Live News Now
  • బాహుబలులు మాకు అవసరం లేదు.. మోడినే మాకు బ్రహ్మాస్త్రం.. లక్ష్మణ్
  • చెన్నై: రజనీకాంత్ శ్రీలంక పర్యటన రద్దు.. వచ్చే నెల 9న శ్రీలంక వెళ్లాల్సిన రజనీ
  • తమిళుల నుంచి వ్యతిరేకత రావడంతో పర్యటన రద్దు చేసుకున్న రజనీకాంత్..
  • ఢిల్లీ: ముఖ్యమంత్రి కేజ్రీవాల్ కు ఇక్కట్లు..జైట్లీ వేసిన పరువు నష్టం దావా కేసులో దర్యాప్తుకు కోర్టు ఆదేశం
  • హైదరాబాద్: ఏప్రిల్ 21న హైదరాబాద్ లో టిఆర్ఎస్ ప్లీనరీ.. అదే రోజు టిఆర్ఎస్ అధ్యక్షుడి ఎన్నిక
  • ఏప్రిల్ 27న వరంగల్ లో భారీ బహిరంగ సభ.. ఏప్రిల్ 6లోపు సభ్యత్వ నమోదు..
  • గ్రామ కమిటీల ఏర్పాటును పూర్తిచేయాలన్న కెసిఆర్
  • విశాఖలో పాతనోట్ల మార్పిడి ముఠా అరెస్ట్.. రు.కోటి 20 లక్షలు స్వాధీనం..
  • విజయవాడ: అగ్రిగోల్డ్ బాధితులకు న్యాయం చేస్తాం.. హోంమంత్రి చినరాజప్ప
  • 27న వరంగల్ లో జరిగే టిఆర్ఎస్ బహిరంగసభకు శ్రమదానం చేసి విరాళాలు సేకరించాలని కెసిఆర్ ఆదేశం
ScrollLogo అమెరికాలో అనుమానాస్పదంగా మృతిచెందిన శశికళ కేసులో.. ScrollLogo భర్త,అత్త శివపార్వతి,మామ సుబ్బారావుపై శశికళ తల్లిదండ్రుల అనుమానం.. ScrollLogo అమరావతి: గాలి ముద్దుకృష్ణమ వ్యాఖ్యలను ఖండించిన రోజా... ScrollLogo గాలి ముద్దుకృష్ణమ ఇప్పటికైనా గాలిమాటలు మానుకోవాలి.. రోజా ScrollLogo హైదరాబాద్: 2019 ఎన్నికల్లోనూ తెలంగాణలో టిఆర్ఎస్ దే అధికారం.. కెటిఆర్.. ScrollLogo వచ్చే ఎన్నికలనాటికి హామీలన్నీ నెరవేరుస్తాం.. కెటిఆర్ ScrollLogo అమరావతిలో నిర్మించే ప్రభుత్వ భవనాల ప్లాన్ ను అందించిన నార్మన్ ఫోస్టర్ కంపెనీ.. ScrollLogo ఎమ్మెల్యేలు,ఎమ్మెల్సీలకు ప్లాన్ ను వివరించిన కంపెనీ ప్రతినిధులు.. ScrollLogo అమరావతి: దేశంలో అనేక రాష్ట్రాలు ఏర్పడ్డా ఇంత హంగామా ఎవరూ చేయలేదు.. బిజెపి ఎమ్మెల్సీ సోమువీర్రాజు ScrollLogo హైదరాబాద్: ఎన్నికలకు ఆరునెలల ముందే బిజెపి అభ్యర్దులను ప్రకటిస్తాం.. రాష్ట్ర అధ్యక్షుడు లక్ష్మణ్
Tollywood/Bollywood
Crime Watch
Angry-Husband-Pours-Hot-Oil-On-Wife-In-Mumbai
భార్య పై కోపంతో ముఖంపై వేడి నూనె పోసిన భర్త

భార్య భర్తల మధ్య బంధానికి బీటలు పడుతున్నాయి. విడాకుల కోసం కోర్టును ఆశ్రయించే భర్తభర్తల సంఖ్య రోజు రోజుకీ పెరుగుతున్నారు. అలా భర్త నుంచి విడాకుల కోసం కోర్టును ఆశ్రయించిన భార్య ను ఆఖరిసారిగా సంతోషంగా గదుపుదామని ఇంటికి పిలిచిన భర్త... భార్య ముఖం పై వేడి వేడి నూనె పోశాడు.. ఈ ఘటన ముంబైలో అజ్మీనగర్‌లో చోటుచేసుకుంది. ఈ ఘటన భార్య మొహం 70శాతం కాలిపోయింది. ఆపై ఆ భర్త పోలీస్ స్టేషన్లో లొంగిపోయాడు. వివరాల్లోకి వెళ్తే.. మ
ముంబై కు చెందిన షదాబ్ అలీ ఇర్షాద్ షేక్ (31) మరియం లు భార్యాభర్తలు... వీరిద్దరి మధ్య ఏర్పడిన మనస్పర్ధలు విడకులకు దారితీశాయి. రెండు నెలల క్రితం విడాకుల కోసం  కోర్టు ను ఆశ్రయించారు. అప్పటి నుంచి భార్య భర్త నుంచి విడిగా ఉంటుంది. ఆమె చాలా సంతోషంగా ఉంటుంది అని అకారణ ద్వేషం పెంచుకొన్న  భర్త షేక్.. అజ్మీనగర్‌లో ఆమె ఉంటున్న ఇంటి దగ్గరికి వెళ్లి, చివరిసారిగా హ్యాపీగా గడుపుదామని.. లంచ్ చేద్దామని పిలిచాడు. భర్త మాటలను నమ్మి ఇంటికొచ్చిన భార్య కు చికెన్ ఫ్రై చేస్తాను అని చెప్పి నూనె ను వేడి చేసి.. ఆ వేడి నూనె మరియం ముఖం పై పోశాడు.. దాదాపు 70% కు పైగా ఆమె ముఖం కాలిపోయింది. ఈ ఘటనపై పోలీసులు కేసును నమోదు చేసుకుని దర్యాప్తు జరుపుతున్నారు. ఇర్షాద్ షేక్ దంపతులకు ఓ కుమారుడు ఉన్నాడు.

Nirbhaya-Incident-in-Kurnool
భర్త పక్కన నిద్రిస్తున్న మహిళను ఎత్తుకెల్లి దాడి

సభ్య సమాజం తలదించుకునే ఘటన.. నిర్భయను మించిన దారుణం.. మాటలకు అందని రాక్షసం... ఇలాంటి వర్ణనలేవీ సరిపోవు.. కర్నూలు జరిగిన ఓ ఘోరాన్ని వర్ణించడానికి. ఇంట్లో.. భర్త పక్కన నిద్రిస్తున్న ఓ మహిళను ఎత్తుకెళ్లి.. నోట్లో గుడ్డలు కుక్కి... దారుణంగా దాడికి పాల్పడిన పైశాచిక ఘటన కర్నూలు జిల్లా హాలహర్విలో చోటుచేసుకుంది... మహిళను ఇంటి బయటకు ఈడ్చుకొచ్చిన దుండగులు ఆమెను చెప్పలేని రీతిలో చిత్రహింసలకు గురిచేశారు. తీవ్రంగా కొట్టి.. మర్మాంగంపై దాడి చేశారు. ఈ పైశాచిక చేష్టతో చిత్రవధ అనుభవించిన మహిళ చివరికి... అపస్మారక స్థితిలోకి వెళ్లిపోయింది. దీంతో ఆమెను ఇంటిముందే పడేసి దుర్మార్గులు పారిపోయారు... అచేతన స్థితిలో పడి ఉన్న మహిళను చుట్టుపక్కల వారు హుటాహుటిన ఆదోని ఆస్పత్రికి తరలించారు. ప్రస్తుతం ఆ మహిళ ఆరోగ్య పరిస్థితి విషమంగా ఉన్నట్లు డాక్టర్లు చెబుతున్నారు. మహిళను ఇంతటి దారుణరీతిలో హింసించిన... రాక్షసులను పట్టుకుని కఠినాతి కఠినంగా శిక్షించాలని బాధితురాలి బంధువులు డిమాండ్‌ చేస్తున్నారు.

lovers-suicide-attempt-in-janagama-dist
ప్రేమికుల ఆత్మహత్యాయత్నం

ప్రేమించుకున్నారు... పెద్దల్ని ఎదిరించారు... పెళ్లి కూడా చేసుకున్నారు. పెద్దలు ఎక్కడ తమను విడదీస్తారోననే భయం వారిని వెంటాడింది. పెళ్లైన గంటకే ప్రాణాలు తీసుకునేందుకు ప్రయత్నించారు. జనగామ జిల్లాలో జరిగిన కొత్త జంట ఆత్మహత్యాయత్నం కలకలం రేపింది. ఇక్కడ చావు బతుకుల మధ్య పోరాడుతున్న వీరి పేర్లు... మౌనిక, మధు. కొన్నేళ్లుగా ఇద్దరు ప్రేమించుకున్నారు. కులాలు వేరు కావడంతో  పెళ్లికి పెద్దలు అంగీకరించరని భావించారు. ఇద్దరు పెద్దలకు తెలియకుండా పెళ్లికి సిద్ధమయ్యారు. జనగామ జిల్లా యశ్వంతాపూర్‌ ఎల్లమ్మ ఆలయం దగ్గర ఇద్దరు పెళ్లి చేసుకున్నారు. పెళ్లి చేసుకునే వరకు ధైర్యంగా ఉన్న ఈ జంటకు పెద్దలు తమను ఎక్కడ విడదీస్తారోనన్న భయం పట్టుకుంది. అంతే ఇద్దరు పురుగుమందు తెచ్చుకొని తాగేశారు. ఈ జంటను గమనించిన స్థానికులు... ఆస్పత్రికి తరలించారు. మధు పరిస్థితి కాస్త మెరుగవ్వగా... మౌనిక ఆరోగ్యం విషమంగా ఉందని డాక్టర్లు చెబుతున్నారు. పెద్దల్ని ఎదిరించి పెళ్లి చేసుకున్న ఈ జంట... అంతలోనే ఆత్మహత్యాయత్నం చేయడం స్థానికంగా కలకలంరేపింది. 

TS-Police-Arrested-two-ISIS-Terrorists-In-Hyderabad
హైదరాబాద్ పై ఐసిస్ ఉచ్చు బిగుస్తున్న ఆనవాళ్లు..

హైదరాబాద్ పై ఐసిస్ ఉచ్చు బిగుస్తున్న ఆనవాళ్లు కనిపిస్తున్నాయి. లక్నో నుంచి హైదరాబాద్ కు ముష్కరమూక మకాం మార్చిందా అనే అనుమానాలు కలుగుతున్నాయి. ఈ నెల 7న, యూపీలో అసెంబ్లీ ఎన్నికల తుది విడత పోలింగ్ కు ముందు రోజు, లక్నోలో సైఫుల్లా అనే ఐసిస్ ఉగ్రవాది ATS పోలీసుల ఎన్ కౌంటర్ లో హతమయ్యాడు. అతడి ఇంట్లో లభించిన ఆయుధాలు, మందుగుండు సామగ్రిని బట్టి చూస్తే భారీగా విధ్వంసాలకు స్కెచ్ వేసినట్టు స్పష్టమవుతుంది. అప్పటికే ఒక రైల్లో పేలుడుకు పాల్పడిన దుండగులు, మరిన్ని రైళ్లను టార్గెట్ చేసి ఉంటారనే అనుమానాలు వ్యక్తమయ్యాయి. మధ్య ప్రదేశ్ లో రైల్లో పేలుడకు పాల్పడిన కేసులో యూపీలోనే ఏడుగురిని అరెస్ట్ చేశారు. వాళ్లను ఇంటరాగేట్ చేయడం ద్వారా మరింత సమాచారం రాబట్టినట్టు తెలుస్తోంది. 

లక్నో ఎన్ కౌంటర్ తర్వాత సైఫుల్లా ఇంట్లో ఐసిస్ జెండాతో పాటు 8 పిస్టళ్లు, 600 తూటాలు రైళ్ల టైమ్ టేబుల్ ఇతర పేలుడు పదార్థాలు లభించాయి. విద్యార్థుల పేరుతో ముగ్గురు యువకులు ఆ ఇంటిని అద్దెకు తీసుకున్నారు. మరో ఇద్దరు విద్యార్థుల కోసం వేట మొదలైంది. ఆ ఇద్దరు విద్యార్థులతో పాటు  మరికొందరు మకాం మార్చి ఉంటారని భావిస్తున్నారు. యూపీలో బీజేపీ ప్రభుత్వం ఏర్పడింది. ఎస్పీ హయాంలో మైనారిటీల పేరుతో ఆడింది ఆటగా సాగింది. ఇప్పుడు ఆ చాన్స్ లేదు. ఉగ్రవాదంపై యోగి ప్రభుత్వం ఉక్కు పాదం మోపడం ఖాయం. అందుకే, సేఫ్ జోన్ దిశగా ముష్కర మూకలు మకాం మార్చి ఉంటాయని భావిస్తున్నారు.

హైదరాబాద్ పాతబస్తీ కొన్ని దశాబ్దాలుగా ISI ఉగ్రవాదులకు షెల్టర్ జోన్. లష్కరే మొదలు అనేక ఉగ్రవాద సంస్థల టెర్రరిస్టులు ఇక్కడినుంచే ఆపరేషన్ ప్లాన్ చేసిన సందర్భాలున్నాయి. అలాగే ఉత్తర తెలంగాణలోని అనేక పట్టణాల్లో స్లీపర్ సెల్స్ ఉన్నట్టు పోలీసులకు పక్కా సమాచారం ఉంది. ఇప్పుడు ఈ స్లీపర్ జోన్స్ ISIS ప్రభావానికి లోనై ఉంటాయనేది ఒక అనుమానం. లక్నో నుంచి మకాం మార్చిన ముష్కరులు హైదరాబాద్ లేదా ఉత్తర తెలంగాణలోని ఏదైనా పట్టణంలో షెల్టర్ తీసుకున్నారా అనే కోణంలో విచారణ జరుగుతోంది. 

Newly-married-lovers-commit-suicide-in-Jangaon
పెళ్లైన గంటకే సుసైడ్ చేసుకున్న లవర్స్

జనగాంలో  పెళ్లి చేసుకున్న ప్రేమ జంట ఓ గంటలోనే ఆత్మహత్యాయత్నంకు  పాల్పడ్డారు.  వీరి పరిస్థితి విషమంగా ఉండటంతో జనగాం ఆస్పత్రి కి తరలించి చికిత్స అందిస్తున్నారు. ఆత్మహత్యాయత్నంకు కారణాలేంటనే విషయాలు తెలియాల్సి ఉంది.

60kg-of-gold-stolen-from-Palayamkottai-jewellery-store
తమిళనాడు జ్యూయెలరీ షాపులో 60 కిలోల బంగారం చోరీ

తమిళనాడులోని తిరునల్వేలీ జిల్లా పలయమ్‌కొట్టాయ్‌లో కోట్ల రూపాయలు విలువ చేసే బంగారాన్ని దుండగులు దోచుకున్నారు.  సీసీ టీవీ ఫుటేజి ఆధారంగా గుర్తించిన పోలీసులు దుండగులు మొత్తం 60 కిలోల బంగారాన్ని ఎత్తుకెళ్లారని అన్నారు.  చోరీ జరుగుతున్న సమయంలో దుకాణం ముందు ఇద్దరు భద్రతా సిబ్బంది ఉన్నారు.  దుండగులు మేడ పై నుంచి దుకాణంలోకి చొరబడ్డారని  పోలీసులు తెలిపారు. ఈ కేసులో ఈ దుకాణ ఉద్యోగులను కూడా పోలీసులు ప్రశ్నిస్తున్నారు. 

Wife-Brutally-Kills-Husband-In-Anantapur
భర్తను గొడ్డలితో నరికి చంపిన భార్య

అనంతపురం జిల్లాలో ఓ ఇల్లాలు అపరకాళిగా మారింది. కుటుంబ కలహాలతో భర్తను గొడ్డలితో నరికి చంపింది. యల్లనూర్ మండలం మల్లేపల్లిలో ఈ దారుణం చోటుచేసుకుంది. కొంతకాలంగా భర్త నాగిరెడ్డి వేధిస్తుండటంతో నాగేశ్వరమ్మ విసిగిపోయింది. రోజురోజుకు టార్చర్ పెరగడంతో గొడ్డలితో నరికి చంపేసింది. అనంతరం పోలీస్ స్టేషన్లో లొంగిపోయింది.

Woman-cheats-men-in-matrimonial
ఫేక్ ప్రొఫైల్ తో 2600 మంది అబ్బాయిలకు గేలం వేసిన యువతి

మగవారి చేతిలో పెళ్లి పేరుతో మోసపోతున్న ఆడవారి గురించి ఎక్కువగా వార్తలు వింటున్నాం.. కానీ బెంగళూరు కు చెందిన ఓ యువతి దేశ వ్యాప్తంగా ఏకంగా 2600 మంది అబ్బాయిలకు గేలం వేసింది.. తన పేరు తో పాటు.. ఫోటోను కూడా మార్చి మాట్రిమోనియల్ సైట్ లో పెట్టి యువకులకు వల వేయడానికి ఫేక్ డీటైల్స్ ఇచ్చింది.. ఆమె ప్రోఫైల్ దేశవ్యాప్తంగా 2600 మంది లైక్ చెయ్యడంతో పాటు వివాహం చేసుకోవడానికి ముందుకొచ్చారు. కాగా కొంత మంది యువకులకు గేలమ్ వేసి వారి నుంచి లక్షలకు లక్షలు డబ్బులు గుంజింది. అసలు మోసం బయపడి బాధిత యువతులు పోలీసులకు ఫిర్యాదు చేశారు. వివరాల్లోకి వెళ్తే...

బెంగళూరు కు చెందిన శ్రీలత అనే యువతి ఇంటర్‌నెట్‌ నుంచి అందమైన యువతి ఫొటో డౌన్‌లోడ్‌ చేసుకుంది. అనతరం ఆ ఫోటోని ఉపయోగించి ఓ మాట్రిమోనియల్‌ సైట్‌లో తన పేరు సుస్మిత అంటూ రిజిస్టర్‌ చేసుకుంది.
ఆ ప్రొఫైల్‌లో తనది హైదరాబాద్‌ అని వయసు 25 ఏళ్లని సాఫ్ట్ వేర్ ఇంజనీర్ గా పనిచేస్తూ.. నెలకు రూ.1.5 లక్షల జీతం సంపాదిస్తున్నానని ఫేక్ డీటైల్స్ ఇచ్చింది. ఆమె ప్రొఫైల్‌ ను దేశ వ్యాప్తంగా 2600 మంది లైక్‌ చేయడంతో పాటు వివాహం చేసుకోవడానికి ముందుకు వచ్చారు. అలా శ్రీలత కు ఆకర్షితులైన వారిలో హైదరాబాద్‌కు చెందిన ఇద్దరు యువకులున్నారు. శ్రీలత అలియాస్ సుస్మిత యువకుడితో కొన్ని రోజులు ఫోన్‌లో మాట్లాడింది... అనతరం ఓ రోజు తన పర్సు పోగొట్టుకున్నానంటూ రూ.40 వేలు అడిగింది. అప్పటికే ఆమెను పూర్తిగా నమ్మిన సదరు యువకుడు నగదు బ్యాంకు ఖాతాలో డిపాజిట్‌ చేశాడు. అనంతరం కొన్ని రోజులకు సుస్మిత మళ్లీ డబ్బు అడగటంతో అనుమానం వచ్చిన ఆ యువకుడు సీసీఎస్‌ ఆధీనంలోని సైబర్‌ క్రైమ్‌ పోలీసులకు ఫిర్యాదు చేశాడు. కేసు నమోదు చేసుకున్న అధికారులు డబ్బు డిపాజిట్‌ అయిన బ్యాంకు ఖాతాను ఫ్రీజ్‌ చేశారు. ఈ దర్యాప్తు సాగుతుండగానే నగరానికి చెందిన మరో 'సుస్మిత' బాధితుడు సైబర్‌ క్రైమ్‌ పోలీసుల్ని ఆశ్రయించాడు. కొంతకాలం మాట్లాడిన ఆమె తన సమీప బంధువు చనిపోయాడంటూ రూ.2 లక్షలు బ్యాంకు ఖాతాలో డిపాజిట్‌ చేయించుకున్నట్లు ఫిర్యాదు చేశాడు. 'సుస్మిత'
డబ్బు డిపాజిట్‌ చేయించుకోవడానికి తన సోదరుడి ఖాతాను వాడింది. నగర యువకుడితో సంభాషించడానికి సుస్మిత వాడిన ఫోన్‌ నెంబర్‌ను శ్రీలత సోదరుడికి చూపించి అధికారులు ఆరా తీయగా… తన సోదరికి ఫోన్ నెంబర్ అని శ్రీలత ఫోటో చూపించాడు. శ్రీలత అసలు ఫోటోను చూసిన బాధితులు షాక్ తిన్నారు. సైబర్‌ క్రైమ్‌ పోలీసులు శ్రీలతను బుధవారం అదుపులోకి తీసుకొని విచారణ ప్రారంభించారు.  

Man-Caught-His-Wife-Red-Handed-with-Her-Lover,-Vanaparthi
భార్యను రెడ్‌హ్యాండెడ్‌గా పట్టుకున్న భర్త!

అమె ..అతడు. ఇద్దరూ ప్రభుత్వ ఉద్యోగులే. ఆమెకు పెళ్లయింది. ఓ రాత్రి అకాస్మాత్తుగా ఆమె గదికి వెళ్లిచూడగా అతడితో  దొరికిపోయింది. మహబూబ్‌నగర్‌ జిల్లా వనపర్తిలో ఇద్దరు సర్కార్‌ ఉద్యోగుల అక్రమ బాగోతం ఇది. ప్రసన్న కుమారికి గత ఏడాది వరంగల్‌ జిల్లా భూపాలపల్లి TS GENCOలో AEగా పనిచేస్తున్న మహేష్‌తో పెళ్లయింది. ఐతే తాళికట్టిన భర్తతో పట్టుమని పది రోజులు కూడా కాపురం చేయలేదు. పెళ్లి తరువాత తిరిగి వనపర్తి వెళ్లింది. తరువాత మళ్లీ అత్తవారింటికి వెళ్లలేదు. ఇలా ఇతడితో దొరికిపోయింది. గదిలో అతడు ఎందుకున్నాడంటే ..ఆఫీస్‌ పనుల్లో సహాయం చేసేందుకు వచ్చాడంది. పెళ్లి తరువాత ప్రసన్న భర్తతో గానీ అత్తమామలతో గాని ఒక్క రోజు కూడా ఫోన్‌లో మాట్లాడలేదు. దాంతో భర్తకు అనుమానం వచ్చింది. అమె గురించి ఆరా తీశాడు. వేరే వ్యక్తితో అక్రమ సంబంధం ఉందని నిర్దారించుకున్నాడు. తరువాత ఇద్దరిని రెడ్‌హ్యాండెడ్‌గా పట్టుకోవాలనుకున్నాడు. వరంగల్‌లో ఉంటున్న తన బంధువులను వెంటబెట్టుకుని వనపర్తిలో ఉంటున్న భార్య గదికి వెళ్లి చూడగా గోపిరెడ్డితో ఉన్నట్టు తెలిసింది. వెంటనే పోలీసులకు ఫోన్‌ చేశాడు. ప్రసన్న, గోపిరెడ్డిపై కేసు బుక్‌ చేశారు. 

Rowdy-Sheeter-Kali- Prasad-Murder-Remains-a-Mystery,-Srikakulam
సంచలనం రేపుతున్న రౌడీషీటర్ కాళి ప్రసాద్ హత్య

అతడో రౌడీషీటర్‌... సొంత ఊరితో పాటు చుట్టపక్కల మనోడి పేరు చెబితే చాలు హడల్‌. ఎప్పుడు బయటకెళ్లినా నలుగురు కుర్రాళ్లను వెంట తీసుకెళతాడు. అలాంటి వ్యక్తి ఊరి శివారులో శవమై తేలాడు. శ్రీకాకుళం జిల్లా ఆముదాలవలసలో అర్థరాత్రి జరిగిన ఈ హత్య సంచలనంగా మారింది. ఇంతకీ రౌడీ షీటర్‌ను హత్యచేసిందవరు? ప్రత్యర్థులు హతమార్చారా? పాతకక్షలు బలి తీసుకున్నాయా? కాళి ప్రసాద్‌ అలియాస్‌ కాళి... ఊరు శ్రీకాకుళం జిల్లా ఆముదాలవలస మండలం కొర్లకుంట. కేబుల్‌ ఆపరేటరైన కాళి... కొన్ని కేసుల్లో ముద్దాయిగా ఉన్నాడు. అతడిపై రౌడీషీట్‌ కూడా ఉంది. కాళి సెటిల్‌మెంట్లతో పాటు... కబ్జాలు చేసినట్లు ఆరోపణలు ఉన్నాయి. ప్రత్యర్థుల భయమో, ప్రాణరక్షణకోసమోకాని... ఎప్పుడు బయటకు వెళ్లినా నలుగురు కుర్రాళ్లను వెంట తీసుకెళ్లడం కాళికి మొదటి నుంచి అలవాటు. అలాంటి వ్యక్తి ఊరి చివర శవమై తేలాడు. రక్తపుమడుగులో పడి ఉండటాన్ని గమనించిన స్థానికులు పోలీసులకు సమాచారం ఇచ్చారు. వెంటనే రంగంలోకి దిగిన డాగ్‌ స్క్వాడ్‌, క్లూస్‌ టీమ్‌లు స్పాట్‌లో ఆధారాలు సేకరించాయి. కాళి ప్రసాద్‌ హత్యకేసులో పోలీసులు ఎన్నో అనుమానాలు వెంటాడుతున్నాయి. రాత్రి పది దాటితే ఇంట్లో నుంచి బయటకు అడుగుపెట్టని వ్యక్తి అర్థరాత్రి ఊరి శివారు ప్రాంతానికి ఎందుకెళ్లాడు. ఎప్పుడు నలుగుర్ని వెంట తీసుకెళ్లే కాళి... అర్థరాత్రి ఒంటరిగా ఎందుకు వెళ్లాల్సి వచ్చిందనే ప్రశ్నలు వినిపిస్తున్నాయి. పక్కా ప్లాన్‌ ప్రకారం దుండగులు అక్కడికి పిలిచి హత్య చేసినట్లు పోలీసులు అనుమానిస్తున్నారు. స్పాట్‌లో సెల్‌ఫోన్‌, నాలుగు సిమ్‌ కార్డులు దొరికాయి. వాటి ఆధారంగా పోలీసులు కేసును దర్యాప్తు చేస్తున్నారు. స్థానికంగా కాళిప్రసాద్‌కు మంచి పేరు ఉంది. మాజీ మంత్రి అనుచరుడిగా ముద్ర వేసుకున్నాడు. తన అనుకున్నవారికి ఏ కష్టమొచ్చినా ఆదుకునే కాళిప్రసాద్‌ హత్య స్థానికంగా సంచలనంగా మారింది. అయితే నోట్ల రద్దు సమయంలో పెద్ద నోట్ల మార్పిడిలో... అలాగే దొంగ బంగారం, భూ వివాదాలు, సెటిల్‌మెంట్లు, కబ్జాలు చేసినట్లు ఆరోపణలు ఉన్నాయి. ఇటీవల కాళిప్రసాద్‌ ఓ వివాదంలో తలదూర్చినట్లు పోలీసులు చెబుతున్నారు. ఆ కక్షతోనే అతడ్ని హతమార్చి ఉంటారని అనుమానిస్తున్నారు.

Tragic-Incident-in-Mahabubnagar
ఆస్తీ కోసం మూడు రోజులుగా ఇంట్లోనే మృతదేహం..

ఆస్థి... ఇది ఎంతకైనా దిగజారుస్తుంది. ఎంత తెగింపునైనా ఇస్తుంది.  ఆస్థి కోసం మరదలి మృతదేహాన్ని వదిలేసి పారిపోయాడో వ్యక్తి. అటు ఆమె బంధువులు సైతం ఆస్థి వ్యవహారం తేలే వరకు దహనం చేసేది లేదని భీష్మించడంతో మూడు రోజులుగా మృతదేహం ఇంటి ముందే ఉండిపోయింది. మానవత్వానికి మచ్చ తెచ్చే ఈ సంఘటన వరంగల్‌ జిల్లా మహబూబాబాద్‌లో జరిగింది. దంతపల్లికి చెందిన నాగేష్‌రెడ్డికి.. పడమటిగూడెంకు చెందిన సునీతతో వివాహమైంది. వీరికి పదేళ్ళ కుమారుడు ఉన్నాడు. అయితే నాగేష్‌రెడ్డికి మతిస్థిమితం లేదు. దీంతో సునీతే కూలిపనిచేసి పోషిస్తోంది. అయితే నాగేష్‌రెడ్డి కుటుంబానికి ఉన్న ఆస్థిని... అతని అన్న శ్రీనివాస్‌రెడ్డి అనుభవిస్తున్నాడు. ఉన్నట్టుండి సునీతకు అనారోగ్యం చేయడంతో చనిపోయింది. దీంతో ఆమె బంధువులు సునీత కొడుక్కి ఆస్థి పంచి ఇవ్వాలని డిమాండ్‌ చేశారు. దీంతో శ్రీనివాస్‌రెడ్డి పారిపోయాడు.
అటు ఇంటి పెద్ద... నాగేష్‌రెడ్డి అన్న శ్రీనివాసరెడ్డి ఎటో వెళ్ళిపోయాడు. మరోవైపు సునీత బంధువులూ ఆస్థి విషయం తేలే వరకు అంత్యక్రియలు చేసేది లేదని  పట్టుబడుతున్నారు. దీంతో గత మూడు రోజులుగా సునీత భౌతికకాయం ఇంటి బయట ఫీజర్లోనే ఉండిపోయింది. దీంతో ఆమె కొడుకు మృతదేహం దగ్గరే అనాధలా రోధించడం స్థానికుల్ని కలచి వేస్తోంది. అయితే కొందరు పెద్దలు... ఇరు వర్గాలకు నచ్చజెప్పే ప్రయత్నం చేసినప్పటికీ... ఆస్థివిషయం తేలాల్సిందేనన్న మంకుపట్టుతో ఉన్నారు.

Delhi-Woman-hangs-herself-at-Metro-station
ఢిల్లీ మెట్రో స్టేషన్లో ఉరి వేసుకొని కనిపించిన మహిళ

ఢిల్లీ మెట్రో రైల్వే స్టేషన్లో ఓ మహిళ సుసైడ్ చేసుకుంది. కశ్మీర్ గేట్ మెట్రో స్టేషన్ లోని స్టోర్ రూమ్ లో 30 ఏళ్లకు పైగా ఉన్న ఈ మహిళ ఉరివేసుకుని కనిపించింది. ఈ విషయాన్ని గుర్తించిన స్వీపర్ పోలీసులకు సమాచారం అందించాడు. వేంటనే అక్కడకు చేరుకున్న పోలీసులు ఆమెను బాడీని దింపి హాస్పటల్ కి  తరలించారు. ఐతే, ఆమె అప్పటికే మృతి చెందిందని డాక్టర్లు తెలిపారు. మృతురాలి వివరాలు ఇంకా తెలియరాలేదని, సూసైడ్ నోట్ లాంటిది కూడా ఘటనా స్థలంలో దొరకలేదని పోలీసులు తెలిపారు. సీసీటీవీ లో రికార్డ్ అయిన దృశ్యాల ఆధారంగా ఆమె స్టోర్ రూమ్ లోకి ఎలా వెళ్లిందో తెలుసుకుంటామని పోలీసులు తెలిపారు. 


Rummy-Game-Kills-Man,-Rummy-Online,-Vijayawada
ప్రాణం తీసిన పేకాట

గంటకు వేలు..రోజుకు లక్షలు..ఇలాంటి ప్రకటనలతో ఆన్ లైన్ ఆటలు ప్రాణాలు తీస్తున్నాయి. ఇలానే ఆన్ లైన్ పేకాటకు బానిసైన ఓ యువకుడు ప్రాణాలు తీసుకున్నాడు. ఆన్ లైన్ రమ్మీ గేమ్ కు నమ్మి  ఉన్నదంతా పోగొట్టుకున్నాడు. చివరకు అప్పులపాలై..పరువుపోయి ఆత్మహత్యకు పాల్పడ్డాడు. కేరళకు చెందిన ఉద్యమాన్..బతుకు దెరువుకోసం విజయవాడ వచ్చాడు. ఓ ప్రైవేట్ ఆస్పత్రిలో పనిచేస్తున్నాడు.  రమ్మీ ఆటకు  పూర్తిగా బానిసైపోయాడు. ఎప్పుడు చూసిన స్మార్ట్ ఫోన్లో ఆన్ లైన్ రమ్మీ గేమ్ ఆడేవాడు. వచ్చిన జీతమంతా రమ్మీలో పెట్టి పోగొట్టుకున్నాడు. అంతేకాదు అప్పులు చేసి మరీ రమ్మీలో పోసేశాడు. ఉన్నది పోయి..అప్పులు పెరిగిపోయి చివరకు ఆత్మహత్యకు  పాల్పడ్డాడు. ఆన్ లైన్ రమ్మీ ఆటనే ఉద్యమాన్ ప్రాణాలు తీసిందని  స్నేహితులు ఆవేదన వ్యక్తం చేశారు. దాదాపు మూడు లక్షలకు పైగా డబ్బులు పోగొట్టుకున్నాడని చెబుతున్నారు. రమ్మీ ఆడొద్దని ఎన్నిసార్లు  చెప్పినా వినలేదని వాపోయారు. ఆల్కహాల్, సిగరేట్ మాదిరిగానే పేకాట ఓ వ్యసనంగా మారుతుందని డాక్టర్లు చెబుతున్నారు. దీన్ని గేమింగ్ అడిక్ట్ డిజార్డర్ అంటారని తెలిపారు. తల్లిదండ్రుల పర్యవేక్షణ లేకపోవడంతో యువత  పెడదారి పడుతున్నారని నిపుణులు అభిప్రాయపడుతున్నారు. అయితే.. ఆన్ లైన్ గేమింగ్ మీద చట్ట సవరణలు చేస్తే..చర్యలు తీసుకునేందుకు అవకాశముంటుందని పోలీసులు చెబుతున్నారు.

Chicago-teen-gang-raped-on-Facebook-Live-as-40-watched
బాలికపై గ్యాంగ్ రేప్ చేస్తూ.. లైవ్ స్ట్రీమింగ్.. చూసి కూడా స్పందించని జనం

మనిషి అంతరిక్షానికి వెళ్ళాం.. అని మురిసిపోతున్నాడు కానీ.. మనిషిగా మరణిస్తున్నాడు.. ఆధునిక వింత పోకడలతో.. అనవసర భేషజాలు.. గొప్పలు.. వంటి వాటితో సభ్య సమాజం ఆధునిక పోకడలను తొక్కుతూ.. ఆలోచనలు అధఃపాతాళానికి వెళ్తున్నాయి. మనిషి గా మరణిస్తూ.. మరమనిషిగా జీవిస్తున్నాడు అనడానికి ప్రత్యక్ష నిదర్శనమే ఈ ఘటన. ఆదివారం సాయంత్రం ఓ అమ్మాయి షాపు వెళ్ళగా.. ఆమెను కొందరు కిడ్నాప్ చేసి.. గ్యాంగ్ రేప్ చేశారు.. ఈ విషయం సోషల్ మీడియాలో చూస్తే ఆ అమ్మాయి తల్లికి తెలిసింది. కాగా ఆ అమ్మాయిని రేప్ చేస్తూ.. ఆ గ్యాంగ్ అదేదో గొప్ప పని అన్నట్లు ఫేస్ బుక్ లో లైవ్ స్త్రీమింగ్ పెట్టి.. మరీ ఆ అమ్మాయిపై అత్యాచారం చేశారు.. కాగా విచారించ తగ్గ విషయం ఏమిటిటంటే.. ఈ అత్యాచారాన్ని లైవ్ లో చూసిన వారు ఒక్కరూ ఆ అమ్మాయిని కాపాడాలని అనుకోకపోవడమే.. వివరాల్లోకి వెళ్తే...
చికాగో లో 15 ఏళ్ల బాలిక ఆదివారం సాయంత్రం షాపుకు వెళ్లిన ఇంటికి తిరిగి రాలేదు.. కాగా తన 15 ఏళ్ల కూతురు ఇంటికి తిరిగి రాలేదని బాలిక తల్లి ఎదురు చూస్తున్న నేపద్యంలో బాలికను రేప్ చేస్తున్నట్లు.. ఆ రేప్ కు సంబంధించిన లైవ్ ను తను ఫేస్ బుక్ లో చూసినట్లు బాలిక తల్లికి ఓ బంధువు ఫోన్ చేశాడట.. దీంతో బాలిక తల్లి స్టేసీ ఎల్కిన్స్ తమ బంధువులు ఫేస్ బుక్ లో లైవ్ వీడియో చూసి తనకు చెప్పినట్లు పోలీసులకు ఫిర్యాదు చేసింది. అయితే ఈ లైవ్ ను 40 మంది వరకు చూసి కూడా.. 911కు డయల్‌ చేయకపోవడం చాలా బాధాకరం అని చికాగో పోలీసు విభాగం అధికారప్రతినిధి ఆంటోనీ తెలిపారు. బాలికపై లైంగిక వేధింపులను చూస్తూ కూడా ఒక్కరూ పట్టించుకోలేదు. ఏ ఒక్కరూ కనీసం మనిషిగా స్పందించలేదు అని ఆంటోనీ వ్యాఖ్యానించారు. ఈ నేరానికి పాల్పడిన నేరస్తులను ఫేస్ బుక్ పేజీ ఆధారంగా పట్టుకోవడానికి పోలీసులు ప్రయత్నిస్తున్నారు. వీడియోను పోస్ట్ చేసిన ఫేస్ బుక్ పేజీ వివరాల సేకరణ కోసం పోలీసులు దర్యాప్తు ప్రారంభించారు. పోలీసులు బాలికను కూడా ప్రశ్నిస్తున్నారు. ఐదు నుంచి ఆరుగురు సభ్యులు ఈ ఘాతుకానికి పాల్పడినట్టు పోలీసులు ప్రాథమిక నిర్ధారణకు వచ్చారు.


New-Twist-in-IAS-Officer-Driver-Nagaraju-Murder
డ్రైవర్‌ను సుక్రూ ఎందుకు హత్య చేయాల్సి వచ్చింది?

ఏఐఎస్‌ అధికారి డ్రైవర్‌ నాగరాజు హత్యకేసు మిస్టరీని పోలీసులు ఛేదించారు. ఐఏఎస్‌ అధికారి వెంకటేశ్వరరావు, అతని కుమారుడు వెంకట్‌ సుక్రూను పోలీసులు అరెస్టు చేశారు. స్వలింగ సంపర్కానికి ప్రేరేపించిన కారణంగానే హత్య జరిగినట్లు విచారణలో తేలింది. హైదరాబాద్‌లో ఐఏఎస్‌ అధికారి డ్రైవర్‌ హత్యకేసులో చిక్కుముడి వీడింది. ఈ కేసులో ఐఏఎస్‌ అధికారి వెంకటేశ్వరరావుతోపాటు అతని కుమారుడు వెంకట్‌ సుక్రూను పోలీసులు అరెస్టు చేశారు. ఈనెల 17న యూసుఫ్‌గూడలోని ఓ అపార్ట్‌మెంట్‌లో డ్రైవర్‌ నాగరాజు హత్యకు గురయ్యాడు. ఈ కేసును సవాల్‌గా తీసుకున్న పోలీసులు లోతుగా దర్యాప్తు చేశారు. ఐఏఎస్‌ అధికారి వెంకటేశ్వరరావును అదుపులోకి తీసుకుని విచారించారు. 24 గంటల సుదీర్ఘ విచారణ అనంతరం ఐఏఎస్‌ అధికారితోపాటు అతని కొడుకు సుక్రూను అరెస్ట్ చేశారు. ఐఏఎస్‌ అధికారి వెంకటేశ్వరరావు భార్య అనిత దగ్గర నాగరాజు డ్రైవర్‌గా పనిచేస్తున్నాడు. వెంకటేశ్వరరావు కుమారుడు సుక్రూ, డ్రైవర్‌ నాగరాజు చాలా సందర్భాల్లో బయటకు వెళ్లి మద్యం సేవించేవారు. ఈనెల 17న రాత్రి యూసుఫ్‌గూడలోని సాయి కల్యాణ్‌ అపార్ట్‌మెంట్‌ టెర్రస్‌పైకి వెళ్లారు. ఆరోజు రాత్రి 11 గంటల సమయంలో మద్యం సేవించిన తర్వాత హోమో సెక్స్ కోసం వెంకట్ సుక్రూను డ్రైవర్ నాగరాజు ప్రేరేపించాడు. అందుకు సుక్రూ  అంగీక‌రించ‌క‌పోవ‌డంతో  ఇద్దరి మధ్య  ఘ‌ర్షణ జరిగింది. సుక్రూ ఆగ్రహంతో రాయితో నాగరాజు తలపై బలంగా  కొట్టడంతో డ్రైవ‌ర్ మృతి చెందిన‌ట్లు పోలీసులు తెలిపారు. నాగరాజు హత్య తర్వాత సుక్రూ తండ్రికి సమాచారం ఇచ్చాడు. తండ్రి ఇచ్చిన సూచనలు, సహాయంతో మృతదేహాన్ని మాయం చేసేందుకు సుక్రూ యత్నించాడు. పారిపోయే క్రమంలో అపార్ట్‌మెంట్‌ వాసుల కంట పడటంతో హత్యోదంతం వెలుగులోకి వచ్చింది. అపార్ట్‌మెంట్‌లోని సీసీ కెమెరా ఫుటేజ్‌ ఆధారంగా దర్యాప్తు చేపట్టారు పోలీసులు. ఈ కేసులో మరికొంతమంది ఉండొచ్చని అనుమానిస్తున్నారు.

NRI Edition
AP News
Telangana News
Pata
Sports
Daily Specials