Live News Now
  • హైదరాబాద్‌లో మందుబాబుల వీరంగం
  • తెలంగాణ రైతులకు న్యూఇయర్‌ గిఫ్ట్.. అర్థరాత్రి నుంచి మొదలైన 24 గంటల పవర్‌
  • కొత్త రికార్డ్‌ సృష్టించిన దుబాయ్‌ బూర్జ్‌ ఖలీఫా
  • కొత్త సంవత్సరానికి ఘన స్వాగతం పలికిన ప్రజలు
  • నల్గొండ: మున్సిపల్ చైర్మన్ భర్త బొడ్డునల్లి శ్రీనివాస్ హత్య.. బండరాయితో మోది చంపిన దుండగులు
  • నెల్లూరు జిల్లా కావలి వద్ద రోడ్డుప్రమాదం.. లారీని ఢీకొన్న ట్రావెల్స్ బస్సు.. ముగ్గురు మృతి
  • హైదరాబాద్ లో ఐదు ప్రాంతాల్లో డ్రంక్ అండ్ డ్రైవ్ తనిఖీలు.. 48 మంది పై కేసులు నమోదు
  • తిరుమలలో భక్తుల రద్దీ సాధారణం.. 8 కంపార్టుమెంట్లలో వేచివున్న భక్తులు
  • శ్రీవారి సర్వదర్శనానికి 5 గంటల సమయం.. కాలినడక భక్తులకు 2 గంటల సమయం
  • ప్రత్యేక ప్రవేశ దర్శనానికి 2 గంటల సమయం
ScrollLogo టీడీపీ రాష్ట్ర కార్యాలయంలో ఘనంగా క్రిస్మస్ వేడుకలు హాజరైన కళా వెంకట్రావు, నక్కా ఆనందబాబు ScrollLogo మళ్లీ వేడెక్కిన తమిళ రాజకీయాలు.. అన్నాడీఎంకే అత్యవసర సమావేశం ScrollLogo జగిత్యాల: ధర్మపురి లక్ష్మీనరసింహస్వామి ఆలయంలో మూలవిరాట్‌లకు అభిషేకం ScrollLogo యదాద్రిలో ముక్కోటి ఏకాదశి వేడుకలు.. ఉత్తర ద్వారం నుంచి స్వామివారి దర్శనం ScrollLogo సిరిసిల్ల: వేములవాడ రాజన్న ఆలయంలో ముక్కోటి ఏకాదశి వేడుకలు ScrollLogo ముంబైలో ఘోర అగ్నిప్రమాదం.. 14 మంది మృతి, 12 మందికి గాయాలు ScrollLogo తెలుగు రాష్ట్రాల్లో వైభవంగా ముక్కోటి ఏకాదశి వేడుకలు.. భక్తులతో కిటకిటలాడుతున్న ప్రముఖ ఆలయాలు ScrollLogo చర్లపల్లి జైలు నుంచి బయటికొచ్చిన కెల్విన్‌ ScrollLogo మద్యం తాగి వాహనం నడుపుతూ పోలీసులకు పట్టుబడ్డ యాంకర్ ప్రదీప్ ScrollLogo వచ్చే ఎన్నికల బరిలో తలైవా టీమ్‌
Tollywood/Bollywood
Crime Watch
another-pnb-scam-rotomac-pens-owner-flees-after-taking-rs-800
మరో భారీ కుంభకోణం!

నిన్న నీరవ్ మోడీ..నేడు రోటోమాక్ కొఠారీ. కోట్లాది రూపాయలు దోచుకుని బ్యాంకులకు పంగనామాలు పెట్టారు. పంజాబ్‌ నేషనల్‌ బ్యాంకులో 11వేల కోట్ల కుంభకోణం మర్చిపోకముందే..రోటోమాక్ కొఠారీ స్కాం బయటపడింది. రొటోమాక్‌ పెన్నుల అధినేత విక్రమ్‌ కొఠారీ- ఐదు బ్యాంకుల నుంచి దాదాపు 800 కోట్ల రూపాయల రుణం తీసుకుని దేశం నుంచి పారిపోయాడు. ఏడాదిన్నర గడిచినా ఆయన అసలు గానీ, వడ్డీ గానీ కట్టలేదని, 45 రోజుల కిందటే ఆయన విదేశాలకు చెక్కేశాడని అభిజ్ఞవర్గాల కథనం. 

రొటొమాక్‌ కంపెనీ యజమాని అయిన విక్రమ్‌ కొఠారి ఐదు బ్యాంకుల్లో రూ.800 కోట్లకుపైగా రుణాలు తీసుకున్నట్లు సమాచారం. అలహాబాద్‌ బ్యాంకు, బ్యాంక్‌ ఆఫ్‌ బరోడా, ఇండియన్‌ ఓవర్సీస్‌ బ్యాంకు, యూనియన్‌ బ్యాంక్‌ ఆఫ్‌ ఇండియా బ్యాంకుల నుంచి కోట్లాది రూపాయలు అప్పుగా తీసుకున్నాడు. యూనియన్‌ బ్యాంకు నుంచి రూ.485 కోట్లు, అలహాబాద్‌ నుంచి రూ.352 కోట్ల రుణం తీసుకున్నాడు. అయితే ఆయన ఇప్పటివరకూ అసలును కానీ, వడ్డీని కానీ బ్యాంకులకు తిరిగి చెల్లించలేదు. కాన్పూరులోని కొఠారి కార్యాలయం కూడా గత కొన్ని వారాలుగా మూతపడి ఉంది. ఆయన కూడా పత్తాలేకుండా పోయాడు.

పాన్‌ పరాగ్‌ సంస్థ అధినేత ఎంఎం కొఠారీకి ఇద్దరు కొడుకులు. దీపక్‌ కొఠారీ, విక్రమ్‌ కొఠారీ. తండ్రి చనిపోయాక- విక్రమ్‌- స్టేషనరీ బిజినెస్‌లోకి వెళ్లారు. అప్పట్లో కంప్యూటర్లు, సెల్‌ఫోన్లు లేవు. పెన్నులే ఆధారం. పెన్నులు, గ్రీటింగ్‌ కార్డుల వ్యాపారాన్ని లాభదాయకంగా చేసిన కొఠారీ- రెనాల్డ్స్‌ సంస్థకు గట్టి పోటీ ఇచ్చారు. వ్యాపార విస్తృతికి ఆయన సల్మాన్‌ ఖాన్‌ చేత కూడా యాడ్స్‌ చేయించాడు. రొటోమాక్‌ ఫుడ్స్‌, రొటోమాక్‌ ఫ్రాగ్రెన్సెస్‌, రొటోమాక్‌ ఎక్స్‌పోర్ట్స్‌, మోహన్‌ స్టీల్స్‌, క్రౌన్‌ ఆల్బా రైటింగ్‌ ఇన్‌స్ట్రుమెంట్స్‌, రేవ్‌ ఎంటర్‌టైన్‌మెంట్స్‌ మొదలైన వాటితో పాటు లక్నో, కాన్పూర్‌, అహ్మదాబాద్‌, డెహ్రాడూన్‌ మొదలైన నగరాల్లో రియల్‌ ఎస్టేట్‌ వ్యాపారాలు కూడా నిర్వహించేవాడు.

విక్రమ్ కొఠారీ చేసిన అప్పులే ఆయన మెడకు చుట్టుకున్నాయి. ఒక బ్యాంకులో తీసుకున్న అప్పు మరో చోట, ఇంకో అప్పు ఇంకో చోట రొటేట్‌ చేస్తూ నెట్టుకు వచ్చినా మోసం దాగలేదు. ఆఖరికి రూ 600 కోట్ల రూపాయల చెక్‌బౌన్స్‌ కేసు కూడా నమోదైంది. కాన్పూర్‌లో విక్రమ్‌ కొఠారీకి చెందిన మూడు ఇళ్లను వేలం వేస్తున్నట్లు అలహాబాద్‌ బ్యాంకు గతేడాది సెప్టెంబరులో ఓ నోటీసు కూడా జారీ చేసింది. కానీ ఆయన తన పలుకుబడి ఉపయోగించి వేలంలో ఎవరూ పాల్గొనకుండా చేశాడు. ఇపుడు నీరవ్‌ మోదీ తరహాలో దేశం నుంచే పరారవడంతో ఆయనకు అప్పులిచ్చిన బ్యాంకుల ఘొల్లుమంటున్నాయి. ఈ బ్యాంకులు నీరవ్‌ మోదీ విషయంలోనూ భారీగానే నష్టపోయాయి.

Student-Committed-Suicide
ప్రియుడితో వీడియో కాల్ మాట్లాడుతూ.. లైవ్ లో ఆత్మహత్య

 హైదరాబాద్ నగర శివారులో కొంపల్లి లో శివ శివానీ కాలేజీ విద్యార్ధిని ఆత్మహత్య చేసుకొన్నది. అనంతరపురం జిల్లాకు చెందిన హనీషా అనే యువతి ఎంబీఏ సెకండ్ ఇయర్ చదువుతున్నది. కాలేజీ హాస్టల్ లో ఉంటుంది. తన ప్రియుడు దక్షిష్ పటేల్ తో వీడియో కాల్ మాట్లాడుతూ... అతను చూస్తుండగానే ఫ్యాన్ కు ఉరివేసుకొన్నది. అతను వెంటనే స్పందించి హాస్టల్ గదికి చేరుకొని తలుపులు బద్దలు కొట్టి తెరిచాడు.. అక్కడ ఉన్న ఫ్రెండ్ సాయంతో హనీషాను సమీపంలోని ఓ ప్రైవేట్ ఆస్పత్రికి తరలించాడు.. కానీ అప్పటికే హనీషా మృతి చెందింది. ఈ సంఘటన పై పోలీసులు కేసు నమోదు చేసుకొని దర్యాప్తు ప్రారంభించారు. ఆమె మృతదేహాన్ని గాంధీ ఆస్పత్రికి తరలించి తల్లిదండ్రులకు సమాచారం అందించారు.

lahore-court-pronounces-death-sentence-zainab-rapist
మానవ మృగానికి నాలుగుసార్లు మరణశిక్ష!

ఏడేళ్ల బాలికపై అత్యాచారానికి పాల్పడి, ఆపై ఆమెను అతి కిరాతకంగా  చంపేసి చెత్త కుప్పలో పడేసిన ఓ మృగాడికి నాలుగు సార్లు మరణదండన విధించింది పాకిస్థానీ కోర్ట్. పాకిస్థాన్ కు చెందిన ఇమ్రాన్ జనవరి 4 వ తేదీన జైనాబ్‌ అమీన్‌ అనే ఏడేళ్ల బాలికను కిడ్నాప్ చేసి ఆమెపై అత్యాచారానికి ఒడిగట్టాడు. దీంతో తీవ్ర రక్తస్రావమై. కొనఊపిరితో ఉన్న జైనాబ్‌ అమీన్‌ ను గొంతునులిమాడు, అప్పటికి పాపచనిపోవడంతో విసిరి విసిరి కొట్టి హత్య చేశాడు. ఆపై మృతదేహాన్ని లాహోర్ కు దగ్గరలోని ఓ చెత్తకుప్పలో పడేసి వెళ్ళిపోయాడు. మృతదేహం కొందరి పారిశుధ్య కార్మికుల కంట పడింది. వెంటనే వారు పోలీసులకు సమాచారం అందించగా మృతదేహాన్ని కిడ్నాప్ కు గురైన జైనాబ్‌ అమీన్‌ గా గుర్తించారు. మృతదేహానికి పోస్టుమార్టం చేసిన పోలీసులు ఆమె తీవ్ర చిత్రవధకు గురైనట్టు గుర్తించారు. ఈ క్రమంలో సీసీ కెమెరాల ద్వారా నిందితున్ని గుర్తించి అరెస్ట్ చేశారు.  విగత జీవిగా పడివున్నపాపను చూసి తల్లిదండ్రులు , ప్రజలు తల్లడిల్లిపోయారు. చిన్నారిపై దారుణంగా అఘాయిత్యానికి పాల్పడిన ఆ మృగాడిని శిక్షించాలని ఆందోళనలు కూడా చేశారు.జనవరి నెల మొదలు నేటి వరకు ఆందోళనలు కొనసాగుతూనే ఉన్నాయి. ఇమ్రాన్ కు ఉగ్రవాదులతో సంబంధాలు వున్నాయనే భయంతోనే అతన్ని తీవ్రంగా శిక్షించలేదని పోలీసులు, జడ్జీలపై విరుచుకుపడ్డారు పాకిస్థానీ ప్రజలు. దీంతో కేసు తీవ్రతను పరిశీలించిన లాహోర్ న్యాయమూర్తులు అతనికి నాలుగుసార్లు మరణదండన , 32 లక్షల జరిమానా విధించారు. ఆ తీర్పుతో పాపకు న్యాయం జరిగిందని పాకిస్థాన్ ప్రజలు సంతోషించారు.

Ram-Gopal-Varma-Sensational-Comments-On-GST
నేను అది అమ్మేశాను నాకు సంబంధం లేదు : వర్మ

జీఎస్టీ సినిమాకు తాను కేవలం రైటర్ ని మాత్రమే అని తనకు, ఆ సినిమాకు అసలు సంబంధం లేదని వర్మ పోలీసుల వద్ద అన్నట్టు సైబర్ క్రైమ్ డీసీపీ రఘువీర్ తెలిపారు. విచారణలో వర్మ జీఎస్టీ సినిమా తనది కాదని, అది ఎవరికో అమ్మేశానని  ఒప్పుకున్నాడని చెప్పారు. అలాగే ఈ కేసుకు సంబంధించి చాలా టెక్నికల్ ఎవిడెన్సెస్ ను సేకరించాల్సి ఉందని... అన్ని వైపుల నుంచి ఈ కేసును లోతుగా దర్యాప్తు చేస్తామని తెలిపారు... 'సత్యమేవ జయతే'ను 'సత్య మియా జయతే' అంటూ వర్మ ట్వీట్ చేసిన అంశాన్ని కూడా ఈ కేసులో చేరుస్తామని డీసీపీ వెల్లడించారు. ఈ కేసులో సాంకేతిక అంశాలతోపాటు కీలక ఆధారాలు చేపడుతున్నట్టు అయన తెలిపారు. ఇదిలావుంటే ఈమధ్యే రాంగోపాల్ వర్మ గాడ్ సెక్స్ ట్రూత్ పేరుతో వివాదాస్పద చిత్రాన్ని నిర్మించారు. అందులో మహిళల మనోభావాలు దెబ్బతిన్నాయని మహిళా సంఘాలు పోలీసులకు ఫిర్యాదు చేసిన సంగతి తెలిసిందే. అందులో భాగంగానే వర్మ శనివారం విచారణకు హాజరయ్యారు.

Man-kills-woman
తండ్రి రెండో భార్యతో వివాహేతర సంబంధం.. మహిళకు మద్యం ఇచ్చి..

వావి వరసలు మరచిన ఓ ప్రబుద్ధుడు సాక్షాత్తు తండ్రి రెండవ భార్యపై వివాహేతర సంబంధం పెట్టుకున్నాడు. ఆపై ఆమె మరెవరితోనో అక్రమసంబంధం నడుపుతుందనే అనుమానంతో అంతమొంచించాడు. తూర్పుగోదావరి జిల్లా ఏపీత్రయం గ్రామానికి చెందిన  వీరనాల సత్యనారాయణ, గ్రామంలో పగటి వేషగాడు. అతని మొదటిభార్య అనారోగ్యంతో మరణించింది. ఈ క్రమంలో రాజేశ్వరి అనే మహిళను రెండవ వివాహం చేసుకున్నాడు. మొదటి భార్యకు ఐదుగురు సంతానం అందులో మొదటివాడు రాజా. వరుసకు పిన్నిఅయిన రాజేశ్వరితో వివాహేతర సంబంధం పెట్టుకున్నాడు రాజా. ఇంట్లో వీరు కలుసుకోవడానికి కుదరకపోవడంతో దగ్గరలోని పెదపూడిలో ఓ గృహాన్ని అద్దెకు తీసుకున్నాడు రాజా. దీంతో అప్పుడపుడు ఆ గృహంలో ఇద్దరు కలుసుకుని ఎవ్వరికి తెలియకుండా అక్రమసంభందాన్నినడిపేవారు. ఈ నేపథ్యంలో రాజేశ్వరి ఓ స్వచ్చంధ సంస్థలో చేరింది. అందుకు గాను నెలకు రెండుసార్ల  ఆమె విజయవాడ వెళ్లి సంస్థ కోసం చందాలు కూడా వసూలు చేస్తుంటుంది. దీంతో రాజా, రాజేశ్వరిపై అనుమానం పెంచుకుని ఆమెను అంతమొందించేందుకు పథకం పన్నాడు. ఈ నెల 8న అద్దెకు తీసుకున్న ఇంటికి రమ్మన్నాడు. మద్యం తాగమని ఇచ్చాడు. రాజేశ్వరి తాగింది. ఆ తరువాత మత్తులో నిద్రలోకి జారుకున్నాక ఆమెపై అఘాయిత్యానికి పాల్పడి. అనంతరం పొయ్యి ఊదుకునే గొట్టంతో ఆమెను తల వెనుక భాగంలో కొట్టాడు. దీంతో రాజేశ్వరి అక్కడికక్కడే మృతిచెందించి. అనంతరం రాజేశ్వరి మృతదేహాన్ని గోనె సంచిలో చిన్నగా మడిచి మోటార్‌ బైక్‌పై ఏపీత్రయంలోని  కొవ్వూరు ఏటి గట్టు ప్రాంతంలో పాతిపెట్టాడు. రాజేశ్వరికోసం తండ్రి సత్యేనారాయణ వెతుకుతుండగా రాజా ద్వారానే ఆమె చంపబడిందని తెలుసుకున్నాడు సత్యనారాయణ. ఈ నేపథ్యంలోపోలీసులకు పిర్యాదు చేశాడు. తండ్రి పిర్యాదు మేరకు కేసు నమోదు చేసుకున్న పోలీసులు రాజాను అరెస్ట్ చేసి దర్యాప్తు చేస్తున్నారు.

Indiramma-housing-scam-in-Hyderabad
పేదలకు ఇందిరమ్మ ఇళ్ల ఆశ చూపారు.. ఒక్కో ఇంటికి రేట్ ఫిక్స్ చేశారు... రూ.70 లక్షలు...

అమాయకుల బలహీనతనే వాళ్ల పెట్టుబడి. పేదలకు ఇందిరమ్మ ఇళ్ల ఆశ చూపారు. ఒక్కో ఇంటికి రేట్ ఫిక్స్ చేశారు. సేమ్ టు సేమ్ అసలు సిర్టిఫికెట్లలాంటి సర్టిఫికెట్లు ఇచ్చారు. ఇక ఇల్లు వచ్చినట్లేనని నమ్మారు పేదలు. కానీ ఏళ్లు గడుస్తున్నా ఇల్లు ఇవ్వలేదు. బాధితులంతా కలిసి నిలదీస్తే అసలు నిజం బయటపడింది. ఇంతకీ ఏంటా నిజం? అంత పక్కాగా ఎలా మోసం చేశారు?

జల్సాలకు అలవాటుపడిన ఈ కంత్రీలు... అమాయకులను టార్గెట్ చేశారు. ఏకంగా 70 లక్షలు దోచేశారు.  హైదరాబాద్ శివారులోని శంషాబాద్ ఏరియాలో అమాయకుల నెత్తికి సున్నం పెట్టి లక్జరీ లైఫ్‌ను ఎంజాయ్ చేశారు.

ఈ ఘరానా మోసానికి సూత్రధారి సున్నపు రాజు. ఆర్‌ఎంపీ డాక్టర్ అన్నవరపు విజయ్ సాగర్,  అటెండర్ మణికంఠ, డాక్యుమెంట్ రైటర్లు పిట్టల సుధాకర్, షాపూర్ రాజు... ఇలా మొత్తం 11 మంది ముఠా ఏర్పడింది. ఇందిరమ్మ ఇల్లు కావాలంటే వీళ్లు అడిగినంత ఇవ్వాల్సిందే. లక్ష నుంచి రెండు లక్షల దాకా రేట్లు ఫిక్స్ చేశారు. ఇలా మొత్తం 70 లక్షలు దోచేశారు. తిలాపాపం తలా పిడికెడు అన్నట్లు అంతా కలిసి వాటాలు పంచుకున్నారు. ఎంచక్కా ఎంజాయ్ చేశారు. సూత్రధారి సున్నం రాజు ఏకంగా ఖరీదైన బిల్డింగ్‌ను కట్టేశాడు. పోలీసులు ఇప్పుడు ఈ బిల్డింగ్‌ను అటాచ్ చేశారు. 11 మందిపై కేసులు పెట్టారు. సున్నపు రాజుతోపాటు ఆర్‌ఎంపీ డాక్టర్, సుధాకర్, రాజులను అరెస్ట్ చేశారు. మరో ఏడుగురు పరారీలో ఉన్నారు.    

ఇందిరమ్మ ఇళ్లపేరుతో మోసం చేయాలని పక్కా స్కెచ్ వేశాడు సున్నపు రాజు. ఇందిరమ్మ ఇళ్లు, రాజీవ్ గృహకల్ప పథకాలను తమకు వరంగా మార్చుకున్నాడు ఈ కంత్రీ. శంషాబాద్‌లోని సిద్ధాంతి బస్తీకి చెందిన రాజు అప్పట్లో గతంలో ఓ సిమెంటు కంపెనీ గోదాంలో పనిచేసేవాడు. ఇందిరమ్మ, రాజీవ్ గృహకల్ప ఇళ్ల నిర్మాణానికి సిమెంటును సరఫరా చేసేవాడు. ఇందులో పనిచేస్తే లాభం లేదని భావించిన సున్నపు రాజు... అమాయకులను బురిడీ కొట్టించి అడ్డదారిలో సంపాదించాలని పక్కా స్కెచ్ వేశాడు.

శంషాబాద్ ఎమ్మార్వో ఆఫీసులో పనిచేసే అటెండర్ మణికంఠను తన ప్లాన్‌లో భాగం చేశాడు. అతడితో కలిసి మండల ఆఫీసు నుంచి ఇందిరమ్మ, రాజీవ్ గృహకల్ప సర్టిఫికెట్లు కొన్నింటిని చోరీ చేశారు. ఆ తర్వాత ఆర్‌ఎంపీ డాక్టర్ అన్నవరపు విజయ్ సాగర్, డాక్యుమెంట్ రైటర్లు పిట్టల సుధాకర్, షాపూర్ రాజుతోపాటు మరో ఆరుగురిని ముఠాలో చేర్చుకున్నారు. అసలు సర్టిఫికెట్లకు ఏమాత్రం తీసిపోని విధంగా ఇందిరమ్మ ఇళ్లకు సంబంధించిన ఫేక్ సర్టిఫికెట్లు తయారు చేశారు. శంషాబాద్ తహశీల్దార్ సంతకాలను ఫోర్జరీ చేసి అసలు సర్టిఫికెట్లుగా అమాయకులను నమ్మించారు. ఒక్కొక్కరి నుంచి లక్ష నుంచి రెండు లక్షలు వసూలు చేశారు. నాలుగేళ్లుగా తప్పించుకుని తిరిగారు. చివరికి అనుమానం వచ్చిన బాధితులు సున్నపు రాజును నిలదీశారు. ఆ తర్వాత శంషాబాద్ ఎయిర్ పోర్టు పోలీసులకు కంప్లైంట్ చేశారు. రంగంలోకి దిగిన పోలీసులు... సున్నపు రాజును అదుపులోకి తీసుకుని విచారించడంతో డొంక కదిలింది. 

నలుగురు నిందితులను అదుపులోకి తీసుకున్న పోలీసులు... వారి నుంచి 2 లక్షల 20 వేల రూపాయలతోపాటు ఒక బైకు, కంప్యూటర్, ప్రింటర్, కొన్ని ఫేక్ సర్టిఫికెట్లను స్వాధీనం చేసుకున్నారు. పరారీలో ఉన్న సున్నపు రాజ్యలక్ష్మి, రమాదేవి, నరేందర్ రెడ్డి, సంపత్ రెడ్డి, గఫార్, ఖాదర్‌ కోసం పోలీసులు గాలిస్తున్నారు.  

Women-Suicide-In-Gajularamaram-Hyderabad
అందరు చూస్తుండగానే.. ప్రాణాలు విడిచింది!

ఓ మహిళ నడుచుకుంటూ వచ్చింది. క్వారీ గుంతలోకి దిగింది. ఐదారు అడుగులు ముందుకు వేసింది. ఇక అంతే కాలు జారింది. ఆమె గోతిలో పడిపోయింది. తల రాళ్లకు బలంగా తగిలింది. నీటిలో పడిన కొద్దిసేపటికే ఆమె ప్రాణాలు విడిచింది. ఇదేమీ అనుకోకుండా జరగలేదు. ఆమె ఆత్మహత్య చేసుకోవాలని క్వారీ గుంత దగ్గరికి వచ్చింది. అక్కడే ఉన్న కొందరు వెళ్లొద్దని అరిచారు. కొందరు మొబైల్ ఫోన్‌లో వీడియో రికార్డు చేస్తున్నారు. ఆమె ఇవేమీ పట్టించుకోలేదు. ముందుకు కదిలింది. ఇంతలోనే కాలు జారి నీటిలోపడింది. చుట్టూ ఉన్నవాళ్లు కాపాడే ప్రయత్నం చేశారు. కానీ పదునైన రాళ్లు ఆమె ప్రాణాలు తీశాయి. ఆమె ఎవరనే వివరాలు తెలియలేదు....

హైదరాబాద్ శివార్లలోని గాజుల రామారం దేవేందర్ నగర్‌ ప్రాంతంలో ఉన్న ఈ క్వారీ గుంతలు సూసైడ్ స్పాట్లుగా మారాయి. ఈ గుంతల వద్ద దేవేందర్ నగర్ వైపు కొన్ని అక్రమ నిర్మాణాలు వెలిశాయి. రెవెన్యూ అధికారులు వీటిని కూల్చివేస్తున్నారు. ఇంతలో ఖైసర్ నగర్‌ వైపు నుంచి నడుకుంటూ వచ్చిన మహిళ క్వారీ గుంతలో పడి ఆత్మహత్య చేసుకుంది. ఈ ఘటన స్థానికులను కలిచివేసింది. ఎందుకంటే ఇదే మొదటిది కాదు. గత రెండేళ్లలో 14 మంది ఈ క్వారీ గుంతల్లో పడి చనిపోయారు..

దేవేందర్‌నగర్ శివార్లలో మొత్తం 14 క్వారీ గుంతలున్నాయి. కొందరు వీటిలో దూకి సూసైడ్ చేసుకుంటే... మరికొందరు ప్రమాదావశాత్తు వీటిలో పడిపోతున్నారు. వీటి చుట్టూ ఫెన్సింగ్ ఏర్పాటు చేయాలని జిల్లా కలెక్టర్ ఆదేశించినా... కింది స్థాయి అధికారులు పట్టించుకోలేదు. వీళ్ల నిర్లక్ష్యం వల్ల ఎన్నో నిండు ప్రాణాలు బలవుతున్నాయి. ఇష్టం వచ్చినట్లు క్వారీ గుంతలు తవ్వి గాలికొదిలేసినవారిపై చర్యలేవీ? ఈ గుంతలను మూసివేసేలా అధికారులు ఎందుకు చర్యలు తీసుకోవడం లేదని స్థానికులు ప్రశ్నిస్తున్నారు. 

Lorry-Theft-Gang-In-karimnagar
ఆ దొంగల రూటే సెపరేటు... లారీ కనిపిస్తే చాలు...

ఆ దొంగల రూటే సెపరేటు. లారీ కనిపిస్తే చాలు మాయం చేసేస్తారు. ఎప్పుడు తీసుకెళ్తారో, ఎక్కడికి తీసుకెళ్తారో ఎవరూ కనిపెట్టలేరు. పోలీసులు పట్టుకోవాలని ట్రై చేసినా... సాధ్యం కాదు. దొంగల ఆచూకీ తెలిసినా... లారీ ఆనవాళ్లు కూడా కనిపించవు. చోరీ చేసిన లారీలను ఏం చేస్తారు?

కరీంనగర్ లారీ యజమానులకు ఇప్పుడో టెన్షన్ పట్టుకుంది. లారీని ఎక్కడ పార్క్ చేయాలో అర్థంగాక తలలు పట్టుకుంటున్నారు. ఎందుకంటే కంటికి రెప్పలా చూసుకోకపోతే లారీ మాయమైపోతుంది. ఇలా గత రెండేళ్లలో 10 లారీలు మాయమయ్యాయి. లారీలను ఎవరు దొంగతనం చేస్తున్నారు? ఎలా చేస్తున్నారు? గుట్టు చప్పుడు కాకుండా ఈ వ్యవహారమంతా ఎలా నడుస్తోంది? ఇది తెలియక లారీ ఓనర్ల అసోసియేషన్‌కు టెన్షన్ పట్టుకుంది. ఈ గుట్టుని కనిపెట్టలేక, చోరులను పట్టుకునే రూట్ తెలియక పోలీసులకు కంటిమీద కునుకు కూడా కరువైంది.

చివరికి పోలీసులు, లారీ ఓనర్ల వ్యూహం ఫలించింది. లారీలకు జీపీఆర్‌ఎస్ సిస్టం అమర్చారు. ఇదే ఇప్పుడు దొంగలను పట్టించింది. జీపీఆర్‌ఎస్ సిస్టం అమర్చిన ఓ లారీని దొంగలు ఎత్తుకెళ్లిపోయారు. లారీ ఓనర్ కంప్లైంట్ చేయడంతో పోలీసులు రంగంలోకి దిగారు. దాని ఆధారంగా మహారాష్ట్ర వరకు వెళ్లారు. అది పోలీసును మహారాష్ట్రలోని పర్భాని జిల్లా శివారు ప్రాంతానికి తీసుకెళ్లింది. అక్కడి ఓ షెడ్డులో లారీని చూసి పోలీసులు, లారీ యజమానులు షాకయ్యారు. ఎందుకంటే అప్పటికే ఆ లారీ సగం పార్టులు మాయమయ్యాయి. లారీని చోరీ చేసిన వెంటనే దొంగలు దాన్ని క్షణాల్లో పార్టులుగా విడదీసి స్క్రాప్‌ కింద కిలోల లెక్కన అమ్మేస్తారు. ఇదంతా సినీ ఫక్కీలో జరుగుతుంది. 

లారీల వరుస దొంగతనాలతో సంబంధం ఉన్న లారీ డ్రైవర్ గజానన్ సామ్భోజి భోస్లే అనే నిందితుడిని కరీంనగర్ పోలీసులు అరెస్ట్ చేశారు. విచారణలో నిందితుడు చెప్పిన వివరాలు విని పోలీసులే షాకయ్యారు. ఎందుకంటే లారీలను చోరీ చేస్తున్నది ఒకరో ఇద్దరో కాదు. ఇదో పెద్ద నెట్‌వర్క్. లారీని చోరీ చేయాలని ఫిక్స్ అయితే... ఒక డ్రైవర్ దాన్ని అక్కడి నుంచి కొంతదూరం తీసుకెళ్లి వదిలేస్తాడు. అక్కడి నుంచి మరో డ్రైవర్ దాన్ని ఇంకొంత దూరం తీసుకెళ్లి వదిలేస్తాడు. ఇలా ఒక డ్రైవర్‌కు మరో డ్రైవర్‌కు అసలు సంబంధం ఉండదు. ఒకరికొకరు తెలియకుండా, కనీసం ఒకరి ఫోన్‌ నెంబర్ మరొకరికి తెలియకుండా జాగ్రత్త పడుతుంది లారీల దొంగల ముఠా. 

లారీ మహారాష్ట్రలోని పర్భనీ షెడ్‌కు చేరుకోగానే ఆపరేషన్ మొదలవుతుంది. గ్యాస్ కట్టర్లతో లారీని క్షణాల్లో విడదీస్తారు. ఆ విడిభాగాలను స్క్రాప్ కింద మార్చేస్తారు. ఆ తర్వాత వాటిని కిలోల లెక్కన అమ్మేసి సొమ్ము చేసుకుంటారు దొంగలు. ఓనర్లు లక్షలు పెట్టి లారీలు కొంటే దొంగలు వేలల్లో ఆ విడిభాగాలను అమ్మేస్తారు. ఈ నెట్‌వర్క్‌లోని మరికొందరు నిందితులు పరారీలో ఉన్నారు. ఈ ముఠాకు స్థావరాన్ని ఇచ్చిన షెడ్ ఓనర్ రహీంఖాన్ సాహెబ్‌తోపాటు విజయ్ అనే మరో నిందితుడు పరారీలో ఉన్నారు. వీళ్ల కోసం పోలీసులు గాలిస్తున్నారు. మరోవైపు ఈ ముఠా ఒక్క కరీంనగర్ జిల్లా నుంచేగాకుండా ఇతర రాష్ట్రాల నుంచి కూడా లారీలను దొంగిలిస్తోంది. 

Man-beats-young-girl
యువతిని అత్యంత దారుణంగా..ఏం చేశారో చూడండి!

ఓ యువకుడిని ప్రేమించిన పాపానికి ఆమెను అత్యంత దారుణంగా కర్రతో దాడి చేశాడు. ఆమెను ప్రేమించిన మరో యువకుడు.తన ప్రేమను నిరాకరించిందని అతను ఆమెపట్ల రాక్షసుడిగా మారి ఇష్టమొచ్చినట్టు కొట్టాడు. ఆమె తనను కొట్టవద్దని ఎంత వేడుకున్నా... వినలేదు. పైగా ఆ దాడి దృశ్యాలను తన స్నేహితుల ద్వారా వీడియో చిత్రీకరించి సోషల్ మీడియాలో  పోస్ట్ చేశాడు ప్రేమోన్మాది. అతని దాడికి తట్టుకోలేని యువతీ ప్రియున్ని మరచిపోతాను నన్ను వదిలేయండని ఎంత విన్నవించుకున్నా ఆమెపై పదే పదే కాలితో తన్నడం , కర్రతో కొట్టడం చేశాడు. దీంతో దెబ్బలకు తట్టుకోలేని యువతీ అతనిపై ఎదురు తిరిగింది. తాను కూడా ఓ పెద్ద బండరాయి తీసుకుని యువకుడిపై విసరబోయింది. ఈ క్రమంలో అక్కడే కొందరు ప్రేమోన్మాది స్నేహితులు ఆమెను నిలువరించారు. ఆమెపై దాడి అనంతరం ఆమె ప్రియున్ని కూడా అక్కడికి తీసుకువచ్చి చేతులు కట్టేసి మరి కొట్టారు.  విషయం తెలుసుకున్న ప్రియుడి బంధువులు హుటాహుటిన ఘటనాస్థలికి వచ్చి వారిపై దాడి ప్రారంభించారు. అంతే క్షణాల్లో అక్కడినుంచి వారందరు పారిపోయారు. తీవ్ర గాయాలతో యువతీ నడవలేని స్థితిలో ఉండగా ఆమెను తన భుజాలపై మోసుకుని పోయాడు ప్రియుడు. ఎక్కడో జరిగిన ఈ సంఘటన ప్రస్తుతం సోషల్ మీడియాలో వైరల్ అవుతుంది. 

lovers-commits-suicide
వివాహేతర ప్రేమ.. రైలు కిందపడి జంట ఆత్మహత్య

ఓ వివాహేతర ప్రేమ... ఆ ఇద్దరు ప్రాణాలను బలితీసుకొన్నది. ఓ యువకుడు, మహిళ రైలు కింద పడి ఆత్మహత్యకు పాల్పడ్డారు. పెళ్ళై ఇద్దరు పిల్లలున్న మహిళను ప్రేమించిన యువకుడు.. పెళ్లి సాధ్యం కాదని వీరు ఆత్మహత్యకు పాల్పడినట్లు స్థానికులు చెబుతున్నారు. మృతులు రమ్య, సాయిరాం లుగా పోలీసులు గుర్తించారు. ఈ ఘటన ప్రకాశం జిల్లాలో చోటు చేసుకొన్నది.
చీరాల పట్టణం జాండ్రపేట పోస్టాఫీస్ సమీపంలో పొట్టి రవికుమార్, రమ్య దంపతులు నివసిస్తున్నారు. వీరికి ఏడేళ్ళ క్రితం పెళ్ళైంది. ఇద్దరు పిల్లలు.. రమ్య పుట్టిల్లు చీరాలలో భావనారుషి స్వామి దేవస్థానం వద్ద ఉన్నది.. అదే ప్రాంతంలో సాయిరాం అనే యువకుడి సోదరి ఇల్లు కూడా ఉంది. ఈ నేపథ్యంలో రమ్యకు, సాయిరాం కు పరిచయం అయ్యింది. వీరి పరిచయం ప్రేమగా మారింది. కానీ అప్పటికే పెళ్ళైన రమ్యతో కలిసి తాను కలిసి బతకడం అసాధ్యం అని సాయిరాం భావించాడు. దీంతో ఇద్దరూ కలిసి బతకలేము కనుక కలిసి మరణించాలి అనుకున్నారు. బుధవారం సాయంత్రం ఇంటినుంచి బయటకు వచ్చేశారు. వీరి మృతదేహాలు గురువారం నాడు వేటపాలెం నాగవరపమ్మ దేవస్థానం సమీపంలో రైలు ట్రాక్ పై కనిపించాయి. రైలు కిందపడి ఆత్మహత్య చేసుకొంటారు అని భావిస్తున్నారు. పోలీసులు సంఘటనా స్థలానికి చేరుకొని వివరాలను సేకరించారు. మృతదేహాలను కుటుంబ సభ్యులకు అప్పగించారు. 

Uppal-Narabali-Case-Latest-Updates
ఆ 'తల' ఆడ శిశువుదే.. మొండెం కోసం మూసీ నదిలో గాలింపు

జబ్బు చేస్తే డాక్టర్‌ వద్దకు వెళ్లాలి కానీ.. మంత్రగాడి దగ్గరికి ఎవరైనా వెళ్తారా? రాజశేఖర్‌ మాత్రం అదే చేశాడు. భార్యకు ఆరోగ్యం బాగాలేకపోతే క్షుద్రపూజలు చేయిస్తే తగ్గుతుందని నమ్మాడు. నరబలి ఇస్తే అంతా మంచే జరుగుతుందని భావించాడు. అంతా పక్కాగా ప్లాన్‌ చేసినా.. ఒక రక్తపు మరక ఆ హంతకులను పట్టించింది. కేసు చిక్కుముడి విప్పింది.
నరబలి కేసులో ఎలాంటి పురోగతి లేని సమయంలో క్లూస్‌ టీమ్‌ సేకరించిన చిన్న రక్తపు మరక శాంపిల్‌ నిందితుల గుర్తింపునకు కీలకంగా మారింది. మొదటి నుంచి తన ఇంటిపై చిన్నారి తల ఎలా వచ్చిందో తెలీదంటూ పోలీసులను నమ్మించాడు రాజశేఖర్‌. దర్యాప్తులో భాగంగా అతని ఇంట్లోనూ సోదాలు చేశారు. ఎలాంటి అనుమానాస్పద విషయాలు కనిపించలేదు. అయితే.. ఇంటి నేలపై ఓ చోట చిన్న రక్తపు మరక కనిపించింది. ఆ శాంపిల్‌ను పరీక్షకు పంపించారు పోలీసులు. ఆ రక్తం నమూనాలోని DNA.. ఇంటిపై దొరికిన తల నుంచి సేకరించిన శాంపిల్‌ DNA ఒకటేనని రిపోర్ట్‌లో తేలిపోయింది. ఆ శిశువు ఆడ శిశువని తేలింది. రక్తపు మరక ఇంట్లోకి ఎలా వచ్చిందనే దిశగా రాజశేఖర్‌ను గట్టిగా ప్రశ్నించారు పోలీసులు. దీంతో.. నరబలి వ్యవహారం మొత్తం పూసగుచ్చినట్టు పోలీసులకు వివరించాడు రాజశేఖర్‌. భార్య, తాను కలిసి నగ్నంగా.. చిన్నారి తలతో.. ఇంట్లో క్షుద్ర పూజలు చేసిన విషయం వెల్లడించాడు. రక్తం మరకలు పోయేలా కెమికల్స్‌తో తుడిసేశామని చెప్పాడు. పూజల అనంతరం బలిచ్చిన తలకు చంద్రకిరణాలు, సూర్యకిరణాలు సోకాలని మంత్రగాడు చెప్పడంతో చిన్నారి తలను ఇంటిపై ఉంచారు. తెల్లారాక ఈ విషయం బయటకు పొక్కడంతో క్షుద్రపూజల విషయం బయటకు పొక్కింది.
భార్య కోసమే ఇదంతా చేశానని రాజశేఖర్‌ పోలీసులకు తెలిపాడు. నాలుగేళ్ల క్రితం అమావాస్య రోజున శ్రీలత కిందపడడంతో అప్పటి నుంచి ఆరోగ్యం బాగుండడం లేదు. గ్రహణం రోజున క్షుద్రపూజలు చేసి శిశువును బలిస్తే అమావాస్య దోషం పోతుందని, ఆరోగ్యం మెరుగుపడుతుందని ఓ తాంత్రికుడు చెప్పాడట. నరబలి కోసం.. సికింద్రాబాద్ బోయిగూడలో ఫుట్‌పాత్‌పై నిద్రపోతున్న వారి నుంచి పాపను ఎత్తుకొచ్చాడు రాజశేఖర్. చంద్రగ్రహణం రోజు మాంత్రికుడు చెప్పినట్టు ఇంట్లో పూజలు చేసి.. చిన్నారిని బలిచ్చాడు. మొండాన్ని బాట సింగారం దగ్గర మూసీ నదిలో పడేశాడు. చిన్నారి మొండెం కోసం పోలీసులు గాలిస్తున్నారు.
15 రోజులపాటు శ్రమించి.. టెక్నాలజీ సాయంతో పక్కా ఆధారాలను సేకరించి.. హంతకులను పట్టుకున్నారు పోలీసులు. నరబలి కేసు చేధించినా.. ఆ చిన్నారి ఎవరో మాత్రం తేల్చలేకపోయారు. ఈ దిశగా విచారణ కొనసాగుతోందని రాచకొండ సీపీ మహేష్ భగవత్ తెలిపారు. ఎవరైనా సమాచారమిస్తే రివార్డ్ ఇస్తామని ప్రకటించారు.

Uppal-Baby-Murder-Case
ఉప్పల్‌ నరబలి కేసులో నమ్మలేని నిజాలు...

ఉప్పల్ నరబలి కేసు మిస్టరీ వీడింది. ఇంటి ఓనరే నిందితుడని పోలీసులు తేల్చారు. చంద్రగ్రహణం రోజున క్షుద్రపూజలు నిర్వహించడం నిజమేనని కన్‌ఫాం చేశారు. భార్య ఆరోగ్యం బాగు పడడం కోసమే నరబలి ఇచ్చాడు ఆ కిరాతకుడు. అభంశుభం తెలియని మూడు నెలల శిశును అత్యంత దారుణంగా బలిచ్చాడు. క్షుద్రపూజలతో ఆరోగ్యం బాగుపడుతుందా? హైటెక్ సిటీలో ఈ లోటెక్ ఆలోచనలేంటి? నగర వాసుల్లోనూ ఈ మూఢనమ్మకాలేంటి?

అది జనవరి 31. ఆ రోజు అత్యంత అరుదైన సంపూర్ణ చంద్రగ్రహణం. దీని కోసమే వేచిచూసిన నరహంతకుడు రాజశేఖర్ మూడు నెలల శిశువును అత్యంత కిరాతకంగా బలిచ్చాడు. ఇంట్లోనే క్షుద్రపూజలు చేసి తలను తన ఇంటిపైనే ఉంచాడు. మొండెం మాయం చేశాడు. ఏమీ ఎరుగనట్లు నటించడం మొదలు పెట్టాడు. పోలీసులను తప్పుదోవ పట్టించాడు. ఎవరో శిశువును బలిచ్చి తలను తన ఇంటిపై విసిరేశారని మొసలి కన్నీరు కార్చాడు. ఆ నెపాన్ని పక్క ఇంటి నరహరి అతడి కొడుకు రంజిత్‌లపైకి నెట్టాడు.

చివరికి పాపం పండింది. ఇన్నాళ్లు కేసును తప్పుదోవ పట్టించాలని ప్రయత్నించిన ఇంటి ఓనర్, క్యాబ్ డ్రైవర్ అయిన రాజశేఖరే నరహంతకుడని పోలీసులు నిర్ధారించారు. ఆ కిరాతకుడు బలిచ్చింది ఆడ శిశువునే అని ఎఫ్‌.ఎస్‌.ఎల్  రిపోర్ట్ తేల్చింది. నరబలి ఇచ్చి ఇంట్లో పూజలు చేసిన రాజశేఖర్, ఆ తర్వాత తలను ఇంటిపై ఉంచాడు. ఇంట్లోని రక్తం మరకలను కెమికల్స్‌తో తుడిచేసే ప్రయత్నం చేశాడు. కానీ ఆ శాంపిల్స్‌ను కూడా సేకరించిన పోలీసులు... అందులోని డీఎన్‌ఏ, శిశువు తల డీఎన్‌ఏ ఒకటా కాదా అని తేల్చడానికి ఫోరెన్సిక్ ల్యాబ్‌కు పంపారు. ఆ రక్తం మరకలు, తలలోని రక్తం డీఎన్‌ఏ ఒకటేనని ఎఫ్‌.ఎస్‌.ఎల్ రిపోర్ట్ వెల్లడించింది. పాప వెంట్రుకలను కూడా ఫోరెన్సిక్ పరీక్షలకు పంపి పక్కా ఆధారాలు సేకరించడంతో ఈ  కేసు మిస్టరీ వీడింది.

పక్కా ప్లాన్‌తోనే రాజశేఖర్ నరబలి ఇచ్చినట్లు పోలీసులు తెలిపారు. రాజశేఖర్ భార్య శ్రీలత నాలుగేళ్ల క్రితం అమావాస్య రోజున కిందపడడంతో ఆరోగ్యం బాగుండడం లేదు. గ్రహణం రోజున క్షుద్రపూజలు చేసి శిశువును బలిస్తే అమావాస్య దోషం పోతుందని, ఆరోగ్యం మెరుగుపడుతుందని ఓ తాంత్రికుడు చెప్పాడట. దీంతో గ్రహణం సందర్భంగా రెండు రోజులపాటు ఇంట్లో భార్యాభర్తలు నగ్నపూజలు చేసి నరబలి ఇచ్చారని పోలీసుల విచారణలో తేలింది. ఆ తర్వాత బాట సింగారం వద్ద మూసీ నదిలో మొండెం పడేశారు. దీని కోసం ప్రస్తుతం పోలీసులు గాలిస్తున్నారు.

శిశువును బలిచ్చిన తర్వాత తలకు చంద్రగ్రహణం కిరణాలు తగలాలని, ఆ తర్వాత సూర్యకిరణాలు కూడా ఆ తలకు తగలాలని మంత్రగాడు చెప్పడంతో దాన్ని ఇంటిపైకి తీసుకెళ్లాడు రాజశేఖర్. తూర్పు దిక్కుగా తలను ఉంచి అంతా తాంత్రికుడు చెప్పినట్లే చేశాడు. జనవరి 31న శిశువును బలివ్వగా... ఫిబ్రవరి 1న ఈ దారుణం వెలుగు చూసింది. రాజశేఖర్ అత్త ఇంటిపై బట్టలు ఆరేయడానికి వెళ్లి... ఎవరో ఇంటిపై తలపారేసినట్లు గోల చేసింది. అప్పుడే ఈ దారుణం బయటి ప్రపంచానికి తెలిసింది. అయితే పాప మొండెం కోసం పోలీసులు స్పెషల్ టీంలను ఏర్పాటు చేసి గాలిస్తున్నా... ఎక్కడా దొరకలేదు. ఘటన జరిగిన ముందు రోజు రాజశేఖర్ నాచారం పారిశ్రామిక వాడలో ఓ మూత పడ్డ కంపెనీలో చాలాసేపు ఉన్నట్టు గుర్తించిన పోలీసులు అక్కడా గాలించారు. అయినాసరే శిశువు మొండెం దొరకకపోవడంతో కథ మళ్లీ మొదటకొచ్చింది.

తల దొరికిన రోజు ఆ ఇంటి ఓనర్ రాజశేఖర్ అర చేతి నిండా కుంకుమ ఉండడంతో అతన్ని అదుపులోకి తీసుకుని విచారణ చేపట్టారు పోలీసులు. అతడి కాల్ డేటాను సేకరించారు. అందులో వరంగల్‌లోని అతని బంధువుతోపాటు కీసరలోని పుజారికి చాలాసార్లు కాల్స్ చేసినట్లు గుర్తించారు. అయితే రాజశేఖర్ నోరు విప్పకపోవడంతో కేసు మిస్టరీగానే మిగిలిపోయింది. ఈ విషయం ఎవరికైనా చెప్తే తలపగిలిపోతుందని మంత్రగాడు చెప్పడంతోనే రాజశేఖర్ నోరు విప్పలేదని పోలీసులు తెలుసుకున్నారు. దీంతో కేసు మిస్టరీని ఛేదించేందుకు టెక్నాలజీ సాయం తీసుకున్నారు పోలీసులు. రక్తం మరకలు, వెంట్రుకలను సేకరించి ఫోరెన్సిక్ ల్యాబ్‌కు పంపడంతో కేసు మిస్టరీ వీడింది. దీంతో పోలీసులు మొత్తం 10 మందిని అరెస్టు చేశారు. రాజశేఖర్‌తో పాటు అతడి భార్య శ్రీలత, మిగతా నిందితులు ఇప్పుడు ఊచలు లెక్కపెడుతున్నారు. పాపను ఎక్కడైనా కొన్నారా లేక ఎత్తుకొచ్చారా అన్న దానిపై విచారణ జరుగుతోంది.

15 రోజులపాటు శ్రమించి... టెక్నాలజీ సాయంతో పక్కా ఆధారాలను సేకరించి చివరికి ఈ మిస్టరీని ఛేదించారు పోలీసులు. టెక్నాలజీ ఎంత పెరుగుతున్నా.... సిటీ ఎంతగా డెవలప్ అవుతున్నా... ఈ కాలంలోనూ హైటెక్ సిటీలోనే క్షుద్రపూజలు చేసి నరబలి ఇవ్వడమంటే మూఢనమ్మకాలు ఎంతగా వేళ్లూనుకున్నాయో అర్థం చేసుకోవచ్చు. నరబలి ఇస్తే ఆరోగ్యం బాగుపడుతుందా? కోరుకున్నది దక్కుతుందా? ఇవన్నీ మూఢనమ్మకాలే అంటారు హేతువాదులు.

seven-people-were-jailed-drunken-drive
డ్రంకన్‌ డ్రైవ్‌లో దొరికిన ఏడుగురికి జైలు శిక్ష!

పూటుగా మద్యం సేవించి వాహనాన్ని నడిపారు. దీంతో పోలీసులకు చిక్కారు. వారికీ డ్రంక్ అండ్ డ్రైవ్ పరీక్షలు నిర్వహించారు. ఆ టెస్టులో వారు మద్యం ఎక్కువగా సేవించినట్టు గుర్తించారు. ఈ క్రమంలో వారిని అదుపులోకి తీసుకుని గురువారం కోర్టుకు హాజరుపరిచారు. సంగారెడ్డి ట్రాఫిక్‌ పోలీస్‌స్టేషన్‌ పరిధిలోని ఒకరికి రెండు రోజులు, నలుగురికి ఒక రోజు 
చొప్పున జైలు శిక్ష విధించారు. అలాగే సంగారెడ్డి టౌన్‌ పోలీస్‌స్టేషన్‌ పరిధిలోని ఒకరికి ఒకరోజు జైలు శిక్ష విధించారు. కొండాపూర్ పోలీస్ స్టేషన్ పరిధిలో మరొకరికి రెండు రోజుల శిక్ష విధిస్తు.. ఏడీఎం కోర్టు మెజిస్ట్రేట్‌ దేవి తీర్పు ఇచ్చారని సీఐ సంజయ్‌కుమార్‌ తెలిపారు.

narabali-case
నరబలి: క్షుద్రపూజలు చేస్తే ఆరోగ్యం బాగుపడుతుందా..! చిన్నారిని చంపితే అమావాస్య దోషం పోతుందా!

క్షుద్రపూజలు చేస్తే ఆరోగ్యం బాగుపడుతుందా..! నరబలి ఇస్తే రోగం నయమవుతుందా..!  చిన్నారిని చంపితే అమావాస్య దోషం పోతుందా!. భార్య ఆరోగ్యం కోసమని ముక్కుపచ్చలారని పసికందును బలివ్వడాన్ని ఏమనాలి..? టెక్నలజీ అప్‌డేట్ అయినా..ఇంకా క్షుద్రపూజల మత్తులో ఉన్న వీళ్లను ఏం చేయాలి.? 

క్యాబ్ డ్రైవర్ రాజశేఖర్ భార్య శ్రీలత కొంతకాలంగా అనారోగ్యంతో బాధపడుతోందని.. డాక్టర్లను నమ్మకుండా మాంత్రికుల మాయలో పడ్డాడు. ఆరోగ్యం బాగుపడాలంటే క్షుద్రపూజలు చేయాలని, చిన్నారిని బలి ఇవ్వాలని మంత్రగాడు సలహా ఇచ్చాడు. అంతే..రాజశేఖర్ ముందు వెనకా ఆలోచించలేదు. ఫుట్‌పాత్‌పై నిద్రపోతున్న వారి దగ్గర నుంచి పాపను ఎత్తుకొచ్చాడు. చంద్రగ్రహణం రోజు మాంత్రికుడు చెప్పినట్టు ఇంట్లో తన భార్యతో కలిసి నగ్నంగా పూజలు చేశాడు.  ఆ తరువాత చిన్నారిని బలిచ్చాడు. పసిగుడ్డును బలిచ్చిన  ఇలాంటి వాళ్లకు ఎలాంటి శిక్షలు వేయాలి? ఇలాంటి మూఢనమ్మకాలు పార ద్రోలాలంటే ఏం చేయాలి?  

uppal-child-murder-case-chased-by-police
నరబలి: ఇంట్లో తన భార్యతో నగ్నంగా పూజలు.. బలిచ్చిన తలను మేడపై ఉంచి.. మొండాన్ని...

సంచలనం సృష్టించిన హైదరాబాద్‌ ఉప్పల్ నరబలి కేసులో హంతకులెవరో తేలిపోయింది. తన భార్య ఆరోగ్యం కోసం క్యాబ్ డ్రైవర్ రాజశేఖరే ఇంతటి దారుణానికి ఒడిగట్టాడని నిర్ధారణ అయ్యింది. ఈ కేసులో రాజశేఖర్‌, అతని భార్య శ్రీలత సహా ఆరుగురిని పోలీసులు అరెస్ట్ చేశారు. ఎవరు చంపారో తెలుసుకునేందుకు తర్జనభర్జన పడ్డ పోలీసులకు డిఎన్ఎ రిపోర్ట్ కీలకంగా మారింది. రాజశేఖర్ ఇంట్లో లభించిన రక్తపు మరకలు, ఇంటిపై లభించిన రక్త నమూనా ఒకటే అని తేలింది. రాజశేఖర్ దంపతులే నిందితులుగా పోలీసులు గుర్తించారు. చనిపోయింది ఆడ శిశువువేనని ధృవీకరించారు.

క్యాబ్ డ్రైవర్ రాజశేఖర్ భార్య శ్రీలత కొంతకాలంగా అనారోగ్యంతో బాధపడుతోంది. డాక్టర్లను నమ్మకుండా మాంత్రికుల మాయలో పడ్డాడు. ఆరోగ్యం బాగుపడాలంటే క్షుద్రపూజలు చేయాలని, చిన్నారిని బలి ఇవ్వాలని మంత్రగాడు సలహా ఇచ్చాడు. అంతే..రాజశేఖర్ ముందు వెనకా ఆలోచించలేదు. సికింద్రాబాద్ బోయిగూడలో ఫుట్‌పాత్‌పై నిద్రపోతున్న వారి దగ్గర నుంచి పాపను ఎత్తుకొచ్చాడు. చంద్రగ్రహణం రోజు మాంత్రికుడు చెప్పినట్టు ఇంట్లో తన భార్యతో కలిసి నగ్నంగా పూజలు చేశాడు.  ఆ తరువాత చిన్నారిని బలిచ్చాడు. చంద్రుని నీడ శిశువు తలపై పడేలా ఉంచాలని మంత్రాగాళ్లు చెప్పడంతో చిన్నారి తలను మేడపై ఉంచాడు. ఆ తరువాత భార్యాభర్తలు రసాయనాలతో ఇల్లంతా శుభ్రం చేశారు. చిన్నారి మొండాన్ని ప్రతాప సింగారం దగ్గర మూసీ నదిలో పడేశాడు. 

నరబలి కేసులో రాజశేఖర్ సోదరుడు గణేష్‌ కూడా సహకరించినట్టు పోలీసుల విచారణలో తేలింది. చార్మినార్‌లోని ఒక బాబా కన్నుసన్నల్లో పూజలు చేయించాడు గణేశ్‌. నరబలి తర్వాత రక్తం మరకలు ఉన్న దుస్తులను సోదరులు ఇద్దరు బండ్లగూడ మూసి సమీపంలో చెట్ల పొదలో పడేశారు. పోలీసులకు ఎటువంటి ఆధారాలు దొరకకుండా ముందు జాగ్రత్త పడ్డారు. వీరిద్దరికి కన్నతల్లి అన్ని విధాలా సహకరించింది. తనకు ఏమి తెలియనట్లు రాజశేఖర్‌ తల్లి పోలీసుల దగ్గర నమ్మించే ప్రయత్నం చేసింది.  పోలీసుల దృష్టి మరల్చేందుకు అర్ధరాత్రి నరహరి ఇంటిలోకి గణేశ్ ప్రవేశించినట్లు పోలీసులు తెలిపారు.

Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials