Live News Now
  • కేంద్రంపై దళిత-గిరిజనుల ఐక్య గర్జన.. వరంగల్‌ వేదికగా విపక్షాల పోరుబాట
  • ఇంటర్‌ కాంటినెంటల్‌ కప్‌ భారత్‌ సొంతం.. ఫైనల్‌లో కెన్యాపై 2-0 తేడాతో విజయం
  • 6 నెలలు.. 13 జిల్లాలు.. 75 సమావేశాలు.. ముందస్తు ఎన్నికలకు సిద్ధమంటున్న బాబు
  • ఏపీలో టిడిపి, బీజేపీ మధ్య ముదిరిన వార్
  • ప్రధానికి కన్నా ఇచ్చిన లేఖపై లోకేష్ ఫైర్
  • ప్యాకేజీల వారీగా అధికారులకు డెడ్ లైన్.. హరీష్ డైరెక్షన్‌లో వేగంగా కాళేశ్వరం ప్రాజెక్ట్
  • మరో రెండు రోజులు తెలుగురాష్ట్రాల్లో వర్షాలు
  • గోదావరి ప్రాజెక్టులకు మొదలైన వరదలు
  • బీజేపీ, ఆర్ఎస్ఎస్ ఎన్ని కేసులు వేసినా భయపడను.. విమర్శలపై వెనక్కి తగ్గేది లేదన్న రాహుల్
  • శత్రువుల్లా వచ్చి.. మిత్రులైన ట్రంప్, కిమ్.. అణు నిరాయుధీకరణపై కుదిరిన డీల్
ScrollLogo తొమ్మిదో తరగతి విద్యార్థి సూసైడ్ ScrollLogo రూపాయి ఖర్చు లేకుండా 53 రకాల వైద్య పరీక్షలు ScrollLogo నిరుద్యోగులకు శుభవార్త..10,351 ఉద్యోగాల భర్తీకి ఏపీ సర్కార్ గ్రీన్ సిగ్నల్ ScrollLogo జగన్ పాదయాత్రకు అనుమతి నిరాకరించిన పోలీసులు ScrollLogo తిరుమలలో భారీ వర్షం ScrollLogo వ్యర్థాల ఉత్పత్తిలో ముంబై ఫస్ట్! ScrollLogo సీఐ వాహనం చోరీ ScrollLogo యన్‌టీఆర్‌’ ఫస్ట్‌లుక్‌ విడుదల ScrollLogo నేడు పోలవరం పర్యటనకు సీఎం.. డయాఫ్రమ్‌ వాల్‌ జాతికి అంకితం ScrollLogo రాజమండ్రి ఎంపీ సీటుపై జగన్‌ వ్యూహం.. ఆత్మీయ సభలో బీసీలపై హామీల వర్షం

ఎంపీ జితేందర్‌రెడ్డిపై ఎమ్మెల్యే శ్రీనివాస్‌గౌడ్‌ అక్కసు

MP-Jithender-Reddy-Vs-MLA-Srinivas-Goud-in-Public-Meet,-Telangana
Posted: 457 Days Ago
Views: 1024   

ఆయన టీఆర్‌ఎస్‌ ఎంపీ. పార్లమెంటరీ పార్టీ నేత కూడా. ఉన్నట్టుండి తన పదవికి రాజీనామా చేస్తానన్నారు. రాజకీయాల నుంచీ వైదొలుగుతానన్నారు. ఇంతకీ.. ఆ నేతకు అంత పెద్ద కష్టం ఎందుకొచ్చింది? అందుకు దారి తీసిన పరిణామాలేంటి?
ఎంపీ జితేందర్‌రెడ్డి తన పదవికి రాజీనామా చేస్తారట. మళ్లీ రాజకీయాల వైపు తిరిగి కూడా చూడరట. ఆయన ఎందుకింత పెద్ద స్టేట్‌మెంట్‌ ఇచ్చారు? టీఆర్‌ఎస్‌ పార్లమెంటరీ పార్టీ నేతగా ఉన్న జితేందర్‌రెడ్డి.. రాజీనామా చేస్తాననేంత మాట ఎందుకనాల్సి వచ్చింది? అందుకు దారి తీసిన పరిస్థితులేంటో తెలిస్తే ఆశ్చర్యపోవాల్సిందే. విపక్షం ఉడికించినందుకు ఆయన రాజీనామా చేస్తాననలేదు. స్వపక్షం నుంచి వచ్చిన ఆరోపణలతోనే జితేందర్‌రెడ్డి రాజకీయాల నుంచి వైదొలిగేందుకు సిద్ధమన్నారు. ఇంతకీ.. ఆయన ప్రకటనకు కారణం ఏమిటో తెలియాలంటే ఈ మాటకు ముందు కొన్ని క్షణాలు వెనకకు వెళ్లాలి.. విన్నారుగా.. ఎమ్మెల్యే శ్రీనివాస్‌గౌడ్‌కు మంత్రి పదవి రాకుండా ఎంపీ అడ్డుకున్నారట. ఈ విషయం ఓ కేబినెట్‌ మంత్రే తనకు చెప్పారంటూ శ్రీనివాస్‌గౌడ్‌ చెబుతున్నారు. అది నిజమని నిరూపిస్తే రాజీనామాకైనా సిద్ధమంటూ జితేందర్‌రెడ్డి సవాల్‌ విసరడంతో వీరిద్దరి మధ్య జరిగిన ఎపిసోడ్‌ తెలంగాణలో హాట్‌టాపిక్‌గా మారింది. అధికార పార్టీలో పలువురు నేతల మధ్య కోల్డ్‌వార్‌ నడుస్తోందని.. అందుకు వీరి మధ్య జరిగిన సంభాషణే ఉదాహరణంటూ చర్చ మొదలైంది. ఇంతకీ.. శ్రీనివాస్‌గౌడ్‌కు మంత్రి పదవి రాకుండా ఎంపీ అడ్డుకున్నారంటూ చెప్పిన ఆ మంత్రి ఎవరు? పాలమూరు జిల్లాకు చెందిన మంత్రా? లేక బయటి జిల్లా మినిస్టరా? అనేది ఎమ్మెల్యేకే తెలియాలి. ఉమ్మడి మహబూబ్‌నగర్‌ జిల్లా నుంచి జూపల్లి కృష్ణారావు, లక్ష్మారెడ్డిలు కేబినెట్‌లో ఉన్నారు. వీరిలో ఒకరే శ్రీనివాస్‌గౌడ్‌ చెవిలో ఊదారంటూ ప్రచారం జరుగుతోంది. కొంతకాలంగా జిల్లా నేతల మధ్య సమన్వయం లేదంటూ, ఆధిపత్య పోరు నడుస్తుందంటూ గుసగుసలు వినిపిస్తున్నాయి. తాజా.. ఎపిసోడ్‌తో ఆ ఊహాగానాలకు మరింత బలం చేకూరినట్టైంది. గత రెండున్నర ఏళ్లుగా మంత్రి పదవి రానందుకు శ్రీనివాస్‌గౌడ్‌ అసంతృప్తిగా ఉన్నారా? తన పదవిని అడ్డుకున్నారని ఎంపీపై కడుపులో అక్కసు పెట్టుకున్నారా? ఇంతకాలం తర్వాత ఇప్పుడు బయటపడ్డారా? అనే ప్రశ్నలు తలెత్తుతున్నాయి. మరోవైపు.. త్వరలోనే తెలంగాణ కేబినెట్‌ విస్తరణ ఉంటుందంటూ జోరుగా ప్రచారం జరుగుతోంది. రేసులో శ్రీనివాస్‌గౌడ్‌ పేరూ వినిపిస్తోంది. సరిగ్గా ఈ సమయంలోనే ఇలా మీడియా సాక్షిగా ఎమ్మెల్యే ఆరోపణలకు దిగడం చర్చనీయాంశమైంది. ఈ విషయంపై గులాబీబాస్‌ ఎలా స్పందిస్తారనరేది ఇప్పుడు ఆసక్తికరంగా మారింది. 


Read Also
Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials