Live News Now
  • కేంద్రంపై దళిత-గిరిజనుల ఐక్య గర్జన.. వరంగల్‌ వేదికగా విపక్షాల పోరుబాట
  • ఇంటర్‌ కాంటినెంటల్‌ కప్‌ భారత్‌ సొంతం.. ఫైనల్‌లో కెన్యాపై 2-0 తేడాతో విజయం
  • 6 నెలలు.. 13 జిల్లాలు.. 75 సమావేశాలు.. ముందస్తు ఎన్నికలకు సిద్ధమంటున్న బాబు
  • ఏపీలో టిడిపి, బీజేపీ మధ్య ముదిరిన వార్
  • ప్రధానికి కన్నా ఇచ్చిన లేఖపై లోకేష్ ఫైర్
  • ప్యాకేజీల వారీగా అధికారులకు డెడ్ లైన్.. హరీష్ డైరెక్షన్‌లో వేగంగా కాళేశ్వరం ప్రాజెక్ట్
  • మరో రెండు రోజులు తెలుగురాష్ట్రాల్లో వర్షాలు
  • గోదావరి ప్రాజెక్టులకు మొదలైన వరదలు
  • బీజేపీ, ఆర్ఎస్ఎస్ ఎన్ని కేసులు వేసినా భయపడను.. విమర్శలపై వెనక్కి తగ్గేది లేదన్న రాహుల్
  • శత్రువుల్లా వచ్చి.. మిత్రులైన ట్రంప్, కిమ్.. అణు నిరాయుధీకరణపై కుదిరిన డీల్
ScrollLogo తొమ్మిదో తరగతి విద్యార్థి సూసైడ్ ScrollLogo రూపాయి ఖర్చు లేకుండా 53 రకాల వైద్య పరీక్షలు ScrollLogo నిరుద్యోగులకు శుభవార్త..10,351 ఉద్యోగాల భర్తీకి ఏపీ సర్కార్ గ్రీన్ సిగ్నల్ ScrollLogo జగన్ పాదయాత్రకు అనుమతి నిరాకరించిన పోలీసులు ScrollLogo తిరుమలలో భారీ వర్షం ScrollLogo వ్యర్థాల ఉత్పత్తిలో ముంబై ఫస్ట్! ScrollLogo సీఐ వాహనం చోరీ ScrollLogo యన్‌టీఆర్‌’ ఫస్ట్‌లుక్‌ విడుదల ScrollLogo నేడు పోలవరం పర్యటనకు సీఎం.. డయాఫ్రమ్‌ వాల్‌ జాతికి అంకితం ScrollLogo రాజమండ్రి ఎంపీ సీటుపై జగన్‌ వ్యూహం.. ఆత్మీయ సభలో బీసీలపై హామీల వర్షం
Crime Watch
man-killed-his-wife-kurnool-district
అందంగా ఎందుకు తయారవుతున్నావని..

అనుమానం పెనుభూతమైంది, ఈ కారణంగా కట్టుకున్న భార్యను కడతేర్చాడు ఓ వ్యక్తి. కర్నూల్ జిల్లా పగిడ్యాల మండలం వనములపాడులో గురువారం ఈ ఘటన చోటుచేసుకుంది. వనములపాడుకు చెందిన రత్తమ్మ, శేఖర్ దంపతులు. శేఖర్ తన భార్యను నిత్యం వేధింపులకు గురిచేసేవాడు. గంటలు తరబడి ఆమె ఎవరితోనో ఫోన్ మాట్లాడుతుందని.. పైగా అందంగా ఎందుకు తయారవుతున్నావు.. అని రత్తమ్మను అనుమానించేవాడు. ఈ విషయమై దంపతులమధ్య  పలుమార్లు గొడవ జరిగింది. ఈ క్రమంలో గురువారం రత్తమ్మను కొట్టాడు.దీంతో ఆమె ఎదురుతిరిగింది..అయితే అప్పటికే మద్యం సేవించిన శేఖర్  ఆవేశంతో రత్తమ్మ గొంతు కోశాడు. తీవ్ర రక్తస్రావంతో రత్తమ్మ మృతిచెందిందగా భర్త అక్కడినుంచి పారిపోయాడు. స్థానికంగా ఈ ఘటన కలకలం రేపింది. బంధువుల ఫిర్యాదు మేరకు కేసు నమోదు చేసుకున్న పోలీసులు నిందితున్ని అదుపులోకి తీసుకున్నారు.

singer-died-road-accident
రోడ్డు ప్రమాదంలో సింగర్ మృతి

కచేరీకి వెళుతున్న బృందాన్ని మృత్యుఒడికి  చేర్చింది టెంపో వాహనం. నెల్లూరుకు చెందిన సుస్వర పాటకచ్చేరి బృందం టెంపో వాహనంలో కడప జిల్లా మైదుకూరుకు వెళ్లింది. అక్కడ పాటల ప్రోగ్రాం ముగించుకుని బుధవారం తిరిగి నెల్లూరుకు బయలుదేరారు. వాహనంలో మహిళా సింగర్లు ప్రశాంతి, రమ్య, జ్యోతి, సిరి, డ్యాన్సర్లు వినోద్. సాయి, అత్తిలి, విద్యాసాగర్ ఉన్నారు. డ్రైవింగ్ సీట్లో సింగర్ కిషోర్ ఉన్నారు. లక్ష రూపాయల విలువ చేసే వాయిద్య పరికరాలు కూడా ఉన్నాయి. నెల్లూరు-ముంబై జాతీయ రహదారి వద్ద వీరు ప్రయాణిస్తున్న టెంపో బోల్తాపడింది. డ్రైవ్ చేస్తున్న కిషోర్ అక్కడికక్కడే మృతి చెందాడు. వాహనంలోని మిగిలిన వారందరికీ తీవ్ర గాయాలయ్యాయి. వాయిద్య పరికరాలు కూడా పూర్తిగా ధ్వంసమయ్యాయి. స్థానికుల సమాచారంతో 108 వాహనం వచ్చి గాయపడిన వారికి దగ్గరలోని ప్రభుత్వ ఆసుపత్రికి తరలించింది. 

rape-on-minor-girl
మైనర్ బాలికపై రెండేళ్లుగా లైంగిక దాడి..గర్భం దాల్చడంతో

శంషాబాద్‌లో దారుణం చోటు చేసుకుంది. ప్రేమ పేరుతో మైనర్ బాలికను నమ్మించి రెండేళ్లుగా లైంగిక దాడి చేశాడు. బాధితురాలు గర్భం దాల్చడంతో మూడో కంటికి తెలియకుండా అబార్షన్ సైతం చేయించాడు. దీంతో బాధితురాలు షీ టీమ్స్‌ను ఆశ్రయించింది. రంగంలోకి దిగిన పోలీసులు నిందితుడి ఆట కట్టించారు. రంగారెడ్డి జిల్లా శంషాబాద్‌లోని సిద్దాంతి బస్తీలో ఈ దారుణం చోటు చేసుకుంది.

సిద్ధాంతి బస్తీకి చెందిన విజయ్ అనే యువకుడు శంషాబాద్ కూరగాయల మార్కెట్‌లో పని చేస్తుంటాడు. అదే బస్తీకి చెందిన 14 ఏళ్ల మైనర్ బాలికతో పరిచయం పెంచుకున్నాడు. ఆ తర్వాత ప్రేమ పేరుతో మరింత దగ్గరయ్యాడు. గత రెండేళ్లుగా బాలికపై లైంగిక దాడి చేశాడు. గర్భం దాల్చిన మైనర్ బాలిక... పెళ్లి చేసుకోవాలని విజయ్‌పై ఒత్తిడి తెచ్చింది. దీంతో మరోసారి మాయమాటలు చెప్పిన ఆ యువకుడు... బాలికను ప్రైవేట్ ఆస్పత్రికి తీసుకెళ్లి అబార్షన్ చేయించి చేతులు దులుపుకొన్నాడు. దీంతో బాధితురాలు కుటుంబ సభ్యుల సహకారంతో షీ టీమ్స్‌ను ఆశ్రయించింది. రంగంలోకి దిగిన షీ టీమ్స్ బృందాలు శంషాబాద్ కూరగాయల మార్కెట్ వద్ద నిందితుడు విజయ్‌ను అరెస్ట్ చేశాయి.

three-family-commits-suicide-siddipet-district
కుటుంబం ఆత్మహత్య..పిల్లలకు పురుగుల మందు ఇచ్చి

 సిద్దిపేట పట్టణంలోని  భారత్ నగర్ కాలనీలో  ఓ కుటుంబం బలవన్మరణానికి  పాల్పడింది.హనుమంతరావు అనే వ్యక్తి  భార్య,. ఇద్దరు పిల్లలకు పురుగుల మందు ఇచ్చి తాను  తాగి ఆత్మహత్య చేసుకున్నాడు. అపార్మరక స్థితిలో పడి ఉన్న వారిని  గమనించిన  చుట్టుపక్కల వారు హస్పిటల్‌కు తరలించేలోపు హనుమంతురావుతో సహా ఇద్దరు పిల్లలు మృతి చెందారు.  హనుమంతరావు భార్య పరిస్థితి విషమంగా ఉన్నట్లు తెలుస్తోంది.ప్రస్తుతం ఆమె  ఐసియులో చికిత్స  పోందుతుంది. ఈ ఘటనపై పోలీసులు కేసు నమోదు చేసుకోని దర్యాప్తు చేస్తున్నారు.

Double-murder-mystery-case
డబుల్ మర్డర్ మిస్టరీ.. హంతకుడు అతనే..

డబుల్ మర్డర్ కేసు మిస్టరీ వీడింది. 24 గంటల్లోనే పోలీసులు ఛేదించారు. ఇంటి పక్కన ఉండే యువకుడే నిందితుడని తేల్చారు. అప్పుల నుంచి బయటపడడానికి దొంగగా మారాడు. పట్టుబడకుండా ఉండడానికి ప్రాణాలు తీశాడు. ఇంట్లో ఉన్నదంతా ఊడ్చేసి ఎస్కేప్ అవడానికి స్కెచ్ వేశాడు. కానీ నేరం చేసి తప్పించుకోవడం అసాధ్యం అని తెలుసుకోలేకపోయాడు. చివరికి పోలీసులకు చిక్కి కటకటాల వెనక్కు వెళ్లాడు. ఇంతకీ హంతకుడిని పట్టుకోడానికి పోలీసులు ఎలాంటి ప్లాన్ అమలు చేశారు?

గడ్డం దామోదర్, అతడి భార్య పద్మను అత్యంత దారుణంగా చంపిన కిరాతకుడు ఇతడే. పేరు కామారం ప్రశాంత్. వృద్ధ దంపతులతో చనువుగా ఉన్నట్లు నటిస్తూ ఏకంగా వాళ్ల ప్రాణాలే తీశాడు. ఇంట్లో ఉన్న 132 గ్రాముల బంగారం, వెండి, రెండు లక్షల నగదు ఎత్తుకెళ్లాడు. చివరికి పద్మ మెడలోని మంగళ సూత్రాన్నీ వదలలేదు ఈ రాక్షసుడు. డబ్బు, బంగారం కోసమే ఇద్దరిని అత్యంత కిరాతకంగా హతమార్చినట్లు పోలీసులు తేల్చారు. నిందితుడు ప్రశాంత్‌ను అదపులోకి తీసుకుని అతడి దగ్గరి నుంచి నాలుగు లక్షల 75 వేల సొత్తును స్వాధీనం చేసుకున్నారు.

వరంగల్ అర్బన్ జిల్లా హసన్‌పర్తికి చెందిన దామోదర్ దంపతుల డబుల్ మర్డర్ కేసు సంచలనం రేకెత్తించింది. ఈ కేసును సవాలుగా తీసుకున్న పోలీసులు 24 గంటల్లో ఛేదించారు. ప్రశాంత్‌పై అనుమానం రావడంతో అతడిని అదుపులోకి తీసుకుని విచారిస్తే అసలు నిజం బయటపడింది. దామోదర్ దంపతులు ఇద్దరే ఇంట్లో ఉంటారు. వాళ్ల ఇంటి పక్కనే కూతురి కోసం ఒక ఇంటిని నిర్మిస్తున్నాడు దామోదర్. అప్పటికే కిరాణషాపు నిర్వహించి అప్పులపాలైన ప్రశాంత్... దామోదర్‌ ఇంటిపై కన్నేశాడు. తన అప్పులు తీర్చుకోడానికి దామోదర్ ఇంట్లోని బంగారం, నగదును దోచేయాలని కంత్రీ ప్లాన్ వేశాడు. దీన్ని అమలు చేయడానికి దామోదర్, అతడి భార్య పద్మతో పరిచయం పెంచుకున్నాడు. మంచివాడిలా నటించాడు. చిన్న చిన్న పనులు చేసిపెడుతూ సాయం చేస్తున్నట్లు నమ్మించాడు. ప్రశాంత్‌ను నమ్మిన దామోదర్ తమ కుటుంబసభ్యుడిగా భావించారు. కానీ చివరికి ఆ గుడ్డినమ్మకమే దంపతుల పాలిట శాపమైంది. సోమవారం రాత్రి ముందుగానే వాళ్ల ఇంట్లోకి దూరిన ప్రశాంత్... తన ప్లాన్ అమలు చేశాడు.

డబుల్ మర్డర్ కేసును ఛేదించడానికి పోలీసులు చాలా పెద్ద కసరత్తే చేశారు. ఆరు స్పెషల్ టీంలను ఫాం చేశారు. ఒక్కో టీంకు ఒక్కో బాధ్యతను అప్పగించారు. ఎలాగైనా ఈ కేసును 24 గంటల్లో ఛేదించాలని డెడ్‌లైన్ పెట్టుకున్నారు. అన్ని టీంలు సమన్వయంతో పనిచేశాయి. చివరికి ప్రశాంత్‌ను పట్టుకున్న ఒక టీం... తమదైన స్టైల్లో విచారించడంతో నేరం ఒప్పుకున్నాడు. దీంతో  కేసు మిస్టరీ వీడింది. 

ఎంత నమ్మక ద్రోహం. దామోదర్ దంపతులు ఎంతో కష్టపడి సంపాదించిన డబ్బు, బంగారాన్ని దోచేయాలని కంత్రీ ప్లాన్ చేశాడు ప్రశాంత్. తన బండారం బయటపడకుండా ఉండడానికి భార్యాభర్తలను దారుణంగా చంపేశాడు. ప్రశాంత్ వయసు 32 ఏళ్లే. అప్పుల నుంచి గట్టెక్కడానికి ఇంకా బోలెడంత వయసుంది. కాస్త కష్టపడి పనిచేసివుంటే అప్పులు ఒక సమస్య అయ్యేది కాదు. కానీ ఈజీ మనీకి అలవాటుపడిన ప్రశాంత్... ఇద్దరిని చంపి... జైలు పాలయ్యాడు. దురాశ దుఖానికి చేటేకాదు... ఇతరులకు కూడా తీరని నష్టం మిగుల్చుతుందని ఈ ఘటన హెచ్చరిస్తోంది.

student-commits-suicide-in-Hyderabad
ఆ అబ్బాయితో ప్రేమను ఒప్పుకోలేదని..

తల్లిదండ్రులు తన ప్రేమను ఒప్పుకోరేమోననే భయం. ప్రేమించినవాడికి దూరమవుతానేమో అనే బాధ. తల్లిదండ్రుల వెంట వెళ్లడానికి ఆమె ఇష్టపడలేదు. పేరెంట్స్‌ కళ్లముందే బిల్డింగ్‌ పైనుంచి దూకేసింది. కూతురిని కాపాడుకునే ప్రయత్నం చేసినా లాభం లేకుండా పోయింది. ప్రేమలో పడిన విద్యార్థిని చివరికి ప్రాణాలు తీసుకుంది. ఇంతకీ అసలు ఏం జరిగింది?

తల్లిదండ్రుల కళ్లముందే మూడంతస్థుల బిల్డింగ్‌పైనుంచి దూకేసింది సన. కొన ఊపిరితో ఉన్న కూతురిని కాపాడుకోడానికి ఆ తల్లిదండ్రులు చేయని ప్రయత్నం లేదు. కానీ వాళ్ల ప్రయత్నం ఫలించలేదు. చికిత్స పొందుతూ ఆ బాలిక ప్రాణాలు విడిచింది.

హైదరాబాద్ ముషీరాబాద్‌లో జరిగిందీ ఘటన. హాస్టల్‌లోనే ఉంటూ పాలిటెక్నిక్ రెండో సంవత్సరం చదువుతోంది సనా. ఆమె స్వస్థలం పెద్దపల్లి జిల్లా కమాన్‌పూర్ మండలం రొంపిగుంట. కూతురు బాగా చదువుకుని ప్రయోజకురాలవుతుందని భావించిన పేరెంట్స్‌కి విషాదం మిగిలింది.

పాలిటెక్నిక్ చదివే సనా... ఓ యువకుడి ప్రేమలో పడింది. ఈ విషయం తెలుసుకున్న తల్లిదండ్రులు ఆమెను తమతోపాటు ఇంటికి తీసుకెళ్లడానికి హాస్టల్‌కి వచ్చారు. కానీ ఇంటికి వెళ్లడం ఆమెకు ఇష్టం లేదు. తన ప్రేమకు ఆటంకాలు తప్పవని భయపడింది. ప్రియుడికి దూరమవుతానేమోననే బాధ ఆమెను కుంగదీసింది. పేరెంట్స్ నచ్చజెప్పినా వినిపించుకోలేదు. అడ్డుకోడానికి ప్రయత్నించినా... పట్టించుకోలేదు. పరుగెత్తుకుంటూ హాస్టల్‌ బిల్డింగ్‌పైకి వెళ్లింది. కన్నవారి కళ్లముందే మూడంతస్థుల పైనుంచి కిందికి దూకేసింది. రక్తపుమడుగులో పడివున్న కూతురిని కాపాడుకోడానికి తల్లిదండ్రులు వెంటనే గాంధీ హాస్పిటల్‌కు తీసుకెళ్లారు. అక్కడ చికిత్సపొందుతూ సనా ప్రాణాలు విడిచింది.     

ప్రేమలో పడిన తమ కూతురు ఎక్కడ దూరమవుతుందేమోనని తల్లిదండ్రులు భయపడ్డారు. కానీ వాళ్లు ఊహించని దారుణం జరిగింది. ఆమె ఎప్పటికీ తిరిగిరానిలోకాలకు వెళ్లింది. ఇది తలచుకుని పేరెంట్స్ కన్నీరుమున్నీరుగా విలపిస్తున్నారు. పెద్దలు తమ ప్రేమకు అడ్డుగోడగా నిలుస్తారేమోననే భయంతో సనా తీసుకున్న కఠినమైన నిర్ణయం... ఆ కుటుంబాన్ని తీరని దుఖంలో ముంచింది. 

father-and-son-commits-suicide
తండ్రీ కొడుకు ఆత్మహత్య.. కారణం ఇదేనా?

మేడ్చల్‌ జిల్లాలో విషాదం చోటు చేసుకుంది జవహర్‌నగర్‌ పోలీస్‌ స్టేషన్‌ పరిధిలోని చెన్నాపూర్‌ చెరువులో దూకి తండ్రీ కొడుకు ఆత్మహత్య చేసుకున్నారు. మృతులు బాలాజీనగర్‌కు చెందిన వారుగా పోలీసులు గుర్తించారు. మృతుడు సుధీర్‌ బాలాజీనగర్‌లో మెడికల్‌ షాపు యజమాని. బాలుడు ఏడవ తరగతి చదువుతున్న తేజగా గుర్తించారు. మృతదేహాలను బయటకు తీసి పోస్టుమార్టం కోసం తరలించారు. ఆత్మహత్యకు కారణాలపై పోలీసులు విచారణ జరుపుతున్నారు. కుటుంబ కలహాలే కారణమై ఉండొచ్చని అనుమానిస్తున్నారు.

student-attempt-suicide
విద్యార్ధిని ఆత్మహత్య..కూతురు ప్రేమ వ్యవహారం తెలిసి..

హైదరాబాద్‌ ముషీరాబాద్‌ ప్రభుత్వ వసతిగృహంలో ఉంటూ పాలిటెక్నిక్‌ రెండో సంవత్సరం చదువుతున్న సన అనే విద్యార్ధిని ఆత్మహత్య చేసుకుంది. కూతురు ప్రేమ వ్యవహారం తెలిసి తమ వెంట ఇంటికి తీసుకెళ్లేందుకు సన తల్లిదండ్రులు హాస్టల్‌కు వచ్చారు. అయితే.. వారి వెంట ఇంటికి వెళ్లేందుకు ఇష్టపడని సన.. తల్లిదండ్రుల ఎదుటే హాస్టల్‌ భవనం మూడో అంతస్తు నుంచి కిందికి దూకేసింది.

బిల్డింగ్‌పై నుంచి కిందకు దూకిని సనాను తల్లిదండ్రులు వెంటనే గాంధీ ఆసుపత్రికి తరలించారు. అయితే.. అక్కడ చికిత్స పొందుతూ సనా మృతి చెందింది. పెద్దపల్లి జిల్లా కమాన్‌పూర్‌ మండలం రొంపిగుంట సనా స్వగ్రామం.

Old-man-Edal-Madhavayya-was-killed-by-anonymous-persons
ఆరు బయట నిద్రిస్తోన్న 70 ఏళ్ల వృద్ధుడుని...

సూర్యాపేట జిల్లా ఆత్మకూరు ఎస్‌ మండలం బొప్పారంలో దారుణం జరిగింది. తన ఇంటి ఆరు బయట నిద్రిస్తోన్న 70 ఏళ్ల వృద్ధుడు ఎడ్ల మాధవయ్యను గుర్తు తెలియని వ్యక్తులు గొడ్డలితో నరికి చంపారు. కేసు నమోదు చేసుకున్న పోలీసులు వృద్దుడి హత్యపై దర్యాప్తు చేస్తున్పనారు.

mumbai-choreographer-arrested-kidnapping-minor
మైనర్‌ బాలికపై కొరియోగ్రాఫర్‌ లైంగిక దాడి

మైనర్‌ బాలికపై ముంబైకి చేందిన కొరియోగ్రాఫర్‌ ఆదిత్య గుప్తా లైంగిక దాడికి పాల్పడ్డాడు. 17 ఏళ్ల కాలేజీ విద్యార్థినిపై ఆదిత్య మత్తు మందు ఇచ్చి లైంగిక దాడి చేశాడు.దీంతో ముంబై క్రైమ్‌ బ్రాంచ్‌ పోలీసులు అతన్ని అరెస్ట్ చేసి పోక్సో చట్టం కింద కేసు నమోదు చేశారు. విద్యార్థి  తల్లితండ్రులు అంథేరి వెస్ట్‌ పోలీస్‌ స్టేషన్‌లో ఫిర్యాదు చేయడంతో పోలీసులు నిందుతున్ని  అదుపులో  తీసుకున్నారు.

Woman-Gang-Raped-At-kalwakurthi
దారుణం: మహిళపై సామూహిక అత్యాచారం చేసి

నాగర్ కర్నూల్ జిల్లా కల్వకుర్తి మండలంలో దారుణం చోటుచేసుకుంది. ప్రభుత్వ ఉన్నత పాఠశాలలో ఓ యువతిపై  నలుగురు  యువకులుసామూహిక అత్యాచారం చేశారు. కల్వకుర్తి చేందిన యువతిని  పాఠశాలలోకి లాక్కెళ్ళిన  యువకులు అత్యాచారం చేసి వదిలివెశారు. బాధిత మహిళను  గుర్తించిన స్థానికులు   100కు డయల్ చేసి పోలీసులకు సమాచారం అందించారు. వెంటనే ఘటన స్థలానికి చేరుకున్నపోలీపులు  లైంగికదాడికి పాల్పడిన యువకులను అదుపులోకి తీసుకున్నారు.

husband-kills-wife
దృశ్యం సినిమాకు తీసిపోని దృశ్యం.. సాక్ష్యం ఎలా దొరికింది?

కట్టుకున్న భార్యనే హత్య చేశాడు ఓ కఠినాత్ముడు. కనిపించటం లేదంటూ అమాయకంగా నటించాడు. బంధువులు, పోలీసులను నమ్మించాడు. కానీ..అతని పాపం పండింది. మొగుడే హంతకుడని తేల్చారు పోలీసులు. హత్య‌ జరిగిన ఏడాది తర్వాత అతని పాపం ఎలా బయటపడింది? దృశ్యం సినిమా రేంజ్‌లో అమలు చేసిన ప్లాన్‌ ఎక్కడ బెడిసి కొట్టింది?

ఈ ఏడాది క్రితం పాతిపెట్టిన శవం. మృతురాలి పేరు రమణమ్మ. ఆమె భర్త పేరు నర్సయ్య. కట్టుకున్న భర్తే రమణమ్మను హత్య చేశాడు. ఏడాది క్రితమే పాతిపెట్టాడు. విజయనగరం జిల్లా మక్కువ మండలం ఏ.వెంకమ్మ పేటలో జరిగింది ఈ ఘాతుకం. 

గత సెప్టెంబర్‌లో రమణమ్మ అదృశ్యమైంది. దీంతో మిస్సింగ్‌ కేసు పెట్టిన పుట్టింటి బంధువులు చుట్టుపక్కల వెతికారు. అయినా జాడ దొరకలేదు. నర్సయ్య కూడా అత్తగారి కుటుంబంతో కలిసి భార్య జాడ కోసం వెతికినట్టు నటించాడు. అలా నెల రోజులు అందర్ని నమ్మించేశాడు. తనపై ఇక ఎవరికి ఏ అనుమానం లేదని నిర్ధారించుకున్నాడు. కానీ.. భయం మాత్రం అతన్ని వెంటాడింది. వన్‌ డే అతను ఊళ్లో నుంచి ఎటో వెళ్లిపోయాడు. 

అక్టోబర్‌ లో చెప్పాపెట్టకుండా నర్సయ్య ఎటో వెళ్లిపోవటంతో అతని కోసం కూడా వెతకడం ప్రారంభించారు. రోజులు గడిచే కొద్ది బంధువులు అనుమానాలు నర్సయ్య వైపు మళ్లాయి. రమణమ్మ అదృశ్యం తర్వాత నర్సయ్య ఎటో వెళ్లి బతకాల్సిన అవసరం ఏమొచ్చింది. అత్తింటివారిలో ఇదే డౌట్‌ మొదలైంది. పోలీసుల ముందు కూడా అవే అనుమానాలను వ్యక్తం చేశారు. 

రమణమ్మ, నర్సయ్య దాంపత్య జీవితంలో అన్ని చికాకులే. నిత్యం గొడవలే. పెళ్లి తర్వాత వాళ్ల కాపురం ఏ రోజు సజావుగా లేదు. తల్లిదండ్రుల గొడవలు చూసి వాళ్ల పెద్ద కొడుకు ఆత్మహత్య చేసుకున్నాడు. ఆ ఘటన కుటుంబంలో కలతలను మరింత పెంచింది. గొడవలు ముదిరాయ్‌. దీంతో నర్సయ్య భార్య రమణమ్మపై కోపం  పెంచుకున్నాడు. ఆమెను హత్య చేసి ఇంట్లోని బాత్‌ రూంలోనే  పాతి పెట్టాడు. నెల రెజుల పాటు ఆ ఇంట్లోనే గడిపాడు. కానీ, చేసిన పాపం ఎన్నటికైనా బయటపడుతుందని భయపడ్డాడో ఏమో...ఉళ్లో నుంచి ఎటో వెళ్లిపోయాడు. అయితే.. చిన్నకొడుకును చూడటానికి తన బంధువుల ఇంటికి తిరిగివచ్చాడు. నర్సయ్య ఊళ్లోకి వచ్చిన విషయం తెల్సుకున్న అత్తింటి బంధువులు అతన్ని పోలీసులకు అప్పగించారు. దీంతో పోలీసులు తమదైన స్టైల్‌ లో ప్రశ్నించేసరికి అసలు విషయం చెప్పేశాడు. భార్య తాను చంపి బాత్‌ రూంలో పాతి పెట్టినట్టు ఒప్పుకున్నాడు. 

రమణమ్మ మృతదేహాన్ని బయటకు తీయించిన పోలీసులు..పోస్ట్‌ మార్టం రిపోర్ట్‌ కోసం మృతదేహాన్ని ఆస్పత్రికి తరలించారు. నర్సయ్య అదుపులోకి తీసుకున్నారు.

wife-bludgeons-man-to-death-after-tiff-on-food
అయ్యో.. అమ్మా ఎంత పని చేశావు.. నాన్నను..

పగలూ రాత్రి తేడాలేకుండా పీకలదాకా తాగుతున్నాడు. భార్య వారిస్తున్నా వినకుండా మద్యంలో మునిగి తేలుతూ ఇల్లూ, ఒళ్లూ గుల్ల చేస్తున్నాడు.  గుజరాత్ రాష్ట్రం జునాఘడ్ జిల్లాలో జరిగిన ఈ ఘటన ఓ బిడ్డను అనాధను చేసింది. ఎప్పటిలానే సోమవారం మధ్యాహ్నం కూడా ఫుల్లుగా తాగి వచ్చాడు భర్త జగదీష్. ఆపై వచ్చీ రాగానే ఆకలంటూ అరుస్తున్నాడు. భర్త సంపాదన మద్యానికే ఖర్చవుతుండడంతో కుటుంబ పోషణ కష్టమై తాను కూడా పనికి వెళుతుంది అతడి భార్య శాంత. మధ్యాహ్నం ఇంటికి వచ్చిన భర్త భోజనం పెట్టమని అడిగేసరికి ఇంకా వంట పూర్తి కాలేదు. కాస్సేపాగు పెడతాను అని అంది. దానికి అతడు కోపంతో ఊగిపోయి భార్యపై చేయి చేసుకున్నాడు. అప్పటికే భర్త ప్రవర్తనతో విసిగిపోయిన శాంత మనసు అశాంతితో రగిలి పోయింది. పక్కనే ఉన్న ఇనుప రాడ్ తీసుకుని భర్త తలపై మోదింది. దీంతో భర్త జగదీష్ తలపై రాడ్ బలంగా తగలడంతో ఒక్కసారిగా కుప్ప కూలిపోయాడు. వెంటనే ప్రాణాలు కోల్పోయాడు. తాను చేసిన పనికి అవాక్కయిన శాంత వెంటనే ఆసుపత్రికి తీసుకెళ్లినా ప్రయోజనం లేకుండాపోయింది. అప్పటికే మరణించినట్లు వైద్యులు నిర్థారించారు. ఇంట్లోనే ఉన్న కొడుకు పోలీసులకు అమ్మ చేసిన పనిని వివరించాడు. తండ్రి తాగుబోతైనా అతడి ప్రేమను కోల్పోయానని విలపిస్తున్నాడు. అమ్మ దోషిగా జైలు మెట్లెక్కాల్సి వచ్చిందని కుమిలిపోతున్నాడు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. 

boy-friend-commits-suicide-lover-escape-karnataka
ఫేస్‌బుక్‌ ప్రేమ వైఫల్యం.. ప్రియుడు ఆత్మహత్య కేసులో కీలక పరిణామం..

కర్ణాటక రాష్ట్రం దొడ్డబళ్లాపురం ప్రాంతానికి చెందిన రంజిత్ కుమార్ అనే వ్యక్తి ఫేస్‌బుక్‌ ప్రేమ వైఫల్యంతో ఆత్మహత్య చేసుకున్న సంగతి తెలిసిందే. అతను చనిపోయేముందు ప్రియురాలు, ఆమె అన్నని శిక్షించాలని ఓ వీడియో షేర్ చేశాడు.  దీంతో మృతుడి వాగ్మూలాన్ని నమోదు చేసిన పోలీసులు వారిద్దరిని విచారించడానికి వెళ్లారు కానీ అన్నాచెల్లెల్లు ఇద్దరు ఇంటినుంచి పారిపోయారు.

అసలు వివరాలు.. గౌరిబిదనూరులోని నెహ్రూ నగర్‌లో నివసిస్తున్న రంజిత్‌కుమార్‌ (24) కు హిందూపురం తాలూకా మేళాపురానికి చెందిన ఒక డిగ్రీ విద్యార్థిని (20) ఫేస్‌బుక్‌లో పరిచయమైంది. కొంతకాలం తరువాత ఇద్దరు మరింత దగ్గరయ్యారు. ఈ క్రమంలో ఆ యువతి సోదరుడు చెల్లెలి ప్రేమను తిరస్కరించాడు. దాంతో అప్పటినుంచి ప్రియుడికి దూరంగా ఉంటోంది. అయితే పెళ్లిచేసుకోవాలని రంజిత్ కుమార్ ఆమెపై ఒత్తిడి తెచ్చాడు. పెళ్లికి ఆ యువతి నిరాకరించింది. దీంతో మనస్థాపం చెందిన రంజిత్ కుమార్ ఆత్మహత్య చేసుకున్నాడు. 

charge-sheet-against-amala-paul-tax-evasion-case
నటి అమలా పాల్ కు బిగుస్తున్న ఉచ్చు..

నటి అమలా పాల్ కు ఉచ్చు బిగుస్తోంది.. వాహనం(కార్) కొనుగోలు చేసి నకిలీ రిజిస్ట్రేషన్ చేయించి పన్ను లేకుండా తిప్పడంతో ఆమెపై కేసు ఫైల్ చేశారు అధికారులు. దీంతో నటి అమలా పాల్ ఇటీవలే కోర్టులో లొంగిపోయారు. పైగా వెంటనే బెయిలుపై బయటకొచ్చారు. అయితే కేరళ ప్రభుత్వం అమలా పాల్ పై కేసు నమోదు చేయాలంటూ పోలీసులకి ఆదేశించినట్టు సమాచారం. 

గతేడాది  ఫేక్‌ అడ్రస్‌తో కోటి రూపాయల విలువ చేసే కారును పుదుచ్చేరిలో అమలాపాల్‌ రిజిస్ట్రేషన్‌ చేయించారు.దీంతో కేరళ ప్రభుత్వానికి ఆమె రూ. 20 లక్షల పన్ను ఎగ్గొట్టినట్లయ్యింది. ఈ వ్యవహారం వెలుగులోకి రావటంతో కేరళ సర్కార్‌ క్రైమ్‌ బ్రాంచ్‌ను రంగంలోకి దించి విచారణకు ఆదేశించింది.పూర్తిస్థాయి విచారణ చేపట్టిన క్రైమ్‌ బ్రాంచ్‌ వివరాలను కేరళ సర్కారుకు అందించింది. దీంతో కేరళ ప్రభుత్వం ఆమెపై ఛార్జ్ షీట్ వెయ్యాలని యోచిస్తున్నట్టు సమాచారం. 

Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials