Airtel cashback offers: ఎయిర్‌టెల్ క్యాష్ బ్యాక్ ఆఫర్లు.. .. కొత్త స్మార్ట్‌ఫోన్ కొనుగోలు చేస్తే..

Airtel cashback offers: కొత్త స్మార్ట్‌ఫోన్ కొనుగోళ్లపై బంపర్ క్యాష్‌బ్యాక్ ఆఫర్‌ను ఎయిర్‌టెల్ ప్రకటించింది. ఆఫర్‌లో భాగంగా, ప్రముఖ బ్రాండ్‌లైన Samsung, Xiaomi మరియు Realme వంటి కొత్త స్మార్ట్‌ఫోన్‌ల కొనుగోలుపై కస్టమర్‌లకు రూ. 6000 వరకు క్యాష్‌బ్యాక్ అందిస్తోంది.

కొత్తగా ప్రారంభించిన ఆఫర్ వినియోగదారులను సరికొత్త స్మార్ట్‌ఫోన్‌కు అప్‌గ్రేడ్ చేయడానికి అనుమతిస్తుంది. ఎయిర్‌టెల్ క్యాష్‌బ్యాక్ పథకం నుండి ప్రయోజనం పొందడానికి కస్టమర్‌లు దాదాపు 150 డివైజ్‌ల నుండి ఏదైనా స్మార్ట్‌ఫోన్‌ను కొనుగోలు చేయవచ్చు.

ఎయిర్‌టెల్ క్యాష్‌బ్యాక్ ఆఫర్ ఎలా పొందాలి..

కొత్త స్మార్ట్‌ఫోన్‌ని కొనుగోలు చేసే కస్టమర్‌లు రూ .6000 క్యాష్‌బ్యాక్‌ను క్లెయిమ్ చేయడానికి 36 నెలల పాటు వరుసగా రూ .249 లేదా అంతకంటే ఎక్కువ ఎయిర్‌టెల్ ప్రీపెయిడ్ ప్యాక్‌తో రీఛార్జ్ చేసుకోవాలి. ఎయిర్‌టెల్ కస్టమర్‌లకు రెండు విడతలుగా 2000 మరియు 4000 రూపాయల క్యాష్‌బ్యాక్ అందిస్తుంది.

మొదటి విడత రూ .2000.. 18 నెలల తర్వాత తిరిగి కస్టమర్లకు చెల్లించబడుతుంది, రెండవ విడత రూ .4000.. 36 నెలల తర్వాత తిరిగి కస్టమర్లకు చెల్లించబడుతుంది. అంతేకాకుండా, ఆఫర్‌లో భాగంగా వినియోగదారులు ఉచిత స్క్రీన్ రీప్లేస్‌మెంట్‌ను కూడా పొందవచ్చు.

అయితే, ప్రమోషనల్ స్కీమ్‌లో భాగంగా సర్వీఫై ద్వారా కస్టమర్‌లు ఒక్కసారి మాత్రమే స్క్రీన్ రీప్లేస్‌మెంట్‌ను అందుకుంటారు. ఎయిర్‌టెల్ అంచనా ప్రకారం వన్-టైమ్ స్క్రీన్ రీప్లేస్‌మెంట్ ధర సుమారు రూ .4800. అర్హత కలిగిన కస్టమర్లు ప్లాన్‌లో చేరిన 90 రోజుల తర్వాత తమ స్క్రీన్‌లను రీప్లేస్ చేసుకునేందుకు వీలవుతుంది.

ఆఫర్ అందుబాటులో ఉండే మరికొన్ని ఇతర బ్రాండ్లు వివో, ఒప్పో, నోకియా, ఐటెల్, లావా, ఇన్ఫినిక్స్, టెక్నో, లెనోవో మరియు మోటరోలా. మరిన్ని వివరాలకోసం ఎయిర్‌టెల్ అధికారిక వెబ్‌సైట్‌ చూడవచ్చు.