Live News Now
  • కేంద్రంపై దళిత-గిరిజనుల ఐక్య గర్జన.. వరంగల్‌ వేదికగా విపక్షాల పోరుబాట
  • ఇంటర్‌ కాంటినెంటల్‌ కప్‌ భారత్‌ సొంతం.. ఫైనల్‌లో కెన్యాపై 2-0 తేడాతో విజయం
  • 6 నెలలు.. 13 జిల్లాలు.. 75 సమావేశాలు.. ముందస్తు ఎన్నికలకు సిద్ధమంటున్న బాబు
  • ఏపీలో టిడిపి, బీజేపీ మధ్య ముదిరిన వార్
  • ప్రధానికి కన్నా ఇచ్చిన లేఖపై లోకేష్ ఫైర్
  • ప్యాకేజీల వారీగా అధికారులకు డెడ్ లైన్.. హరీష్ డైరెక్షన్‌లో వేగంగా కాళేశ్వరం ప్రాజెక్ట్
  • మరో రెండు రోజులు తెలుగురాష్ట్రాల్లో వర్షాలు
  • గోదావరి ప్రాజెక్టులకు మొదలైన వరదలు
  • బీజేపీ, ఆర్ఎస్ఎస్ ఎన్ని కేసులు వేసినా భయపడను.. విమర్శలపై వెనక్కి తగ్గేది లేదన్న రాహుల్
  • శత్రువుల్లా వచ్చి.. మిత్రులైన ట్రంప్, కిమ్.. అణు నిరాయుధీకరణపై కుదిరిన డీల్
ScrollLogo తొమ్మిదో తరగతి విద్యార్థి సూసైడ్ ScrollLogo రూపాయి ఖర్చు లేకుండా 53 రకాల వైద్య పరీక్షలు ScrollLogo నిరుద్యోగులకు శుభవార్త..10,351 ఉద్యోగాల భర్తీకి ఏపీ సర్కార్ గ్రీన్ సిగ్నల్ ScrollLogo జగన్ పాదయాత్రకు అనుమతి నిరాకరించిన పోలీసులు ScrollLogo తిరుమలలో భారీ వర్షం ScrollLogo వ్యర్థాల ఉత్పత్తిలో ముంబై ఫస్ట్! ScrollLogo సీఐ వాహనం చోరీ ScrollLogo యన్‌టీఆర్‌’ ఫస్ట్‌లుక్‌ విడుదల ScrollLogo నేడు పోలవరం పర్యటనకు సీఎం.. డయాఫ్రమ్‌ వాల్‌ జాతికి అంకితం ScrollLogo రాజమండ్రి ఎంపీ సీటుపై జగన్‌ వ్యూహం.. ఆత్మీయ సభలో బీసీలపై హామీల వర్షం
AP News
chandrababu-interaction-with-Sadhikara-Mitra-members
వారికి త్వరలోనే స్మార్ట్‌ ఫోన్‌లు అందిస్తాం - చంద్రబాబు

ఆనందంగా ఉండాలంటే అవినీతి రహిత సమాజం నిర్మించుకోవాలని ఏపీ సీఎం చంద్రబాబు అన్నారు. చారిటబుల్‌ ట్రస్ట్‌ ఇవ్వడంలో ఉన్న సంతృప్తి  ఇంకెదులోను రాదన్నారు. రాజదర్బాదర్‌లో సాధికార మిత్రాల పని తీరుపై ఆయన సమీక్ష నిర్వహించారు. ఈ సందర్భంగా పలు హామీలు ఇచ్చారు.

4 లక్షల 62 వేల మంది సాధికార మిత్రాలకు త్వరలోనే స్మార్ట్‌ ఫోన్‌లు అందిస్తామన్నారు. మరోవైపు  అంగన్వాడీ కేంద్రాల టీచర్ల వేతనాలను 7 వేల 500 రూపాయల నుండి 10 వేల 500 రూపాయలకు పెంచుతున్నట్టు హామీ ఇచ్చారు. అలాగే ఆయాలకు ఇచ్చే 4 వేల 500 రూపాయల వేతనాన్ని 6 వేల రూపాయలకు పెంచుతున్నట్టు ప్రకటించారు.

ycp-leader-botsa-talk-to-media-today
ఈనెల 30న అనంతపురంలో వంచన దీక్ష : వైసీపీ నేత బొత్స

ఏపీ ప్రజలను కేంద్ర, రాష్ట్ర ప్రభుత్వాలు వంచించాయని వైసీపీ నేత బొత్స సత్యనారాయణ ఆరోపించారు. టీడీపీ, బీజేపీ చేస్తున్న రాజకీయ కుట్రలకు వ్యతిరేకంగా ఈనెల 30న అనంతపురంలో వంచన దీక్ష నిర్వహిస్తున్నట్టు బొత్స తెలిపారు. బీజేపీ, టీడీపీ మధ్య చీకటి ఒప్పందాలు ఉండడం వల్లే.. చంద్రబాబు కేంద్రాన్ని ఏమీ అనలేకపోయారని విమర్శించారు.

bramhana-sangam-president-comments-on-ramanadeekshithulu
రమణదీక్షితులు వెనుక ఉన్నది.. అనిల్ : బ్రాహ్మణ సంఘం నాయకుడు

తిరుమల మాజీ ప్రధాన అర్చకులు రమణదీక్షితులు ప్రెస్‌మీట్‌పై ఏపీ బ్రాహ్మణ సంఘాలు ఆగ్రహం వ్యక్తం చేస్తున్నాయి. సమావేశంలో దీక్షితులు వెనక ఉన్న వ్యక్తి పేరు అనిల్‌ అని... ఆయన గుంటూరులో ఓ క్రిస్టియన్‌ ఛారిటబుల్‌ ట్రస్ట్‌ నడుపుతున్నారని... బ్రాహ్మణ సంఘం నాయకులు శ్రీపురపు శ్రీధర్‌ విమర్శించారు. అనిల్‌ వైసీపీ కి చెందిన వ్యక్తి అని.. ఆయన్ను వెనక ఉంచుకుని చేసిన ఆరోపణలను ఏ విధంగా అర్థం చేసుకోవాలని శ్రీధర్‌ అన్నారు.

minister-ganta-srinivasarao-not-attend-cabinate-meeting
రాష్ట్ర రాజకీయాల్లో మంత్రి గంటా ప్రకంపనలు..

మంత్రి గంటా శ్రీనివాసరావు అలక రాష్ట్ర రాజకీయాల్లో ప్రకంపనలు రేపుతోంది. పార్టీలోని కొంతమంది వ్యవహార శైలిపై కొంతకాలంగా ఆగ్రహంతో ఉన్న గంటా శ్రీనివాసరావు... నిన్న కేబినెట్‌ భేటీకి కూడా డుమ్మా కొట్టారు. రేపు విశాఖలో ముఖ్యమంత్రి పర్యటన ఉండగా... ఆ ఏర్పాట్లను కూడా పట్టించుకోవడం లేదు. ఉదయం నుంచి మంత్రి ఇంటికే పరిమితం అవడం... పార్టీ శ్రేణులను ఆందోళనలో పడేస్తోంది. 

గంటా తీరు రాజకీయవర్గాల్లో ఆసక్తికర చర్చకు దారితీస్తోంది. అయితే ఇటీవల మీడియాలో గంటాకు వ్యతిరేకంగా సర్వేలు వస్తున్నాయి. బీమిలిలో టీడీపీ ఓడిపోతుందంటూ ప్రచారం జరుగుతోంది. అయితే దీని వెనక సొంత పార్టీ నేతలే ఉన్నారన్న భావన గంటాలో నెలకొంది. తనను రాజకీయంగా దెబ్బతీయడానికి సర్వేల పేరుతో కుట్రలు చేస్తున్నారని ఆయన సన్నిహితుల వద్ద చెబుతున్నారు. ఓటమి లేకుండా వరుస విజయాలతో వెళుతున్న తనను రాజకీయంగా ఎదుర్కోలేక ఇలా తెరవెనక కుట్రలకు పాల్పడుతున్నారని ఆయన ఆగ్రహంతో ఉన్నారు.

kurnool-weather-report
ఆ జిల్లాలో విచిత్ర వాతావరణ పరిస్థితులు

కర్నూలు జిల్లాలో ఓ పక్క ఎండలు..మరోపక్క వానలు ప్రజలను భయభ్రాంతులకు గురి చేస్తున్నాయి. వేసవి కాలం ముగిసినా భానుడి ప్రతాపం ఏమాత్రం తగ్గలేదు. గత రెండు రోజుల నుంచి జిల్లాలో మళ్లీ అదిక ఉష్ణోగ్రతలు నమోదవుతున్నాయి. ఎండ తీవ్రతకు తోడు వేడి గాలులు వీస్తున్నాయి. మరో వైపు చీకటి పడిందంటే చాలు.. ఈదురు గాలులు,వర్షాలు ప్రజలకు కంటి మీద కునుకులేకుండా చేస్తున్నాయి. 

ex-mla-daggubati-venkateswararo-talk-about-ys-jaganmohanredy
ప్రధాని మోడీకి స్వార్థం లేదు : జగన్ గురించి దగ్గుబాటి ఏమన్నారంటే..

ప్రధాని మోడీకి వ్యక్తిగత స్వార్థం లేదన్నారు దగ్గుబాటి వెంకటేశ్వరరావు. నోట్ల రద్దు, జీఎస్టీ వంటి నిర్ణయాలు మార్పు కోసం చేసినా అమలులో అనేక లోపాలు ఉన్నాయన్నారు. వారసత్వ రాజకీయాలకు తాను వ్యతిరేకమన్నారు దగ్గుబాటి. విభజనతో ఏపీకి మంచే జరిగిందని, అనేక కేంద్ర సంస్థలు వచ్చాయన్నారు. ప్రతిపక్ష నేతగా జగన్ బాగానే పనిచేస్తున్నారని చెప్పారు దగ్గుబాటి. పోలవరం ఏపీకి వరమన్న వెంకటేశ్వరరావు.. పట్టిసీమతో కృష్ణా డెల్టాకు ప్రయోజనం కల్గిందన్నారు.

bike-was-running-suddenly-fits-attacked
బైక్ నడుపుతుండగా ఫిట్స్..

బైక్ నడుపుతుండగా దురదృష్టవశాత్తు ఓ వ్యక్తి దుర్మరణం చెందాడు. ఫిట్స్ రావడంతోనే బైక్ పైనుంచి ఒక్కసారిగా కుప్పకూలాడు. ఈ ఘటన అనంతపురం జిల్లాలో జరిగింది. ఎన్‌పీ కుంట మండలం గోపాలపురం గ్రామానికి చెందిన బుక్యా చక్రేనాయక్‌ (17), సున్నపుగుట్ట తండాకు చెందిన మురళీనాయక్‌లు మంగళవారం ద్విచక్రవాహనంలో ప్రయాణిస్తున్నారు. మార్గంమధ్యలో వాహనం నడుపుతున్న చక్రేనాయక్‌ కు హఠాత్తుగా ఫిట్స్ రావడంతో బైక్ అదుపుతప్పి  పడిపోయింది. ప్రమాదంలో చక్రేనాయక్‌ అక్కడికక్కడే మృతి చెందాడు. వెనుక కూర్చున్న మురళీనాయక్‌ను చికిత్స నిమిత్తం ఆటోలో కదిరి ఆస్పత్రికి తరలించారు. కాగా ఘటనపై పోలీసులు కేసు నమోదు చేసుకుని దర్యాప్తు చేస్తున్నారు. 

Water-relised -from-pattusima-for-Krishna-Delta
పట్టిసీమ నుంచి కృష్ణా డెల్టాకు నీరు

కృష్ణాడెల్టా తూర్పు కాల్వకు పట్టిసీమ నుంచి ఏపీ సీఎం చంద్రబాబు నీటిని విడుదల చేశారు. ప్రకాశం బ్యారేజ్‌ నుంచి 2 వేల క్యూ సెక్కుల నీటిని విడుదల చేశారు.  7 లక్షల 36 వేల 537 ఎకరాల సాగు భూమికి తూర్పు డెల్టా కాల్వ ద్వారా నీటిని విడుదల చేశారు. నీటి విడుదల సందర్భంగా సర్వమత ప్రార్థనలు నిర్వహించారు.  ఆ తరువాత కృష్ణాడెల్టా హెడ్‌ వర్క్స్‌ని ప్రారంభించారు..

వరసుగా ఐదో ఏడాది కూడా జూన్‌లోనే కృష్ణా డెల్టాకు నీటిని విడుదల చేశారు. నీటి మళ్లింపుతో గతేడాది కృష్ణా డెల్టాలో  100 సాగు అందుబాటులోకి వచ్చింది. పట్టిసీమ ద్వారా కృష్ణా డెల్టా చివరి ఆయకట్టుకు, ఆక్వా సాగును నీరు లభ్యమవుతోంది..

young-man-murder-his-lover
దారుణం: కత్తితో యువతి గొంతుకోసి... తానూ..

పశ్చిమ గోదావరి జిల్లా పోలవరం బాపూజీ కాలనీలో దారుణం జరిగింది. ఓ యువతిని ప్రేమోన్మాది దారుణంగా హత్య చేశాడు. అర్ధరాత్రి జంగారెడ్డిగూడెంకు చెందిన లహరి అనే యువతిని.. టి.నరసాపురం మండలం మధ్యాహ్నపువారిగూడెంకు చెందిన ఆళ్ల కిరణ్ కత్తితో గొంతుకోసి చంపేశాడు. అనంతరం పురుగుల మందు తాగి ఆత్మహత్య చేసుకున్నాడు. గత  కొంత కాలంగా కిరణ్‌ లహరిని ప్రేమ పేరుతో వేధిస్తున్నాడు. దీంతో ఆమె పోలీస్ స్టేషన్‌లో ఫిర్యాదు చేసింది. తన ప్రేమను నిరాకరించి...పోలవరానికి చెందిన వ్యక్తిని వివాహం చేసుకునేందుకు లహరి సిద్ధపడడందో.. రెచ్చిపోయిన కిరణ్‌.. ఆ యువతి ప్రాణాలు తీశాడు. తానూ ఆత్మహత్య చేసుకున్నాడు.

lokesh-fire-on-bjp-leaders
ఇది ట్రైలర్‌ మాత్రమే.. వచ్చే 2019 ఎన్నికల్లో ...

బీజేపీ, వైసీపీపై ఏపీ మంత్రి నారా లోకేష్‌ తీవ్రస్థాయిలో విరుచుకుపడ్డారు. వైసీపీ ఓ డ్రామా కంపెనీ అన్న ఆయన.. బీజేపీకి వచ్చే ఎన్నికల్లో తెలుగు ప్రజలు బుద్ధి చెబుతారన్నారు. ప్రకాశం జిల్లాలో లోకేష్‌ సుడిగాలి పర్యటన చేశారు. పలు అభివృద్ధి కార్యక్రమాలకు శ్రీకారం చుట్టారు.

ప్రకాశం జిల్లా చీరాలలో పంచాయతీరాజ్‌ మంత్రి లోకేష్‌ పర్యటించారు. పలు అభివృద్ధి కార్యక్రమాల్లో పాల్గొన్నారు. ఎమ్మెల్యే ఆమంచి కృష్ణమోహన్‌ కార్యకర్తలతో కలిసి బైక్‌ ర్యాలీ నిర్వహించారు. కార్యకర్తలతో ర్యాలీగా వచ్చిన లోకేష్‌.. కొత్తగా నిర్మించిన విద్యుత్‌ సబ్‌ స్టేషన్‌ను ప్రారంభించారు. ఆ తర్వాత వేటపాలెం మండలం కొణిజేటి చేనేతపురిలో అంతర్గత సిమెంటు రోడ్లకు శ్రీకారం చుట్టారు. అంగన్‌వాడీ భవనాన్ని ప్రారంభించారు. గ్రామంలో చేనేత కార్మికులతో లోకేష్‌ ముఖాముఖి అయ్యారు. వారి సమస్యలు అడిగి తెలుసుకున్నారు. అనంతరం అర్హులైన చేనేతలకు పెన్షన్లు అందజేశారు.

అక్కడ్నుంచి రామాపురం వెళ్లిన లోకేష్‌.. సిమెంటు రోడ్లు, ఫిష్‌ ట్యాంక్‌, ఫార్మ్‌ పాండ్లకు శంకుస్థాపన చేశారు. వ్యవసాయ మార్కెట్‌ కమిటీ కార్యవర్గాన్ని ప్రకటించారు. ఈ సందర్భంగా నిర్వహించిన కార్యక్రమంలో లోకేష్‌ పాల్గొని ప్రసంగించారు. ప్రత్యేక హోదా ఇవ్వని ప్రధాని మోడీని జగన్‌, పవన్‌ ఒక్కసారైనా ప్రశ్నించలేదని.. రాష్ట్రం కోసం అహర్నిశలు శ్రమిస్తున్న చంద్రబాబుపై బురదచల్లడమే పనిగా పెట్టుకున్నారని మండిపడ్డారు. కర్నాటక ఎన్నికలు బీజేపీకి ట్రైలర్‌ మాత్రమేనని.. 2019 ఎన్నికల్లో తెలుగు ప్రజలు బుద్ధి చెబుతారని అన్నారు.

అవినీతికి పాల్పడ్డట్లు ఆరోపిస్తున్న వారు.. దమ్ముంటే సాక్ష్యాలను ప్రజల ముందు పెట్టాలని లోకేష్‌ డిమాండ్‌ చేశారు. ఏ రాష్ట్రంలో లేని విధంగా సంక్షేమ పథకాలను ప్రజలకు అందజేస్తున్న ప్రభుత్వం ఒక్క టీడీపీనే అన్నారు. జిల్లా పర్యటనలో లోకేష్‌ వెంట మంత్రి శిద్దా రాఘవరావుతోపాటు పలువురు ప్రజా ప్రతినిధులు పాల్గొన్నారు.

ap-cabinet-approves-to-develop-tirupati-as-electronic-hub
ఏపీ కేబినెట్‌ కీలక నిర్ణయం.. 500 కోట్లు కేటాయింపు...

అర్హులందరికీ పక్కా ఇళ్లు నిర్మించి ఇవ్వాలని ఏపీ మంత్రివర్గం నిర్ణయించింది. అందుబాటులో ఉన్న ప్రభుత్వ స్థలాల్లోనే నిర్మాణానికి ప్రాధాన్యం ఇవ్వాలని తీర్మానించింది. ముఖ్యమంత్రి చంద్రబాబు అధ్యక్షతన జరిగిన కేబినెట్‌ భేటీలో పలు కీలక నిర్ణయాలు తీసుకున్నారు. ఏపీఐఐసీకి పలు జిల్లాల్లో భూముల కేటాయింపులకు గ్రీన్ సిగ్నల్ ఇచ్చారు. తిరుపతిలో ఎలక్ట్రానిక్ మ్యానుఫ్యాక్చరింగ్ క్లస్టర్ రెండో దశను అభివృద్ధి చేయాలని ప్రభుత్వం నిర్ణయించింది.

పేదలకు ఇళ్ల నిర్మాణానికి సంబంధించి ఏపీ కేబినెట్‌ కీలక నిర్ణయం తీసుకుంది. 2019 జనవరి నాటికి 19 లక్షల ఇళ్లు నిర్మించడమే లక్ష్యంగా పెట్టుకున్న రాష్ట్ర ప్రభుత్వం.. ఇప్పటికే పలు పట్టణాల్లో 71862.. గ్రామీణ ప్రాంతాల్లో 2 లక్షలా 19వేలా 696 మందికి ఇళ్ల స్థలాలు కేటాయించింది.. ఇవికాక మరో 17వేల మందికిపైగా ఇళ్లపట్టాలు ఇచ్చేందుకు స్థలాలు అందుబాటులో ఉన్నాయి.. అయితే, అర్హులందరికీ అందుబాటులో ఉన్న ప్రభుత్వ స్థలాల్లో ఇళ్లు నిర్మించి ఇవ్వాలని కేబినెట్‌లో నిర్ణయించారు. అయితే, ఇప్పటికే బడ్జెట్‌లో 500 కోట్లు కేటాయించిన నేపథ్యంలో ప్రైవేటు స్థలాలను కొనుగోలు చేసి అర్హులకు ఇవ్వాలని మంత్రిమండలి నిర్ణయించింది. 10 అర్బన్ డెవలప్‌మెంట్‌ అథారిటీస్‌ పరిధిలో ఉన్న గ్రామాల్లో అవసరమైన చోట్ల బహుళ అంసత్థుల ఇళ్ల నిర్మాణానికి పచ్చజెండా ఊపింది.

మూడు వేల కోట్లతో తిరుపతిలో 322 ఎకరాల్లో ఎలక్ట్రానిక్ మాన్యుఫాక్చరింగ్ క్లస్టర్ 2 అభివృద్ధి చేయడానికి మంత్రి మండలి నిర్ణయించింది. దీని ద్వారా 53వేల మందికి ఉపాధి అవకాశాలు రానున్నాయి. కమ్యూనికేషన్‌ టవర్‌ ఇన్‌ఫ్రా కోసం జాయింట్‌ వెంచర్‌ కంపెనీ ఏర్పాటుకు ఆమోదం తెలిపింది. విశాఖ జిల్లా పరవాడలో ఎన్టీపీసీకి 993 ఎకరాల భూమి, విశాఖలో లులు సంస్థకు 15.5 ఎకరాలు, ప్రకాశం జిల్లా దర్శిలో మినీ స్టేడియం కోసం 6.05 ఎకరాల భూమి కేటాయించాలని కేబినెట్‌ నిర్ణయించింది. అలాగే శ్రీకాకుళంలో ఇండస్ట్రియల్‌ పార్క్‌ కోసం ఏపీఐఐసీకి 17.18 ఎకరాల భూమి కేటాయించేందుకు అంగీకారం తెలిపింది. కడపలో హైడల్‌ విద్యత్‌ ప్రాజెక్టు కోసం 118.87 ఎకరాలు, కర్నూలు జిల్లా రాచర్లలో ఇండస్ట్రియల్‌ పార్క్‌ ఏర్పాటుకు 26.07 ఎకరాల భూమి కేటాయించేందుకు అంగీకారం తెలిపింది. హైకోర్టు సూచనతో విజయవాడలోని అగ్రిగోల్డ్‌కు చెందిన ఐదు ఆస్తులను వేలం వేసేందుకు కేబినెట్‌ గ్రీన్‌ సిగ్నల్‌ ఇచ్చింది. ప్రకాశం జిల్లా ఒంగోలులోని మిల్క్‌ ప్రొడ్యూసర్స్‌ కంపెనీని పునరుద్ధరించి డెయిరీ రైతులను ఆదుకునేందుకు 36 కోట్ల ఆర్థిక రుణాన్ని అందించేందుకు మంత్రి మండలి ఆమోదం తెలిపింది.

వివిధ సామాజికవర్గాల రిజర్వేషన్‌ మార్పులకు వస్తున్న డిమాండ్లపై అధ్యయనానికి ప్రత్యేక కమిషన్‌ను నియమించాలని కేబినెట్‌ సమావేశంలో నిర్ణయించారు. భోగాపురం ఎయిర్‌పోర్టు భూములకు పరిహారంపైనా కేబినెట్‌లో చర్చించారు. భోగాపురం ఎయిర్‌పోర్టును పీపీపీ పద్ధతిలో అభివృద్ధి చేయాలన్న ప్రతిపాదనకు ఆమోదం తెలిపారు. ఏపీ భవన్‌లో జాయింట్‌ కమిషనర్‌, అసిస్టెంట్‌ కమిషనర్ల భర్తీకి కేబినెట్‌ నిర్ణయించింది. అలాగే డెంటల్‌ ఇన్‌స్టిట్యూట్‌ యాక్ట్‌ 2007 రద్దుకు గ్రీన్‌ సిగ్నల్‌ ఇచ్చింది. 11వ వేతన సంఘానికి తాత్కాలిక ప్రాతిపదికన 16 పోస్టులు మంజూరు చేస్తూ ఏపీ మంత్రివర్గం నిర్ణయం తీసుకుంది.

sbi-employee-fraud-in-krishna-District
ఎస్‌బిఐ ఉద్యోగి భారీ అవినీతి..

కృష్ణా జిల్లా గ్రంథాలయ శాఖ పన్ను జమ వ్యవహారంలో భారీ అవినీతి వెలుగుచూసింది. మచిలీపట్నం ఎస్‌బిఐ ఉద్యోగి భారీ అవినీతికి పాల్పడి... ఏకంగా మూడున్నర కోట్లు సొంత అవసరాలకు వాడుకున్నాడు. ఆడిట్‌ సమయంలో ఈ వ్యవహారం బయటకు పొక్కడంతో... అధికారులు ఉద్యోగిని సస్పెండ్‌ చేసి చేతులు దులుపుకున్నారు. అయితే జిల్లా గ్రంథాయలయ ఛైర్మన్‌, ఉద్యోగులు ఒక్కటై బ్యాంకు అధికారులపై ఒత్తిడి తీసుకొచ్చి మూడున్నర కోట్ల రూపాయను రికవరీ చేశారు. అంతా సజావుగా ఉందనుకున్న సమయంలో ఈ ఘటనకు బాధ్యులను చేస్తూ రాష్ట్ర గ్రంథాలయ అధికారులు... జిల్లాలో ముగ్గరు ఉద్యోగులను సస్పెండ్‌ చేయడంతో వివాదం చెలరేగింది. 

సస్పెన్షన్‌ను ఉద్యోగసంఘాలు తప్పుబడుతున్నాయి.  ఉద్యోగులను తిరిగి విధుల్లోకి తీసుకోకుంటే.. రాష్ట్ర వ్యాప్త ఆందోళన చేపడతామని హెచ్చరిస్తున్నాయి. 

Krishna-delta-to-get-Godavari-water
కృష్ణాను పలకరిస్తున్న గోదారి

గోదావరి పరవళ్లతో కృష్ణా డెల్టా సాగు నీటి కష్టాలు తీరనున్నాయి. గోదావరి పరివాహక ప్రాంతంలో నీటిమట్టం పెరగడంతో పట్టిసీమ గలగలలు ప్రకాశం బ్యారేజీకి చేరుతున్నాయి. ఇప్పటికే గోదావరి డెల్టాలో వ్యవసాయ పనుల కోసం నీటిని విడుదల చేయగా.. తాజాగా కృష్ణా డెల్టాను కూడా గోదావరి నిళ్లు పలకరిస్తున్నాయి..

ఎగువున ఉన్న ప్రాజెక్టులన్నీ నిండితే తప్ప కృష్ణా డెల్టా రైతాంగానికి నీరందని రోజులు పోయాయి. జూన్‌లోనే సాగు పనులు ప్రారంభించుకునేందుకు గోదావరి జలాలు ఉపయోగపడుతున్నాయి. నాలుగేళ్ల కిందటి వరకు ఆల్మట్టి నుంచి సాగర్‌ వరకు అన్ని ప్రాజెక్టులు నిండితే తప్ప కృష్ణా నదిపై ఉన్న చివరి ప్రాజెక్టుకు నీరందని పరిస్థితి ఉండేది కాదు. జూన్‌ రెండో వారంలో మొదలు కావాల్సిన వ్యవసాయ పనులు సెప్టెంబర్‌, అక్టోబర్‌ అయినా ప్రారంభం అయ్యేవి కావు. కానీ ఇప్పుడు పరిస్థితి మారింది. 

పోలవరం నిర్మాణం వేగం పుంజుకున్న తరువాత కృష్ణాడెల్టాలో వ్యవసాయ ముఖ చిత్రం మారిపోయింది. గతేడాది రికార్డు స్థాయిలో నూరు శాతం సాగైంది.

గోదావరీ జలాలను పట్టిసీమ ద్వారా కృష్ణమ్మకు తరలించారు. పశ్చిమ గోదావరి జిల్లా పెదవేగి మండలం జానంపేట తమ్మిలేరు అక్విడెక్ట్‌ దగ్గర పట్టిసీమ జలాలను పోలవరం కుడి కాల్వ ద్వారా కృష్ణా డెల్టాకు నీటిని విడుదల చేశారు. తరువాత నీటి పారుదల శాఖ మంత్రి దేవినేని ఉమ, ప్రభుత్వ విప్‌ చింతమనేనిలు జలహారతి కార్యక్రమం నిర్వహించారు. 

minister-somireddy-Responds-on-parakala-Resigns
పరకాల రాజీనామాపై మంత్రి సోమిరెడ్డి సంచలన వ్యాఖ్యలు

ఏపీ ప్రభుత్వ సలహాదారు పరకాల ప్రభాకర్‌ పదవికి రాజీనామా చేయాల్సినంత అవసరం లేదని... మంత్రి సోమిరెడ్డి చంద్రమోహన్ రెడ్డి అన్నారు. జగన్‌, వైసీపీ నాయకులు ఆరోపణలు చేసినంత మాత్రాన ఇంతటి నిర్ణయం తీసుకోవడం తగదని ఆయన సూచించారు. భార్య ఒక కంపెనీలో, భర్త ఒక కంపెనీలో పనిచేస్తున్న ఉదంతాలు ఎన్నో చూస్తున్నామని.. ఇదీ అలాగే చూడాలని సోమిరెడ్డి అన్నారు. 

Parakala-Prabhakar-Resigns
బ్రేకింగ్: పరకాల ప్రభాకర్ రాజీనామా

ఏపీ ప్రభుత్వ సలహాదారు పదవికి పరకాల ప్రభాకర్ రాజీనామా చేశారు. రాజీనామా లేఖను సీఎం చంద్రబాబుకు పంపిన పరకాల.. తక్షణమే రాజీనామాను ఆమోదించాలని కోరారు. ప్రతిపక్ష నేత వ్యాఖ్యలపై తీవ్ర మనస్థాపం కలిగించాయని పరకాల చెప్పారు.



Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials