Live News Now
  • కేంద్రంపై దళిత-గిరిజనుల ఐక్య గర్జన.. వరంగల్‌ వేదికగా విపక్షాల పోరుబాట
  • ఇంటర్‌ కాంటినెంటల్‌ కప్‌ భారత్‌ సొంతం.. ఫైనల్‌లో కెన్యాపై 2-0 తేడాతో విజయం
  • 6 నెలలు.. 13 జిల్లాలు.. 75 సమావేశాలు.. ముందస్తు ఎన్నికలకు సిద్ధమంటున్న బాబు
  • ఏపీలో టిడిపి, బీజేపీ మధ్య ముదిరిన వార్
  • ప్రధానికి కన్నా ఇచ్చిన లేఖపై లోకేష్ ఫైర్
  • ప్యాకేజీల వారీగా అధికారులకు డెడ్ లైన్.. హరీష్ డైరెక్షన్‌లో వేగంగా కాళేశ్వరం ప్రాజెక్ట్
  • మరో రెండు రోజులు తెలుగురాష్ట్రాల్లో వర్షాలు
  • గోదావరి ప్రాజెక్టులకు మొదలైన వరదలు
  • బీజేపీ, ఆర్ఎస్ఎస్ ఎన్ని కేసులు వేసినా భయపడను.. విమర్శలపై వెనక్కి తగ్గేది లేదన్న రాహుల్
  • శత్రువుల్లా వచ్చి.. మిత్రులైన ట్రంప్, కిమ్.. అణు నిరాయుధీకరణపై కుదిరిన డీల్
ScrollLogo తొమ్మిదో తరగతి విద్యార్థి సూసైడ్ ScrollLogo రూపాయి ఖర్చు లేకుండా 53 రకాల వైద్య పరీక్షలు ScrollLogo నిరుద్యోగులకు శుభవార్త..10,351 ఉద్యోగాల భర్తీకి ఏపీ సర్కార్ గ్రీన్ సిగ్నల్ ScrollLogo జగన్ పాదయాత్రకు అనుమతి నిరాకరించిన పోలీసులు ScrollLogo తిరుమలలో భారీ వర్షం ScrollLogo వ్యర్థాల ఉత్పత్తిలో ముంబై ఫస్ట్! ScrollLogo సీఐ వాహనం చోరీ ScrollLogo యన్‌టీఆర్‌’ ఫస్ట్‌లుక్‌ విడుదల ScrollLogo నేడు పోలవరం పర్యటనకు సీఎం.. డయాఫ్రమ్‌ వాల్‌ జాతికి అంకితం ScrollLogo రాజమండ్రి ఎంపీ సీటుపై జగన్‌ వ్యూహం.. ఆత్మీయ సభలో బీసీలపై హామీల వర్షం
National News
bsnl-bumper-offer
కొత్తగా ల్యాప్‌టాప్, పీసీలు కొనుగోలు చేసేవారికి శుభవార్త..

ప్రభుత్వ టెలికాం రంగ సంస్థ బిఎస్ఎన్ఎల్ మరో శుభవార్త అందించింది. కొత్తగా ల్యాప్‌టాప్, పీసీలు కొనుగోలు చేసే వారికి రెండు నెలలపాటు ఉచితంగా 20 ఎంబీపీఎస్ బ్రాడ్‌బ్యాండ్ ఇంటర్నెట్ ను  ఉచితంగా ఇవ్వనున్నట్టు ప్రకటించింది. ఈ ప్లాన్ ధర 99 రూపాయలు. ప్లాన్‌ను పొందేందుకు కస్టమర్లు తాము కొనుగోలు చేసిన ల్యాప్‌టాప్ మరియు పీసీలకు సంబంధించిన రసీదులను చూపించాల్సి ఉంటుంది. అయితే అవి కొనుగోలు చేసి రెండు నెలలు జరిగినా సరిపోతుందని తెలిపింది బిఎస్ఎన్ఎల్. 20 ఎంబీపీఎస్ వేగంతో రోజుకు 1.5 జీబీ డేటా లభిస్తుందని తెలిపింది.

give-life-prema-kumari-front-mla-ramdas-office
ఆ బీజేపీ ఎమ్మెల్యే నా ప్రియుడు : ప్రేమకుమారి

కర్ణాటక బీజేపీ ఎమ్మెల్యే రామదాసు తన ప్రియుడంటూ ఓ మహిళ హల్చల్ చేసింది. మైసూరు కృష్ణరాజ నియోజవర్గానికి ప్రాతినిథ్యం వహిస్తున్న ఎమ్మెల్యే రామదాసు కార్యాలయంలో ప్రేమకుమారి అనే మహిళ ప్రత్యక్షమయ్యారు. రామదాసు తన భర్తని తాను బతికి ఉన్నంత కాలం అయనతోనే కలసి జీవిస్తానని చెప్పారు. గడిచిన ఎన్నికల్లో తాను బీజేపీ తరుపున పోటీ చేయాల్సి ఉంది. కానీ  రామదాసు కోసమే పోటీ నుంచి తప్పుకున్నానని అన్నారు.కొన్ని రోజులుగా తననుంచి తప్పించుకుని తిరుగుతున్నాడని అందుకే.. ఇవాళ తాడోపేడో తేల్చుకోవడానికి కార్యాలయానికి వచ్చానని అన్న ప్రేమకుమారి రామదాసుకు పట్టిన దెయ్యాన్ని వదిలిస్తానని అన్నారు. 

irctc-launches-book-now-pay-later-scheme-for-tatkal-tickets-how-to-avail-it-in-3-steps
ఒక ఐడీపై రోజుకు రెండే రైలు టిక్కెట్లు.. నెలకు ఆరు!

రైల్వే టికెట్ల రిజర్వేషన్ల విదానంలో రైల్వే శాఖ  పలు మార్పులు తీసుకొచ్చింది. రైలు టికెట్‌‌ని ఆన్‌లైన్‌లో బుక్‌ చేసుకునే కస్టమర్స్ కోసం కొత్త రూల్స్‌ను అమల్లోకి తెచ్చింది ఐఆర్‌సీటీసీ. ఇకపై ఒక వినియోగదారుడు ఒక ఐడీ మీద నెలకు ఆరు టికెట్లు మాత్రమే బుక్‌ చేసుకోవచ్చు. ప్రయాణికుడి ఆధార్‌ వెరిఫై అయి ఉంటే నెలకు 12 టికెట్ల వరకు బుక్‌ చేసుకునే అవకాశం ఉంది. ఐఆర్‌సీటీసీ సైట్‌లో లాగిన్ అయ్యాక కేవలం 30 సెకన్ల లోపు టికెట్ బుక్ చేసుకోవాలి.  ఖాళీలు చూసుకొని టికెట్‌ బుక్‌ చేసుకోవడానికి  25 సెకన్లు, పేమెంట్‌ చేయడానికి మరో ఐదు సెకన్ల  సమయం మాత్రమే ఉంటుంది.  రైలు ఆలస్యంగా బయలుదేరినా, మార్గాలు మళ్లించినా ప్రయాణికుడికి పూర్తి చార్జీలు తిరిగి చెల్లిస్తారు.

former-pm-deve-gowda-yoga-bed-has-left-twitter-amused
ఈ ఫోటోలు నిజమైనవే..మార్ఫింగ్‌ కాదు

మాజీ ప్రధాని దేవె గౌడ ఇంటర్నేషనల్‌ యోగా డే సందర్భంగా చేసిన ఆసనాల ఫోటోలు ఇంటర్నెట్‌ను షేక్‌ చేసింది. 85 సంవత్సరాల దేవె గౌడ చేసిన  ఆసనాలు అందరికి స్పూర్తిని ఇచ్చాయి. కామన్ మ్యాన్ నుంచి రాజకీయ నేతల వరకు ఆ ఫోటోలపై స్పందించారు. జమ్ము కశ్మీర్‌ మాజీ సీఎం ఒమర్‌ అబ్దుల్లా,కేటీఆర్‌, లాంటి  ప్రముఖలు అ ఫోటోలపై  సరదాగా ట్వీట్‌ చేశారు. ఇ  ఫోటోలు  మార్ఫింగ్‌ కాదు కదా?’ అంటూ సరదగా ప్రశ్నించారు.దినిపై  నెటిజేన్స్ సరదాగా రీట్వీట్‌ చేస్తూ పోస్ట్ చేస్తూ సోషల్ మీడియాను  హోరెత్తించారు.


   

Rs.-500-cr.-deposited-in-co-op-bank-where-Amit-Shah-is-director
అమిత్‌ షా డైరెక్టర్‌గా ఉన్న ఓ బ్యాంక్‌కు నగదు వెల్లువ...పెద్ద నోట్ల రద్దుతో..

పెద్ద నోట్ల రద్దు తరువాత బ్యాంక్‌లు గగ్గోలు పెడుతున్నాయి?.. అసలు బ్యాంకుల్లో నగదు డిపాజిట్‌ కావడం లేదని.. ఆర్బీఐ నుంచి సరిపడ నగదు రావడం లేదని.. అందుకే ఏటీఎంల్లో సరిపడ నగదు వేయలేకపోతున్నామని బ్యాంకర్లు ఆవేదన వ్యక్తం చేస్తున్నారు.. దాదాపు అన్ని బ్యాంకులదీ అదే పరిస్థితి.. డీమోనిటైజేషన్‌ డిపాజిట్లు లేక బ్యాంకులన్నీ వెలవెల బోతున్నాయన్నది బహిరంగ రహస్యం. కానీ బీజేపీ చీఫ్‌ అమిత్‌ షా  డైరెక్టర్‌గా ఉన్న ఓ బ్యాంక్‌కు మాత్రం నగదు వెల్లువెత్తుతోంది..

ప్రధాని సొంత రాష్ట్రం గుజరాత్‌ లోని రెండు పెద్ద జిల్లా సహకార బ్యాంకుల్లో అత్యధిక మొత్తంలో రద్దయిన నోట్లను స్వీకరించినట్లు తెలిసింది. అందులో ఒకటి అహ్మదాబాద్‌ డీసీసీబీ కాగా రెండోది రాజ్‌కోట్‌ డీసీసీబీ. వీటిలో అహ్మదాబాద్‌ డీసీసీబీ డైరెక్టర్లలో అమిత్‌ షా కూడా ఉండడం విశేషం.. రాజ్‌కోట్‌ నుంచే మోడీ 2001లో మొట్టమొదట గుజరాత్‌ అసెంబ్లీకి ఎన్నికయ్యారు. అక్కడి డీసీసీబీకి చైర్మన్‌ అయిన జయేశ్‌భాయ్‌ విఠల్‌భాయ్‌ రదాదియా ప్రస్తుతం విజయ్‌ రూపానీ ప్రభుత్వంలో కేబినెట్‌ మంత్రిగా ఉన్నారు. అహ్మదాబాద్‌ డీసీసీబీకి అమిత్‌ షా 2000లో ఛైర్మన్‌గా వ్యవహరించారు. ఆ తరువాత నుంచి నేటి దాకా ఆ బ్యాంకు డైరెక్టర్లలో ఒకరుగా కొనసాగుతున్నారు.

ముంబైకి చెందిన మనోరంజన్‌ రాయ్‌ అనే వ్యక్తి సమాచార హక్కు పిటిషన్‌ ద్వారా ఈ వివరాల్ని రాబట్టారు.  పాత 500 రూపాయలు, 1000 రూపాయల నోట్లను రద్దు చేస్తూ ప్రధాని మోడీ 2016 నవంబరు 8న ఆకస్మిక ప్రకటన చేశారు. ప్రజలు తమ దగ్గర ఉన్న ఆ నోట్లను డిసెంబరు 30లోగా బ్యాంకుల్లో డిపాజిట్‌ చేయాలని సూచించారు. అంతే పెద్ద ఎత్తున రద్దయిన నోట్లు బ్యాంకులకు చేరడం మొదలెట్టాయి. ఆ క్రమంలో అహ్మదాబాద్‌ డీసీసీబీకి కేవలం ఐదు రోజుల్లో అంటే నవంబరు 13 సాయంత్రానికి 745.59 కోట్ల విలువైన రద్దయిన నోట్లు జమ అయ్యాయి. అటు రాజ్‌కోట్‌ డీసీసీబీలో 693.19 కోట్ల రూపాయల విలువైన నోట్ల డిపాజిట్‌ జరిగింది.

డీసీసీబీల ద్వారా నల్లధనాన్ని అనేకమంది వైట్‌ చేసుకుంటున్నారని ఆరోపణలు రావడంతో ప్రభుత్వం పెద్దనోట్ల రద్దు జమ చేసే బ్యాంకుల జాబితా నుంచి డీసీసీబీలను నవంబరు 14న అంటే ఐదు రోజుల తరువాత తొలగించింది. కానీ అప్పటికే వేల కోట్ల రూపాయల మేర జమ అయిపోయాయి. అలా జమ చేసిన నోట్లకు సంబంధించిన వారిపై ఇప్పటి దాకా ఎలాంటి విచారణా జరగలేదని ఆర్టీఐ కార్యకర్త వివరించారు. అహ్మదాబాద్‌ డీసీసీబీ వెబ్‌సైట్‌లో ఉన్న వివరాల ప్రకారం 2017 మార్చి 31 నాటికి మొత్తం డిపాజిట్లు రూ 5050 కోట్లు.. 2016-17 ఆర్థిక సంవత్సరంలో నికర లాభం రూ 14.31 కోట్లు. అంటే గుజరాత్‌ రాష్ట్ర సహకార బ్యాంకు కంటే అహ్మదాబాద్‌, రాజ్‌కోట్‌ల్లో డిపాజిట్లు అనేక రెట్లు ఎక్కువ. ఎస్సీబీలో డిపాజిట్లు రూ 1.11 కోట్లు మాత్రమే ఉన్నాయి..

panama-fresh-leak-confirms-amitabh-and-others-role
బినామీల గుండెల్లో గుబులు..పనామా రెండో ఎపిసోడ్‌ మొదలు!

2016 లో యావత్‌ ప్రపంచాన్ని వణికించిన పనామా పేపర్ల వ్యవహారం మళ్లీ తెరపైకి వచ్చింది. ప్రముఖ లా కంపెనీ మొస్సాక్‌ ఫోన్సెకాకు చెందిన దాదాపు 12 లక్షలకు పైగా పత్రాలు వెలుగుచూశాయి. వీటిలో దాదాపు 12 వేల పత్రాలు భారతీయులకు చెందినవి గా తెలుస్తోంది. తాజాగా వెల్లడైన వాటిలో ప్రముఖుల పేర్లు కూడా ఉండడం విశేషం. మరోవైపు.. వేలాది కంపెనీలకు  సాయం అందించిన ఫోన్సెకా సంస్థ... వాటి యజమానులను గుర్తించలేక నానా అవస్థలు పడుతోంది.

ప్రపంచ వ్యాప్తంగా బినామీల గుండెల్లో గుబులు పుట్టిస్తున్న పనామా పేపర్ల వ్యవహారంలో... రెండో ఎపిసోడ్‌ మొదలైంది. 2016 లో లా కంపెనీ మొస్సాక్‌ ఫోన్సెకాకు చెందిన దాదాపు కోటి 15 లక్షల డాక్యుమెంట్లు బయటకి రావడంతో ప్రపంచ వ్యాప్తంగా కల్లోలం రేగింది. అనేకమంది దేశాధినేతల పేర్లు ఇందులో బయటకు వచ్చాయి. తాజాగా... ఇదే సంస్థకు చెందిన చెందిన మరికొన్ని పరిశోధనాత్మక పత్రాలు బయటకు వచ్చాయి. దాదాపు 12 లక్షలకు పైగా సరికొత్త పత్రాలను ఇంటర్నేషనల్‌ కాన్సోర్షియమ్ ఆఫ్‌ ఇన్వెస్టిగేటివ్‌ జర్నలిస్ట్స్‌ అధ్యయనం చేసిందని అంతర్జాతీయ మీడియా కథనాలు ప్రచురించాయి. ప్రస్తుతం బయటపెట్టిన పత్రాలన్నింటిని దక్షిణ జర్మనీ వార్తాపత్రిక సేకరించింది. వీటిలో దాదాపు 12 వేల పత్రాలు భారతీయులకు సంబంధించినవిగా తెలుస్తోంది. 

కొత్త పత్రాల్లో భారత్‌కు చెందిన పలువురు ప్రముఖ వ్యాపారవేత్తల పేర్లు ఉన్నాయి. పీవీఆర్ సినిమా యజమాని అజయ్‌ బిజ్లీ, ఆయన కుటుంబ సభ్యులు... సునీల్‌ మిట్టల్‌ కుమారుడు హైక్‌ మెసేంజర్‌ సీఈవో, భారతీ ఎయిర్‌టెల్‌ సీఈవో కెవిన్‌ భారతి మిట్టల్‌...ఏషియన్‌ పెయింట్స్‌ ప్రమోటర్‌ అశ్విన్‌ దాని కుమారుడు జలాజ్‌ అశ్విన్‌ దాని వీరిలో ప్రముఖులు. అలాగే గతంలో వచ్చిన కొన్ని పేర్లే.. తాజా పత్రాల్లోనూ ఉండడం విశేషం. నటుడు అమితాబ్‌ బచ్చన్‌, మాజీ సొలిసిటర్‌ జనరల్‌ సొలి సొరాబ్జీ తనయుడు జహంగీర్‌ సోరాబ్జీ...డీఎల్‌ఎఫ్‌ గ్రూప్‌కు చెందిన కేపీ సింగ్‌, ఆయన కుటుంబ సభ్యులు ఇందులో ఉన్నారు. పనామా పేపర్లలో తమ పేర్లు రావడాన్ని గతంలోనే వీరు ఖండించినప్పటికీ... వీరికి ఆఫ్‌ షోర్‌ కంపెనీలతో బిజినెస్ లింక్స్‌ ఉన్నట్లు కచ్చితమైన ఆధారాలను ఐసీఐజే జర్నలిస్టులు సంపాదించారు.

2016లోనూ దాదాపు 500 మంది భారతీయుల పేర్లు మొస్సాక్‌ ఫొన్సెకాకు చెందిన పత్రాల్లో ఉన్నాయి. వీటిపై విచారణ జరిపేందుకు భారత ప్రభుత్వం మల్టీ ఏజెన్సీ గ్రూప్‌ను ఏర్పాటు చేసింది. 2016 లీక్‌ల ద్వారా దాదాపు 1000 కోట్ల రూపాయల నల్లధనాన్ని ఎమ్‌ఏజీ గుర్తించింది. మరోవైపు... వేలాది కంపెనీలతో పెట్టుబడులు పెట్టించిన లా కంపెనీ మొస్సాక్‌ ఫోన్సెకా... ఆ కంపెనీల యజమానులు ఎవరన్నది మాత్రం తెలుసుకోలేకపోతోంది. బ్రిటిష్‌ వర్జిన్‌ ఐలాండ్స్‌లో పెట్టుబడులు పెట్టిన 28 వేల 500 కంపెనీలలో 70 శాతం.... పనామాలో ఉన్న 10 వేల 500 కంపెనీల్లో 75 శాతం వాటికి ఎవరు యజమానులన్నది తెలుసుకునేందుకు మల్లగుల్లాలు పడుతోంది. పెట్టుబడుల సమయంలో మధ్యవర్తులుగా వ్యవహరించిన వారు సైతం ఇప్పుడు చేతులు ఎత్తేస్తుండడంతో... అసలు పెద్ద మనుషులు చల్లగా జారుకునే అవకాశాలే పుష్కలంగా కనిపిస్తోంది.

ycp-mps-resignations-taken-decision-by-speaker
బ్రేకింగ్ : వైసీపీ ఎంపీల రాజీనామాలు ఆమోదం.. అందుకే ఆలస్యం..

ఏపీకి ప్రత్యేక హోదా ఇవ్వనందుకు నిరసనగా... ఐదుగురు వైసీపీ ఎంపీలు చేసిన రాజీనామాలను స్పీకర్‌ సుమిత్రా మహాజన్‌ ఆమోదించారు. ఏప్రిల్‌ 6 వ తేదీన పదవులకు రాజీనామాలు సమర్పించిన ఎంపీలు... వాటిని ఆమోదించాలంటూ స్పీకర్‌ను కోరారు. భావోద్వేగాల మధ్య తీసుకున్న నిర్ణయంపై పునరాలోచన చేయాలని స్పీకర్‌ సూచించగా... జూన్‌ ఆరోతేదిన మరోసారి స్పీకర్‌తో ఎంపీలు భేటీ అయ్యారు. తమ రాజీనామాలను ఆమోదించాలని కోరారు. ఈ మేరకు స్పీకర్‌ అడిగిన రీకరన్ఫర్మేషన్‌ లేఖలను కూడా సమర్పించారు. అయితే స్పీకర్‌ విదేశీ పర్యటనకు వెళ్లడంతో వాటికి ఆమోదముద్ర పడడం ఆలస్యమైంది. తుది పరిశీలన అనంతరం.. స్పీకర్‌ సుమిత్ర ఐదుగురు వైసీపీ ఎంపీల రిసిగ్నేషన్లను ఆమోదించారు... 

వైసీపీ ఎంపీల రాజీనామాల ఆమోదంతో... రాష్ట్రంలో పొలిటికల్‌ హీట్‌ మరింత పెరగనుంది. ముఖ్యంగా ఈ ఐదు స్థానాల్లో ఉపఎన్నికలు జరుగుతాయా లేదా అన్నది ఉత్కంఠభరితంగా మారింది. ఎన్నికలు నిర్వహించాలనే తాము కోరుతామని...వైసీపీ ఎంపీలు చెబుతుండగా... టీడీపీ నేతలు మాత్రం ఈ ప్రక్రియ అంతా డ్రామా అంటూ కొట్టి పారేస్తున్నారు. సాధారణ ఎన్నికలకు ఏడాది కూడా గడువు లేనందున... ఇప్పుడు ఉపఎన్నికలు జరపడం కుదరదన్న విషయం వైసీపీకి తెలుసని.. అందుకే ఇప్పుడు రాజీనామాలను ఆమోదింపజేసుకున్నారని... తెలుగుదేశం నాయకులు మండిపడుతున్నారు. ఇదంతా బీజేపీ - వైసీపీ కలిసి ఆడుతున్న నాటకమంటూ విమర్శిస్తున్నారు. 

indian-army-celebrates-international-yoga-day-at-siachen
యోగా దినోత్సవాన్నిఘనంగా జరుపుకున్న భారత సైనికులు!

అంతర్జాతీయ యోగా దినోత్సవాన్ని భారత సైనికులు ఘనంగా జరుపుకున్నారు. ఎన్నో ప్రతికూల పరిస్థితులను అధిగమిస్తూ యోగాసనాలు వేసి తమ నిబద్ధతను చాటుకున్నారు. సముద్ర మట్టానికి 18 వేల ఫీట్ల ఎత్తులో ఉన్న లద్దాఖ్‌ ప్రాంతంలో ITBP జవాన్లు సూర్యనమస్కారాలు చేశారు. ఎముకలు కొరికే చలిలో జవాన్లు యోగా చేసి అందరికీ ఆదర్శంగా నిలిచారు..

ఇక అటు ఎయిర్‌ఫోర్స్‌ పారా ట్రూపర్లు.. గాలిలోనే యోగాసనాలు వేశారు. అలాగే నావల్‌ కమాండ్‌కు చెందిన జవాన్లు యుద్ధవాహక నౌకలపై.. సబ్‌ మెరైన్లలో యోగా సాధన చేశారు. ఆరోగ్యంపై ప్రతి ఒక్కరూ శ్రద్ధ తీసుకోవాలని... వ్యాయామం ద్వారా అనేక రోగాలను నివారించవచ్చని జవాన్లు సందేశమిచ్చారు.

12-died-8-injured-after-jeep-gets-crushed-by-tractor-in-madhya-pradesh
ఘోర రోడ్డు ప్రమాదం.. ఒకే కుటుంబానికి చెందిన 12 మంది మృతి

మృత్యువు ఏదో ఒక రూపంలో ముంచుకు వస్తుంది. ఘోర రోడ్డు ప్రమాదం కుటుంబసభ్యులనందరినీ మృత్యుఒడికి చేర్చింది. మధ్యప్రదేశ్‌ గ్వాలియర్‌కు చెందిన 18 మంది కుటుంబసభ్యులు తమ బంధువు మృతి చెందడంతో అంత్యక్రియలకు అందరూ కలిసి ఒకే జీపులో బయలుదేరారు. మార్గమధ్యంలో గంజమపూర్ వద్ద జీపు మలుపు తిరుగుతుండగా ఎదురుగా వస్తున్న ఇసుక ట్రాక్టర్ ఢీకొట్టింది. బలంగా ఢీకొట్టడంతో జీపు నుజ్జునుజ్జయింది. జీపులో ఉన్న 12 మంది అక్కడికక్కడే మృతి చెందారు. మరో ఆరుగురు తీవ్రంగా గాయపడ్డారు. వేగంగా వెళుతున్న రెండు వాహనాలు ఢీకొనడంతో ప్రాణనష్టం ఎక్కువగా జరిగిందని, జీపు ఇసుక ట్రాక్టర్ కిందకు దూసుకుపోయిందని ప్రత్యక్షసాక్షులు చెబుతున్నారు. స్థానికుల సమాచారంతో పోలీసులు ఘటనా స్థలానికి వచ్చి గాయపడ్డవారిని ఆసుపత్రికి తరలించారు. కేసు నమోదు చేసుకుని దర్యాప్తు ప్రారంభించారు. 

woman-shoots-at-auto-driver-in-gurugram-for-not-giving-way-arrested
34 ఏళ్ల మహిళ ఆటో డ్రైవర్‌పై...

పార్కింగ్‌ విషయంలో తలేత్తిన వివాదంలో అటోడైవర్‌పై  ఓ మహిళపై  కాల్పులు జరిపింది. ఈ సంఘటన  గురుగాన్ లో   చోటుచేసుకుంది ఆటోడ్రైవర్‌ సునీల్‌ రోడ్డు పక్కన తన వాహనాన్ని పార్క్‌ చేయగా సప్న అనే మహిళ  వాహనాన్ని అక్కడినుంచి తీసివెయాలని  కోరింది.  ఈ విషయంలో ఇరువురి మధ్య వాగ్వాదం  చోటుచేసుకుంది. దీంతో  తీవ్ర  ఆగ్రహంతో ఉగిపోయిన సప్న తుపాకీని తీసి సునీల్‌పై కాల్పులు జరిపింది. అదృష్టవశాత్తు బుల్లెట్‌ డైవర్‌ చెవి పక్కగా దూసుకెళ్లింది. అయితే ఈ వివాదంపై సునీల్  పోలీసులకు ఫిర్యాదు చేశాడు. సప్న,ఆమె భర్త తనపై  గొడవకు దిగి  తనను చంపడానికి ప్రయత్నం  చేశారాని  పిర్యాదులో  పెర్కొన్నారు. దీంతో  పోలీసులు  నిందితులైన భార్యాభర్తలు ఇరువురినీ అరెస్ట్‌ చేశారు

arun-jaitley-says-chief-economic-advisor-arvind-subramanian-will-return-to-us-
మోడీ టీమ్ నుంచి ఒక్కొక్కరుగా బయటకు..అమెరికా వెళ్లిపోవాలని..

మోడీ డ్రీమ్ టీమ్ నుంచి ఒక్కొక్కరుగా బయటకు వెళ్లిపోతున్నారు.  నాలుగేళ్లుగా కేంద్ర ఆర్ధిక శాఖ ప్రధాన సలహాదారుగా వ్యవహరిస్తున్న అరవింద్ సుబ్రమణియన్ ఆ పదవి నుంచి వైదొలగనున్నారు. కుటుంబానికి మరింత సమయం కేటాయించే ఉద్దేశంతో తిరిగి అమెరికా వెళ్లిపోవాలని ఆయన నిర్ణయించుకున్నారు.


ఎన్నికల ఏడాదిలో మోడీ టీమ్‌లోని కీలక వ్యక్తులు ఒక్కొక్కరుగా పదవులకు రాజీనామా చేస్తున్నారు. తాజాగా కేంద్ర ఆర్థిక శాఖ సీఈఏగా వ్యవహరిస్తున్న అరవింద్‌ సుబ్రమణియన్‌ ఆ పదవికి రిజైన్ చేస్తున్నారు. 2019 మే దాకా పదవీకాలం గడువు ఉన్నప్పటికీ అంతకన్నా చాలా ముందుగా వచ్చే రెండు నెలల్లోనే సీఈఏ హోదా నుంచి తప్పుకోనున్నట్లు సుబ్రమణియన్‌ తెలిపారు. ఈ సెప్టెంబర్‌లో తనకు మనవడో, మనవరాలో పుట్టబోతున్నారని... ఇలాంటి పూర్తి వ్యక్తిగత కారణాల రీత్యా తాను ఈ బాధ్యతల నుంచి తప్పుకోవాలని నిర్ణయించుకున్నానని చెప్పారు. కేంద్ర మంత్రి అరుణ్‌ జైట్లీని సంప్రదించిన తర్వాత అందరికన్నా ముందుగా ప్రధానికే ఈ విషయం తెలియజేసినట్లు  వివరించారు. 2014 అక్టోబర్‌ 16న కేంద్ర ఆర్థిక శాఖకు సీఈఏగా మూడేళ్ల కాలానికి సుబ్రమణియన్‌ నియమితులయ్యారు. 2017లో ఆయన పదవీకాలాన్ని పొడిగించారు.

సీఈఏగా అరవింద్‌ సుబ్రమణియన్‌ నిష్క్రమణ ఊహించిందేనని కాంగ్రెస్‌ వ్యాఖ్యానించింది. అత్యంత భారీ స్థాయి ఆర్థిక అరాచకత్వాన్ని భరించలేకే మోడీ ప్రభుత్వంలోని ఆర్థిక నిపుణులు ఒక్కొక్కరుగా తప్పుకుంటున్నారని కాంగ్రెస్‌ ఎద్దేవా చేసింది. అరవింద్‌ పనగారియా, ఆర్‌బీఐ మాజీ గవర్నర్‌ రఘురామ్‌ రాజన్‌ మొదలైన వారు ఇందుకు నిదర్శనమని పేర్కొంది.

పదవీకాలం ముగియడానికి ముందుగానే ఇటీవల వైదొలిగిన కీలక ఆర్థిక సలహాదారుల్లో అరవింద్‌ సుబ్రమణియన్‌ రెండో వారు కానున్నారు. నీతి ఆయోగ్‌ వైస్‌ చైర్మన్‌ అరవింద్‌ పనగారియా 2017 ఆగస్టులో తప్పుకున్నారు. ఆయన కూడా పదవీకాలం మరో రెండేళ్లు ఉండగానే వైదొలిగారు. ఎన్‌డీఏ ప్రభుత్వం 2014లో అధికారంలోకి వచ్చాక వీరిద్దరినీ ఆయా హోదాలకు ప్రత్యేకంగా ఎంపిక చేసింది. అయితే పదవీకాలం పూర్తికాకుండానే ఇద్దరూ వ్యక్తిగత కారణాలతో వైదొలిగారు. సీఈఏగా అరవింద్‌ సుబ్రమణియన్‌ పలు వినూత్న ఐడియాలను అమలు చేశారు. విద్యార్థులు, ఉపాధ్యాయులకు దేశ ఆర్థిక వ్యవస్థపై అవగాహన కల్పించేందుకు దేశవ్యాప్తంగా తొలి ఆన్‌లైన్‌ కోర్సును నిర్వహించారు. అలాగే, ఆన్‌లైన్‌ విద్యకు సంబంధించి ప్రభుత్వం నిర్వహించే ’స్వయం’ ప్లాట్‌ఫాంను ప్రారంభించారు.  సంపన్నులకు క్రమంగా సబ్సిడీలు తొలగించడం, వాతావరణంలో పెను మార్పులు, యూనివర్సల్‌ బేసిక్‌ ఇన్‌కమ్‌ తదితర అంశాలపై ఆయన పలు కీలక సూచనలు చేశారు.

RPF-Constable-touching-Woman-inappropriately
పట్టపగలు కామంతో రెచ్చిపోయిన కానిస్టేబుల్..

కామా తురానాం..నభయం న లజ్జ.. కామంతో కళ్లు మూసుకపోయి.. ఎం చేస్తున్నాం.. ఎక్కడ ఉన్నామన్న పరిస్థితి కూడా మర్చిపోయాడు ఓ ఆర్పీఎఫ్ సిబ్బంది. పట్టపగలు రైల్వేస్టేషన్‌లో కొన్ని వందల మంది మధ్యలో ఓ మహిళపై  చేయి వేసి అసభ్యంగా ప్రవర్తించాడు. 

ముంబై కల్యాణ్ నగరంలోని రైల్వే స్టేషన్‌లో ఇద్దరు మహిళలు ఆరో నంబర్ ప్లాట్‌ఫాంపై ఉన్న సీట్లలో కూర్చుని రైలు కోసం ఎదురుచూస్తున్నారు. వీరి పక్కనే జహంగీర్ అనే ఆర్‌పీఎఫ్ కానిస్టేబుల్ కూర్చుని ఉన్నాడు. జహంగీర్ పక్కన కూర్చున్న మహిళ ఉక్కపోతగా ఉండటంతో చీర కొంగుతో గాలి విసురుకుంటోంది. దీంతో అతని వక్రబుద్ధి బయటపడింది. ఆమెపై తన చేయి వేసి అసభ్యంగా ప్రవర్తించాడు. కానిస్టేబుల్ వికృత చేష్టలన్ని ఓ వ్యక్తి వీడియో తీసి సోషల్ మీడియాలో ఫోస్ట్ చేశాడు. ఈ వీడియో వైరల్ అవ్వటంతో విషయం ఉన్నతాధికారులకు తెలిసింది. దీంతో సీసీ పుటేజ్ ఆధారంగా కానిస్టేబుల్ జహంగీర్‌ను ఉద్యోగం నుంచి సస్పెండ్ చేశారు. 

BJP-demands-Digvijay-Singh-s-resignation-over-Hindu-terrorism-issue
హిందూ టెర్రరిజం.. నేను ఎప్పుడూ అలా అనలేదు.. - దిగ్విజయ్ సింగ్

మధ్యప్రదేశ్ లో ఎన్నికలు సమీపిస్తున్న వేళ రాజకీయం వేడెక్కుతోంది. నాయకులు మాటల దాడికి దిగుతున్నారు. రీసెంట్ గా కాంగ్రెస్ నాయకుడు దిగ్విజయ్ సింగ్ చేసిన వ్యాఖ్యలు మధ్యప్రదేశ్ లో పెద్ద దుమారమే రేపుతోంది. హిందూ టెర్రరిస్ట్ లు  అంతా ఆర్ ఎస్ ఎస్ కు చెందినవారు అన్నారనే ఆరోపణలు తీవ్ర చర్చనీయాంశంగా మారాయి. దిగ్విజయ్ కామెంట్స్ హిందూవులను కించపరిచేలా ఉన్నాయని బీజేపీ ఎదురు దాడికి దిగింది. 

హిందూ టెర్రరిజం అనే వ్యాఖ్యలపై ఇంటా బయటా విమర్శలు ఎదుర్కొన్న దిగ్విజయ్ సింగ్ తనను సమర్ధించుకునే ప్రయత్నం చేశారు. హిందూ టెర్రరిజం అని తాను ఎప్పుడూ అనలేదు. తన ఉద్దేశం సంఘ్ టెర్రరిజ అని దిగ్విజయ్ సింగ్ వివరణ ఇచ్చాడు. మక్కా మసీద్ బ్లాస్ట్ లు, మెల్ గాన్ ఎటాక్ ఆర్ ఎస్ ఎస్ ప్రభావితంతోనే జరిగాయనే ఉద్దేశంతోనే ఆ వ్యాఖ్యలు చేశానన్నాడు. దేశంలో ఆర్ ఎస్ ఎస్ హింసను ప్రేరేపిస్తోందని,,విద్వేశాలు రెచ్చగొడుతుందని,,టెర్రరిజాన్ని ప్రచారం చేస్తోందని దిగ్గిరాజా అరోపించారు.

దిగ్విజయ్ సింగ్ వ్యాఖ్యలను బీజేపీ తీవ్రంగా తప్పు బట్టింది. లక్షలాది హిందువులపై వేలెత్తి చూపేలా దిగ్విజయ్ సింగ్ మాటలను ఉన్నాయని ఆరోపించింది. వెంటనే దిగ్విజయ్ సింగ్ ను పార్టీ నుంచి తొలిగించాలని రాహుల్ గాంధీని బిజేపీ నాయకులు డిమాండ్ చేస్తున్నారు. ఇదిలా ఉంటే ఇటు కాంగ్రెస్ కూడా దిగ్విజయ్ సింగ్ కామెంట్స్ ను పార్టీ మైనర్ పాయింట్ గా భావిస్తోంది.

acter-kamal-hasan-meets-rahul-gandhi
రాహుల్ గాంధీని కలిసిన కమల్ హాసన్..

నటుడు కమల్ హాసన్ కాంగ్రెస్ అధినేత రాహుల్ గాంధీతో భేటీ అయ్యారు. ఢిల్లీలోని రాహుల్ నివాసంలో ఇద్దరు సమావేశమయ్యారు. ఇటీవల పొలిటికల్ పార్టీని ఏర్పాటు చేసిన కమల్.. రాజకీయ నేతలతో భేటీ అవ్వడం ఇదే తొలిసారి. ఈ సందర్బంగా తాజా రాజాకీయ పరిస్థితులపై ఇరువురు చర్చించుకున్నారు.కాగా ఈ భేటీలో కాంగ్రెస్ నాయకురాలు ప్రియాంక గాంధీ కూడా పాల్గొన్నట్టు సమాచారం. 

Miss-India-Anukreethy-Vas
నా కోరిక ఇదే! - మిస్ ఇండియా అనుకృతి వాస్

ఫెమీనా మిస్ ఇండియా 2018 పోటీల్లో 30 మందిని వెనక్కు నెట్టి తమిళనాడుకు చెందిన అనుకృతి వాస్‌ అగ్రస్థానంలో నిలిచింది. మిస్ ఇండియా కిరీటాన్ని గెలిచిన అనుకృతి ప్రస్తుతం చెన్నైలోని లయోలా కాలేజ్‌లో ఫ్రెంచ్‌లో బీఏ చేస్తున్నారు. ట్రాన్స్‌లేటర్‌ అవ్వాలన్నది తన కోరికగా ఆమె చెబుతారు. తండ్రి చనిపోగా, తన తల్లి ఏ లోటూ రాకుండా చూసుకునేవారని చెప్తారు. ఈ విజయాన్ని తన తల్లికే అంకితం చేస్తున్నానని అనుకృతి వాస్‌ తెలిపారు.‌ 19 ఏళ్ల అనుకృతి గతంలో ఎఫ్‌బీబీ కలర్స్‌ నిర్వహించిన ఫెమీనా మిస్‌ తమిళనాడుగా ఎంపికైంది. 

Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials