్కొట్టారు. అనంతరం పోలీసులకు అప్పగించారు.

ఒరిస్సాకు చెందిన కిడ్నాపర్ సొత్తును అదుపులోకి తీసుకున్న పోలీసులు తమదైన శైలిలో విచారించారు. తమతోపాటు మరో ఇద్దరు మరో మహిళ కిడ్నాప్ గ్యాంగ్‌లో ఉన్నట్టు ఒప్పుకున్నాడు. చిన్నపిల్లల్ని కిడ్నాప్ చేసి వేరే రాష్ట్రాలకు తరలిస్తామని కిడ్నాపర్ పోలీసులు తెలిపాడు. దీంతో అప్రమత్తమైన పోలీసులు..మిగతా కిడ్నాపర్ల కోసం వేట మొదలు పెట్టారు. 

Fire-Accident-At-Patancheruvu
పఠాన్‌చెరు పారిశ్రామిక వాడలో భారీ అగ్ని ప్రమాదం..

హైదరాబాద్‌ శివారులోని పఠాన్‌చెరు పారిశ్రామిక వాడలో భారీ అగ్ని ప్రమాదం జరిగింది. అగర్వాల్‌ రబ్బర్‌ పరిశ్రమల్లో భారీగా మంటలు ఎగిసిపడుతున్నాయి. కిలోమీటర్‌ మేర దట్టంగా పొగలు వ్యాపించాయి.. నాలుగు ఫైర్‌ ఇంజన్లు రంగంలోకి దిగినా ఇంకా మంటలు అదుపులోకి రాలేదు. ఇప్పటికే ఈ ప్రమాదంలో ఫ్యాక్టరీ మొత్తం పూర్తిగా దగ్దమైంది. కోట్లలో ఆస్తినష్టం జరిగి ఉంటుందని అంచనా వేస్తున్నారు. 

జనవరిలో కూడా ఇదే కంపెనీకి చెందిన గోడౌన్‌లో అగ్ని ప్రమాదం జరగడంతో చైర్మన్‌ గుండెపోటుతో మృతి చెందాడు. ఇప్పుడు మరోసారి అదే కంపెనీ ప్రొడక్షన్ హౌస్‌లో భారీ అగ్నిప్రమాదం జరిగింది. సమాచారం అందుకున్న అగ్నిమాపక సిబ్బంది మంటలు ఆర్పే ప్రయత్నం చేసినా ఫలితం దక్క లేదు. ఎన్ని ప్రయత్నాలు చేసినా మంటలు ఆదుపులోకి రావడం లేదు. ముందు జాగ్రత్త చర్యగా పరిసరాల్లో విద్యుత్‌ సరఫరాను నిలిపివేశారు.. ప్రమాదానికి కారణాలు ఇంకా తెలియాల్సి వుంది...

Fire-Accident-At-Balanagar
మంటల్లో చిక్కుకుని కాలిపోయిన యువతి...

హైదరాబాద్ బాలానగర్‌ పారిశ్రామిక వాడలో ఓ యువతి ప్రమాదవశాత్తు మంటల్లో చిక్కుకుని కాలిపోయింది. మూసాపేటకు చెందిన స్పందన రెండేళ్లుగా టిబ్‌కాన్ కంపెనీలో పనిచేస్తోంది. సోమవారం మధ్యాహ్నం ఫ్యాన్ల కెపాసిటర్లకు స్టిక్కర్లు అతికిస్తుండగా ఒక్కసారిగా పేలిపోయింది. మంటల్లో యువతి 80శాతం వరకు కాలిపోయింది. కంపెనీ యాజమాన్యం గుట్టుచప్పుడు కాకుండా ఆస్పత్రికి తరలించారు. 

ఆస్పత్రిలో చికిత్స పొందుతున్న స్పందన పరిస్థితి విషమంగా ఉన్నట్టు తెలుస్తోంది. టిబ్‌కాన్ కంపెనీలు ఫైర్ సేఫ్టీ లేవని..కనీస జాగ్రత్తలు తీసుకోకపోవడం వల్లే తమ కూతురు చనిపోయిందని ఆమె తల్లిదండ్రులు ఆరోపిస్తున్నారు. ఈ ఘటనపై పోలీసుల కేసు ఫైల్ చేసుకుని దర్యాప్తు చేస్తున్నారు.

Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials