Posani vs Pawan Kalyan : వెరైటీగా స్పందించిన నాగబాబు..!
పోసాని, పేర్ని నానికి నాగబాబు ఇచ్చిన కౌంటర్లు సోషల్‌ మీడియాలో దుమ్మురేపుతున్నాయి. పవన్‌కు మద్దతిస్తూ నాగబాబు వేసిన సెటైర్లు మైంక్‌ బ్లాంక్‌ చేస్తున్నాయి. ఇన్‌స్టాలో 'ఆస్క్‌ మీ' అంటూ కొన్ని క్వశ్చన్స్‌కు ఆన్సర్ చేశారు. ఇందులో ఒక్కొక్కరిపై ఒక్కో విధంగా స్పందించారు. ఏ ఒక్క ప్రశ్నకు కూడా తిన్నగా సమాధానం ఇవ్వలేదు. ప్రతి ఆన్సర్.. ప్రత్యర్ధులను కొట్టినట్టే ఉందంటూ నెటిజన్లు కామెంట్లు పెడుతున్నారు. ముఖ్యంగా సినిమా టికెట్లు, మంత్రి పేర్ని నాని చేసిన కామెంట్లు, పోసాని వ్యాఖ్యలపై మీమ్స్‌ జతచేసి ఆన్సర్స్‌ ఇచ్చారు నాగబాబు.
♦మళ్లీ పాలిటిక్స్‌లోకి వస్తారా అనే.. నాకు ఇంట్రెస్ట్‌ పోయింది అనే మీమ్‌తో ఆన్సర్ ఇచ్చారు నాగబాబు.
♦ పవన్‌ కల్యాణ్‌ మ్యాటర్‌ మాట్లాడాలంటూ ఓ అభిమాని అడగంగానే.. గతంలో పవన్‌ గురించి పోసాని మాట్లాడిన వీడియో పోస్ట్ చేశారు. పవన్‌ నెంబర్‌వన్‌ హీరో అంటూ ఎత్తేస్తున్న వీడియో షేర్ చేశారు.
♦మరో నెటిజన్ ఏపీలో మూవీ టికెట్స్‌ రగడ గురించి మీ అభిప్రాయం ఏంటి అని ప్రశ్నించారు. అంతే.. వెంటనే విక్రమార్కుడు సినిమాలో సీన్‌ను పోస్ట్ చేశారు. ప్రభుత్వం టికెట్లు అమ్మితే ఎలా ఉంటుందన్నది సెటైరికల్‌గా చూపించారు.
♦ పోసాని చేసిన కామెంట్స్‌ గురించి ఒక్క మాట చెప్పండంటూ నాగబాబును ఓ నెటిజన్ అడగ్గానే.. సమరసింహారెడ్డిలో బాలకృష్ణ డైలాగ్‌ పోస్ట్ చేశారు.
♦ ఇంత సీరియస్‌గా ఇన్‌స్టాలో చర్చ జరుగుతుంటే.. మీరు ఏ బ్రాండ్‌ తాగుతారంటూ ఓ నెటిజన్ సరదాగా ప్రశ్నించాడు. ఇందులో కూడా నాగబాబు టైమింగ్‌ మిస్‌ అవ్వలేదు. జగన్ ప్రభుత్వంపై సెటర్ వేశారు. ప్రెసిడెంట్‌ మెడల్‌, ఆంధ్రా గోల్డ్‌, గెలాక్సీ, బూమ్‌ బూమ్‌ ఫొటోలు పోస్ట్ చేశారు.
♦ రిపబ్లిక్‌ ఆడియో ఫంక్షన్‌లో పవన్‌ స్పీచ్‌పై మీ స్పందన ఏమిటని ఓ నెటిజన్ అడిగిన ప్రశ్నకు సైతం.. కింగ్‌ మూవీలో సీన్‌ను పోస్ట్ చేశారు నాగబాబు.
♦ ఇక నాని గురించి చెప్పండి ప్రశ్న వేయగానే.. గుండెల్లో గోదావరి సినిమాలో మోహన్‌బాబు డైలాగ్‌ను పోస్ట్ చేశారు. ఆ నటనకు ఉన్న అవార్డులన్నీ ఇవ్వాలన్న డైలాగ్‌ను జత చేశారు.
ఓవరాల్‌గా దేనికీ డైరెక్టుగా సమాధానం చెప్పకుండా.. మీమ్స్‌, వీడియోలతో అటు జగన్ ప్రభుత్వంపైనా, మంత్రులపైనా, పోసానిపైనా కామెంట్‌ చేశారు.
