Live News Now
  • కేంద్రంపై దళిత-గిరిజనుల ఐక్య గర్జన.. వరంగల్‌ వేదికగా విపక్షాల పోరుబాట
  • ఇంటర్‌ కాంటినెంటల్‌ కప్‌ భారత్‌ సొంతం.. ఫైనల్‌లో కెన్యాపై 2-0 తేడాతో విజయం
  • 6 నెలలు.. 13 జిల్లాలు.. 75 సమావేశాలు.. ముందస్తు ఎన్నికలకు సిద్ధమంటున్న బాబు
  • ఏపీలో టిడిపి, బీజేపీ మధ్య ముదిరిన వార్
  • ప్రధానికి కన్నా ఇచ్చిన లేఖపై లోకేష్ ఫైర్
  • ప్యాకేజీల వారీగా అధికారులకు డెడ్ లైన్.. హరీష్ డైరెక్షన్‌లో వేగంగా కాళేశ్వరం ప్రాజెక్ట్
  • మరో రెండు రోజులు తెలుగురాష్ట్రాల్లో వర్షాలు
  • గోదావరి ప్రాజెక్టులకు మొదలైన వరదలు
  • బీజేపీ, ఆర్ఎస్ఎస్ ఎన్ని కేసులు వేసినా భయపడను.. విమర్శలపై వెనక్కి తగ్గేది లేదన్న రాహుల్
  • శత్రువుల్లా వచ్చి.. మిత్రులైన ట్రంప్, కిమ్.. అణు నిరాయుధీకరణపై కుదిరిన డీల్
ScrollLogo తొమ్మిదో తరగతి విద్యార్థి సూసైడ్ ScrollLogo రూపాయి ఖర్చు లేకుండా 53 రకాల వైద్య పరీక్షలు ScrollLogo నిరుద్యోగులకు శుభవార్త..10,351 ఉద్యోగాల భర్తీకి ఏపీ సర్కార్ గ్రీన్ సిగ్నల్ ScrollLogo జగన్ పాదయాత్రకు అనుమతి నిరాకరించిన పోలీసులు ScrollLogo తిరుమలలో భారీ వర్షం ScrollLogo వ్యర్థాల ఉత్పత్తిలో ముంబై ఫస్ట్! ScrollLogo సీఐ వాహనం చోరీ ScrollLogo యన్‌టీఆర్‌’ ఫస్ట్‌లుక్‌ విడుదల ScrollLogo నేడు పోలవరం పర్యటనకు సీఎం.. డయాఫ్రమ్‌ వాల్‌ జాతికి అంకితం ScrollLogo రాజమండ్రి ఎంపీ సీటుపై జగన్‌ వ్యూహం.. ఆత్మీయ సభలో బీసీలపై హామీల వర్షం
Telangana News
dhanam-nagender-resighn-in-congress-party
బిగ్ బ్రేకింగ్ : టీకాంగ్రెస్ కు షాక్.. పార్టీకి రాజీనామా చేసిన దానం..

తెలంగాణలో కాంగ్రెస్ పార్టీకి గట్టి షాక్ తగిలింది. ఆ పార్టీ సీనియర్ నేత, మాజీ మంత్రి దానం నాగేందర్ కాంగ్రెస్ పార్టీకి రాజీనామా చేశారు. ఈ మేరకు పార్టీ ప్రాధమిక సభ్యత్వానికి రాజీనామా చేస్తున్నట్లు ఏఐసీసీ అధ్యక్షుడు రాహుల్ గాంధీ, టీపీసీసీ అధ్యక్షుడు ఉత్తమ్ కుమార్ రెడ్డికి లేఖ రాశారు.కాగా రేపు భవిశ్యత్ కార్యాచరణ ప్రకటించబోతున్నట్టు సమాచారం. 

Gang-hulchul-in-hyderabad-old-city
హైదరాబాద్‌లో అర్ధరాత్రి అరాచకం..

నిన్న అర్ధరాత్రివేళ హైదరాబాద్‌ పాతబస్తీ ఒక్కసారిగా ఉలిక్కిపడింది. ఫలక్‌నుమా పోలీస్‌స్టేషన్‌ పరిధిలోని ఓ ఇంటిపై గుర్తు తెలియని  20 మంది వ్యక్తులు దాడి చేశారు. ఐరన్‌ రాడ్లు చేత బట్టుకుని బైక్‌లపై గ్రూప్‌గా వచ్చిన దుండగులు ఇంట్లో ఉన్న వారిని చితకబాదారు.  సమాచారమందుకున్న పోలీసులు వెంటనే సంఘటన స్థలానికి చేరుకుని  గాయపడిన వారిని చికిత్స నిమిత్తం ఉస్మానియా ఆసుపత్రికి తరలించారు. నిందితులను అదుపులోకి తీసుకుని విచారణ చేపట్టారు. అయితే.. పాతబస్తీలో తరచు ఇలాంటివి జరుగుతుంటాయని తమకు కొత్తేమీ కాదని పోలీసులు చెప్పడం కొసమెరుపు. 

 Offensive-posts-on-Hindu-gods-on-Facebook
ఫేస్‌బుక్‌లో హిందూ దేవుళ్లపై అసభ్యకర పోస్టులు

ఫేస్‌బుక్‌లో హిందూ దేవుళ్లపై అసభ్యకర పోస్టులు పెడుతున్న వ్యక్తిని అరెస్ట్‌ చేశారు శామీర్‌పేట పోలీసులు. హిందూవాహిని, భజరంగ్‌దళ్‌ సభ్యులు ఇచ్చిన ఫిర్యాదు మేరకు వర్గంటి శ్రీనివాస్‌, అలియాస్‌ డేవిడ్‌ బిల్లాను పోలీసులు అదుపులోకి తీసుకొని సెక్షన్‌ 295ఏ, 298ల కింద కేసు నమోదు చేశారు. ఇలాంటి చర్యలకు పాల్పడేవారిపట్ల చట్టరీత్యా చర్యలు తీసుకోవాలని హిందూ సంఘం నాయకులు కోరుతున్నారు.


four-person-killed-peddapalli-road-accident
ఘోర రోడ్డు ప్రమాదం..ప్రిన్సిపల్‌ కుటుంబం దుర్మరణం

 రాజీవ్‌ రహదారిపై మరో ఘోర ప్రమాదం జరిగింది.ఈ  ప్రమాదం ఓ నిండు కుంటుంబాన్ని బలితిసుకుంది. దంపతులు వారి పిల్లలతో  కలిసి కారు ప్రయాణిస్తున్న సమయంలో వారి కారు ఆగి ఉన్న లారీని ఢీ కొట్టింది. దీంతో కారులో ఉన్న నలుగురు అక్కడిక్కడే ప్రాణాలు విడిచారు. పెద్దపల్లి జిల్లా సుల్తానాబాద్‌ మండలం కాట్నపలి వద్ద ఈ ప్రమాదం చోటుచేసుకుంది. ఈ ప్రమాదంలో  కారు నుజ్జునుజ్జుయింది.  ప్రమాదంపై  కేసు నమోదు చేసుకున్న పోలీసులు విచారణ చేపట్టారు.

 Elections-in-five-months
మరో ఐదు నెలల్లో ఎన్నికలు?..తెలంగాణలో ప్రధాన పార్టీల తీరు చూస్తుంటే..

మరో ఐదు నెలల్లో ఎన్నికల నగారా మోగనుందా?.. ముందస్తుకు అన్ని పార్టీలు సిద్ధమవుతున్నాయా?.. ఈ డిసెంబర్‌లోనే సాధరణ ఎన్నికలు జరగనున్నాయా?.. తెలంగాణలో ప్రధాన పార్టీల తీరు చూస్తుంటే.. ఖచ్చితంగా ఎన్నికలు ముందే జరుగుతాయనే సంకేతాలు అందుతున్నాయి..

తెలంగాణలో ముందస్తు గానం గట్టిగానే వినిపిస్తోంది. ప్రధాని నరేంద్రమోడీ ఆలోచన మేరకు అన్ని రాష్ట్రాల్లో ఒకేసారి ఎన్నికలు జరుగుతాయని అన్ని పార్టీలు అంచనా వేస్తున్నాయి. ఈ డిసెంబర్‌లోనే అసెంబ్లీ ఎన్నికలు వస్తాయనే ఆలోచనతో అధికార టీఆర్‌ఎస్, ప్రధాన ప్రతిపక్షమైన కాంగ్రెస్‌తో పాటు బీజేపీ కూడా వ్యూహరచనలో మునిగిపోయాయి. ఐదు నెలల తర్వాత ఏ క్షణమైనా ఎన్నికల నగారా మోగవచ్చనే సంకేతాల నేపథ్యంలో పార్టీలన్నీ తమ తమ కోణాల్లో కసరత్తు ప్రారంభించాయి.

బీ రెడీ అంటూ టీఆర్‌ఎస్‌ అధినేత పార్టీ శ్రేణులకు సమాచారం ఇచ్చినట్టు తెలుస్తోంది. పెండింగ్‌ పనులు యుద్ధ ప్రాతిపదికన పూర్తి చేయాలంటూ అధికారులకు ఆదేశాలు జారీ చేస్తున్నారు. మంత్రుల సమీక్షలు.. పర్యటనలను మరింత పెంచారు. ఇటీవల ఢిల్లీ పర్యటనను ముగించుకొని వచ్చిన తర్వాత ముఖ్యమంత్రి కేసీఆర్‌ పార్టీ, ప్రభుత్వపరంగా వేగం పెంచారు. టార్గెట్‌ నవంబరు లక్ష్యంగా పరుగులు పెట్టిస్తున్నారు. ముందస్తు అంచనాలతో వ్యూహాత్మకంగా ముందుకు సాగుతున్నారు.

షెడ్యూల్‌ ప్రకారం వచ్చే ఏడాది ఏప్రిల్‌-మేల్లో లోక్‌సభ, తెలంగాణ అసెంబ్లీ ఎన్నికలు జరగాల్సి ఉంది. ఒకవేళ, లోక్‌సభకు ముందస్తు ఎన్నికలు అనివార్యమైతే, వాటితోపాటే అసెంబ్లీ ఎన్నికలకు పచ్చజెండా ఊపాలని ఇదివరకే టీఆర్‌ఎస్‌ ఒక నిర్ణయానికి వచ్చింది. ప్రధాని మోడీ జమిలి ఎన్నికల ఆలోచన చేస్తున్న నేపథ్యంలో.. ఈ ఏడాది నవంబరు - డిసెంబరుల్లోనే ఎన్నికలు వస్తాయనే కథనాలు వినిపిస్తున్నాయి. ఇటీవల ఢిల్లీ వెళ్లి వచ్చిన సీఎం కేసీఆర్‌.. ఈ విషయంలో ప్రధాని మోడీ నుంచి కొంత స్పష్టత తీసుకున్నట్లు తెలుస్తోంది.

కాంగ్రెస్‌ కూడా అధికారమే లక్ష్యంగా పావులు కదుపుతోంది. డిసెంబర్‌లోనే ఎన్నికలు వస్తాయని పీసీసీ చీఫ్‌ ఉత్తమ్‌కుమార్‌రెడ్డి ఇప్పటికే పలుమార్లు బహిరంగంగా ప్రకటించారు. ఇప్పటికే బస్సుయాత్రలకు కాంగ్రెస్‌ తెర తీసింది. రంగారెడ్డి, మెదక్, మహబూబ్‌నగర్‌లతో పాటు ఉత్తర తెలంగాణను దాదాపుగా చుట్టేసింది. ప్రభుత్వంపై విమర్శలు ఎక్కుపెట్టడంతో పాటు అధికారంలోకి వస్తే తామేం చేస్తామో ప్రజలకు వివరించే ప్రయత్నం చేసింది. ముఖ్యంగా 2 లక్షల రూపాయల వరకు రైతులకు ఏకకాల రుణమాఫీ, నెలకు రూ.3వేల నిరుద్యోగ భృతి, మహిళా సంఘాలకు రుణాలు, పంటల గిట్టుబాటు ధరల కోసం మార్కెట్‌ స్థిరీకరణ నిధి వంటి ప్రజాకర్షక పథకాలను ప్రజల ముందు పెట్టింది.

బీజేపీ పెద్దలు కూడా తెలంగాణపై దృష్టి సారించారు. ఏకకాల ఎన్నికలు నిర్వహించే యోచనతో కదులుతున్న బీజేపీ, రాష్ట్రంలో నాలుగైదు లోక్‌సభ స్థానాలపై ప్రత్యేక దృష్టి సారించింది. పార్టీపరంగా బలంగా ఉండే హైదరాబాద్, సికింద్రాబాద్‌ స్థానాలకు తోడు వరంగల్, భువనగిరి, నిజామాబాద్‌ నియోజకవర్గాల్లో గెలుపే ధ్యేయంగా వ్యూహాలు రచిస్తోంది బీజేపీ. మోడీ చరిష్మా, పార్టీ జాతీయ అధ్యక్షుడు అమిత్‌ షా మ్యాజిక్‌ను నమ్ముకుని ఎన్నికల బరిలో దిగుతున్నారు కమలనాథులు. క్షేత్రస్థాయిలో పార్టీని బలోపేతం చేసుకోవడంలో భాగంగా బీజేపీ రాష్ట్ర అధ్యక్షుడు కె.లక్ష్మణ్‌ ఆధ్వర్యంలో యాత్రలు కూడా ప్రారంభించారు. ముందస్తుకు అంతా సిద్ధంగా ఉండడని అధిష్టానం నుంచి పార్టీ శ్రేణులకు సంకేతాలు అందినట్టు సమాచారం..

baby-hospitalised-after-being-consumption-Turpentine-oil
ప్రాణంగా పెంచుకున్న పిల్లాడు చావుతో పోరాడుతుంటే..

కడుపున పుట్టిన బిడ్డకు చిన్న నొప్పి కలిగినా భరించలేం. మనం ప్రాణం అడ్డుగా పెట్టయినా.. వారిని కాపాడాలని తాపత్రయ పడుతుంటాం. పగవారికి రాకూడదని కోరుకునే ఇలాంటి బాధతో.. ఆ తల్లిదండ్రులు నరకం అనుభవిస్తున్నారు. ప్రాణంగా పెంచుకున్న పిల్లాడు చావుతో పోరాడుతుంటే కన్నీరు మున్నీరుగా విలపిస్తున్నారు. తమ బిడ్డను రక్షించే దాతల కోసం వేయి కళ్లతో ఎదురు చూస్తున్నారు

పేదోడికి కష్టాలు రావొచ్చు గానీ.. రోగాలు రాకూడదంటారు. కానీ.. ఆ కుటుంబానికి అదే జరిగింది. తల్లిదండ్రుల నిర్లక్ష్యమో.. దేవుడు విధించిన శిక్షో తెలియదు కానీ.. రెండేళ్లు కూడా నిండని చిన్నారి.. చావు బతుకుల్లో కొట్టుమిట్టాడుతున్నాడు. అల్లారుముద్దుగా పెంచుకున్న కొడుకు అపస్మారక స్థితిలో ఉండటంతో.. అతడి తల్లిదండ్రులు గుండెలవిసేలా రోదిస్తున్నారు. తమ బిడ్డను కాపాడే దాతల కోసం ఆశగా ఎదురు చూస్తున్నారు.

హైదరాబాద్‌కు చెందిన 22 నెలల బాలుడు శ్రియాన్ష్‌.. ఈనెల 13న ప్రమాదవశాత్తు డే కేర్‌ సెంటర్‌లో నిల్వ ఉంచిన టర్పెంటైన్‌ ఆయిల్‌ తాగాడు. దీంతో తల్లిదండ్రులు అతడ్ని బంజారాహిల్స్‌లోని రెయిన్‌బో చిల్డ్రన్స్‌ ఆస్పత్రికి తరలించారు. టర్పెంటైన్‌ ఆయిల్‌ మింగడంతో శ్రియాన్ష్‌ ఊపిరితిత్తులు తీవ్రంగా దెబ్బతిన్నాయి. దీంతో బ్రెయిన్‌కు సరిపడా ఆక్సిజన్‌ సరఫరా కాకపోవడంతో.. చిన్నారి ఆరోగ్యం విషమంగా మారింది. అతడ్ని బతికించేందుకు శతవిధాలా ప్రయత్నం చేస్తున్న డాక్టర్లు.. వారం రోజులుగా అత్యాధునిక ఎక్మో మెషీన్‌ సాయంతో చికిత్స అందిస్తున్నారు. ఊపిరి పీల్చుకోలేని పరిస్థితుల్లో ఉన్న శ్రియాన్ష్‌కు.. కృతిమంగా శ్వాస అందిస్తున్నారు. బాలుడు పూర్తిగా కోలుకోవాలంటే.. మరో నెల రోజులపాటు ఆస్పత్రిలోనే ఉంచాలని డాక్టర్లు వెల్లడించారు.

మరోవైపు శ్రియాన్ష్‌ కోలుకోవడానికి 30 లక్షల దాకా ఖర్చవుతుందని ఆస్పత్రి యాజమాన్యం చెప్పడంతో.. బాలుడి తల్లిదండ్రులు ఏం చేయాలో తెలియక ఆందోళన చెందుతున్నారు. చిన్న ఉద్యోగంతో కుటుంబాన్ని నెట్టుకొస్తున్న శ్రియాన్ష్‌ తండ్రి నవీన్‌కుమార్‌.. చావుబతుకుల్లో ఉన్న కొడుక్కి ట్రీట్‌మెంట్‌ చేయించలేక నరకం అనుభవిస్తున్నాడు. శ్రియాన్ష్‌ ఆరోగ్య పరిస్థితి తెలుసుకున్న మిలాప్‌ సోషల్‌ సర్వీస్‌ ఆర్గనైజేషన్‌.. అతడ్ని బతికించేందుకు విరాళాల సేకరణకు శ్రీకారం చుట్టింది. నెల రోజుల్లో 30 లక్షల రూపాయలు సమకూర్చేలా దాతలు ముందుకు రావాలని ఫైండ్‌ రైజింగ్‌ కార్యక్రమం మొదలుపెట్టింది. ట్రీట్‌మెంట్‌కు తక్కువ సమయం ఉండటంతో.. వీలైనంత ఎక్కువమంది త్వరగా స్పందించాలని మిలాప్‌ ఆర్గనైజేషన్‌ ప్రతినిధులు కోరుతున్నారు.

శ్రియాన్ష్‌ ట్రీట్‌మెంట్‌ కోసం సహాయం చేయాలనుకుంటున్న దాతలు.. నేరుగా బాలుడి తండ్రి నవీన్‌కుమార్‌ పేరుమీద ఉన్న ఎస్‌ బ్యాంక్‌ అకౌంట్‌లో డబ్బులు జమ చేయొచ్చని మిలాప్‌ ఆర్గనైజేషన్‌ ప్రతినిధులు తెలిపారు. ఎస్‌ బ్యాంక్‌ అకౌంట్‌ నంబర్‌ 8080 811 040059. ఐఎఫ్‌ఎస్‌సీ కోడ్‌ YESB0CMSNOC. శ్రియాన్ష్‌ను కాపాడేందుకు దాతలు తమకు తోచినంత సహాయం చేయాలని తల్లిదండ్రులు విజ్ఞప్తి చేస్తున్నారు.

aruna-fumes-at-tpcc-meet-aimed-to-unite-warring-cong-leaders
పీసీసీ కార్యవర్గాన్ని నిలదీసిన డీకే అరుణ...రేవంత్ రెడ్డి, నాగంను..


పీసీసీ నాయకత్వ మార్పుపై వస్తున్న ఊహాగానాలకు తెరదించుతూ ఏఐసీసీ రాష్ట్ర వ్యవహారాల ఇన్‌ఛార్జి రామచంద్ర కుంతియా స్పష్టత ఇచ్చారు. పార్టీ సంస్ధాగత నిర్మాణం, సమన్వయ లోపంపై గాంధీభవన్ లో జరిగిన పీసీసీ సమావేశంలో వాడి వేడి చర్చ జరిగింది. పార్టీలో క్రమశిక్షణా రాహిత్యాన్ని సహించేది లేదన్న కుంతియా ... కేసీఆర్ ప్రజా వ్యతిరేక విధానాలను ఐక్యంగా ప్రజల్లోకి తీసుకెళ్తామని స్పష్టం చేశారు.

తెలంగాణ పీసీసీ కార్యవర్గ సమావేశం వాడివేడిగా జరిగింది.  పాలమూరు పంచాయితీపై డీకే అరుణ పీసీసీ కార్యవర్గాన్ని నిలదీశారు. ఇన్నాళ్లు పెంచిన పార్టీని కూల్చేశారని సీరియస్ అయ్యారు. పార్టీలో జోకర్లు, బ్రోకర్లు వచ్చి చేరుతున్నారని చెప్పారు. రేవంత్ రెడ్డి, నాగం గురించి ఎవరికి చెప్పకుండా ఎలా చేర్చుకున్నారని ప్రశ్నించారు. ఎమ్మెల్సీ దామోదర్ రెడ్డి పార్టీ వీడుతుంటే, పట్టించుకోలేదని ఆవేదన వ్యక్తం చేశారు. తమలో ఏమైనా లోపం ఉంటే చెప్పాలని డీకే ఆరుణ కోరారు. అలాగే కొత్త జిల్లాల్లో డీసీసీలను ఏర్పాటు చేయాలనే డిమాండ్‌ కూడా పీసీసీ కార్యవర్గ సమావేశంలో వినిపించింది

 ఏఐసీసీ ఆదేశాలతో అత్యవసరంగా సమావేశమైన టీపీసీసీ .. శక్తి యాప్ ను క్షేత్రస్థాయిలోకి తీసుకెళ్లటం, ప్రతి కార్యకర్తా ఏఐసీసీకి అనుసంధానం చేసే దిశగా ఆధునిక సాంకేతిక పరిజ్ఞానాన్ని వినియోగించుకోవాలని స్పష్టం చేసింది. జాన్ 30 లోగా  బూత్ స్థాయి కమిటీలు , రాష్ట్ర వ్యాప్తంగా 30 వేల 8వందల బూతుల్లో 14 మంది చొప్పున కమిటీల నియామకాన్ని పూర్తి చేయాలని నిర్దేశించింది.  కొత్త జిల్లాల్లో కమిటీలను త్వరలోనే ఏర్పాటు చేస్తామని ప్రకటించిన పీసీసీ చీఫ్‌...కొత్త జిల్లాల్లో డీసీసీల నియామకాలపై ఎలాంటి నిర్ణయం తీసుకోలేదన్నారు.

నాయకుల ఢిల్లీ పర్యటనపై మాట్లాడిన వీహెచ్, పొంగులేటి... మీడియాలో వచ్చిన వార్తలు పార్టీకి నష్టం కలిగించేవిగా ఉన్నాయని అభిప్రాయపడ్డారు. అయితే ఈ వార్తలతో తమకేం సంబంధమని భట్టి, డీకే అరుణ అభ్యంతరం వ్యక్తం చేసినట్లు తెలిసింది. సమావేశం అనంతరం స్పందించిన  రామచంద్ర కుంతియా.... పీసీసీ అధ్యక్ష, కార్యనిర్వాహక అధ్యక్ష పదవుల్లో ఉత్తమ్, భట్టివిక్రమార్క కొనసాగుతారని స్పష్టత ఇచ్చారు.

పార్టీలో సమన్వయ లోపంపై సమావేశంలో నేతలు ఆరోపణలు, ప్రత్యారోపణలకు దిగటంతో జోక్యం చేసుకున్న సీనియర్లు .... ముందు పార్టీ అధికారంలోకి వచ్చేందుకు పనిచేయాలని సూచించినట్లు తెలిసింది. పార్టీ కార్యకలాపాలను విస్తృత పరచటం, సాంకేతిక పరిజ్ఞానాన్ని వినియోగించుకోవటం, సమన్వయం చేసుకునేందుకు ఏఐసీసీ అదనంగా ముగ్గురు కార్యదర్శులను కేటాయిస్తూ ఉత్తర్వూలు జారీ చేసింది. కర్నాటక చెందిన ఎన్ ఎస్ బోస్ రాజ్, సలీం అహ్మద్, కేరళకు చెందిన శ్రీనివాసన్ కృష్ణన్ లను.... కుంతియాతో కలిసి పనిచేసేందుకు నియమించారు.

love-marriage-success-in-nizamabad
రోడ్డెక్కిన ప్రేమ పెళ్లి వ్యవహారం ఎట్టకేలకు సుఖాంతం..

నిజామాబాద్‌లో నిన్న రోడ్డెక్కిన ప్రేమ పెళ్లి వ్యవహారం ఎట్టకేలకు సుఖాంతమైంది.. మెజిస్ట్రేట్‌ ఆదేశాలతో యువతి అత్తింటికి వెళ్లింది.. తాను ప్రాణదీప్‌ దగ్గరే ఉంటానని సౌజన్య స్పష్టం చేయడంతో పోలీసులే దగ్గరుండి ఆమెను అత్తింటింకి పంపించారు.

మాక్లూర్‌ మండలం కొత్తపల్లికి చెందిన సౌజన్య, రేంజల్‌ మండలానికి చెందిన ప్రాణదీప్ కొంతకాలంగా ప్రేమించుకుంటున్నారు. వీరి పెళ్లికి పెద్దలు నో చెప్పడంతో.. నిజామాబాద్‌ ఆర్యసమాజ్‌లో దరఖాస్తు చేసుకున్నారు. బుధవారం మంచి ముహూర్తం ఉండటంతో.. పెళ్లి చేసుకునేందుకు ఆర్యసమాజ్‌ చేరుకున్నారు. అయితే, విషయం తెలిసిన సౌజన్య కుటుంబ సభ్యులు పదుల సంఖ్యలో బైక్‌లతో తరలివచ్చారు. ఆఖరి నిమిషంలో పెళ్లిని నిలిపివేయాలంటూ ఆర్య సమాజ్‌ సభ్యులను కోరారు. ఏదైనా సమస్య ఉంటే బయట తేల్చుకోవాలని వారు చెప్పడంతో అమ్మాయిని లాక్కెళ్లబోయారు. ఇంతలో వరుడు అడ్డుపడటంతో అతన్ని చితక్కొట్టారు. తమతో రావడానికి నిరాకరిస్తున్న అమ్మాయి చెంపలు వాయించారు. ఆపై భుజాన వేసుకుని బైక్‌పై ఇంటికి తీసుకెళ్లారు. ఈ ఘటనతో గందరగోళం తలెత్తింది.

ఎంతో ఆనందంగా ప్రేమ పెళ్లి చేసుకుంటున్న యువజంట ఆశలను యువతి కుటుంబసభ్యులు హింసాత్మక చర్యలతో అడ్డుకునే ప్రయత్నం చేశారు. వరుడు ప్రాణదీప్‌ నిజామాబాద్‌ పోలీసులను ఆశ్రయించగా, కిడ్నాప్‌ కేసు నమోదు చేశారు పోలీసులు. ఆ తర్వాత ఇరు కుటుంబాలను మెజిస్ట్రేట్‌ దగ్గరకు తీసుకెళ్లారు. మెజిస్ట్రేట్‌  కౌన్సెలింగ్‌తో చివరకు కథ సుఖాంతమైంది. దూరమైన ప్రేమజంటను పోలీసులు తిరిగి ఒక్కటి చేయడంతో వారి ఆనందానికి అవధుల్లేవు.

tpcc-congress- speacial-secreteris
తెలంగాణ కాంగ్రెస్‌ కార్యదర్శులుగా సీనియర్ నేతలు!

తెలంగాణ కాంగ్రెస్‌ కమిటీ లో కుమ్ములాటను తెరదించే దిశగా చర్యలు చేపట్టారు కాంగ్రెస్ ప్రెసిడెంట్ రాహుల్‌ గాంధీ. తెలంగాణ కాంగ్రెస్‌ కార్యదర్శులుగా  ముగ్గురు సీనియర్ నేతలను నియమించారు. కర్నాటకకు చెందిన ఎన్‌.ఎస్‌.బోస్‌, సలీం అహ్మద్‌తో పాటు, కేరళకు చెందిన శ్రీనివాసన్‌ కృష్ణన్‌ను నియమించారు. ఇలా ఒక రాష్ట్రానికి ముగ్గురు కార్యదర్శులను నియమించడంతో.. తెలంగాణపై రాహుల్‌ ఎంత శ్రద్ధ చూపిస్తున్నారో అర్థమవుతోంది. ప్రతీ పది జిల్లాలకు ఒకరు చొప్పున ఈ ముగ్గురు రాష్ట్ర వ్యవహారల ఇంచార్జ్‌ కుంతియా కింద పనిచేయనున్నారు.  నిన్న తెలంగాణ కాంగ్రెస్‌ నేతలు చేసిన ఫిర్యాదుతోనే ఈ కొత్త నేతలకు బాధ్యతలు అప్పగిస్తున్నట్లు తెలుస్తోంది. 

అటు ఇవాళ గాంధీ భవన్‌లో జరిగిన పీసీసీ కార్యవర్గ సమావేశం కూడా హాట్‌హాట్‌గా జరిగింది. పార్టీ నేతలు.. పార్టీలో చర్చించకుండా ఢిల్లీకి వెళ్లడంపై సీనియర్లు సీరియస్‌ అయ్యారు. అటు పార్టీ రాష్ట్ర నాయకత్వం తీరుపై డీకే అరుణ ఫైర్ అయ్యారు. ఇన్నాళ్లు పెంచిన పార్టీని కూల్చేస్తున్నారంటూ మండిపడ్డారు.

rajiv-and-suma-kanakala-jadcherla
యాంకర్ 'సుమ'కు రైతుబంధు చెక్కు పంపిణీ..

యాంకర్ 'సుమ'కు రూ.29 వేల విలువైన వ్యవసాయ పెట్టుబడి సాయం చెక్కు అందించారు అధికారులు.అయితే ఈ చెక్కును సుమ తిరిగి అధికారులకే ఇంచింది. తాను ఆర్ధికంగా స్థిరపడినందున రైతుల సంక్షేమానికి ఉపయోగించేలా చూడాలని కోరుతూ ఆ చెక్కును తహసీల్దార్‌ కు అందజేశారు. జడ్చర్ల మండలం హేమాజీపూర్‌ గ్రామంలో సినీనటుడు రాజీవ్ కనకాల భార్య సుమ పేరిట వ్యవసాయ భూమి ఉంది. దీన్ని హేమాజీపూర్‌ గ్రామ రైతులు సాగుచేస్తున్నారు. ఇటీవల తెలంగాణ ప్రభుత్వం రైతులకు పెట్టుబడి సాయంకింద కొంత డబ్బు ఇస్తోంది. ఈ క్రమంలో  సుమ కు కూడా రూ.29 వేల రూపాయల చెక్కు అందించగా దాన్ని రైతులకోసం వినియోగించమని తిరిగి ఇచ్చేశారు.  

minor-girl-commits-suicide
ప్రేమ వ్యవహారం ఇంట్లో తెలిసిందని.. బాలిక చేసిన పని..

హైదరాబాద్ లోని మియాపూర్ లో విషాదం చోటు చేసుకుంది. ప్రేమ వ్యవహారం ఇంట్లో తెలిసిందని ఓ మైనర్ బాలిక ఉరి వేసుకుని ఆత్మహత్యకు పాల్పడింది. ఆగమయ్య నగర్ కు చెందిన మైనర్ బాలిక దగ్గరి బంధువు బాబు అనే వ్యక్తితో ప్రేమలో పడింది. బాలికకు పసుపు కొమ్మ కట్టిన ఫోటోను ప్రియుడు ఫేస్ బుక్ లో అప్ లోడ్ చేశాడు. ఈ విషయం బాలిక తల్లిదండ్రులకు తెలిసి, మందలించారు. దీంతో బాలిక మనస్థాపం చెంది, ఆత్మహత్య చేసుకుంది. 

lovers-commits-suicide
ప్రేమ పెళ్లి చేసిన పాపానికి ఇలా...

కులం ఇద్దర్ని కాటేసింది.. ప్రేమ పెళ్లి చేసిన పాపానికి రెండు నిండు జీవితాలు బలైపోయాయి. యాదాద్రి జిల్లాలో జరిగిన ఈ  ఘటన అందరినీ కలచివేస్తోంది.. వలిగొండ మండలం రెడ్లపాకలో స్వాతిరెడ్డి, కడారి వెంకటేష్‌ అనే ప్రేమజంటకు స్నేహితులు సిరి, వెంకటేష్‌ పెళ్లి చేశారు. దీంతో కక్ష పెంచుకున్న యువతి తండ్రి పాపిరెడ్డి.. సిరి, వెంకటేష్‌పై బెదిరింపులకు పాల్పడ్డాడు. అంతు చూస్తానని బెదిరించడంతో భయపడిపోయిన వీరిద్దరూ ఆత్మహత్యకు పాల్పడ్డారు. బుధవారం వెంకటేష్‌ ఆత్మహత్య చేసుకోగా.. ఈ విషయం తెలియగానే సిరి కూడా ఉరి వేసుకుని చనిపోయింది.. మృతుడు వెంకటేష్‌ మాదాపూర్‌లో డ్రైవర్‌గా పనిచేస్తుండగా, సిరి గుంటూరు జిల్లా రేపల్లెలో బ్యూటీ పార్లర్‌లో పనిచేస్తోంది. వీరిద్దరి మృతితో రెడ్లపాకలో ఉద్రిక్త వాతావరణం చోటు చేసుకుంది. అయితే, వెంకటేష్‌ది ఆత్మహత్య కాదని బంధువులు ఆరోపిస్తున్నారు. మరోవైపు సిరి,వెంకటేష్‌ మృతితో పాపిరెడ్డి కూతురు, అల్లుడు అజ్ఞాతంలోకి వెళ్లిపోయారు. పోలీసులు ఇద్దరు అనుమానితులను అదుపులోకి తీసుకుని విచారిస్తున్నారు. 

who-said-there-are-no-shortcuts-life-ktr-interesting-tweet
ఎవరు చెప్పారు ఎదగాలంటే కష్టపడాలని.. ఈ టీచర్ దగ్గరకు వెళితే షార్ట్‌కట్.. కేటీఆర్ ట్వీట్

తెలంగాణ ఐటీ మంత్రి కేటీఆర్‌లో మంచి సమయస్ఫూర్తి, వాక్చాతుర్యం ఉన్నాయన్న విషయం తెలిసిందే. సందర్భోచితంగా మాట్లాడుతూ, సభికుల్ని ఆకట్టుకుంటూ తన ప్రసంగాలు కొనసాగుతుంటాయి. పరిపాలనాదక్షతలోనే కాదు, మంచి కళా చాతుర్యం ఉన్న వ్యక్తి కావడంతో అప్పుడప్పుడు సినిమాలు చూస్తూ వాటిని గురించి విశ్లేషిస్తుంటారు. సినిమా బావుంటే మెచ్చుకుంటూ ట్వీట్ చేస్తుంటారు. తాజాగా కేటీఆర్ పెట్టిన ట్వీట్ ఆసక్తిని రేకెత్తిస్తుంది. ఇప్పుడది సోషల్ మీడియాలో వైరల్ అయ్యింది. జీవితంలో షార్ట్ కట్ లేదని ఎవరు చెప్పారు. ఈ కిడ్ చూడండి ఎంత స్మార్ట్‌గా ఉన్నాడో. టీచర్ ఓ పజిల్ ఇచ్చింది. పిల్లి పాలు తాగే మార్గం కనిపెట్టమంటూ.. తెలివైన ఆ చిన్నారి బయట నుంచి ఓ లైన్ గీసి ఈజీగా పిల్లి పాలగిన్నె దగ్గరకు చేరుకునేలా చేశాడు. అది చూసి టీచర్ కూడా రైట్ కొట్టడమే కాదు బాగా చేశావంటూ ఓ స్టార్ కూడా పెట్టింది. దీన్ని బట్టి చిన్నారితో పాటు, టీచర్ కూడా చాలా స్మార్ట్ అన్న విషయం అర్థమవుతుంది కదా అని అంటూ జీవితంలో షార్ట్ కట్ లేదని ఎవరు అన్నారని పేర్కొన్నారు.  

Software-employee-cheating-his-first-wife
గుట్టు చప్పుడు కాకుండా ఆమెతో కాపురం.. ఇంతలో..

గుట్టు చప్పుడు కాకుండా రెండవ భార్యతో కాపురం చేస్తోన్న ఓ సాఫ్ట్‌వేర్‌ ఉద్యోగి ఇంటిపై మొదటి భార్య తన బందువులతో కలసి దాడి చేసింది. హైదరాబాద్‌లో సాఫ్ట్‌వేర్‌ ఉద్యోగిగా పని చేస్తోన్న అనిల్‌ శేషుకుమార్‌ 2013 నుంచి మొదటి భార్యకు దూరంగా ఉంటూ గుట్టు చప్పుడు కాకుండా రెండవ భార్య ప్రత్యూషతో కలసి చైన్యపురిలో నివాసముంటున్నాడు. రాజమండ్రికి చెందిన మొదటి భార్య రమణిని అనిల్‌ 2009 లో ప్రేమించిపెళ్లి చేసుకున్నాడు. ఆతర్వాత ఇద్దరి మధ్య మనస్పర్ధలు రావడంతో అనిల్‌ గుట్టు చప్పుడు కాకుండా ప్రత్యూషను రెండో పెళ్లి చేసుకుని  కాపురం చేస్తున్నాడు. విషయం తెలుసుకున్న మొదటి భార్య మణి అనిల్‌ పై బంధువులతో కలసి దాడి చేసింది.

young-man-cheating-girl
ఎన్నో సార్లు ఇలా.. గర్భవతిని చేశాడు.. - యువతి

న్యాయం కోసం ఓ యువతి అన్వర్‌ అనే యువకుడి ఇంటి ముందు దీక్షకు దిగింది. పెళ్లి చేసుకుంటానని చెప్పి తనను గర్భవతిని  చేసి ఇప్పుడు ముఖం చాటేస్తున్నాడని సోని అనే యువతి ఆరోపిస్తోంది. ఎల్బీనగర్‌ చింతల్‌కుంట మల్లి ఖార్జున నగర్‌ కాలనిలో ఉండే అన్వర్‌.. 2014 నుండి తనను పెళ్లి చేసుకుంటానని చెప్పి.. గర్భవతిని చేశాడని ఆవేదన వ్యక్తం చేస్తోంది. ఎన్ని సార్లు పెళ్లి మాట ఎత్తినా తప్పించుకునే తిరుగుతున్నాడని.. అందుకే న్యాయం కోసం అతడి ఇంటి ముందు న్యాయ పోరాటం చేస్తున్నాను అంటోంది సోని.

దీక్ష చేయాలని అన్వర్‌ ఇంటికి వచ్చిన సోని.. అక్కడ అన్వర్‌ కనిపించగానే కాలర్‌ పట్టుకుని నిలదీశింది. అయినా అతడు పెళ్లికి నిరాకరించడంతో.. పెళ్లి చేసుకునేంత వరకు అక్కడ నుంచి కదలనంటూ.. ఇంటిముందు గేటు దగ్గర కూర్చుని దీక్ష చేస్తోంది.

Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials