Live News Now
  • హైదరాబాద్‌లో మందుబాబుల వీరంగం
  • తెలంగాణ రైతులకు న్యూఇయర్‌ గిఫ్ట్.. అర్థరాత్రి నుంచి మొదలైన 24 గంటల పవర్‌
  • కొత్త రికార్డ్‌ సృష్టించిన దుబాయ్‌ బూర్జ్‌ ఖలీఫా
  • కొత్త సంవత్సరానికి ఘన స్వాగతం పలికిన ప్రజలు
  • నల్గొండ: మున్సిపల్ చైర్మన్ భర్త బొడ్డునల్లి శ్రీనివాస్ హత్య.. బండరాయితో మోది చంపిన దుండగులు
  • నెల్లూరు జిల్లా కావలి వద్ద రోడ్డుప్రమాదం.. లారీని ఢీకొన్న ట్రావెల్స్ బస్సు.. ముగ్గురు మృతి
  • హైదరాబాద్ లో ఐదు ప్రాంతాల్లో డ్రంక్ అండ్ డ్రైవ్ తనిఖీలు.. 48 మంది పై కేసులు నమోదు
  • తిరుమలలో భక్తుల రద్దీ సాధారణం.. 8 కంపార్టుమెంట్లలో వేచివున్న భక్తులు
  • శ్రీవారి సర్వదర్శనానికి 5 గంటల సమయం.. కాలినడక భక్తులకు 2 గంటల సమయం
  • ప్రత్యేక ప్రవేశ దర్శనానికి 2 గంటల సమయం
ScrollLogo టీడీపీ రాష్ట్ర కార్యాలయంలో ఘనంగా క్రిస్మస్ వేడుకలు హాజరైన కళా వెంకట్రావు, నక్కా ఆనందబాబు ScrollLogo మళ్లీ వేడెక్కిన తమిళ రాజకీయాలు.. అన్నాడీఎంకే అత్యవసర సమావేశం ScrollLogo జగిత్యాల: ధర్మపురి లక్ష్మీనరసింహస్వామి ఆలయంలో మూలవిరాట్‌లకు అభిషేకం ScrollLogo యదాద్రిలో ముక్కోటి ఏకాదశి వేడుకలు.. ఉత్తర ద్వారం నుంచి స్వామివారి దర్శనం ScrollLogo సిరిసిల్ల: వేములవాడ రాజన్న ఆలయంలో ముక్కోటి ఏకాదశి వేడుకలు ScrollLogo ముంబైలో ఘోర అగ్నిప్రమాదం.. 14 మంది మృతి, 12 మందికి గాయాలు ScrollLogo తెలుగు రాష్ట్రాల్లో వైభవంగా ముక్కోటి ఏకాదశి వేడుకలు.. భక్తులతో కిటకిటలాడుతున్న ప్రముఖ ఆలయాలు ScrollLogo చర్లపల్లి జైలు నుంచి బయటికొచ్చిన కెల్విన్‌ ScrollLogo మద్యం తాగి వాహనం నడుపుతూ పోలీసులకు పట్టుబడ్డ యాంకర్ ప్రదీప్ ScrollLogo వచ్చే ఎన్నికల బరిలో తలైవా టీమ్‌
Tollywood/Bollywood

రోడ్డునపడ్డ ఏపీ కాపు కార్పొరేషన్ పరువు..!

Kapu-Corporation-MD-vs-Chairman
Posted: 126 Days Ago
Views: 263   

ఏపీ కాపు కార్పొరేషన్ ప‌రువు రోడ్డున ప‌డింది. ఇన్నాళ్లూ నివురుగ‌ప్పిన నిప్పులా ఉన్న కార్పొరేష‌న్ చైర్మన్‌, ఎండీ మధ్య విభేదాలు తారాస్థాయికి చేరాయి. అవినీతి ఆరోప‌ణ‌లు వ‌చ్చాయంటూ ఎండీని ప్రభుత్వం బాధ్యతల నుంచి త‌ప్పించింది. అయితే త‌న‌పై వ‌చ్చిన ఆరోప‌ణ‌ల్లో నిజం లేద‌ని చెప్పేందుకు ప్రయత్నించిన ఎండీని చైర్మన్‌ అడ్డుకోవడంతో వివాదం రేగింది. దీంతో దిక్కులేక రోడ్డుపైనే వివ‌ర‌ణ ఇచ్చారు అమరేందర్‌.

ఎంతో మంచి ల‌క్ష్యంతో కాపుల సంక్షేమం కోసం సీఎం చంద్రబాబు ఏర్పాటు చేసిన కాపు కార్పొరేష‌న్ మొదట్నుంచి వివాదాల‌ మయంగా మారింది. ఏటా వెయ్యి కోట్లు కేటాయిస్తూ కాపుల అభివృద్ధి కోసం సీఎం తపన పడుతుంటే.. ఆ లక్ష్యాన్ని చైర్మన్‌ రామానుజయ, ఎండీ అమరేందర్‌ నీరుగార్చారు. కార్పొరేషన్‌ అనుకున్న లక్ష్యాన్ని సాధించాలంటే ఎండీ, చైర్మన్ల మధ్య సఖ్యత చాలా అవసరం. కానీ, కాపు కార్పొరేషన్‌ మాత్రం దానికి భిన్నంగా మారింది. అనుకున్న లక్ష్యాన్ని సాధించడంలో వెనకబడిపోయింది. ప్రభుత్వం కేటాయించే నిధులను అడ్డదారిన తమ ఖాతాలో వేసుకునేందుకు చైర్మన్‌ రామానుజయ, ఎండీ అమరేందర్‌ పోటీపడ్డారు. ఫలితంగా రుణాల మంజూరు, వివిధ పథకాల అమలు దారి తప్పింది. చివరకు కార్పొరేషన్‌పై వస్తున్న ఆరోపణలతో బీసీ సంక్షేమ శాఖ కార్యదర్శి ఉదయలక్ష్మి విచారణ కమిటీని నియమించారు. ఓవైపు విచారణ జరుగుతుండగానే ఎండీ అమరేందర్‌ను బదిలీ చేస్తూ ఉదయలక్ష్మి ఉత్తర్వులు ఇచ్చారు. అయితే అవినీతి ఆరోపణల కారణంగానే బాధ్యతల నుంచి తప్పించినట్లు ఉత్తర్వుల్లో పేర్కొనడం విశేషం.

ఇక్కడే సీన్‌ మలుపు తిరిగింది. తనపై వచ్చిన ఆరోపణలు నిజం కాదంటూ తన కార్యాలయంలో మీడియా సమావేశం ఏర్పాటు చేశారు ఎండీ అమరేందర్‌. ఇదే స‌మ‌యంలో కాపు కార్పొరేష‌న్ కార్యాల‌యానికి వ‌చ్చిన చైర్మన్‌ రామానుజ‌య ఎండీతో వాగ్వాదానికి దిగారు. కార్పొరేష‌న్ తనదని, తన కార్యాల‌యంలో ఎలా ప్రెస్ మీట్ పెడ‌తావంటూ నిల‌దీశారు. అయితే తానింకా రిలీవ్ కాలేదని, తనకు సీఎంవో అనుమతి ఉందని అమరేందర్‌ చెప్పే ప్రయత్నం చేశారు. అయినా వినకుండా ఇక్కడ ఏం టాంపరింగ్‌ చేస్తున్నావంటూ అమరేందర్‌పై ఊగిపోయారు రామానుజయ. సీఎంవో చెబితే నాకేంటంటూ ప్రెస్‌మీట్‌ను అడ్డుకున్నారు. ఒకవేళ ప్రెస్‌మీట్‌ పెడితే తాను కూడా ఉంటానని ఆంక్ష పెట్టారు. దీనికి అంగీకరించని ఎండీ రోడ్డుమీదకొచ్చి ప్రెస్‌మీట్‌ పెట్టారు. దీంతో ఇన్నాళ్లూ లోపల జరుగుతున్న వ్యవహారం రోడ్డున పడ్డట్టయింది.

అయితే త‌న‌పై వ‌చ్చిన ఆరోప‌ణ‌ల్లో ఎలాంటి నిజం లేద‌ని అమ‌రేంద్ర స్పష్టం చేశారు. త‌న‌ను మాతృశాఖ‌కు బ‌దిలీ చేశార‌ని ఆయ‌న చెప్పుకొచ్చారు. తాను ఎండీగా రాక‌ముందు జ‌రిగిన త‌ప్పుల‌ను కూడా త‌న‌పై రుద్దే ప్రయత్నం జరుగుతోందని ఆవేదన వ్యక్తం చేశారు. కొంత‌మంది కార్పొరేష‌న్ ప్రతిష్టను దిగ‌జార్చే ప్రయత్నం చేస్తున్నారని ఆరోపించారు.

కాపు విద్యార్ధుల‌కు ఉచిత కోచింగ్ కోసం కోచింగ్ సెంట‌ర్ల ఎంపిక‌లోనూ ఎలాంటి అక్రమాలు జ‌ర‌గ‌లేద‌న్నారు. అటు కుట్టుమిష‌న్ల కొనుగోళ్లు కార్పొరేష‌న్ నుంచి జ‌ర‌గలేద‌ని అదంతా మ‌హిళా సాధికార సంస్థ చూసుకుంటుంద‌ని అన్నారు. విచార‌ణ జ‌రుగుతుండ‌గానే త‌న‌పై ఆరోప‌ణ‌లు చేయ‌డం స‌రికాద‌న్నారు ఎండీ అమరేందర్‌. మొత్తంగా కాపు సంక్షేమం కోసం సీఎం ఏర్పాటు చేసిన కార్పొరేష‌న్ ప‌రువు తాజా ఘ‌ట‌న‌తో బజారున ప‌డింది. మ‌రో రెండు నెల‌ల్లో చైర్మన్‌ రామానుజ‌య ప‌ద‌వీకాలం ముగుస్తుంది. ఇప్పటికైనా ముఖ్యమంత్రి జోక్యం చేసుకుని ఎండీ, చైర్మన్‌లుగా సరైన వ్యక్తులను నియమించాలని అంతా కోరుతున్నారు.


Read Also
Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials