Live News Now
  • ప్రగతి భవన్ దగ్గర తీవ్ర ఉద్రిక్తత.. సాక్షర భారత్‌ మిషన్ కోఆర్డినేటర్ల ఆందోళన..
  • రికార్డు గరిష్ట స్థాయికి పెట్రో ధరలు..
  • కేంద్రానికి నరసింహన్ నివేదికపై సస్పెన్స్..
  • ఏపీలో హోరెత్తుతున్న హోదా ఆందోళనలు.. శ్రీశైలం భ్రమరాంబకు బోనాలు
  • ధాన్య రాశుల నిలయంగా నల్గొండ!.. సీఎం చొరవతోనే సాధ్యమైందన్న హరీష్
  • జమ్మూకశ్మీర్‌లో మరో ఎన్‌కౌంటర్‌.. పుల్వామా జిల్లాలో టెన్షన్‌ టెన్షన్
  • బాలీవుడ్‌లోనూ కాస్టింగ్ కౌచ్.. తొలిసారి ఆరోపణలు చేసిన సరోజ్‌ ఖాన్
  • ఏపీలో చంద్ర క్రాంతి ప్రారంభం.. ద్వారపూడిలో అభివృద్ధి కార్యక్రమాలకు శ్రీకారం
  • కర్ణాటక కాంగ్రెస్‌కు ఐటీ షాక్.. మంత్రి మహదేవప్ప ఇంట్లో రైడ్స్
  • తలకు బదులు కాలుకు ఆపరేషన్.. ఢిల్లీ ప్రభుత్వాసుపత్రిలో వైద్యుల నిర్లక్ష్యం
ScrollLogo మిషన్ భగీరథ దేశానికే ఆదర్శమన్న కేసీఆర్ పెండింగ్ పనులు పరుగులు పెట్టించాలని ఆదేశం ScrollLogo మిషన్ భగీరథ దేశానికే ఆదర్శమన్న కేసీఆర్ పెండింగ్ పనులు పరుగులు పెట్టించాలని ఆదేశం ScrollLogo ఎంపీలు, ముఖ్యనేతలతో జగన్ కీలక భేటీ ప్రత్యేక హోదా, భవిష్యత్ కార్యాచరణపై చర్చ ScrollLogo కాల్పుల మోతతో దద్దరిల్లిన గడ్చిరోలి ఎన్‌కౌంటర్లో 14మంది మావోయిస్టులు మృతి ScrollLogo కొడుకుతో సహా తల్లి ఆత్మహత్య.. విజయనగరం జిల్లాలో విషాదం.. ScrollLogo వైసీపీ, జనసేన కుమ్మక్కయ్యాయన్న బోండా ScrollLogo 58 లక్షల మంది రైతులకు 6 వేల కోట్లు.. రైతు బంధు పథకం చారిత్రాత్మకమన్న హరీష్ ScrollLogo టీడీపీపై మహా కుట్ర జరుగుతోంది: బోండా ScrollLogo పోలవరం స్పిల్‌ ఛానల్‌ కాంక్రీట్ పనులు ప్రారంభం.. ScrollLogo ఐపీఎల్‌లో పంజాబ్ వర్సెస్ ఢిల్లీ.. క్రిస్‌గేల్‌పైనే అందరి చూపు
National News
ghulam-nabi-patel-encounter-kashmir
ఉగ్రవాదుల దాడిలో కాంగ్రెస్ నేత గులాం నబీ పటేల్ మృతి

జమ్మూ కాశ్మీర్ లో ఉగ్రవాదులు మరోసారి రెచ్చిపోయారు. కాశ్మీర్ లోని రాజ్‌పూర్‌లో బుధవారం ఉగ్రవాదులు కాల్పులు జరిపారు. ఇందులో కాంగ్రెస్ సీనియర్ నేత గులాం నబీ పటేల్ మృతిచెందారు. ఆయన వ్యక్తిగత సిబ్బందికి తీవ్ర గాయాలయ్యాయి. కాగా ఎప్పుడు సామాన్య ప్రజలు, ఇండియన్ ఆర్మీపై దాడి చేసే ఉగ్రవాదులు రాజకీయ నేతలపై కూడా గురిపెట్టారు. ఇందులో భాగంగా కాంగ్రెస్ నేత గులాం నబీ పటేల్ ను హతమార్చినట్టు పోలీసులు అనుమానిస్తున్నారు. ఈ దాడిని జమ్మూ కాశ్మీర్ ముఖ్యమంత్రి మెహబూబా ముప్తీ తీవ్రంగా ఖండించారు. గులాం నబీ మృతికి సంతాపం ప్రకటించారు. 

godman-asaram-along-with-all-accused-found-guilty-by-jodhpur-court
బాలిక రేప్ కేసులో ఆశారాం బాపు దోషి

యువతిపై అత్యాచారం చేసినట్టు ఆరోపణలు ఎందుర్కొంటున్న ప్రముఖ ఆధ్యాత్మిక గురువు ఆశారాం బాపు కేసులో  జోధ్‌పూర్ కోర్టు తీర్పు వెల్లడించింది.  ఆశారాం బాపును దోషిగా తేల్చింది  కోర్టు. అతడితో పాటు మరో నలుగురిని ఈ కేసులో నిందితులుగా ఉన్నారు.  వారిలో  ఇద్దరని  దోషులుగా తేల్చగా  మరో ఇద్దరినీ  నిర్దోషులుగా తీర్పు  వెల్లడించింది.

verdict-in-asaram-bapu-rape-case
కాసేపట్లో ఆశారాం బాపు కేసుపై తుది తీర్పు

యువతిపై అత్యాచారం చేసినట్టు ఆరోపణలు ఎందుర్కొంటున్న ప్రముఖ ఆధ్యాత్మిక గురువు ఆశారాం బాపు కేసులో నేడు జోధ్‌పూర్ కోర్టు తుది తీర్పు వెల్లడించనుంది. దీంతో పోలీసులు కట్టుదిట్టమైన భద్రతా ఏర్పాట్లు చేశారు. ముఖ్యంగా నాలుగు రాష్ట్రాల్లో హై అలెర్ట్‌ ప్రకటించారు. అప్రమత్తంగా ఉండాలంటూ రాజస్థాన్, గుజరాత్, హరియాణా, ఉత్తరప్రదేశ్ రాష్ట్రాలను కేంద్రం హెచ్చరించింది. ఆశారాంకు దేశంలో పెద్ద ఎత్తున భక్తులు ఉండడంతో కేంద్రం ఈ హెచ్చరికలు జారీ చేసింది.

ఉత్తరప్రదేశ్‌‌లోని జోధ్‌పూర్ సమీపంలో ఉన్న మనాయి ఆశ్రమంలో 2013లో ఆశారాం బాపు 16 ఏళ్ల బాలికపై అత్యాచారానికి పాల్పడినట్టు కేసు నమోదైంది. సుదీర్ఘ విచారణ తరువాత నేడు జోధ్‌పూర్ కోర్టు తీర్పు వెలువరించనుంది. ఆశారాంకు దేశవ్యాప్తంగా పెద్దఎత్తున ఫాలోయింగ్ ఉండడంతో భద్రతను కట్టుదిట్టం చేయాలని కేంద్రం పై నాలుగు రాష్ట్రాలకు సూచించింది. అవసరమైతే అదనపు బలగాలను మోహరించాలని ఆదేశించింది.

మరోవైపు బాధిత బాలిక కుటుంబం ఇంటి దగ్గర షహరాన్‌పూర్ జిల్లా యంత్రాంగం భారీగా బలగాలను మోహరించింది. తుదితీర్పు సందర్భంగా ఆశారాం బాపు సహా మరో నలుగురు నిందితులు కోర్టుకు హాజరుకావాల్సి ఉంది.. ఈ కేసులో ఆశారాం దోషిగా తేలితే పదేళ్ల జైలు శిక్ష పడే అవకాశం ఉంది.. ముందస్తు చర్యల్లో భాగంగా 400 మంది భక్తులను అదుపులోకి తీసుకున్నారు.

governar-narasimhan-delhi - tour
అర్ధంతరంగా ముగిసిన గవర్నర్ ఢిల్లీ టూర్.. మోడిని కలవకుండానే

రెండు రోజుల టూర్ కోసం ఢిల్లీ వెళ్లిన గవర్నర్ నరసింహన్ అర్ధంతరంగా తిరుగుముఖం పట్టారు. కేంద్ర హోంమంత్రి రాజ్ నాథ్ సింగ్, ప్రధాని నరేంద్ర మోడీలతో భేటీ కావాల్సి ఉన్నా.. ఆయన సమావేశం కాకుండానే హైదరాబాద్ రిటన్ కావడం ఆసక్తికరంగా మారింది. అయితే, తెలుగు రాష్ట్రాలకు సంబంధించి గవర్నర్ ఇవ్వాల్సిన రిపోర్టులను నిన్న రాత్రే ప్రధాని, హోంశాఖ ఆఫీసులకు  అందజేశారు.   

parliament-not-immune-casting-couch-renuka
రేణుకా చౌదరి సంచలన వ్యాఖ్యలు

కాస్టింగ్‌ కౌచ్‌ దేశాన్ని కుదిపేస్తోంది. టాలీవుడ్‌లో చిచ్చు రేపిన ఈ వ్యవహారం.. ఇప్పుడు బాలీవుడ్‌ను దాటి పార్లమెంట్‌ను కూడా తాకింది. కాస్టింగ్ కౌచ్‌పై కాంగ్రెస్‌ నేత రేణుకా చౌదరి సంచలన వ్యాఖ్యలు చేశారు. ఫిల్మ్ ఇండస్ట్రీనే కాదు.. పార్లమెంట్‌ కూడా దీనికి అతీతం కాదంటూ కలకలం సృష్టించారు.

కాస్టింగ్‌ కౌచ్‌పై దేశవ్యాప్తంగా దుమారం కొనసాగుతోంది. శ్రీరెడ్డి అర్ధనగ్న నిరసన తర్వాత టాలీవుడ్‌, బాలీవుడ్‌లో కాస్టింగ్‌ కౌచ్‌ ఆరోపణలు ప్రకంపనలు పుట్టిస్తున్నాయి. తాజాగా ఈ వ్యవహారంపై మాజీ ఎంపీ రేణుకా చౌదరి స్పందించారు. ఫిల్మ్ ఇండస్ట్రీలోనే కాదు.. ప్రతిచోటా వేధింపులున్నాయని ఆవేదన వ్యక్తం చేశారు. కాస్టింగ్ కౌచ్ అనేది అన్ని పని ప్రదేశాల్లో ఉందని.. పార్లమెంట్ కూడా దీన్ని ఎదుర్కొంటుందని సంచలన వ్యాఖ్యలు చేశారు.

దేశ్యాప్తంగా రేణుకాచౌదరి చేసిన వ్యాఖ్యలు తీవ్ర దుమారం రేపడంతో.. వెంటనే ఆమె మాట మార్చారు. తాను పార్లమెంట్‌లో కాస్టింగ్‌ కౌచ్‌ ఉంటుందని చెప్పలేదంటూ వివరణ ఇచ్చుకున్నారు.

gadchiroli-naxal-body-count-now-37-police-laid-an-ambush-and-waited
అడవుల్లో నెత్తుటిధారలు..నక్సలైట్ల రక్తంతో తడుస్తున్న పచ్చటి చెట్లు

గడ్చిరోలిలో తుపాకులు గర్జన కొనసాగుతోంది. మూడ్రోజుల వ్యవధిలో 40 మంది మావోయిస్టులను భద్రతా బలగాలు మట్టుబెట్టాయి. దట్టమైన అడవుల్లోకి దూసుకెళ్తూ నక్సల్స్‌ను ఏరిపారేశాయి. అయితే వరుస ఎన్‌కౌంటర్లపై భగ్గుమన్న ప్రజాసంఘాల నేతలు.. మావోయిస్టులకు విషం పెట్టి చంపేశారని ఆరోపిస్తున్నారు.

మహారాష్ట్ర అడవుల్లో నెత్తుటిధారలు పారుతున్నాయి. నక్సలైట్ల రక్తంతో పచ్చటి చెట్లు తడిసిపోతున్నాయి. నాలుగు రోజులుగా కొనసాగుతున్న వరుస ఎన్‌కౌంటర్లలో మావోయిస్టు పార్టీకి కోలుకోలేని దెబ్బ తగిలింది. ఏకంగా 40 మంది మావోయిస్టులు ప్రాణాలు కోల్పోయారు. సాయుధ బలగాల దెబ్బకు చాలా దళాలు తుడిచి పెట్టుకుపోయాయి.

ఛత్తీస్‌గఢ్‌ సుక్మా జిల్లాలో గత శనివారం నక్సల్స్‌ దాడిలో సీఆర్పీఎఫ్‌ ఏఎస్సై ప్రాణాలు కోల్పోయారు. దీంతో నక్సల్స్‌ కోసం భారీ కూంబింగ్‌ ఆపరేషన్‌ ప్రారంభమైంది. ఛత్తీస్‌గఢ్‌, మహారాష్ట్ర, సీఆర్పీఎఫ్‌, కోబ్రా బలగాలు సంయుక్తంగా అడవిని జల్లెడపట్టాయి. శనివారం రాత్రి మహారాష్ట్రలోని గడ్చిరోలి జిల్లా ఏటపల్లి దగ్గర ఎదురుకాల్పుల్లో 16 మంది మావోయిస్టులు చనిపోయారు. ఆదివారం రాత్రి సుకుమా జిల్లాలోని పూసుపాల్‌ సమీపంలోని అడవుల్లో మరో ఐదుగురు హతమయ్యారు.

రెండు ఎన్‌కౌంటర్లలో 20 మందిని మట్టుబెట్టిన బలగాలు.. రెట్టింపు ఉత్సాహంతో కూంబింగ్‌ కొనసాగించాయి. సోమవారం సాయంత్రం రాజారాం ఖాండ్లా అడవిలోని జిమాల్‌గట్ట ప్రాంతంలో ఎదురుకాల్పులు జరగడంతో నలుగురు మావోయిస్టులు మరణించారు. నిన్న ఉదయం ఇంద్రావతి నదీ తీరంలో మరో 15 మంది మావోయిస్టుల మృతదేహాలను గుర్తించారు. మొత్తంగా నాలుగు రోజుల వ్యవధిలో 40 మందిని హతమార్చిన సాయిధ బలగాలు.. మావోయిస్టులపై తిరుగులేని విజయం సాధించాయి. పెద్దఎత్తున ఆయుధాలను స్వాధీనం చేసుకున్నాయి. కాగా.. మృతుల్లో కీలక నేతలున్నట్లు అనుమానిస్తున్న పోలీసులు.. మృతదేహాలను హెలికాప్టర్లలో తరలించారు.

మరోవైపు మహారాష్ట్రలో వరుస ఎన్‌కౌంటర్లపై ప్రజాసంఘాల నేతలు భగ్గుమంటున్నారు. సింలి గ్రామంలో కోవర్టు ద్వారా పెళ్లి భోజనంలో విషం పెట్టి 33 మంది మావోయిస్టులను అదుపులోకి తీసుకున్నారని అనుమానాలు వ్యక్తం చేశారు. వారిని చిత్రహింసలకు గురిచేసి కాల్చి చంపారని ఆరోపించారు. 2017లో గడ్చిరోలి జిల్లాలో 19 మంది సభ్యుల ఎన్‌కౌంటర్‌ తర్వాత.. మావోయిస్టులకు తగిలిన గట్టి ఎదురుదెబ్బ ఇదే. గడ్చిరోలిలో ఎన్‌కౌంటర్‌ నేపథ్యంలో పోలీసులు రెడ్‌అలర్ట్‌ ప్రకటించారు. దీంతో ఆంధ్రప్రదేశ్, తెలంగాణలో కూడా కూంబింగ్‌ ముమ్మరం చేశారు.

governar-narasimhan-delhi - tour
ఆసక్తి రేపుతున్న గవర్నర్‌ ఢిల్లీ పర్యటన..కేసీఆర్‌, చంద్రబాబుపై ...

గవర్నర్‌ నరసింహన్‌ ఢిల్లీ పర్యటన ఆసక్తి రేకెత్తిస్తోంది. నిన్న సాయంత్రం ఢిల్లీ చేరుకున్న గవర్నర్.. ఇవాళ కేంద్ర హోంమంత్రిని కలిసే అవకాశం ఉంది. రేపు ప్రధాని అపాయింట్‌మెంట్‌ కన్‌ఫాం అవుతుందని తెలుస్తోంది.ఇవాళ, రేపు ఢిల్లీలోనే ఉండనున్న గవర్నర్‌.. తెలుగు రాష్ట్రాల్లోని తాజా రాజకీయ అంశాలు, శాంతిభద్రతల పరిస్థితులపై కేంద్రానికి నిరవేదిక ఇవ్వనున్నారు. ప్రధాని మోడీపై చంద్రబాబు విమర్శలు.. ఫెడరల్‌ ఫ్రంట్ ఏర్పాటులో భాగంగా కేసీఆర్‌ సంప్రదింపుల నేపథ్యంలో నరసింహన్ పర్యటన ప్రాధాన్యత సంతరించుకుంది.

తెలుగు రాష్ట్రాల్లో రాజకీయ పరిస్థితులపై సమగ్ర నివేదికతో సిద్ధమైన గవర్నర్‌ నరసింహన్‌ మంగళవారం సాయంత్రం ఢిల్లీ చేరుకున్నారు. ఇవాళ, రేపు ఢిల్లీలోనే ఉండనున్న నరసింహన్.. మొదట హోమంత్రి రాజ్‌నాథ్‌ సింగ్‌తో భేటీ కానున్నారు. ఆ శాఖ ఉన్నతాధికారులు, ఇంటెలిజెన్స్‌ శాఖ అధికారులతోనూ సమావేశమవుతారని తెలుస్తోంది. ప్రధాని అపాయింట్‌మెంట్‌ గురువారానికి ఖరారయ్యే అవకాశం ఉంది. రెండు రాష్ట్రాల్లో రాజుకొంటున్న రాజకీయ వేడి నేపథ్యంలో.. గవర్నర్ నరసింహన్ ఢిల్లీ పర్యటన అందరి దృష్టిని ఆకర్షిస్తోంది.

ప్రధానంగా ప్రధాని మోడీపై ఏపీ సీఎం చంద్రబాబు విమర్శలు.. కేంద్రంపై టీడీపీ ప్రభుత్వం చేస్తున్న పోరాటాలు , దక్షిణాది ఆర్ధిక మంత్రుల సమావేశం ఏర్పాటు.. తదితర అంశాల నేపథ్యంలో నరసింహన్ పర్యటన ప్రాధాన్యత సంతరించుకుంది. చంద్రబాబు మొదలుకుని టీడీపీ నేతలంతా ప్రధానిపై వ్యక్తిగత విమర్శలు చేయడంపై బీజేపీలోని కొందరు సీనియర్ నాయకులు గుర్రుగా ఉన్నట్టు సమచారం. కేంద్ర ప్రభుత్వంపై ap ప్రజల్లో సైతం వ్యతిరేకత ప్రభలుతున్న నేపథ్యంలో.. అక్కడి తాజా రాజకీయ పరిస్థితిని గవర్నర్ ప్రధాని, హోమ్ మంత్రికి వివరించే అవకాశముంది. ఇప్పటికే నరసింహన్ ప్రత్యేకంగా విజయవాడ వెళ్లి.. అక్కడ ముఖ్యమంత్రి చంద్రబాబు తో సుదీర్ఘంగా చర్చించారు. ఆ సమావేశ వివరాలు కూడా ఆయన కేంద్రానికి తెలుపనున్నారు. ప్రత్యేకహోదాపై పార్టీలన్నీ విడివిడిగా పోరాటానికి కార్యచరణలు రూపొందించుకున్న నేపథ్యంలో.. ఈ అంశంలో గవర్నర్ కేంద్రానికి కొన్ని సూచనలు చేయనున్నారని సమాచారం.

మరోవైపు తెలంగాణ ముఖ్యమంత్రి కేసీఆర్ ఫెడరల్ ఫ్రంట్ పేరుతో మరో ప్రత్యామ్నాయ కూటమి ఏర్పాటుకు ప్రయత్నిస్తుండడం.. ఇందులో భాగంగా.. పలువురు జాతీయ స్థాయి నేతలు, సీఎంలు ఇతరులతో జరుపుతున్న సంప్రదింపులపై కూడా గవర్నర్ కేంద్రానికి మరింత సమాచారం అందించే అవకాశం ఉంది.  హస్తిన టూర్‌కి ముందు.. తెలుగు రాష్ట్రాల సీఎంలతో గవర్నర్ విడివిడిగా భేటీ అయ్యారు. ఇదంతా చూస్తుంటే.. తెరవెనుక ఏదో జరుగుతోంది అన్న వార్తలు వస్తున్నాయి. అవి రాజీ రాయబారాలా లేక బెదిరింపులా అన్న ప్రశ్నలు కూడా ఇప్పుడు వినిపిస్తున్నాయి.

 Maoist-leaders-killed-in-encounter-in-Gadchiroli
మావోయిస్టులకు కోలుకోలేని దెబ్బ.. మరో అనుమానంలో పోలీసులు..

దండకారణ్యంలో భీకర పరిస్థితి. వరుస ఎన్‌కౌంటర్లు మావోయిస్టులను దెబ్బ మీద దెబ్బ తీస్తున్నాయి.  అడవిలో నెత్తుటిధారలు ఆగడం లేదు. మహారాష్ట్ర-ఛత్తీస్‌గఢ్‌ సరిహద్దులో ఒకదానితర్వాత మరొకటి ఎన్‌కౌంటర్లు జరుగుతూనే ఉన్నాయి. ఆదివారం మొదలైన కూంబింగ్‌ ఆపరేషన్‌.. ఇంకా కొనసాగుతూనే ఉంది. ఇప్పటి వరకు అందిన సమాచారం మేరకు కేవలం  72 గంటల్లో దాదాపు 40 మంది మావోయిస్టులు మృతి చెందినట్టు అధికారికంగా తెలుస్తోంది.  

మొదట గడ్చిరోలి, తరువాత సుక్మా జిల్లా సహా పలు ప్రాంతాల్లో చోటుచేసుకున్న ఎన్‌కౌంటర్లలో సుమారు 40 మంది మంది మావోయిస్టులు ప్రాణాలు కోల్పోయారు. ఘటన స్థలాల నుంచి పెద్ద ఎత్తున ఆయుధాలు, ఇతర సామాగ్రి స్వాధీనం చేసుకున్నామని, ఎదురుకాల్పులు కొనసాగుతున్నాయని అధికారులు చెబుతున్నారు.. 

ఛత్తీస్‌గఢ్‌, మహారాష్ట్ర, సీఆర్పీఎఫ్‌, కోబ్రా బలగాలు సంయుక్తంగా కిలోమీటర్ల మేర అడవిని జల్లెడపట్టాయి. ఈ క్రమంలో ఆదివారం తెల్లవారు జామున మహారాష్ట్రలోని గడ్చిరోలి జిల్లా ఏటపల్లి వద్ద చోటుచేసుకున్న ఎదురుకాల్పుల్లో 16 మంది మావోయిస్టులు చనిపోయినట్టు గుర్తించారు. అర్థరాత్రి తరువాత కూడా కొనసాగిన కూంబింగ్‌లో మరికొంతమంది మావోయిస్టులు హతమయ్యారు. సుకుమా జిల్లాలోని పూసుపాల్‌ సమీపంలోని అడవిలో పోలీసులతో జరిగిన ఎదురుకాల్పుల్లో మరో 5 గురు నక్సల్స్‌ చనిపోయారు. సోమవారం సాయంత్రం గడ్చిరోలి జిల్లా రాజారాం ఖాండ్లా అడవిలోని జిమాల్‌గట్ట ప్రాంతంలో ఎదురుకాల్పులు జరగడంతో నలుగురు మావోయిస్టులు మరణించారు. ఈ ఉదయం గడ్చిరోలి జిల్లా ఇంద్రావతి నదీ తీరంలో 15 మంది మావోయిస్టుల మృతదేహాలను గుర్తించారు. మొత్తంగా ఇప్పటి వరకు 40 మంది మావోయిస్టుల మృత దేహాలను గుర్తించారు..

ఈ దాడులపై మావోయిస్టులు ప్రతికారేచ్చతో రగిలిపోతున్నారు. ప్రతికార దాడులు చేసుందుకు వ్యూహాలు రచ్చిస్తున్నారని పోలీసులు అనుమానిస్తున్నారు. మరోవైపు ప్రజా సంఘాలు సైతం భద్రతా దళళాల తీరుపై అనుమానాలు వ్యక్తం చేస్తున్నారు. అయితే వరుస ఎన్‌కౌంటర్లతో సరిహద్దు ప్రాంతంలో ఏప్పుడు ఏమి జరుగుతుందోనని మన్యం ప్రజలు భయాందోళనలకు గురవుతున్నారు.

acter-saikumar-comments-on-pm-modi
ఏపీకి ప్రత్యేక హోదా కోసం మోడీ కాళ్ళు పట్టుకుంటా : సినీ నటుడు, బీజేపీ నేత

ఏపీకి ప్రత్యేక హోదాపై జరుగుతున్న పోరాటంపై స్పందించారు సినీ నటుడు సాయికుమార్. తన వంతు బాధ్యతగా ప్రధాని నరేంద్ర మోడీని హోదా ఇవ్వమని కాళ్ళు పట్టుకుని అడుగుతానన్నారు. కర్నాటక బాగేపల్లి నియోజకవర్గంలో బీజేపీ తరపున బరిలోగి దిగుతున్న సినీ నటుడు సాయికుమార్..నామినేషన్ కు ముందు అనంతపురం జిల్లా కదిరి లక్ష్మీనరసింహస్వామిని దర్శించుకున్నారు. ఈ సందర్బంగా ఆంధ్రప్రదేశ్ రాష్ట్రం మరింత అభివృద్ధి చెందాలంటే ప్రత్యేక హోదా ఇచ్చి తీరాలన్నారు. 

congress-ex-mp-renuka-choudary-sensational-comments-on-casting-couch
'క్యాస్టింగ్ కౌచ్‌' పై మాజీ ఎంపీ రేణుకా చౌదరి సంచలన వ్యాఖ్యలు

క్యాస్టింగ్ కౌచ్‌ భారత దేశాన్ని కుదిపేస్తోంది.. మొన్న టాలీవుడ్‌లో చిచ్చు రేపిన ఈ వివాదం బాలీవుడ్‌ను దాటి.. పార్లమెంట్‌ను కూడా తాకేలా ఉంది. ఈ క్యాస్టింగ్ కౌచ్ అంశంపై కాంగ్రెస్‌ నేత, మాజీ ఎంపీ రేణుకా చౌదరి ఫైర్‌ అయ్యారు.  ఫిల్మ్ ఇండస్ట్రీలోనే కాదు ప్రతీ చోట వేధింపులు ఉన్నాయని ఆమె ఆవేదన వ్యక్తం చేశారు. శ్రీరెడ్డి వ్యవహారంపై తాజాగా బాలీవుడ్ ‌కొరియోగ్రాఫర్‌‌ సరోజ్‌ ఖాన్‌ వివాదాస్పద వ్యాఖ్యలు చేసిన నేపథ్యంలో రేణుకా చౌదరి స్పందించారు. పార్లమెంటే కాదు ఇతర పని ప్రదేశాల్లోనూ క్యాస్టింగ్‌ కౌచ్‌ ఉందంటూ సంచలన వ్యాఖ్యలు చేశారు. ఇది చేదుగా ఉండే పచ్చి నిజమన్నారు. ఈ నేపథ్యంలో దేశమంతా ఏకతాటిపై నిలిచి పోరాటం చేయాల్సిన సమయమిదేనన్నారు 

in-assam-newly-wed-woman-raped-by-husband-and-his-2-friends-for-no-dowry
కోరినంత కట్నం తేలేదని పెళ్లైన మూడో రోజే.. భర్త మరో ఇద్దరు స్నేహితులు కలిసి..

పెళ్లై మూడు రోజులే అయింది. నూతన వధువు ఆనందంగా అత్తవారింట అడుగు పెట్టింది. కానీ తనకు అప్పుడు తెలియదు తను ఓ బోనులో చిక్కుకుందని. పరువు కాపాడాల్సిన భర్తే తన స్నేహితులతో కలిసి అత్యాచారం చేశాడు. వారి చేతా చేయించాడు. ఓ క్రూర మృగంలా ప్రవర్తించాడు.  దీనికి అంతటికీ కోరినంత కట్నం తేకపోవడమే కారణంగా చూపాడు.  అస్సాంలో జరిగిన ఈ దారుణం ఆలస్యంగా వెలుగులోకి వచ్చింది. అస్సాంలోని కరీంగజ్‌లో ఈ నెల 17న పోలీస్ స్టేషన్‌కు బాధితురాలు తనపై జరిగిన అన్యాయంపై ఫిర్యాదు అందింది. అప్పటికి పెళ్లై 3 రోజులే అయింది. కట్నం కోసం అప్పుడే వేధించడం మొదలు పెట్టాడు భర్త. పెళ్లప్పుడే గొడవ చేసినా త్వరలో సర్దుబాటు చేస్తామని తల్లి దండ్రులు చెప్పి ఒప్పించారు. మూడు ముళ్లు పడగానే నరకం చూపించాడు భర్త. అతడిలోని మృగాన్ని నిద్ర లేపాడు. శాడిజం ప్రదర్శించాడు. మూడో రోజునే ఇద్దరు స్నేహితులతో కలిసి అత్యాచారం చేశాడు. ఆ అభాగ్యురాలు వారు చేసిన అన్యాయానికి బలై పోయింది. కడదాకా తోడుంటానని బాసలు చేసిన భర్త భార్యను అన్యాయంగా బలి చేశాడు. తీవ్ర గాయాలతో ఆస్పత్రి పాలైంది. విషయాన్ని పోలీసులకు వివరించారు  ఆసుపత్రి వైద్యులు. అత్యాచారం చేసిన భర్త, ఇద్దరు స్నేహితులు పరారీలో ఉన్నారు. సమాచారం అందుకున్న పోలీసులు వారికోసం గాలింపు చర్యలు చేపట్టారు.  చట్టంలో ఎన్ని మార్పులు తీసుకు వచ్చిన ఇలాంటి వారి ఆగడాలు ఆగట్లేదు. అందుకే ఇలా రెచ్చి పోతున్నారు. వారికి సరైన శిక్షలు పడిన రోజే మహిళకు రక్షణ ఉంటుందని పలువురు అభిప్రాయపడుతున్నారు. 

cji-impeachment-motion-Issue
అభిశంసన తీర్మానంలో కీలక మలుపు.. కాంగ్రెస్ ఆసక్తికర నిర్ణయం..!!

సుప్రీంకోర్టు ప్రధాన న్యాయమూర్తిపై అభిశంసన తీర్మానంలో కీలక మలుపు చోటు చేసుకుంది. ఉప రాష్ట్రపతి వెంకయ్యనాయుడు అభిశంసన నోటీసులను తిరస్కరించారు. న్యాయ నిపుణులతో సంప్రదింపులు జరిపిన తరువాత నిర్ణయం ఈ తీసుకున్నారు. ఇది చట్ట వ్యతిరేకమన్న కాంగ్రెస్.. సుప్రీంకోర్టుకు వెళ్లాలని నిర్ణయించింది. మరి ఈ పోరాటంలో కాంగ్రెస్‌ ఎలా ముందుకెళ్తుందో చూడాలి..

ఉపరాష్ట్రపతి వెంకయ్యనాయుడు ప్రతిపక్షాలకు షాక్‌ ఇచ్చారు. భారత ప్రధాన న్యాయమూర్తి జస్టిస్‌ దీపక్‌ మిశ్రపై ప్రతిపక్ష పార్టీలు తీసుకొచ్చిన అభిశంసన నోటీసును తిరస్కరించారు. ఈ విషయంలో న్యాయ నిపుణల అభిప్రాయం తీసుకున్న తరువాతే తాను నిర్ణయం తీసుకున్నాను అన్నారు వెంకయ్య.

భారత ప్రధాన న్యాయమూర్తికి ఉద్వాసన పలకాలంటూ గత శుక్రవారం కాంగ్రెస్‌ సహా పలు ప్రతిపక్ష పార్టీలకు చెందిన ఎంపీలు రాజ్యసభ ఛైర్మన్‌ వెంకయ్యనాయుడుకు నోటీసులు ఇచ్చారు. అభిశంసన నోటీసుపై కాంగ్రెస్‌, ఎన్‌సీపీ, సీపీఎం, సీపీఐ, ఎస్‌పీ, బీఎస్‌పీ, ముస్లిం లీగ్‌ సభ్యులు సంతకాలు చేశారు. మొత్తం 71 మంది రాజ్యసభ సభ్యులు సంతకాలు చేసినప్పటికీ వారిలో ఏడుగురు ఇటీవల పదవీ విరమణ పొందారు. దీంతో 64 మంది మాత్రమే సంతకం పెట్టినట్లయింది. మొత్తం ఐదు రకాల దుష్ప్రవర్తన ఆధారంగా ఈ నోటీసులు ఇచ్చారు.. 

ఈ నోటీసుపై నిర్ణయం తీసుకునేందుకు వెంకయ్యనాయుడు న్యాయ, రాజ్యాంగ నిపుణులతో సంప్రదింపులు చేశారు. ఇందుకోసం హైదరాబాద్‌ పర్యటనను అర్ధాంతరంగా ముగించుకుని ఢిల్లీలో ప్రత్యేకంగా సమావేశమయ్యారు. అటార్నీ జనరల్‌ కేకే వేణుగోపాల్‌, సుప్రీంకోర్టు మాజీ న్యాయమూర్తి జస్టిస్‌ సుదర్శన్‌ రెడ్డి, లోక్‌సభ మాజీ సెక్రటరీ జనరల్‌ సుభాష్‌ కశ్యప్‌, న్యాయశాఖ మాజీ కార్యదర్శి పీకే మల్హోత్రా, శాసన వ్యవహారాల మాజీ కార్యదర్శి సంజయ్‌ సింగ్‌, ఇతర సీనియర్‌ అధికారులతో చర్చలు జరిపారు. ఈ చర్చల్లో నోటీసును తిరస్కరించాలని న్యాయ నిపుణులు సలహాలు ఇచ్చారు.

ఉపరాష్ట్రపతి నిర్ణయాన్ని కాంగ్రెస్ తప్పుపట్టింది.  అన్ని వ్యవస్థల్లో RSS భావజాలం కలిగిన వారిని చేరుస్తున్నారని రాహుల్‌ కామెంట్ చేశారు.. 

వెంకయ్య నిర్ణయంపై మిశ్రమ స్పందన వ్యక్తమవుతోంది. ప్రజాస్వామ్యాన్ని తిరస్కరించే వారికి, పరిరక్షించే వారికి మధ్య యుద్ధం ప్రేరేపించేలా ఉందన్న కాంగ్రెస్‌.. సుప్రీంకోర్టుకు వెళ్లాలని డిసైడైంది. న్యాయవ్యవస్థపై దాడి చేయాలనుకున్న వారిని.. ఉపరాష్ట్రపతి అడ్డుకున్నారని బీజేపీ కామెంట్ చేసింది. రాజకీయ దురుద్దేశాన్ని గుర్తించే మన్మోహన్ వంటి వాళ్లు సంతకం చేయలేదని అన్నారు. ఆ నోటీస్‌ను తిరస్కరించే హక్కు రాజ్యసభ చైర్మన్‌కు ఉంటుందని కొందరు, ఉండదని మరికొందరు నిపుణులు అంటున్నారు.

సుప్రీంకోర్టు ప్రధాన న్యాయమూర్తిని అభిశంసించాలనడం తొలిసారి కాగా.. నోటీస్ తిరస్కరణపై సుప్రీంకు వెళ్లాలని కాంగ్రెస్ నిర్ణయించడం ఆసక్తి రేపుతోంది.

Petrol-price-hits-highest-level
బీజేపీ అధికారంలో తొలిసారి రికార్డు.. గరిష్ట స్థాయికి పెట్రో ధరలు..

దేశంలో పెట్రో భగభగలు కొనసాగుతున్నాయి. బంక్‌కు వెళ్లాలంటే భయమేస్తోంది. ఏ రోజు ఎంత ధర పెరిగిందో తెలియక.. జనం లబోదిబో అంటున్నారు. ఇప్పుడు రికార్డు గరిష్ట స్థాయికి ధర పెరగడంతో.. వాహనం ఎక్కాలంటేనే టెన్షన్‌ పుడుతోంది. హైదరాబాద్‌లో 80ని క్రాస్‌ చేసేందుకు పెట్రోల్‌ రేటు పోటి పడుతుంటే.. ఇప్పుటికే ఏపీలో ఆ మార్క్‌ను క్రాస్‌ చేసేసింది.

ఇవి ప్రస్తుతం పెట్రోల్‌ రేట్లు.. ఇదే పరిస్థితి కొనసాగితే సెంచరీ కొట్టడం ఖాయం.. ఇప్పటికే రికార్డు ధరతో పెట్రోల్‌ రేట్లు టెన్షన్‌ పుట్టిస్తున్నాయి. పెట్రోల్‌ రూపంలో పాలకులు, ఇంధన వ్యాపారులు సామాన్యుల రక్తాన్ని పీల్చేస్తున్నారు. రోజు రోజుకీ పైసల్లో పెరుగుతున్నా.. లెక్కలు చుక్కలు చూపిస్తున్నాయి. వాహనం వాడాలంటేనే భయపడేలా చేస్తున్నాయి. 

బీజేపీ అధికారంలోకి వచ్చిన తరువాత తొలిసారి రికార్డు గరిష్టానికి పెట్రోల్ ధరలు చేరుకొన్నాయి. ఢిల్లీలో లీటర్ పెట్రోల్ ధర రూ. 74.50కు చేరితే.. హైదరాబాద్‌లో 78.90, విజయవాడలో 74.50 పైసలకు ధర ఎగబాకింది.. ఇక డీజిల్‌ పరిస్థితి అంతే చాలా చోట్ల 75 రూపాయలను టచ్‌ చేసే దిశగా దూసుకుపోతోంది. 

ఇంధన ధరలకు ప్రతి రోజూ  రెక్కలొస్తూనే ఉన్నాయి. పెట్రోల్, డీజిల్‌ రేట్లు ఆల్‌టైమ్‌ హైకి చేరుకుంటున్నాయి. దీంతో వినియోగదారుల చేతి చమురు వదులుతోంది. గతేడాది జూన్‌లో ఆయిల్‌ కంపెనీలు సంయుక్తంగా 15 రోజులకోసారి ధరలు సమీక్షించే విధానాన్ని పక్కనపెట్టి.. బులియన్‌ మార్కెట్‌ తరహాలో ప్రతి రోజూ ధరలు మార్చే విధానాన్ని తీసుకొచ్చాయి. అప్పట్నుంచి దాదాపుగా ఆయిల్‌ ధరలు పెరుగుతూనే ఉన్నాయి.. దక్షిణాసియా దేశాలతో పోలిస్తే భారత్‌లోనే పెట్రోల్‌, డీజిల్‌ ధరలు అడ్డూ అదుపూ లేకుండా పెరిగిపోతున్నాయి. పెరుగుతున్న పెట్రో ధరలపై వినియోగదారులు ఆందోళన వ్యక్తం చేస్తున్నారు. 

దేశ రాజధాని ఢిల్లీలో గత ఐదు రోజులు పెరిగిన రేట్లు చూస్తే.. 19వ తేదీన రూ.74.07 పైసలు, 20వ తేదీన రూ 74.08 పైసలు, 21వ తేదీన రూ 74.21  పైసలు, 22వ తేదీన రూ.74.40 పైసలు. 23వ తేదీన 70 రూపాయల 50 పైసలు ఇలా పెరుగుతూ.. పెట్రోల్‌ రేటు ఆల్‌టైం హైకి చేరుకుంది.. 

తెలంగాణ రాజధాని నగరం హైదరాబాద్‌లో 19వ తేదీన 78.44 పైసలు, 20న 78.45 పైసలు, 21వ తేదీన 78.59 పైసలు, 22న 78.79 పైసలు, 23వ తేదీన 78.90 పైసలతో ఆల్‌ టైం హైకి చేరింది పెట్రోల్‌ ధర.

ఏపీ రాజధాని ప్రాంతమైన విజయవాడలో పరిస్థితి మరీ దారుణం. 19వ తేదీన 79.77, 20న 79.78, 21న 80.24, 22 న 80.43, 263న 80.54 పైసలతో ఆల్‌టైంకు పెట్రోల్‌ ధర పెరిగింది. 

15 రోజులకు ఒక్కసారి ధరలను సమీక్షించే సమయంలో ఒక్కసారి నాలుగైదు రూపాయలు పెరిగినా.. అప్పుడప్పుడు పైసల్లోనైనా ధర తగ్గింది అనే వార్త విని ఊరట కలిగేది.. ఇప్పుడు రోజు వారి ధరలు సమీక్ష మొదలైన దగ్గర నుంచి ధర తగ్గింది అన్న మాట వినపడడం లేదు.. రెండేళ్ల కిందటి వరకు 60ల్లో ఉండే పెట్రోల్‌ ధరలు.. ఇప్పుడు సెంచరీకి చేరువ అయ్యేందుకు పరుగులు తీస్తుండడం సామాన్యుల్లో ఆందోళన నింపింది.

Maoist-encounter:Gadchiroli-police-to-search-for-more-bodies
సుకుమాలో మరో ఎన్‌ కౌంటర్‌.. ముగ్గురు తెలుగు వారితో పాటు...

మావోయిస్టులకు దెబ్బలపై దెబ్బలు తగులుతున్నాయి. గడ్చిరోలీలో భారీ ఎన్‌కౌంటర్‌ మరచిపోకముందే.. సుకుమాలో మరో ఎన్‌ కౌంటర్‌ మావోయిస్టులను కోలుకోనీయకుండా చేసింది. 24 గంటల్లోనే మొత్తం21 మంది మావోయిస్టులు హతమయ్యారు.. గడ్చిరోలీలో 16 మంది.. సుకుమాలో 5 గురు మావోయిస్టులు మృతి చెందారు.

వరుస ఎన్‌కౌంటర్లు మావోయిస్టులను దెబ్బతీశాయి. మొదట మహారాష్ట్రలోని గడ్చిరోలీ జిల్లా సరిహద్దుల్లో  జరిగిన ఎన్ కౌంటర్లో ఏకంగా 16 మంది మావోలు చనిపోయారు. దండకారణ్యంలో మావోల కదలికలను పక్కాగా అంచనావేసిన భద్రతా దళాలు అత్యంత పకడ్బందీగా మావొయిస్ట్ గ్రూప్‌పై దాడి చేసింది. ఈ దాడి నుండి వారు తేరుకుని ఎదురుకాల్పులకు దిగేలోపే.. భద్రతాదళాలు విరుచుకుపడ్డాయి. దట్టమైన అడవిలో భద్రతాదళాలకు, మావోయిస్టులకు జరిగిన భీకర కాల్పుల్లో  కీలక నేతలు హతమయ్యారు. మృతుల్లో ముగ్గురు తెలుగు వారితో పాటు,డివిజన్ స్థాయి నాయకులు కూడా ఉన్నారు. ఈ పోలీసుల దాడిలో మావోయిస్టులకు గట్టి ఎదురుదెబ్బ తగిలింది. 

ఆ ఘటన జరిగిన 24 గంటల్లోపే సుకుమా జిల్లా చాంద్ మెట్ అటవీ ప్రాంతంలో తెల్లవారుజామున ఎదురుకాల్పులు జరిగాయి. ఈ ఘటనలో ఐదుగురు మావోయిస్టులు మృతి చెందారు. మరికొంతమందికి గాయాలైనట్లు సమాచారం. దండకారణ్యాన్ని ఏలుతున్న నక్సల్స్‌కు.. గత 38 ఏళ్లలోనే ఎదురుకాని గట్టి ఎదురుదెబ్బ తగిలింది. వరుస ఎదురుదెబ్బలతో  మావోయిస్టులు ఉనికి కోల్పోయే ప్రమాదం ఏర్పడింది. కీలక నేతలు హతమవ్వడం.. భద్రతాదళాలు మళ్లీ మెరుపులు దాడులు చేసే అవకాశం ఉండడంతో.. మావోయిస్టులు ఇంకాస్త అలర్ట్‌ అయ్యారు.

ఈ దాడులపై మావోయిస్టులు ప్రతికారేచ్చతో రగిలిపోతున్నారు. ప్రతికార దాడులు చేసుందుకు వ్యూహాలు రచ్చిస్తున్నారని పోలీసులు అనుమానిస్తున్నారు. అందుకే వరుస ఎన్‌కౌంటర్ల తరువాత కూడా.. భాద్రతాదళాలు.. ఇంకా కూబింగ్‌ను విస్తృతం చేసినట్టు తెలుస్తోంది. దీంతో సరిహద్దు ప్రాంతంలో ఏప్పుడు ఏమి జరుగుతుందోనని మన్యం ప్రజలు భయాందోళనలకు గురవుతున్నారు.

governor-esl-narasimhan-to-leave-for-delhi-today
ఉత్కంఠ రేపుతున్నగవర్నర్‌ నరసింహన్‌ ఢిల్లీ పర్యటన...

తెలుగు రాష్ట్రాల గవర్నర్‌ నరసింహన్‌ ఢిల్లీ పర్యటన ఆసక్తి రేపుతోంది.. ఇటీవలు ఇరు రాష్ట్రాల ముఖ్యమంత్రులతో వరుసగా భేటీ అయిన ఆయన.. ఇవాళ హస్తినకు వెళ్తున్నారు. దీంతో ఆయన ఎందుకు వెళ్తున్నారు?.. బీజేపీ సూచనల మేరకే ఇరు రాష్ట్రాల ముఖ్యమంత్రులను కలిశారా?.. తాజా రాజకీయలపై ఎలాంటి నివేదిక ఇస్తారు?.. అన్న విషయాలు ఉంత్కంఠ రేపుతున్నాయి.

ఢిల్లీ పెద్దల నుంచి గవర్నర్‌కు పిలుపొచ్చిందా? లేక తెలుగు రాష్ట్రాల్లో పరిస్థితులు వివరించేందుకు పెద్దాయన ఢిల్లీ వెళ్తున్నారా అన్న అంశం అందరిలో ఆసక్తి రేకిస్తోంది. గత కొంతకాలంగా తెలుగు రాష్ట్రాల ముఖ్యమంత్రులు ఇద్దరూ కేంద్రంపై నేరుగా పోరాటం చేస్తున్నారు.. ఫెడరల్‌ ఫ్రంట్‌ అంటూ సీఎం కేసీఆర్‌.. వివిధ పార్టీల నేతలను కలుస్తున్నారు. మరోవైపు ఇటీవల కర్నాటకు వెళ్లిన సీఎం కేసీఆర్‌.. తెలుగువారంతా జేడీఎస్‌కు ఓటెయ్యాలంటూ పిలుపు ఇచ్చారు. ఇక ఏపీ సీఎం చంద్రబాబైతే కేంద్రంపై నేరుగా యుద్ధం మొదలెట్టారు. ఏపీకి ప్రత్యేక హోదా ఇవ్వాల్సిందే అంటూ గళం పెంచారు.. ఎన్డీఏ నుంచి బయటకు వచ్చాక.. ఆ పార్టీపై విమర్శలను ఉధృతం చేశారు.. ధర్మపోరాటం పేరుతో ఒక్కరోజు దీక్ష చేసిన చంద్రబాబు కేంద్రంపై నిప్పులు చెరిగారు. మరోవైపు ఈ నెల 30న తిరుపతిలో భారీ బహరింగ సభ పెట్టి.. కేంద్రంపై మరో బాణం ఎక్కిపెట్టేందుకు సిద్ధమయ్యారు. దీనికి తోడు కర్నాటకలో తెలుగు వాళ్లంతా బీజేపికి వ్యతిరేకంగా ఓటేయాలంటూ టీడీపీ నేతలు పిలుపిచ్చినట్టు ప్రచారం జరుగుతోంది. వీటన్నింటిపైనా బీజేపీ అధిష్టానం చాలా గుర్రుగా ఉన్నట్టు తెలుస్తోంది. ఇవే అంశాలపై గవర్నర్‌ నరసింహన్.. బీజేపీ పెద్దల సూచన మేరకు ఇటీవల తెలుగు రాష్ట్రాల సీఎంలతో భేటీ అయినట్టు పొలిటికల్‌ టాక్‌.

ముఖ్యంగా గవర్నర్‌ విజయవాడ పర్యటన అనేక ఊహాగానాలకు తావిస్తోంది. విశాఖ నుంచి హైదరాబాద్‌ వెళ్లాల్సిన గవర్నర్‌ అకస్మాత్తుగా పర్యటనలో మార్పు చేసుకుని విజయవాడకు చేరుకున్నారు. ముఖ్యమంత్రి చంద్రబాబుతో దాదాపు గంటన్నర పాటు చర్చలు జరిపారు. ప్రధానంగా కేంద్ర, రాష్ట్ర సంబంధాల వ్యవహారానికి సంబంధించి చర్చ జరిగినట్లు సమాచారం. ప్రధాని మోదీపై చంద్రబాబు విమర్శలు చేయడం సరికాదనే అభిప్రాయాన్ని గవర్నర్ చంద్రబాబు వద్ద ప్రస్తావించినట్లు సమాచారం. ఎమ్మెల్యే బాలకృష్ణ ప్రధానిపై చేసిన వ్యాఖ్యలపై కూడా ఇరువురి మధ్య చర్చ జరిగినట్లు తెలుస్తోంది. ప్రధానిపై నేరుగా విమర్శలు చేయవద్దని.. అలాగే దక్షిణాది, ఉత్తరాది రాష్ట్రాలు అంటూ విడదీసి మాట్లాడడం కూడా తగదని గవర్నర్ చంద్రబాబుకు సూచించినట్లు సమాచారం.

కేంద్రంతో స‌ఖ్యత‌గా ఉంటేనే రాష్ట్రానికి మంచిద‌నీ, కేంద్ర, రాష్ట్ర సంబంధాలు బాగుంటేనే ప్రజ‌ల‌కు మంచిద‌ని చంద్రబాబుతో గవర్నర్‌ అన్నట్టు ప్రచారం జరుగుతోంది. అయితే మొదట ఇంటలిజెంట్‌ చీఫ్‌ వచ్చి చంద్రబాబును కలవడం.. కొన్ని రోజులకే గవర్నర్‌ కూగా సీఎంతో భేటీ అవ్వడంతో ఎదో జరుగుతోందనే సంకేతాలు అందుతున్నాయి. కేంద్రం నుంచి ఏపీ సీఎంకు రాయభారమైనా వచ్చి ఉండాలి? లేదంటా హెచ్చరికలైనా చేసిండాలనే కథనాలు వినిపిస్తున్నాయి.. వీటన్నింటి నేపథ్యంలో ఇవాళ గవర్నర్‌ హస్తిన టూర్‌ అందరిలో ఆసక్తి రేపుతోంది. తెలుగు రాష్ట్రాల సీఎంల భేటీలో ఏఏ అంశాలు చర్చకు వచ్చాయి?.. ముఖ్యమంత్రులు ఏం చెప్పారు?.. కేంద్రంపై వారి తీరు ఏంటి? అన్న అంశాలపై నివేదిక ఇచ్చేందుకే గవర్నర్‌కు  ఢిల్లీ పెద్దల నుంచి పిలుపు వచ్చినట్టు తెలుస్తోంది. మరోవైపు ఆయన ప్రధాని మోడీని కూడా కలిసే అవకాశాలు కూడా కనిపిస్తున్నాయి.

Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials