అనుపమ పరమేశ్వరన్ బీహార్ STET పరీక్ష పాస్.. రిజల్ట్ వైరల్

బీహార్ విద్యా విభాగం 2019 సెకండరీ టీచర్ ఎలిజిబిలిటీ టెస్ట్ (STET) ఫలితాలను విడుదల చేసిన రెండు రోజుల తరువాత, అభ్యర్థి ఫలితం సోషల్ మీడియాలో వైరల్ అయ్యింది. STET, 2019 లోని పేపర్ -1 కింద ఉర్దూ, సంస్కృత, సైన్స్ అనే మూడు సబ్జెక్టులలో స్కోర్లు ఉన్న వైరల్ ఫలితం హృషికేష్ కుమార్ అనే అభ్యర్థికి చెందినది, అయితే దీనికి మలయాళ నటి అనుపమ పరమేశ్వరన్ ఫోటో ఉంది.

STET 2019 ఫలితాలు మార్చి 2021 లో ప్రకటించబడ్డాయి. ఫలితాల్లో అనుపమ చిత్రం వైరల్ అయిన తరువాత, పరీక్షలో హాజరైన అభ్యర్థులు STET ఫలితాలను రిలీజ్ చేయడంలో పెద్ద ఎత్తున అవకతవకలు జరిగాయని ఆరోపిస్తున్నారు. ప్రతిపక్ష నాయకుడు తేజశ్వి యాదవ్ కూడా ఈ విషయాన్ని తప్పుపట్టారు. ప్రభుత్వ పరిపాలన ఏ తీరుగా ఉందే ఈ అంశం అద్ధం పడుతుందన్నారు.

యాదవ్ చేసిన ఆరోపణపై స్పందించిన పాలక జనతాదళ్ (యునైటెడ్) నాయకుడు గులాం గౌస్ "చిన్న చిన్న తప్పిదాలు జరుగుతూనే ఉంటాయి" అని అన్నారు, ప్రత్యేకించి పెద్ద సంఖ్యలో విద్యార్థులకు ఫలితాలు ప్రకటించినప్పుడు ఇలాంటివి సహజం అని అన్నారు.

"తప్పు సరిదిద్దబడుతుంది, రాష్ట్రంలో పెద్ద సంఖ్యలో ప్రజలకు ఉపాధి కల్పించడానికి మా వంతు ప్రయత్నం చేస్తున్నాము" అని ఆయన చెప్పారు. STET పేపర్‌ Iకు అర్హత పొందిన అభ్యర్థులు 9 మరియు 10 తరగతులను బోధించడానికి అర్హులు. అలాగే పేపర్ II అర్హత సాధించిన అభ్యర్థులు 11 మరియు 12 తరగతులను బోధించడానికి అర్హులు.

రాష్ట్రస్థాయి పరీక్షా ఫలితాల్లో నటి చిత్రాన్ని కలిగి ఉండటం ఇది మొదటిసారి కాదు. అంతకుముందు 2019 లో 98.50 పాయింట్లతో జూనియర్ ఇంజనీర్ల పోస్టుకు బీహార్ పబ్లిక్ హెల్త్ ఇంజనీరింగ్ విభాగం (పిహెచ్‌ఇడి) విడుదల చేసిన మెరిట్ జాబితాలో బాలీవుడ్ నటి సన్నీ లియోన్ అగ్రస్థానంలో ఉంది. తరువాత, డిపార్ట్మెంట్ తాము చేసిన పొరపాటును సరిదిద్దుకున్నారు.