Live News Now
  • నీరవ్‌ మోడీకి చెందిన అత్యంత ఖరీదైన వాచ్‌లను స్వాధీనం చేసుకున్న ఈడీ అధికారులు
  • కాళేశ్వరం ప్రాజెక్టుపై దాఖలైన పిటిషన్‌ను కొట్టివేసిన సుప్రీం కోర్టు
  • అదనపు వివరాలు ఇస్తేనే హెచ్1బీ వీసా.. రూల్స్ కఠినతరం చేసిన ట్రంప్ సర్కార్
  • సఫారీలతో భారత్ డూ ఆర్ డై మ్యాచ్.. ఇవాళ టీ20 సిరీస్‌ ఫైనల్ ఫైట్
  • తెలంగాణ వ్యాప్తంగా టీఆర్‌టీ.. 8 వేల792 పోస్టుల భర్తీకి పరీక్ష
  • మరింత బలపడిన భారత్, కెనడా బంధం.. ఉగ్రవాదంపై పోరు.. ఆరు అంశాలపై ఒప్పందం
  • భద్రాద్రి కొత్తగూడెం జిల్లాలో పేలిన రిమోట్‌కార్.. చిద్రమైన చిన్నారి చేయి.. పరిస్థితి విషమం
  • పట్టాదారు పాసుపుస్తకాలకు ఆధార్‌ లింక్.. లేకుంటే బినామీ ఆస్తులుగా గుర్తిస్తామన్న కేసీఆర్
  • సీఐఐ సదస్సుకు ముస్తాబైన విశాఖ.. 3 లక్షల కోట్ల పెట్టుబడులే లక్ష్యం..
  • ఏపీ ప్రత్యేక హోదాపై రాజకీయ రగడ.. బీజేపి విమర్శలకు టీడీపీ కౌంటర్లు
ScrollLogo వికారాబాద్: మార్చి 15నాటికి మిషన్ భగీరథ పనులు పూర్తి కావాలి మంత్రి మహేందర్ రెడ్డి ScrollLogo పంజాబ్ బ్యాంక్ స్కామ్: 9ఖరీదైన నీరవ్ మోడీ కార్లు సీజ్, వాటిలో రోల్స్ రాయిస్, బెంజ్. ScrollLogo పార్టీ పేరు ప్రకటించిన కమల్‌హాసన్.. మక్కళ్ నీది మయ్యమ్.. ScrollLogo మక్కళ్ నీది మయ్యమ్ అంటే అర్ధం.... జస్టిస్ ఫర్ పీపుల్.. అంటే ప్రజలకు న్యాయం..! ScrollLogo ముంబై: గోవా సీఎం పారికర్ లీలావతి ఆస్పత్రి నుంచి డిశ్చార్జ్.. ScrollLogo జోధ్‌పూర్‌: విదేశీ పర్యాటకురాలిపై ఆగంతకుల లైంగిక వేధింపులు ScrollLogo నిరుద్యోగులకు 2 వేల భృతి.. కొత్త పథకానికి కేసీఆర్ కసరత్తు ScrollLogo 'జీఎస్టీ' కేసులో వర్మకు స్వల్ప ఊరట.. విచారణ మార్చి తొలివారానికి వాయిదా ScrollLogo రాష్ట్రపతిభవన్‌లో కెనడా ప్రధాని.. సాదర స్వాగతం పలికిన మోడీ ScrollLogo సుష్మా స్వరాజ్‌తో కెనడా ప్రధాని భేటీ.. ఇరు దేశాల మధ్య కీలక ఒప్పందాలు
National News
election-58-rajya-sabha-seats-announced-polling-march-23
మోగిన రాజ్యసభ నగారా.. వైసీపీకి ఆ ఇద్దరు కీలకం!

రాజ్యసభ ఎన్నికల షెడ్యూల్‌ విడుదలైంది. శాసనసభ్యుల కోటా కింద జరిగే ఈ ఎన్నికలకు సీఈసీ  షెడ్యూల్‌ ప్రకటించింది. దేశ వ్యాప్తంగా 16 రాష్ట్రాలకు చెందిన 58 మంది రాజ్యసభ ఎంపీల పదవీకాలం ఏప్రిల్ మే నెలల్లో ముగియనుండంతో ఆయా స్థానాల్లో మార్చి 23న ఎన్నికలు నిర్వహించనున్నరు. ఏపీ, తెలంగాణలో ఆరు స్థానాలకు కూడా ఎన్నికలు జరగనున్నాయి.

తెలుగు రాష్ట్రాల్లో మరో ఎన్నికల పండుగ వచ్చేసింది. ఎమ్మెల్యేల కోటా ప్రకారం జరిగే రాజ్యసభ ఎన్నికలకు కేంద్ర ఎన్నికల సంఘం షెడ్యూల్ ప్రకటించింది. దీని ప్రకారం మార్చిలో ఏపీ, తెలంగాణలో కొత్త ఎంపీల ఎన్నిక జరగనుంది. రెండు రాష్ట్రాల్లో ఉన్న రాజ్యసభ ఎంపీల పదవీ కాలం ఏప్రిల్‌ 2న ముగుస్తుంది. దీంతో మార్చి 5న నోటిఫికేషన ఇస్తామని సీఈసీ తెలిపింది. మార్చి 12 వరకూ నామినేషన్ల దాఖలు, 13 వరకు వాటి పరిశీలన ఉంటుంది. మార్చి 23న ఎన్నికలు, అదే రోజు సాయంత్రం 5 గంటలకు కౌంటింగ్ జరగనుంది. 

తెలుగు రాష్ట్రాల రాజ్యసభ ఎన్నికల్లో ఏపీలో మూడు స్థానాలు, తెలంగాణలో మూడు స్థానాలకు జరుగుతాయి. ఖాళీ కానున్న ఆరు స్థానాల్లో.. ఏపీ నుంచి చిరంజీవి, దేవేందర్‌ గౌడ్‌, రేణుకా చౌదరి ఉండగా.. తెలంగాణ నుంచి సీఎం రమేష్, రాపోలు ఆనంద్‌భాస్కర్‌, పాల్వాయి గోవర్దన్‌రెడ్డి స్థానాలు ఉన్నాయి. ఇటీవల పాల్వాయి మృతిచెందడంతో ఆ స్థానం ఖాళీగా ఉంది. గడువు దగ్గర్లోనే ఉండడంతో ఆయన స్థానానికి ప్రత్యేకంగా ఎన్నికలు నిర్వహించలేదు. 

ఏపీ, తెలంగాణల్లో మొత్తం ఆరు స్థానాల్లో కొత్తగా అభ్యర్థులను నిలపాల్సిన పరిస్థితి ఏర్పడింది. ఏపీలో సంఖ్యాబలం ప్రకారం అధికార టీడీపీకి రెండు స్థానాలు దక్కుతాయి. మూడో స్థానం వైసీపీకి దక్కే ఛాన్స్ ఉంది. కానీ అధికార, ప్రతిపక్షాల మధ్య మూడో సీటు వ్యవహారం ఆసక్తిగా మారింది. 22 మంది వైసీపీ ఎమ్మెల్యేలు టీడీపీలో చేరడంతో ఆ పార్టీకి సంఖ్యా బలం తక్కువగా ఉంది. మరో ఇద్దరు ఎమ్మెల్యేలు టీడీపీ వైపు వస్తే మూడో స్థానం కూడా ఆ పార్టీకే దక్కే అవకాశం ఉండడంతో వైసీపీ అప్రమత్తం అవుతోంది. దేశవ్యప్తంగా 16 రాష్ట్రాల్లో 58 ఎంపీ స్థానాలకు ఎన్నికలు జరగనున్నాయి.

narendra-modi-justin-trudeau-meet-no-space-for-misuse-of-religion-to-promote-separatism-says-pm
కెనడా ప్రధాని ట్రూడోతో ప్రధాని మోదీ భేటీ

భారత్‌లో పర్యటిస్తున్న కెనడా ప్రధాని జస్టిన్‌ ట్రూడోతో ప్రధాని మోదీ భేటీ అయ్యారు. ఢిల్లీలోని హైదరాబాద్‌ హౌస్‌లో ద్వైపాక్షిక అంశాలపై సుదీర్ఘంగా చర్చించారు. భారత్‌, కెనడాల మధ్య సంబంధాల బలోపేతంతో పాటు పెట్టుబడులు, ఉగ్రవాదంపై చర్చలు జరిపారు. రెండు గంటల పాటు జరిగిన సమావేశంలో ఎనర్జీ కో-ఆపరేషన్‌ సహా ఆరు ఒప్పందాలపై సంతకాలు చేశారు. అంతకుముందు రాష్ట్రపతి భవన్‌లో ట్రూడోకు రాష్ట్రపతి రామ్‌నాథ్‌ కోవింద్‌, ప్రధాని మోదీ, ఘనస్వాగతం పలికారు. అనంతరం రాజ్‌ఘాట్‌లో మహాత్మాగాంధీకి ట్రూడో నివాళులర్పించారు.

కెనడా, భారత్‌లకు ఉగ్రవాద ముప్పు పొంచి ఉందని మోదీ అన్నారు. ఇరు దేశాలు కలిసి ఉగ్రవాదంపై పోరాడాలని పిలుపునిచ్చారు. దేశ సార్వభౌమత్వాన్ని, ప్రాంతీయ సమగ్రతను సవాలు చేసే వారిని సహించేది లేదని తేల్చిచెప్పారు. రాజకీయ లక్ష్యాల కోసం మతాన్ని దుర్వినియోగం చేయడాన్ని ఆమోదించబోమని... అలాంటి వాటికి ఇక్కడ స్థానం లేదని మోదీ స్పష్టం చేశారు.

HCL-recruit-the-5-thousand-employees-for-Social-cause
హెచ్‌సీఎల్‌లో 5వేల ఉద్యోగాలు..

రానున్న రోజుల్లో హెచ్‌సీఎల్‌లో 5వేల ఉద్యోగాల కల్పన చేపట్టనున్నట్లు ఆ సంస్ధ ప్రకటించింది. సామాజిక బాధ్యత కార్యక్రమంలో భాగంగా విద్య, ఆరోగ్యం, విద్యుత్ రంగాలలో భాగంగా రూ.160 కోట్ల పెట్టుబడి పెట్టనుంది. ఇందుకుగాను 5వేల మందిని నియమించుకోనుంది. స్థానికులను ప్రోత్సహించే దిశగా చర్యలు చేపడుతోంది. వచ్చే ఏడాదిలో తొలివిడతగా 2వేల మందికి అవకాశం కల్పించనున్నట్లు తెలిపింది. దేశంలోనే అతి పెద్ద రాష్ట్రమైన ఉత్తర ప్రదేశ్‌లోని 700 గ్రామాలను దత్తత తీసుకొన్నట్లుగా హెచ్‌సీఎల్ ప్రకటించింది. ఇక్కడి గ్రామస్థులకు వైద్య సదుపాయాలు, విద్యుత్, వ్యవసాయ ఉపకరణాలతో పాటు సాంకేతిక పరిజ్ఞానాన్ని కూడా వీరికి చేరువ చేయనుంది అని హెచ్‌సీఎల్ టెక్నాలజీస్ ఎగ్జిక్యూటివ్ వైస్ ప్రెసిడెంట్ సంజయ్ గుప్తా ప్రకటించారు. 

Priyanka-Chopra-Quits-As-Nirav-Modi-Brand-Ambassador
బ్రేకింగ్: నీరవ్‌ మోడీకి ప్రియాంక చోప్రా షాక్

పంజాబ్‌ నేషనల్‌ బ్యాంకులో 11 వేల 400 కోట్ల రూపాయల భారీ మోసానికి పాల్పడ్డ  వజ్రాల వ్యాపారి నీరవ్‌ మోడీకి ప్రియాంక చోప్రా  షాక్ ఇచ్చింది   ఆయన   కంపెనీలకు  బ్రాండ్  అంబాసిడర్   గా వ్యవహరిస్తున్న ప్రియాంక  ఆ హోదా నుంచి తప్పుకుందని  జాతీయ మీడియా సంస్థ  పేర్కొంది 

pnb-fraud-ed-freezes-deposits-shares-worth-rs-44cr-of-nirav-modi-group
నీరవ్ మోడీ లగ్జరీ కార్లను సీజ్ చేసిన ఈడీ..వాటి విలువ ఎంతో తెలుసా..!

నీరవ్‌ మోడీకి చెందిన అత్యంత ఖరీదైన వాచ్‌లను ఈడీ అధికారులు స్వాధీనం చేసుకున్నారు. పంజాబ్‌ నేషనల్‌ బ్యాంకులో 11 వేల 400 కోట్ల రూపాయల భారీ మోసానికి పాల్పడ్డ  వజ్రాల వ్యాపారి నీరవ్‌ మోడీ ఆస్తులు అన్నింటిపైనా ఎన్‌ఫోర్సమెంట్‌ డైరెక్టరేట్‌ సోదాలు కొనసాగుతున్నాయి. సుమారు 44 కోట్ల విలువ చేసే నీరవ్‌ బ్యాంకు డిపాజిట్లు, షేర్లను ఇప్పటికే ఈడీ జప్తు చేసింది. అలాగే విదేశాల నుంచి దిగుమతి చేసిన అత్యంత ఖరీదైన వాచ్‌లను పెద్ద మొత్తంలో అధికారులు ఇవాళ స్వాధీనం చేసుకున్నారు.

నిన్న నీరవ్‌, ఆయన మామ చొక్సీలకు చెందిన దాదాపు 100 కోట్ల రూపాయల విలువైన ఆస్తులను, రోల్స్‌ రాయిస్‌ ఘోస్ట్‌, మెర్స్‌డెజ్‌ బెంజ్‌, పోర్షే పనామెరాతో పాటు తొమ్మిది అత్యంత విలాసవంతమైన కార్లను జప్తు అయ్యాయి. 

పీఎన్‌బీలో భారీ కుంభకోణానికి పాల్పడ్డ తరువాత నీరవ్‌ విదేశాలకు పారిపోయిరు. ఈ కేసుపై సీబీఐ, ఈడీ దర్యాప్తు చేస్తున్నాయి. ఈడీ నుంచి అందిన నోటీసుల ప్రకారం నీరవ్‌ నిన్నే ఈడీ ఎదుట హాజరవ్వాలి. కానీ ఆయన హాజరుకాలేదు. తన పాస్‌పోర్ట్‌ నిలిపివేయడం, వ్యాపార లావాదేవీల పెండింగ్‌ వల్ల రాలేకపోతున్నానని వెల్లడించారు. దీంతో అధికారులు ఆయనకు మరో అవకాశం కల్పించాలని నిర్ణయించారు. ఈ నెల 26న ముంబయిలో తమ కార్యాలయంలో హాజరుకావాలని ఈడీ ఆదేశించింది.  

When-will -Amit -Shah -be -investigated-for-Loya's-death
అమిత్ షాను కూడా ఇలాగే ప్రశ్నించాలి

ఢిల్లీ చీఫ్‌ సెక్రటరీ మీద ఆప్ ఎమ్మెల్యేల దాడి చేశారన్న వివాదం రోజురోజుకు ముదురుతోంది. ఢిల్లీలోని ఐఏఎస్‌లు PMO సహాయమంత్రి జితేంద్ర సింగ్‌ను కలిశారు. ఆప్ ఎమ్మెల్యేల మీద ఫిర్యాదు చేశారు. దీనిపై కఠిన చర్యలు తీసుకోవాలని కోరారు. మరోవైపు వివాదంపై విచారణ జరుపుతున్న పోలీసులు.. ఢిల్లీ సీఎం కేజ్రీవాల్ నివాసంలో తనిఖీలు చేశారు. ఘటన జరిగిందని చెబుతున్న రోజు.. ఎవరెవరు ఏ సమయానికి వచ్చారు? ఏం జరిగింది? అని సీసీటీవీ ఫుటేజ్‌ను పరిశీలిస్తున్నారు. ఇప్పటికే ఓ సారి సీసీటీవీ ఫీడ్‌ను పరిశీలించిన పోలీసులు.. ఇవాళ మరోసారి పరీక్షించనున్నారు.

మరోవైపు విచారణ జరుగుతున్న తీరుపై ఢిల్లీ సీఎం కేజ్రీవాల్ వ్యంగ్యాస్త్రాలు సంధించారు. విచారణ ఏజెన్సీలు.. జడ్జి లోయా మృతి కేసును కూడా ఇదే ఉత్సాహంతో విచారణ జరపాలని, అమిత్ షాను కూడా ఇలాగే ప్రశ్నించాలని సూచించారు. మరోవైపు మొత్తం ఘటనపై వివరణ ఇచ్చేందుకు అపాయింట్‌మెంట్ ఇవ్వాలంటూ లెఫ్టినెంట్ గవర్నర్ను కేజ్రీవాల్ కోరారు.

supreme-court-cancel-petition-file-against-kaleshwaram-project
కాళేశ్వరం ప్రాజెక్ట్‌కు సుప్రీంలో లైన్ క్లియర్...

తెలంగాణ ప్రభుత్వానికి ఊరట లభించింది..ఎంతో ప్రతిష్టాత్మకంగా చేపడుతున్న కాళేశ్వరం ప్రాజెక్టుకు అడ్డంకులు తొలగిపోయాయి. ప్రాజెక్టుపై దాఖలైన పిటిషన్‌ను సుప్రీం కోర్టు కొట్టివేసింది. ముంపు గ్రామాల్లో సరైన చర్యలు చేపట్టకుండా పనులు చేస్తున్నారని సుప్రీంకోర్టులో హయత్ ‌ఉద్దీన్‌ అనే వ్యక్తి పిటిషన్‌ దాఖలు చేశారు. ఈ కేసును విచారించడంలో అర్థం లేదంటూ సుప్రీం కొర్టు అభిప్రాయపడింది.. 

హయత్‌ ఉద్దీన్‌ పటిషిన్‌ను విచారించించిన సుప్రీం.. చెన్నై బెంచ్‌ నుంచి ఢిల్లీకి ఎందుకు వచ్చారని పిటిషనర్‌ను ప్రశ్నించింది. పిటిషనర్‌పై తీవ్ర స్థాయిలో ఆగ్రహం వ్యక్తం చేసింది. ఫోరం హంటింగ్‌ చేస్తున్నారా అంటూ మందలించింది. కేసు దాఖలులోనే ఆలస్యం చేశారని పేర్కొంది. ఒక చోట కాకపోతే మరోచోటికి వస్తారా? అని పిటిషనర్‌ తీరును తప్పుపట్టింది.  కేసు విచారణకు అర్హం కాదంటూ కోర్టు తిరస్కరించింది. పిటిషనర్‌ ఆలోచన సరిగా లేదంటూ ఆగ్రహం వ్యక్తం చేసింది.

bride-gave-big-shock-to-the-groom-in-wedding
బాబోయ్ నాకొద్దీ బట్టతల మొగుడు.. షాక్ తిన్న వరుడు.. చేసిన పని చూస్తే!

నిమిషాల్లో వివాహం జరుగుతుందనగా తనకు ఈ వివాహం వద్దని ఆపేసింది ఓ వధువు. దీనికి కారణం వరుడి బట్టతలే. దీంతో  చిర్రెత్తిపోయిన వరుడు మరో యువతితో అదే మండపంలోనే వివాహం చేసుకున్నాడు.. ఢిల్లీకి చెందిన న్యూరాలజిస్ట్ డాక్టర్ రవి కుమార్‌కు బీహార్‌లోని  చంపారన్‌లో ఉన్న సుగాలి గ్రామానికి చెందిన యువతితో వివాహం నిశ్చయించారు పెద్దలు. ఈ క్రమంలో గురువారం వివాహం జరగాల్సి ఉంది. గురువారం పెళ్లి ముహూర్తానికి అంతా సిద్ధం చేశారు. వరుడు , వధువులిద్దరు ముస్తాబై , పెళ్లిమండపానికి వచ్చారు. ఇంతలో రవి కుమార్‌ తన నెత్తిన ఉన్న టోపీ తీశాడు. అంతే వరుడికున్న బట్టతల చూసి షాక్ అయింది వధువు. చిన్నప్పటినుంచి ఒత్తుగా జుట్టుండే అబ్బాయిని వివాహం చేసుకోవాలనుకున్న ఆమె ఆశలు ఒక్కసారిగా ఆవిరవుతున్నాయని. పెళ్ళికి ససేమీరా ఒప్పుకోనని చెప్పింది. పైగా అతనితో పెళ్లి జరిపితే ఈ మండపంలోనే ఆత్మహత్య చేసుకుంటానని మొండికేసింది. ఇక చేసేదేమి లేక వివాహాన్ని రద్దు చేశారు పెద్దలు. ఈ ఘటనతో చిర్రెత్తిపోయిన వరుడు ఈ మండపంలోనే నా పెళ్లి ఎలాగైనా జరగాలని పట్టుబట్టాడు. దీంతో వరుడి తల్లిదండ్రులు పెళ్ళికి వచ్చిన ఓ యువతి తల్లిదండ్రులను పెళ్ళికి ఒప్పించి అదే మండపంలో వివాహం జరిపించారు. 

canadian-pm-justin-trudeau-and-wife-sophie-did-bhangra-in-delhi
వైరల్‌ అవుతున్న కెనడా ప్రధాని ట్రూడో స్టెప్పులు..!!

భారత పర్యటనలో  కెనడా ప్రధాని ట్రూడో సందడి చేస్తున్నారు. దేశంలోని పర్యాటక ప్రాంతాలన్నంటిని కుటుంబ సభ్యులతో కలిసి చుట్టేస్తున్న ట్రూడో ఢిల్లీలో జరిగిన డిన్నర్ ఈవెంట్‌లో డ్యాన్స్ చేశారు. బాంగ్రా నృత్యం చేసి అదరగొట్టారు. కెనడా హౌజ్‌లో నిర్వహించిన ఈవెంట్‌లో భార్యతో కలిసి పాల్గొన్న ట్రూడో.. మ్యూజిక్‌కు అనుగుణంగా స్టెప్పులు వేశారు. కెనడా ప్రధాని డ్యాన్స్‌కు అంతా ఫిదా అయ్యారు. ట్రూడో స్టెప్పులు సోషల్ మీడియోలో వైరల్‌గా మారాయి.


harassment-in-jodhpur
నిన్నగోవాలో... నేడు జోథ్‌పూర్‌లో... విదేశీ పర్యాటకురాలిపై...

రాజస్థాన్ జోధ్‌పూర్‌లో విదేశీ పర్యాటకురాలిపై ఆగంతకులు లైంగిక వేధింపులకు పాల్పడ్డారు. ఈ విషయంపై బాధిత మహిళ జోధ్‌పూర్ పోలీసులకు ఫిర్యాదు చేసింది. నిందితులను సీసీ ఫుటేజ్‌లో గుర్తు పట్టింది. వేధింపులకు పాల్పడ్డ పోకిరీలను పోలీసులు పట్టుకునే పనిలో ఉన్నారు. బైక్‌పై వచ్చిన ఇద్దరు వ్యక్తులు తనను తీవ్రంగా వేధించారని బాధితురాలు చెప్తోంది. యూకే నుంచి ఇండియా టూర్‌కి వచ్చిన తాను ఈ ఘటనతో షాక్‌కి గురయ్యానంటోంది. 

అతిథిదేవోభవన అని గౌరవించాల్సిన చోటే ఇలాంటి వేధింపుల ఘటన జరగడం కలకలం రేపింది. ముఖ్యంగా విదేశీ పర్యాటకుల విషయంలో మర్యాదగా ప్రవర్తించకపోతే ఆ మచ్చ దేశంపై పడుతుందన్న స్ఫృహ లేకుండా కొందరు ఈ వెకిలి చేష్టలు చేశారు. త్వరగా వీళ్లను గుర్తించి కఠినంగా శిక్షించాలని స్థానికులు డిమాండ్ చేస్తున్నారు. టూరిజం ప్లేస్‌లలో ఇలాంటి ఘటనలు జరిగితే, అది మొదటికే మోసం వస్తుందని, పర్యాటకరంగంపైనే జీవిస్తున్న ఎందరో జీవితాలు ఎఫెక్ట్ అవుతాయని అంటున్నారు. UK మహిళ సైతం జోద్‌ఫూర్‌ ఘటన దారుణమంటోంది. భవిష్యత్‌లో ఇలాంటివి జరగకుండా ఉండాలని ఆశిస్తున్నానని తెలిపింది. జనవరి నెలలో గోవాలో విదేశీపర్యాటకురాలిని కొందరు లైంగికంగా వేధించిన ఘటన మర్చిపోకముందే, ఇప్పుడు జోథ్‌పూర్‌లో ఆకతాయిలు రెచ్చిపోవడం చర్చనీయాంశమైంది.

Mauritius-drags-India-to-international-court-over-Andhra-SEZ-case
జగన్ పై సీబీఐ కేసు వల్ల మేము నష్టపోయాం : మారిషస్ ప్రభుత్వం

జగన్ ఆస్తుల కేసు వ్యవహారం అంతర్జాతీయ న్యాయస్థానం దగ్గరికి వెళ్లింది. ఇందూ టెక్ జోన్ ఐటీ సెజ్ కేసుతో తాము భారీగా నష్టపోయామని, న్యాయం చేయాలని కోరుతూ మారిషస్ ప్రభుత్వం నెదర్లాండ్స్‌లోని ఆర్బిట్రేషన్ కోర్టును ఆశ్రయించింది. దీంతో ప్రధాని మోడీ సహా పలువురు మంత్రులకు ఇంటర్నేషనల్ కోర్టు నోటీసులు పంపించింది. 

ఇందూ టెక్ జోన్ ఐటీ సెజ్ కేసులో జగన్, శ్యామ్‌ప్రసాద్‌రెడ్డి సహా పలువురిపై సీబీఐ చార్జిషీట్‌లు దాఖలు చేసింది. దీంతో ఈ ప్రాజెక్టు ఆగిపోయింది. ఇందూ టెక్ జోన్‌లో మారిషస్‌కు 49 శాతం వాటా ఉంది. ఐటీ సెజ్‌ కోసం మారిషస్‌కు చెందిన కరీసా ఇన్వెస్ట్‌మెంట్స్ మూడు దఫాలుగా మొత్తం 115 కోట్ల రూపాయల పెట్టుబడి పెట్టింది. 

సీబీఐ కేసుతో ఈ ప్రాజెక్టు ముందుకు కదల్లేదు. దీంతో తమకు భారీగా నష్టం వాటిల్లిందని 50 మిలియన్ డాలర్ల పరిహారాన్ని ఇప్పించాలని మారిషస్ ప్రభుత్వం నెదర్లాండ్స్‌లోని అంతర్జాతీయ న్యాయస్థానాన్ని ఆశ్రయించింది. మోడీకి నోటీసులు పంపడమే కాకుండా కేంద్ర ఆర్థిక, వాణిజ్య, న్యాయ, పట్టణాభివృద్ధి శాఖల మంత్రులను ప్రతివాదులుగా చేర్చింది. మారిషస్ నోటీసులు పంపిన అంశాన్ని తెలంగాణ ప్రభుత్వం ధృవీకరించింది. సీబీఐ, ఈడీ కేసులు పెండింగ్‌లో ఉన్నందున తమ పెట్టుబడుల ఒప్పందానికి రక్షణ లేకుండా పోయిందంటూ మారిషస్ ప్రభుత్వం నోటీసులు పంపించినట్టు చెబుతున్నారు. 

మరోవైపు ఈ పరిణామంపై వైసీపీ నేతలు మండిపడుతున్నారు. విదేశాలతో వ్యాపార ఒప్పందాలు జరిగినప్పుడు అవి పట్టాలెక్కలేని పరిస్థితి ఉంటే.. నోటీసులు నేరుగా ప్రధానికి ఇవ్వరని, పీఎంవోలో ఇస్తారని వైసీపీ నేతలు అంటున్నారు. ఇలాంటివి కామన్ అని, ప్రత్యేక హోదా నుంచి అందరి దృష్టి మరల్చేందుకే టీడీపీ నేతలు కొత్త నాటకాలు ఆడుతున్నారని వైఎస్‌ఆర్ కాంగ్రెస్ నేతలు మండిపడుతున్నారు.

fire-accident-in-Mumbai
ముంబై: గోడౌన్‌లో మంటలు

ముంబై ఏషియన్ పెయింట్స్ గోడౌన్‌లో మంటలు చెలరేగాయి. నిన్న రాత్రి ఒక్కసారిగా మంటలు రావడంతో ఫైర్ సిబ్బంది రంగంలోకి దిగారు. ఫైరింజన్లతో మంటలు ఆర్పేశారు. ఈ ఘటనలో పలువురు కార్మికులకు గాయాలయ్యాయి. ప్రమాదానికి కారణాలపై పోలీసులు దర్యాప్తు చేస్తున్నారు.

student-beheaded-outside-school
దారుణం: స్కూల్ గేట్ ముందే విద్యార్థినిని కత్తులతో పొడిచి...

మధ్యప్రదేశ్ అనుపూర్‌లో దారుణం చోటు చేసుకుంది. విద్యార్థినిని స్కూల్ గేట్ ముందే చంపేశారు దుండగులు. స్కూల్‌ అయ్యాక గేట్ వద్దకు రాగానే కత్తులతో పొడిచి చంపేశారు. విలవిలలాడుతూ బాలిక ప్రాణాలు కోల్పోయింది. టీచర్లు, ఇతర విద్యార్థుల కళ్ల ముందే ఈ ఘటన జరగడంతో అంతా భయపడిపోయారు. సమాచారం అందుకున్న పోలీసులు ఘటనా స్థలానికి వచ్చి దర్యాప్తు చేపట్టారు. కుటుంబానికి శత్రుత్వం ఉన్న వారే ఈ ఘాతుకానికి ఒడిగట్టారా అన్న కోణంలో పోలీసులు దర్యాప్తు చేస్తున్నారు.

girl-molested-at-turbhe-railway-station-in-navi-mumbai
అందరూ చూస్తుండగానే యువతిపై...

అందరూ చూస్తుండగానే యువతిపై లైంగిక దాడికి పాల్పడ్డాడు మధ్యవయస్సుగల వ్యక్తి. ఈ ఘటన నవీ ముంబయిలోని టర్బే రైల్వే స్టేషన్‌లో గురువారం చోటుచేసుకుంది.  యువతిని వేధిస్తున్నట్టు స్పష్టంగా సీసీ కెమెరాల్లో రికార్డు అయింది. ఓ యువతి(20) తన గమ్యస్థలికి వెళ్లేందుకు లోకల్ రైలు కోసం ప్లాట్‌ఫాంపై వేచి ఉంది. ఇంతలో నరేష్ కె జోషి(43) అనే వ్యక్తి ఆమెను వెంబడించాడు. దీంతో భయాందోళన చెందిన యువతీ అక్కడినుంచి వెళ్లే ప్రయత్నం చేసింది.అయినా కూడా ఆమెను వెంబడిస్తూ.. ఆమెను అసభ్యంగా తాకుతూ.. బలవంతంగా ముద్దు పెట్టుకున్నాడు. ఆ సమయంలో ప్లాట్ ఫామ్ పై ఉన్న మనుషులెవ్వరు అతన్ని నిలువరించే ప్రయత్నం చెయ్యలేదు. యువతీ పిర్యాదు మేరకు కేసు నమోదు చేసుకున్న పోలీసులు అగంతకుణ్ణి గుర్తిచే పనిలో పడ్డారు.  

Bank-gives-one-more-chance-to-nirav-modi
నీరవ్‌కు మరోక ఛాన్స్ ఇచ్చిన పీఎన్‌బీ...

పీఎన్‌బీ కేసులో ఈడీ, సీబీఐ దర్యాప్తు ముమ్మరం చేసింది. వరసగా నీరవ్, ఛోక్సీ ఆస్తుల తనిఖీలు కొనసాగిస్తోంది. తాజాగా మామాఅల్లుళ్లకు చెందిన ఖరీదైన కార్లను అధికారులు స్వాధీనం చేసుకున్నారు. మ్యూచువల్ ఫండ్స్, షేర్లను స్తంభింపజేశారు. ఇటు ప్రభుత్వం కూడా బ్యాంకర్లకు కట్టాల్సిన మొత్తాన్ని కట్టడానికి ఆస్తులైనా అమ్మేయమని పంజాబ్ నేషనల్ బ్యాంక్‌కు వార్నింగ్ ఇచ్చింది.

పంజాబ్ నేషనల్ బ్యాంక్ స్కాం దర్యాప్తు జోరుగా సాగుతోంది. నీరవ్ 11 వేల 400 కోట్ల రుణాలు తీసుకున్న బ్యాంకర్లు బకాయిలు చెల్లించాలని ఒత్తిడి తెస్తుండడంతో తమ దగ్గర ఆరు వేల కోట్లే ఉన్నాయని పీఎన్‌బీ చేతులెత్తేసింది. బ్యాంకర్లకు చెల్లించాల్సిన నిధుల కోసం అవసరమైతే మీ ఆస్తులనైనా అమ్మండని ప్రభుత్వ సీనియర్ అధికారులు పీఎన్‌బీకి సూచించారు. ఈ కేసును ఇప్పటికే ప్రతిష్టాత్మకంగా తీసుకున్న కేంద్రం గట్టి చర్యలు ప్రారంభించింది. 

ఇటు నీరవ్‌కు పీఎన్‌బీ మరోసారి రుణాలు చెల్లించే ఛాన్స్ ఇచ్చింది. LOUల ద్వారా తమ శాఖలకు కలిగిన నష్టాలను పూడ్చేందుకు సమగ్రమైన, అమలు చేయదగిన ప్లాన్‌తో రావాలని పీఎన్‌బీ నీరవ్‌ను కోరింది. మీ అప్పులు చెల్లించేందుకు ఏదైనా ప్లాన్ ఉంటే తమకు మెయిల్ చేయాలని కోరింది. ఇటు నీరవ్‌పై సీబీఐ, ఈడీ ఫెమా, మనీ లాండరింగ్ వ్యతిరేక చట్టాల ఉల్లంఘన కేసులు పెట్టింది.

నీరవ్, ఛోక్సీ ఆస్తులపై ఈడీ, సీబీఐ అధికారులు విస్తృత తనిఖీలు చేస్తున్నారు. గురువారం నీరవ్, ఆయన కంపెనీలకు చెందిన 9 ఖరీదైన కార్లను అధికారులు సీజ్ చేశారు. వీటిలో రోల్స్ రాయిస్ గోస్ట్, ఫోర్బ్స్ పానమేరా, 2 బెంజ్‌ కార్లతోపాటూ, 3 హోండా కార్లు, రెండు టయోటా కార్లు స్వాధీనం చేసుకుంది. వీటితోపాటూ నీరవ్‌కు చెందిన 7 వేల 80 కోట్ల విలువైన మ్యూచువల్ ఫండ్స్, షేర్లు, చోక్సీ గ్రూప్‌కు చెందిన 86 కోట్లకు పైగా విలువైన షేర్లను కూడా సీజ్ చేసింది.

Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials