Live News Now
  • ప్రగతి భవన్ దగ్గర తీవ్ర ఉద్రిక్తత.. సాక్షర భారత్‌ మిషన్ కోఆర్డినేటర్ల ఆందోళన..
  • రికార్డు గరిష్ట స్థాయికి పెట్రో ధరలు..
  • కేంద్రానికి నరసింహన్ నివేదికపై సస్పెన్స్..
  • ఏపీలో హోరెత్తుతున్న హోదా ఆందోళనలు.. శ్రీశైలం భ్రమరాంబకు బోనాలు
  • ధాన్య రాశుల నిలయంగా నల్గొండ!.. సీఎం చొరవతోనే సాధ్యమైందన్న హరీష్
  • జమ్మూకశ్మీర్‌లో మరో ఎన్‌కౌంటర్‌.. పుల్వామా జిల్లాలో టెన్షన్‌ టెన్షన్
  • బాలీవుడ్‌లోనూ కాస్టింగ్ కౌచ్.. తొలిసారి ఆరోపణలు చేసిన సరోజ్‌ ఖాన్
  • ఏపీలో చంద్ర క్రాంతి ప్రారంభం.. ద్వారపూడిలో అభివృద్ధి కార్యక్రమాలకు శ్రీకారం
  • కర్ణాటక కాంగ్రెస్‌కు ఐటీ షాక్.. మంత్రి మహదేవప్ప ఇంట్లో రైడ్స్
  • తలకు బదులు కాలుకు ఆపరేషన్.. ఢిల్లీ ప్రభుత్వాసుపత్రిలో వైద్యుల నిర్లక్ష్యం
ScrollLogo మిషన్ భగీరథ దేశానికే ఆదర్శమన్న కేసీఆర్ పెండింగ్ పనులు పరుగులు పెట్టించాలని ఆదేశం ScrollLogo మిషన్ భగీరథ దేశానికే ఆదర్శమన్న కేసీఆర్ పెండింగ్ పనులు పరుగులు పెట్టించాలని ఆదేశం ScrollLogo ఎంపీలు, ముఖ్యనేతలతో జగన్ కీలక భేటీ ప్రత్యేక హోదా, భవిష్యత్ కార్యాచరణపై చర్చ ScrollLogo కాల్పుల మోతతో దద్దరిల్లిన గడ్చిరోలి ఎన్‌కౌంటర్లో 14మంది మావోయిస్టులు మృతి ScrollLogo కొడుకుతో సహా తల్లి ఆత్మహత్య.. విజయనగరం జిల్లాలో విషాదం.. ScrollLogo వైసీపీ, జనసేన కుమ్మక్కయ్యాయన్న బోండా ScrollLogo 58 లక్షల మంది రైతులకు 6 వేల కోట్లు.. రైతు బంధు పథకం చారిత్రాత్మకమన్న హరీష్ ScrollLogo టీడీపీపై మహా కుట్ర జరుగుతోంది: బోండా ScrollLogo పోలవరం స్పిల్‌ ఛానల్‌ కాంక్రీట్ పనులు ప్రారంభం.. ScrollLogo ఐపీఎల్‌లో పంజాబ్ వర్సెస్ ఢిల్లీ.. క్రిస్‌గేల్‌పైనే అందరి చూపు

ఆదర్శమూర్తి రాఘవ.. నిర్మాతగా ఎందరికో స్ఫూర్తి

Centenarian-Producer-K-Raghava
Posted: 139 Days Ago
Views: 178   

కె రాఘవ... వయసు సెంచరీ దాటింది. ఆరేళ్ల వయసుకే మూకీ సినిమాతో అనుబంధం ఏర్పడింది. అప్పటి నుంచి కళామతల్లి ఒడిలోనే ఎదిగాడు. ట్రాలీ పుల్లర్ గా మొదలైన జీవితం.. ఇద్దరు శతాధిక చిత్ర దర్శకులను పరిచయం చేసేంత వరకూ ఎదిగింది. భారతీయ సినిమా మూకీ నుంచి టాకీకి ఎదిగిన విధానం దగ్గరుండి గమనించిన అతికొద్దిమందిలో ఒకరు రాఘవగారు. ఇవాళ  నిర్మాత కె రాఘవ గారు పుట్టిన రోజు.. 

గమ్యం తెలియని ప్రయాణం.. అని చాలాసార్లు విని ఉంటాం. అలాగే ప్రయాణం మొదలుపెట్టిన రాఘవ.. కృషితో నాస్తి దుర్భిక్షం అనే మాటకు నిర్మాత రూపంగా కనిపించే వ్యక్తి రాఘవగారు. రాశిలో తక్కువైనా వాసిలో మిన్నయైన చిత్రాలు నిర్మించిన నిక్కచ్చి నిర్మాత రాఘవగారు. పొట్టచేత పట్టుకుని ఆరేళ్ల వయసులోనే కాకినాడ నుంచి కలకత్తాకు వెళ్లాడు రాఘవ. అట్టడుగు నుంచి మొదలై సినిమా రంగంలో అత్యున్నతంగా చెప్పే నిర్మాత స్థాయికి చేరిన విధానం ఎందరికో ఆదర్శంగా నిలుస్తుంది.

కొన్నాళ్ల తర్వాత కలకత్తా నుంచి మకాం విజయవాడకు మార్చారు. మూకీ సినిమాలకు వెనక నుంచి వ్యాఖ్యానం చెప్పే కస్తూరి శివరావుతో పాటు రాఘవ కూడా మద్రాస్ వెళ్లిపోయారు. మద్రాస్ లో సి పుల్లయ్యగారిని కలుసుకుని సినిమాల్లో చిన్న వేషాలు మొదలుకుని, స్టంట్ మాస్టర్ గా, డూప్ గా, ఫైటర్ గా చేసుకుంటూ ఓ సినిమాకు ప్రొడక్షన్ మేనేజర్ కాగలిగారు. అలా వచ్చిన డబ్బులతోనే మరొకరిని కలుపుకుని చిత్ర నిర్మాణం మొదలుపెట్టారు. 

ప్రొడక్షన్ మేనేజర్ గా రష్యా వెళ్లిన రాఘవ అక్కడ కొన్ని ఫారిన్ మూవీస్ చూశారు. వాటి స్ఫూర్తితో ఎస్వీ రంగారావు ప్రధాన పాత్రలో 1963లో జెగత్ కిలాడీలు రూపొందించారు. నాలుగు లక్షలతో నిర్మించిన ఆ చిత్రం ఘనవిజయం సాధించి రాఘవకు మంచి లాభాల్నిచ్చింది. తర్వాత ఎస్వీఆర్ తోనే జగత్ జెట్టీలు తీశారు. అదీ హిట్ అయింది. వరుసగా రెండు సినిమాలు హిట్ అయితే ఏ నిర్మాతకైనా ఉత్సాహం వస్తుంది. అదే ఉత్సాహంతో సెంటిమెంట్ కంటిన్యూ చేస్తూ మళ్లీ జెగత్ జెంత్రీలు తీశాడు. కానీ ఈ సినిమా ఫ్లాప్.. అయితే జగత్ జెట్టీలు, జగత్ కంత్రీలు చిత్రాలకు దాసరి నారాయణ రావు అసిస్టెంట్ డైరెక్టర్ గా పనిచేయడమే కాదు, రచయితగానూ సత్తా చాటారు.. మూడు సినిమాల తర్వాత తన సహ నిర్మాతతో అభిప్రాయభేదాల కారణంగా విడిపోయిన రాఘవ తర్వాత సొంతంగా ప్రతాప్ ఆర్ట్స్ బ్యానర్ ను స్థాపించారు.. 

ప్రతాప్ ఆర్ట్స్ బ్యానర్ లో తొలి సినిమానే ఓ చారిత్రక సినిమాకు నాంది పలికింది. తనకు బాగా కలిసొచ్చిన ఎస్వీ రంగారావే ప్రధాన పాత్రలో కమెడియన్ రాజబాబు హీరోగా వచ్చిన ఆ చిత్రం తాతామనవడు. ఆ చిత్రం అఖండ విజయం సాధించి ప్రతాప్ ఆర్ట్స్ బ్యానర్ గురించి ఘనంగా చెప్పుకునేలా చేసింది. తాతామనవడు సూపర్ హిట్ తర్వాత దాసరితోనే సంసారం సాగరం, తూర్పుపడమర తీశారు. ఇవీ మంచి విజయాలే సాధించాయి. ముఖ్యంగా తూర్పుపడమర చిత్రం ఘనవిజయం సాధించింది. నాటి ప్రేక్షకులకు ఆ సబ్జెక్ట్ అప్పటికి కొత్తగా అనిపించింది.. అలాగే ఇందులోని శివరంజనీ నవరాగిణీ అనే పాట ఎవర్ గ్రీన్ గా నిలిచిపోయింది. అలా ప్రతాప్ ఆర్ట్స్ బ్యానర్ లో దర్శకుడిగా కెరీర్ మొదలుపెట్టిన దాసరి శతాధిక చిత్రాల దర్శకుడిగా చరిత్ర సృష్టించారు.

తాతామనవడు హిట్ తో దాసరి వద్ద పని చేయాలని కలలు కని వాటిని సాధించుకున్న కోడి రామకృష్ణ అనుకున్నట్టుగానే ఆయన వద్ద అసిస్టెంట్ గా చేరాడు. కోడి రామకృష్ణ టాలెంట్ పసిగట్టిన రాఘవ తన బ్యానర్ లోనే అతన్ని దర్శకుడిని చేయాలని ఫిక్స్ అయ్యారు. చిరంజీవి, మాధవి, గొల్లపూడి మారుతీరావు ప్రధాన పాత్రల్లో తెరకెక్కి, అఖండ విజయం సాధించిన ఆ సినిమా ఇంట్లో రామయ్య వీధిలో కృష్ణయ్య.. చిరంజీవికి ఇదే తొలి సూపర్ డూపర్ హిట్.. ఈ సినిమా ఆ రోజుల్లో ఐదువందల రోజులు ఆడి రికార్డ్ సృష్టించింది. 

ఇంట్లో రామయ్య వీధిలో కృష్ణయ్య తో చిరంజీవి కెరీర్ ఎక్కడికో వెళ్లిపోయింది. తర్వాత మళ్లీ కోడి రామకృష్ణతోనే తరంగిణి తీశారు. అయితే ఈ చిత్రానికి ముందుగా చిరంజీవినే తీసుకోవాలనుకున్నారట. కానీ అప్పటికే అతనికి మాస్ ఇమేజ్ రావడంతో కొత్తవాడైన సుమన్ ను తీసుకున్నారు. తరంగిణి సూపర్ హిట్ టాక్ తో యేడాది పాటు ఆడింది. దీంతో హీరోగా సుమన్ కు బెస్ట్ ప్లాట్ ఫామ్ అయితే అటు తను పరిచయం చేసిన దర్శకుడు కోడి రామకృష్ణ కూడా వందకు పైగా చిత్రాలు డైరెక్ట్ చేసి రికార్డ్ క్రియేట్ చేశాడు. 

కె. రాఘవ సంఖ్యా పరంగా చేసిన సినిమాలు తక్కువే. కానీ కథా పరంగా రాఘవ చిత్రాలు ఉత్తమంగా నిలుస్తాయి. అలాగే తన బ్యానర్ లో చాలామంది కొత్తవారికి అవకాశాలిచ్చి ప్రోత్సహించారు.. కానీ పరిశ్రమలో వచ్చిన పోకడల వల్ల చాలాకాలం క్రితమే నిర్మాణ రంగం నుంచి నిష్క్రమించారు. అందుకే ఒకప్పుడు చెన్నైలో రఘుపతివెంకయ్య ఆఫీస్ లో పనిచేసిన రాఘవ నిర్మాతగా ఆయన పేర నెలకొల్పిన అవార్డ్ నే అందుకుని ఎందరికో ఆదర్శంగా నిలిచారు.. ఇప్పటికే తనకు వందేళ్లు పూర్తయ్యాయని చెప్పుకుంటున్న ఈ శతాధిక వృద్ధునికి బర్త్ డే విషెస్ మరోసారి. 


Read Also
Hindudarmam Live Profit Your Trade
NRI Edition
AP News
Telangana News
Nijam
Pata
Sports
Daily Specials