* పలు దేశాల రాజధానుల పేర్లు ఠక్కున చెబుతున్న శ్రీచంద్ర
* ప్రముఖ రాజకీయ నాయకుల పేర్లు సైతం చిటికెలో వెల్లడి
* ఉన్నత విద్యావంతులు సైతం ఆశ్చర్యపోతున్న వైనం
* బాల మేధావిని తీర్చిదిద్దుతున్న తల్లిదండ్రులు

వివిధ దేశాల రాజధానుల పేర్లు, ప్రముఖ రాజకీయ నాయకుల పేర్లు గుక్క తిప్పుకోకుండా చెప్పడంలో ఈ చిన్నారిది అందె వేసిన చేయి. మూడేళ్ల వయస్సులో ఇంత మేథాసంపత్తి ప్రదర్శిస్తున్న ఈ బుడతడిని అందరూ ప్రశంసల్లో ముంచెత్తుతున్నారు. ప్రకాశం జిల్లా కేంద్రం ఒంగోలుకు చెందిన భక్తగిరి, జ్యోతి దంపతుల పెద్ద కుమారుడు శ్రీచంద్ర వయస్సు మూడేళ్లు.

అపారమైన జ్ఞాపకశక్తి కల్గివున్న ఈ చిన్నారి, ప్రపంచంలోని పలు దేశాల రాజధానుల పేర్లు, ప్రముఖ రాజకీయ ప్రముఖుల పేర్లను అక్షరం పొల్లు పోకుండా గడగడా చెప్పేస్తున్నాడు. విద్యాధికులైన తల్లిదండ్రులు ఈ చిన్నారిలోని మేథా సంపత్తిని గ్రహించి పదును పెట్టడం మొదలెట్టారు. ఏం చదువుతావని ఎవరైనా ఈ బుడతడిని ప్రశ్నిస్తే ఐపిఎస్‌ అని ఠక్కున చెబుతున్నాడు. తమ కుమారుడిని తప్పక ఐపిఎస్‌ చదివిస్తామని తల్లిదండ్రులు తెలియజేస్తున్నారు.

Published Date : Thursday, 2/2/2012 5:12 PM IST

Name : Comments :

Don't post rude or nasty comments. Ethnic slurs, personal insults and abuses are rather uncool. Criticise, but know where to draw the line. No point putting in personal details or links, we won't publish them.