ఇస్రోలో ఉద్యోగాలు.. పదవతరగతి, ఇంజనీర్ అభ్యర్థులు దరఖాస్తు

అంతరిక్షపరిశోధనా సంస్థ ఇస్రో కేంద్రంలో పోస్టుల భర్తీకి అర్హులైన అభ్యర్థుల నుండి దరఖాస్తులు కోరుతోంది. ఈ పోస్టుల కోసం ఇంజనీర్లు, సాంకేతిక నిపుణులు దరఖాస్తు చేసుకోవచ్చు. అహ్మదాబాద్ స్పేస్ అప్లికేషన్స్ సెంటర్ (ఎస్ఎసి) లోని ఇండియన్ స్పేస్ రీసెర్చ్ ఆర్గనైజేషన్ సెంటర్లో ఇస్రో రిక్రూట్మెంట్ 2020 కోసం ఆన్‌లైన్ దరఖాస్తులకు చివరి తేదీ 15 అక్టోబర్ 2020. ఇస్రో 55 సైంటిస్ట్ / ఇంజనీర్, టెక్నికల్ అసిస్టెంట్ మరియు టెక్నీషియన్ బి ఖాళీల కోసం మార్చి 2020 లో దరఖాస్తులను ఆహ్వానించింది.

అయితే కోవిడ్ మహమ్మారి కారణంగా ఆన్‌లైన్ దరఖాస్తుల చివరి తేదీ వాయిదా పడింది. మొత్తం 55 ఖాళీలు వాటిలో 21 సైంటిస్ట్ / ఇంజనీర్ ఖాళీలు ఉన్నాయి. వీటిలో ఎలక్ట్రానిక్స్, ఎంఎస్‌సి ఇన్ ఫిజిక్స్, ఎంఇ లేదా ఎంటెక్ ఇన్ కంప్యూటర్ సైన్స్, ఎలక్ట్రానిక్స్, మెకానికల్ ఇంజనీరింగ్, స్ట్రక్చరల్ ఇంజనీరింగ్, ఎలక్ట్రికల్ ఇంజనీరింగ్ అభ్యర్థులు దరఖాస్తు చేసుకోవచ్చు.

6 టెక్నికల్ అసిస్టెంట్ ఖాళీలు ఉన్నాయి, వీటికి గుర్తింపు పొందిన ఇన్స్టిట్యూషన్, బోర్డ్ లేదా యూనివర్శిటీ ఆఫ్ ఎలక్ట్రానిక్స్ ఇంజనీరింగ్, మెకానికల్ ఇంజనీరింగ్, సివిల్ ఇంజనీరింగ్, ఎలక్ట్రికల్ ఇంజనీరింగ్ నుండి ఇంజనీరింగ్ లో ఫస్ట్ క్లాస్ డిప్లొమా ఉన్న అభ్యర్థులు దరఖాస్తు చేసుకోవచ్చు.

ఇంకా, 28 టెక్నీషియన్ బి ఖాళీలు ఉన్నాయి, వీటి కోసం మెట్రిక్ (ఎస్ఎస్సి / ఎస్ఎస్ఎల్సి / 10 వ తరగతి) తో పాటు ఐటిఐ, ఎన్టిసి లేదా ఎన్ఎసి ఫిట్టర్, మెషినిస్ట్, ఎలక్ట్రానిక్స్, ఇన్ఫర్మేషన్ టెక్నాలజీ, ప్లంబర్, కార్పెంటర్, ఎలక్ట్రీషియన్, మెకానికల్, కెమికల్ అభ్యర్థులు దరఖాస్తు చేసుకోవచ్చు.

దరఖాస్తు ప్రారంభం: 2020 మార్చి 14

దరఖాస్తుకు చివరి తేదీ: 2020 అక్టోబర్ 15 సాయింత్రం 5 గంటలు

స్క్రీనింగ్ టెస్ట్ తేదీలను త్వరలో వెల్లడించనున్న ఇస్రో

విద్యార్హత: సైంటిస్ట్/ఇంజనీర్ పోస్టుకు ఎలక్ట్రానిక్స్‌లో పీహెచ్‌డీ, ఎంఎస్సీ ఫిజిక్స్, కంప్యూటర్ సైన్స్, ఎలక్ట్రానిక్స్, మెకానికల్ ఇంజనీరింగ్, స్ట్రక్చరల్ ఇంజనీరింగ్, ఎలక్ట్రికల్ ఇంజనీరింగ్‌లో ఎంఈ లేదా ఎంటెక్, టెక్నికల్ అసిస్టెంట్ పోస్టులకు ఇంజనీరింగ్‌లో డిప్లొమా ఫస్ట్ క్లాస్‌లో పాస్ కవాలి. టెక్నీషియన్ బీ పోస్టులకు 10 వతరగతి, ఐటీఐ.

వయసు: 2020 మార్చి 27 నాటికి 18 నుంచి 25 ఏళ్లు

అభ్యర్థులు దరఖాస్తు చేసేముందు నోటిఫికేషన్ పూర్తిగా చదివి తగిన అర్హతలు ఉన్నాయో లేదో తెలుసుకోవాలి.

ఆ తర్వాత https://recruitment.sac.gov.in/వెబ్‌సైట్ ఓపెన్ చేయాలి.

పేజీలో అప్లై ఆన్‌లైన్ పైన క్లిక్ చేయాలి. కొత్త పేజీ ఓపెన్ అవుతుంది. ఆ తర్వాత కంటిన్యూ పైన క్లిక్ చేయాలి. పోస్టులు, విద్యార్హతల వివరాలు ఉంటాయి. మీరు దరఖాస్తు చేయాలనుకున్న పోస్టు చివర్లో అప్లై పైన క్లిక్ చేయాలి. మీ పేరు, అడ్రస్, ఇతర వివరాలన్నీ ఎంటర్ చేసి దరఖాస్తు ప్రక్రియ పూర్తి చేయాలి. దరఖాస్తు చేసిన తరువాత అప్లికేషన్ ఫామ్ ప్రింట్ తీసుకొని భద్రపర్చుకోవాలి. ఎంపికైన అభ్యర్థులకు రూ.2,08,700 వేతనం లభిస్తుంది.