High Blood Pressure: హై బీపీ సైలెంట్ కిల్లర్.. అశ్రద్ధ వద్దు..

High Blood Pressure: ఎవరైనా గట్టిగా అరుస్తుంటే బీపీ ఉందా ఏంటి అంతలా అరుస్తున్నావు అంటారు. కానీ ఇది ఒక అపోహ మాత్రమే.. ప్రశాంతంగా, రిలాక్స్డ్ గా ఉండే వారికి కూడా బీపీ ఉంటుంది. ఇది ఒక నిశ్శబ్ధ వ్యాది. ఒక్కోసారి కోపంగా ఉన్న వ్యక్తికి ఈ వ్యాధి ఉండకపోవచ్చు.

వైద్యులు ఈ నిశ్శబ్ద కిల్లర్ వ్యాధికి సంబంధించిన ప్రమాద కారకాలు, రోగనిర్ధారణ, చికిత్స, నియంత్రణలో ఉంచడానికి చర్యలు, ఇంట్లోనే సరైన BP రీడింగ్‌లను తీసుకునే మార్గాలతో సహా వివరంగా వివరించారు.

రక్తపోటు అనేది ధమనుల గోడలపై రక్తం ద్వారా వచ్చే పార్శ్వ పీడనం. సాధారణంగా 50 ఏళ్లు పైబడిన పురుషులు మరియు రుతుక్రమం ఆగిన స్త్రీలకు ప్రమాదం ఎక్కువగా ఉంటుంది. అయితే ఒక్కోసారి ఇది 30, 40 ఏళ్ల వయస్సు ఉన్న వ్యక్తుల్లో కూడా కనిపిస్తుంది.

వైద్యుల నివేదిక ప్రకారం బ్రెయిన్ స్ట్రోక్‌లలో, 50-60% రక్తపోటుకు కారణమని చెప్పవచ్చు. రక్తపోటు గుండె, మూత్రపిండాలు, కాలేయం, కళ్ళు వంటి అవయవాలను ప్రమాదంలో పడేస్తుంది. ముక్కు నుండి రక్తస్రావం జరుగుతుంది.

తీవ్రమైన, దీర్ఘకాలంగా చికిత్స చేయని రక్తపోటు ప్రమాదకరం మరియు ప్రాణాంతకం కూడా కావచ్చు. ఇది ధమనులలో మార్పులకు కారణం కావచ్చు.

బీపీని అదుపులో ఉంచుకోవాలి

కుటుంబంలో ఎవరికైనా రక్తపోటు చరిత్ర ఉన్నట్లయితే, 15 సంవత్సరాల వయస్సు నుండి ప్రతి సంవత్సరం BP తనిఖీ చేసుకోవాలి. ఉప్పు తీసుకోవడం తగ్గించాలి.

ప్రతి రోజు 30 నిమిషాలు నడక లేదా తేలికపాటి వ్యాయామాలు చేయాలి.

ఎక్కువ చెమట పట్టడం లేదా అధిక కార్డియో ఎక్సర్ సైజ్ లాంటివి చేయనవసరం లేదు. అధిక బరువు లేదా ఊబకాయం రాకుండా నిరోధించాలి. ధూమపానం అలవాటు ఉంటే పూర్తిగా మానేయాలి. ఆల్కహాల్ తీసుకోవడం గరిష్టంగా 60 ml వరకు పరిమితం చేయాలి. అది కూడా అప్పుడప్పుడు మాత్రమే.

బిపిని చెక్ చేసుకుంటూ ఉండాలి.

వైద్య నిపుణులు ఇంట్లో బీపీ చెక్ చేసుకునే వారికి కొన్ని సూచనలు అందించారు.. అవి ఏంటంటే ఒక్కసారే రీడింగ్ చూసి బీపీ ఎక్కువ లేదా తక్కువ ఉందని నిర్ధారించుకోకూడదు. కనీసం మూడు నుండి నాలుగు రీడింగ్‌లు తీసుకోవాలి. సాధారణ BP 140/90 ఉండాలి.

BP చూసుకోవడానికి కనీసం 30 నిమిషాల ముందు, ఆహారం తినడం, స్నానం చేయడం, వ్యాయామం చేయడం, ధూమపానం, మద్యం సేవించడం వంటివి మానుకోవాలి. ఇవి తక్షణమే రక్తపోటును తాత్కాలికంగా పెంచుతాయి. దాంతో రీడింగ్‌లను తప్పుగా చూపుతాయి.

రెండవది, బీపీ చూసుకునే ముందు ఎవరితోనూ వ్యక్తిగతంగా లేదా ఫోన్/వీడియో కాల్ ద్వారా సంభాషణ కూడా చేయకూడదు. ఇది కూడా BP పెరగడానికి దోహద పడుతుంది. BP చూసుకోవడానికి ముందు 10 నిమిషాలు నిశ్శబ్దంగా కూర్చోండి. మూడవది మీ చేయిని కాస్త దూరంగా ఉంచి బీపీ చూసుకోవాలి.

సరైన భంగిమలో కూర్చుని బీపీ చెక్ చేసుకోవాలి. టేబుల్ లేదా డెస్క్‌పై చేయిని విశ్రాంతిగా ఉంచి రీడింగ్ తీసుకోవాలి.

రోగ నిర్ధారణ మరియు చికిత్స

BP 140/90 కంటే ఎక్కువగా ఉంటే ప్రమాదకరం. జ్వరం వంటి ఇతర వ్యాధుల కోసం BPని తనిఖీ చేస్తున్నప్పుడు బీపీ ఎక్కువగా ఉంటుంది. అత్యవసర పరిస్థితి అంటే BP 220/130 ఉంటే, అవయవాలు దెబ్బతినడం జరుగుతుంది. దానిని వెంటనే తగ్గించాల్సిన అవసరం ఉంది. రెండు రోజుల్లో బిపిని తగ్గించాలి.

మందులను సూచించే ముందు వరుసగా మూడు నెలల పాటు జీవనశైలిలో మార్పులు చేసుకోవాలని సూచిస్తుంటారు. అప్పుడు బీపీ తీవ్రత తగ్గుతుంది దాంతో మరీ హైడోస్ మందులతో పని ఉండదని వివరిస్తున్నారు. వ్యక్తుల వయసును దృష్టిలో పెట్టుకుని వైద్యులు ఈ సూచనలు చేస్తుంటారు.

అయితే "ఒకసారి హైపర్‌టెన్షన్‌ని గుర్తించి, రోగికి బీపీని అదుపులో ఉంచుకోవడానికి మందులు సూచించినట్లయితే, దానిని జీవితాంతం కొనసాగించాల్సి ఉంటుంది. అతని పరిస్థితిని బట్టి, డాక్టర్ మోతాదును పెంచవచ్చు లేదా తగ్గించవచ్చు, కానీ రోగి తనంతట తానుగా మందులను ఆపకూడదు, "అని డాక్టర్లు సూచిస్తున్నారు.