keerthy Suresh : కళావతి సాంగ్ షూటింగ్ టైంలో నా కాస్ట్యూమ్స్ కొట్టేశారు : కీర్తి సురేష్

keerthy Suresh : టాలీవుడ్ సూపర్ స్టార్ మహేష్ బాబు, మహానటి ఫేమ్ కీర్తి సురేష్ మెయిన్ లీడ్ లో తెరకెక్కిన యాక్షన్, రొమాంటిక్ అండ్ కామెడీ మూవీ సర్కారు వారి పాట... గీత గోవిందం ఫేమ్ పరశురామ్ దర్శకత్వంలో రూపొందిన ఈ చిత్రం భారీ అంచనాల నడుమ మే 12న ప్రేక్షకుల ముందుకు రాబోతోంది.

షూటింగ్ పార్ట్ కంప్లీట్ చేసుకున్న ఈ మూవీ ప్రమోషన్స్ స్టార్ట్ చేసింది. దర్శకుడు పరశురాం, హీరోయిన్ కీర్తి సురేశ్ ఓ ఇంటర్వ్యూలో పాల్గొని సినిమా గురించి ఆసక్తికరమైన విషయాలను వెల్లడించారు. బార్సిలోనాలో కళావతి సాంగ్ షూటింగ్ జరుగుతుండగా దొంగలు తన కాస్ట్యూమ్స్​ఎత్తుకెళ్ళారని చెప్పుకొచ్చింది కీర్తి సురేశ్... ఆ నగరంలో దొంగల బెడద ఎక్కువని, షూట్ చేస్తోన్న టైంలో కొందరు దొంగలు వ్యానును బద్దలుకొట్టి.. కాస్ట్యూమ్స్ అన్నింటినీ ఎత్తుకెళ్లిపోయారని తెలిపింది.

అయితే మళ్ళీ 48 గంటల్లోపు కొత్త కాస్ట్యూమ్స్ ని ఇండియా నుంచి తెప్పించారని వెల్లడించింది. కాగా ఈ సినిమాని GMB ఎంటర్‌టైన్‌మెంట్, మైత్రి మూవీ మేకర్స్, 14 రీల్స్ ఎంటర్ టైన్మెంట్ కలిసి సంయుక్తంగా నిర్మించాయి. సరిలేరు నీకెవ్వరు లాంటి బిగ్గెస్ట్ హిట్ తర్వాత సూపర్ స్టార్ నుంచి వస్తోన్న మూవీ కావడంతో ప్రేక్షకుల్లో భారీ అంచనాలు నెలకొన్నాయి.