Live News Now
  • గుజరాత్‌ యుద్ధంలో ట్యాంపరింగ్‌ రాజకీయం.. మోడీ ఎన్నికల ఎజెండా మార్చేశారని రాహుల్‌ ఫైర్‌
  • శ్రీలంకతో నేటి నుంచి వన్డే సిరీస్‌.. రెట్టించిన ఉత్సాహంతో టీమిండియా
  • బంజారాహిల్స్‌లో అర్ధరాత్రి ఉద్రిక్తత.. పబ్బులపై బీజేవైఎం దాడులు
  • గుజరాత్‌ తొలిదశలో 68శాతం పోలింగ్‌.. ఈవీఎంల ట్యాంపరింగ్‌పై కాంగ్రెస్‌ ఆరోపణ
  • నాలుగు రోజులు.. 40 ఇష్యూలు.. పవన్‌ పర్యటనతో కేడర్‌లో ఉత్సాహం
  • నేడు పోలవరంలో చంద్రబాబు పర్యటన..నిర్మాణ పనుల పరిశీలన, అధికారులతో సమీక్ష
  • లోపల అందాలు.. బయట నిరసనలు.. ఆందోళనల మధ్యే మిస్‌ వైజాగ్‌ పోటీలు
  • కర్నూల్‌ జిల్లాలో నెత్తురోడిన రోడ్లు.. వేర్వేరు ప్రమాదాల్లో ఆరుగురు దుర్మరణం
  • హథీరాం మఠం మహంత్‌పై మహిళ ఆరోపణలు.. వీడియో వెనుక కుట్ర ఉందన్న అర్జున్‌ దాస్‌
  • రాహుల్‌ పట్టాభిషేకానికి 16 ముహూర్తం.. సీనియర్ల సమక్షంలో బాధ్యతల స్వీకారం
ScrollLogo 536 పరుగులకు భారత్ డిక్లేర్.. రెండు వికెట్లు కోల్పోయిన లంక ScrollLogo కొరియా సిటీ స్ఫూర్తిగా అమరావతి అభివృద్ధి.. పారిశ్రామికవేత్తలకు బాబు ప్రజెంటేషన్ ScrollLogo త్వరలోనే గ్రేటర్‌లో టౌన్‌హాల్ మీటింగ్స్.. సమస్యల పరిష్కారానికి కేటీఆర్ ప్లాన్ ScrollLogo కొలువులకై కొట్లాట సభతో టెన్షన్.. ఎక్కడికక్కడ విద్యార్థుల కట్టడిలో పోలీస్ ScrollLogo కాంగ్రెస్ అధ్యక్ష పదవికి ఒకే నామినేషన్.. రాహుల్ ఎన్నికతో నేతల్లో నయా జోష్ ScrollLogo చెన్నైలో విశాల్ భారీ ర్యాలీ.. కాసేపట్లో నామినేషన్ ScrollLogo కాలుష్యంలో మ్యాచ్ ఎలా నిర్వహిస్తారు.. BCCIపై నేషనల్ గ్రీన్ ట్రిబ్యునల్ సీరియస్ ScrollLogo ప్రాజెక్టుల పరుగుపై కేసీఆర్ సంతోషం.. రివ్యూలో హరీష్‌రావుపై ప్రశంసల వర్షం ScrollLogo మిస్‌ వైజాగ్‌ కాంటెస్ట్‌పై వ్యతిరేక స్వరం.. మహిళా సంఘాల ఆధ్వర్యంలో నిరసనల పర్వం ScrollLogo భర్తను చంపి ప్రియుడితో హైడ్రామా.. పాలమూరులో కిలాడీ లేడీ అరెస్ట్‌

ఆదివాసీ-లంబాడాల మధ్య ముదిరిన విభేదాలు

High-Tension-in-Adilabad-District,-Adivasis-Assaulted
Posted: 22 Days Ago
Views: 121   

ఆదిలాబాద్‌ జిల్లా ఉట్నూరు ఏజెన్సీ నివురుగప్పిన నిప్పులా మారింది. ఆదివాసీ తెగలకు, లంబాడ తెగలకు మధ్య వర్గ విభేదాలు రోజురోజుకూ పెరిగిపోతున్నాయి. ఈ నేపథ్యంలో ఆదివాసీలు ఇవాళ జిల్లా బంద్‌కు పిలుపునిచ్చారు. మహారాష్ట్ర నుంచి వలస వచ్చిన లంబాడాలు తమ హక్కులను కాలరాస్తున్నారని.. వారిని ఎస్టీ జాబితా నుంచి తొలగించాలంటూ ఆదివాసీలు ఉద్యమాలు చేస్తున్నారు. దీనికి ప్రతిగా.. తమకు ఏజెన్సీలో రక్షణ కల్పించాలని లంబాడాలు కోరుతున్నారు. ఈ క్రమంలో వీరి ఆందోళనలు హింసాత్మకంగా మారుతున్నాయి. రెండ్రోజుల కిందట ఉట్నూరు ఎక్స్‌రోడ్‌లో ఇద్దరు ఆదివాసీ యువకులపై లంబాడ తెగకు చెందిన వ్యక్తులు దాడి చేశారు. వీరిపై దాడిని ఖండించిన ఆదివాసీ నాయకులు.. ఏజెన్సీ బంద్‌కు పిలుపునిచ్చారు. ఏజెన్సీలోని విద్యాసంస్థలు, ప్రభుత్వ కార్యాలయాలు, వ్యాపార సంస్థలు బంద్‌ పాటించాలని కోరారు. దీంతో మన్యంలో పరిస్థితి అదుపుతప్పేలా కన్పిస్తోంది. అటు.. ఏజెన్సీలో 144 సెక్షన్‌ కొనసాగుతోంది.

గత నెలలో ఆసిఫాబాద్ జిల్లా జోడేఘాట్‌లోని కొమురం భీం మ్యూజియంలో గిరిజన తెగకు చెందిన విగ్రహాలు ఏర్పాటు చేశారు. అందులో లంబాడ తెగకు చెందిన శాంఖిమాత విగ్రహాన్ని ఆదివాసీలు ధ్వంసం చేశారు. ఈ ఘటనతో వీరి మధ్య వైరం పెరిగింది. బాధ్యులను అరెస్ట్ చేయాలని ఉద్యమం ఉవ్వెత్తున ఎగసింది. ఐతే.. ఆదివాసీల అరెస్టులను నిరసిస్తూ.. ఆసిఫాబాద్‌ జిల్లా కేంద్రంలో భారీ ఆందోళన చేపట్టారు. కలెక్టర్ కార్యాలయంలో విధ్వంసం సృష్టించారు. మరుసటి రోజు ఏజెన్సీలోని తమ బడుల్లో లంబాడ ఉపాధ్యాయులను రానివ్వమని.. వారి బోధన తమకొద్దని తీర్మానం చేశారు. దీనికి ప్రతిగా లంబాడ ఉపాధ్యాయులు తమకు రక్షణ కల్పించాలని ధర్నా చేశారు. దీనిపై ఆదివాసీలు ఆగ్రహం వ్యక్తం చేశారు. ఆదిలాబాద్‌ ఎస్పీ శ్రీనివాస్‌.. ఉట్నూరు చేరుకుని ఇరు వర్గాలకు సర్ది చెప్పారు. పరిస్థితిని అదుపులోకి తీసుకువచ్చారు. ఐతే.. లంబాడాలు తమను వ్యతిరేకిస్తూ.. కేసులు పెట్టడాన్ని నిరసిస్తూ.. ఆదివాసీలు ఇంద్రవెల్లి అమరుల స్థూపం నుంచి ఉట్నూరు ఐటీడీఏ వరకు 20 వేల మందితో మహాపాదయాత్ర నిర్వహించారు. కేసులు ఎత్తివేసి.. లంబాడాలను ఎస్టీ జాబితా నుంచి తొలగించాలని డిమాండ్‌ చేశారు. ఆదివాసీల భారీ ర్యాలీ తర్వాత ఇరు వర్గాల మధ్య ఘర్షణలు జరుగుతూనే ఉన్నాయి. ఈ ఘటనల నేపథ్యంలో పోలీసులు ఏజెన్సీలో 144 సెక్షన్ విధించారు.

ప్రభుత్వం గిరిజనులకు అమలు చేస్తున్న రిజర్వేషన్లు, సంక్షేమ పథకాలను ఎస్టీల పేరిట లంబాడాలు ఎక్కువగా అనుభవిస్తున్నారని, అవగాహనారాహిత్యం కారణంగా తాము నష్టపోతున్నామని ఆదివాసీలు ఆరోపిస్తున్నారు. తమకు రాజ్యాంగం కల్పించిన హక్కులు, సౌకర్యాలను అనుభవిస్తున్నారని ఆందోళనలు చేస్తున్నారు. నెల రోజులుగా ఆదిలాబాద్‌ జిల్లాలో  ఆందోళనలు విస్తరించాయి. ఐతే.. తాము దుర్భర జీవితాలు గడుపుతున్నామని, రాజ్యాంగం నిర్దేశించిన లక్షణాలన్నీ కలిగి ఉన్నామని, రాజ్యాంగం ప్రకారమే ప్రభుత్వ ఫలాలు అందుకుంటున్నామని లంబాడాలు చెబుతున్నారు. తాము జనాభా రీత్యా ఆదివాసులకంటే నాలుగురెట్లు అధికంగా ఉన్నామని... రిజర్వేషన్ల ద్వారా లభించిన విద్యావకాశాలను సద్వినియోగం చేసుకొంటున్నామని చెబుతున్నారు.


Read Also
Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials