Live News Now
  • నందుల కోటలో మేమే రాజులం.. ఉప ఎన్నిక గెలుపుపై టీడీపీ, వైసీపీ ధీమా
  • నంద్యాల ఫలితంపై జోరుగా బెట్టింగ్‌లు.. కోట్లలో సాగుతున్న పందేలు
  • డిసెంబర్‌ కల్లా భూరికార్డుల ప్రక్షాళన.. సెప్టెంబర్ 15 నుంచి స్పెషల్‌ డ్రైవ్‌
  • కార్పొరేట్‌కు దీటుగా ప్రభుత్వ కార్యాలయాలు.. సృజనాత్మకత ఉట్టిపడాలన్న చంద్రబాబు
  • 20 రోజుల్లో అమరావతి తుది డిజైన్లు.. హైటెక్ హంగులతో ఉండాలన్న చంద్రబాబు
  • ఏపీలో ఫేక్ ప్రమోషన్ల ప్రకంపనలు.. అశోక్‌బాబు విద్యార్హతపై విమర్శలు
  • ప్రకాశం జిల్లాలో రోడ్డు ప్రమాదం.. బస్సును ఢికొట్టిన లారీ, ఇద్దరు మృతి
  • వారం రోజుల్లోనే కేంద్ర కేబినెట్ విస్తరణ.. గడ్కరీకి రైల్వే శాఖ అప్పగించే అవకాశం
  • ఇవాళ అన్నాడీఎంకే కార్యవర్గ అత్యవసర సమావేశం..
  • శశికళ, దినకరన్‌ను పార్టీ నుంచి బహిష్కరించడమే లక్ష్యం
ScrollLogo జగన్ వ్యాఖ్యలు నియమావళి ఉల్లంఘనే!..తక్షణ చర్యలకు ఆదేశించిన ఈసీ ScrollLogo సమగ్ర భూ సర్వేపై కేసీఆర్ సమీక్ష...రికార్డులు పారదర్శకంగా ఉండాలని ఆదేశం ScrollLogo సాధారణ రోగిలా గాంధీకి గవర్నర్.. కాలికి స్వల్ప శస్త్ర చికిత్స అవసరమన్న డాక్టర్లు ScrollLogo ఇన్ఫోసిస్‌ CEO గా నందన్‌ నిలేకని...పాత బాస్‌కే పగ్గాలు అప్పగించే ఛాన్స్ ScrollLogo పార్టీ మారుతున్నానన్న ప్రచారం అబద్ధం- మంత్రి కామినేని ScrollLogo సెప్టెంబర్‌ మొదటి వారంలో కొత్త 200 నోట్లు....చిల్లర కొరతకు కేంద్రం చెక్ ScrollLogo వరుస రైలు ప్రమాదాలతో కలత.. రాజీనామా చేస్తానన్న ప్రభు, ఆగమన్న ప్రధాని ScrollLogo గోదారి గలగల.. కృష్ణా తీరం వెలవెల.. తెలుగు రాష్ట్రాల్లో వింత పరిస్థితి ScrollLogo ఆదిలాబాద్ ఫుడ్‌ ఇన్‌స్పెక్టర్‌ ఇంటిపై ఏసీబీ దాడులు...భారీగా అక్రమాస్తుల గుర్తింపు ScrollLogo కాళేశ్వరం ప్రజాభిప్రాయ సేకరణలో ఘర్షణ...కుర్చీలతో కొట్టుకున్న టీఆర్ఎస్, కాంగ్రెస్ నేతలు

సంక్రాంతి సంబరం తీసుకొచ్చిన శతమనం భవతి

Shatamanam-Bhavati-Review
Posted: 221 Days Ago
Views: 9198   

రివ్యూ         : శతమానం భవతి...
తారాగణం         : శర్వానంద్, అనుపమ పరమేశ్వరన్, ప్రకాష్ రాజ్, జయసుధ... తదితరులు
సంగీతం          : మిక్కీ జే మేయర్
నిర్మాత         : దిల్‌రాజు
రచన, దర్శకత్వం: వేగేశ్న సతీష్
విడుదల తేదీ    : 14.01.16


కథ :
ఆత్రేయపురం ఊరిలో ఉండే రఘురామరాజు(ప్రకాష్ రాజ్) , జానికమ్మ(జయసుధ) దంపతులకు ఆది దంపతులు అన్నంత పేరుటుంది. ఇద్దరు కొడుకులు ఒక కూతురు పెళ్ళళ్ళు చేసుకొని విదేశాలలో స్థిర పడతారు. ఎవరి సంపాదనలలో వారు మునిగిపోయి ఇంటివైపు చూడటం మానేస్తారు. అయితే వారి కొడుకులకు, కూతురికి రాజు గారు తాము విడిపోవాలనకుంటున్నాం అని కబురు పంపిస్తారు. మనవళ్ళతో  ఆడుకునే వయస్సులో వీరు విడిపోవాలనుకోవడం ఏంటని వారి కొడుకులు, కూతురు తమ ఊరికి వస్తారు. అయితే విడిపోవాలనుకునే వారిఆలోచనలకు కారణం రాజుగారు కాదు వారి మనవడు రాజు(శర్వానంద్) ఆ ఇంట్లో పెరిగిన ఆ మనవడు వారిని విడిపోయేందుకు ఎందుకు సహాకరించాడు..?
అనేది మిగిలిన కథ..?
కథనం:
‘శతమానం భవతి’ అంటే వందేళ్ళు బతకమని.. అయితే ఆ బతుకు ఎలా ఉండాలి.. ఎవరితో ఉండాలో అనేది మాత్రం ప్రశ్నగా.. ఒక వ్యధగా మారకూడదు.. ప్రతి సగటు మనిషి కుటుంబమే జీవితంగా బతుకుతాడు.. పిల్లలే సర్వసం అనుకుంటాడు. అయితే సర్వసం అనుకున్న పిల్లలు మిగిల్చిన శూన్యం భరించడం అంత తేలిక కాదు. కన్నవాళ్ళను కన్నల నిండా చూసుకోవడమే అదృష్టమవడం నిజంగా దురదృష్టకరం. ఈ పాయింటే చుట్టూ అల్లుకున్న అందమైన కుటంబ కథాచిత్రం. ప్రకాష్ రాజ్ , జయసుధ వంటి క్లాస్ ఆర్టిస్ట్ లు శర్వానంద్ వంటి  హీరో ఈ కథకు దొరకడం కథ ను మరింత ఆసక్తిగా మార్చింది. ఊళ్ళళ్ళో ఏముంటుంది అనే పడికట్టు పదాలను రాజు క్యారెక్టర్ తో సమాధానం చెప్పాడు దర్శకుడు సతీష్ విగ్నేష్. పండుగ మూడ్ కి తగిన సినిమా. అందమైన ఆత్రేయపురం అందాలను సమీర్ రెడ్డి కెమెరాలో మరింత అందంగా కనిపించాయి. కొన్ని ఎమోషన్స్ కి ఎక్స్ పయిరీ డెట్ ఉండదు సరైన సన్నివేశంలో పడితే పాత ఫార్ములా అయినా ఇబ్బంది పెట్టదు. అలాంటి సన్నివేశాలనే నమ్ముకున్నాడు దర్శకుడు సతీష్. తన బాబాయి ప్రేమకథను చెప్పే సన్నివేశంలో వచ్చే పాట తో తన లోని టాలెంట్ ని చూపించాడు. అయితే సినిమా అంతా నల్లేరు మీద ప్రయాణం లా సాగుతుంది. అలవాటయిన సన్నివేశాలే అయిన ఆహ్లాదకరంగా సాగడం ఈ సినిమాకు బలంగా మారింది. ఆస్ట్రేలియాలో శాటిలైట్ సైన్స్ చదివిన మేనకోడలు నిత్య, ఆత్రేయపురంలో ఐటిఐ చదివిన రాజుకు ఇంప్రెస్ అవుతుంది. తన చుట్టూ ఉన్న వాతావరణం ఆహ్లాదకరంగా మార్చే రాజుని ఇష్టపడటానికి బలమైన సన్నివేశం లేకపోయినా వచ్చే ప్రతి సన్నివేశం సరదాగా సాగుతుంది. షష్టిపూర్తి వయస్సులో బార్యకు విడాకులు ఇచ్చేందుకు రెడీ అయిన రాఘవరాజు, ఆ విషయం తెలుసుకొని కంగారుగా ఇంటిక వచ్చిన కుటుంబ సభ్యులు.. అసలు విషయం తెలియక వారంతా నిజంగా తనను చూసేందుకు వచ్చారని ముచ్చటపడిపోయే తల్లి.. ఆ ఇంట్లో, ఆ ఊళ్ళో అందరనీ తన వారిగా చూసుకునే రాజు.. అమాయకత్వం, కంగారు కలగలిపిన బంగార్రాజు.. అనుపమ పరమేశ్వరన్ క్యారెక్టర్ మోడ్రన్ టు ట్రెడిషనల్ మారే పరిణామాన్ని దర్శకుడు చూపించిన విధానం బాగుంది. ఇవీ ఈ సినిమాలో  పాత్రల తీరు.. వీరి మద్య నడిచే సన్నివేశాలను కొత్తగా అనిపించకోయినా మనసుకు హత్తుకుంటాయి. ఇంటర్వెల్ లో విడాకుల సంగతి తెలిసిన జానికమ్మ మీనాన్న కాదు.. నేనే విడాకులు కావాలని అడిగానని అనడం తో సినిమా కొత్త టర్న్ తీసుకుంటుంది. అయితే సినిమా లో రాజు క్యారెక్టర్ ని మరీ మంచోడుగా చూపించాడు దర్శకుడు.. అతను కనిపించే ప్రతి సీన్ లోనూ అతని గొప్పతనం చాటాలనే ప్రయత్నం కనపడుతుంది. సెకండాఫ్ లో సందర్బోచితంగా వాడిన శ్రీనివాసుని కళ్యాణం..సూపర్ హిట్ సినిమాల తో కుటుంబ సభ్యులు చేసిన డబ్ స్మాష్ వంటి సన్నివేశాలు కథ ను గుర్తురాకుండా సమర్ధవంతంగా నడిపాడు దర్శకుడు. నాల్రోజులు ఇంట్లో టివిలు బంద్ అయితే సెల్ ఫోన్ సిగ్నల్స్ ఆగిపోతే కుటుంబం ఎలా ఉంటుందో అన్న ఆలోచన బాగుంది. నిజమే కదా అనిపిస్తుంది. జీతం ఇచ్చేవారికోసం సర్దుకు పోతారు.. జీవితం ఇచ్చిన వారి కోసం నాలుగు రోజులు కేటాయించలేరా..? అన్న ప్రశ్నకుటుంబం వదలి వెళ్ళిన వారికి సూటిగా తగులుతుంది. కంగార్రాజుగా నరేష్ నటన తప్పక ఆకట్టుకుంటుంది. ఆయన కంగారు పుట్టించే సునిశిత హాస్యం జంధ్యాలను గుర్తు చేసింది. ప్రతి కుటుంబాన్ని కదిలించే కథను రెడీ చేసుకున్న దిల్ రాజు వెంకటేశ్వరా క్రియేషన్స్ నుండి మరో మనోరంజకమైన కుటుంబ కథాచిత్రాన్ని అందించాడు.
శర్వానంద్ పాత్ర.. తన తోటి పాత్రలతో సహా అందరూ ఇష్టపడతారు. వీరభద్రం, రచ్చరవి, ప్రవీణ్ లు కామెడీ ట్రాక్ లా కాకుండా సహాజమైన హాస్యాన్ని పండించారు. బలవంతంగా నవ్వించే ప్రయత్నంకానీ ఏడిపించే ప్రయత్నం కానీ చేయలేదు దర్శకుడు. పాత్రల తాలూకు ఎమోషన్స్ ని సహజంగా పలికించేందుకు ప్రయత్నించాడు. ఇంద్రజ తన పాత్రకు మరింత అందాన్ని తెచ్చింది. ఏదో కారణంతో మాట్లాడుకోని అహాన్ని దాటితో కలిగే ఆనందాన్ని నీరజ బాగా పలికించింది. మొత్తంగా ఇది కుటుంబకథాచిత్రం... సంక్రాంతి సీజన్ ని ప్రతిబింబించే సినిమా.

చివరిగా:
సంక్రాంతి సంబరాలను అందించిన శతమానం భవతి


Read Also
Hindudarmam Live Profit Your Trade
NRI Edition
Telangana News
Nijam
Pata
Sports
Daily Specials