సోషల్ మీడియా దుర్వినియోగం.. ఫేస్‌బుక్, ట్విట్టర్‌కు సమన్లు
సోషల్ మీడియాను దుర్వినియోగం చేయకుండా నిరోధించడానికి సంబంధించి ఇన్ఫర్మేషన్ టెక్నాలజీ (ఐటి) పార్లమెంటరీ స్టాండింగ్ కమిటీ సోషల్ మీడియా సంస్థలైన ఫేస్‌బుక్, ట్విట్టర్ అధికారులతో జనవరి 21 న సమావేశం జరుప తలపెట్టింది. లోక్‌సభ సెక్రటేరియట్ నోటీసు ప్రకారం, ప్యానెల్ యొక్క తదుపరి సిట్టింగ్ ఎజెండా "ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రిత్వ శాఖ ప్రతినిధుల సాక్ష్యం మరియు 'పౌరుల హక్కులను పరిరక్షించడం' అనే అంశంపై ఫేస్‌బుక్, ట్విట్టర్ ప్రతినిధుల అభిప్రాయాలను వినడం.
డిజిటల్ ప్రదేశంలో మహిళల భద్రతకు ప్రత్యేక ప్రాధాన్యతతో సహా సామాజిక / ఆన్‌లైన్ న్యూస్ మీడియా ప్లాట్‌ఫారమ్‌ల దుర్వినియోగాన్ని నివారించడం." అనే అంశాలపై చర్చించనుంది. జనవరి 21 న సాయంత్రం 4 గంటల నుండి సిట్టింగ్ జరుగుతుంది . కేరళలోని తిరువనంతపురం నియోజకవర్గానికి చెందిన లోక్‌సభ ఎంపి శశి థరూర్ నేతృత్వంలో ఐటిపై 31 మంది పార్లమెంటరీ స్టాండింగ్ కమిటీ ఈ సమావేశంలో పాల్గొననుంది.
సోషల్ మీడియా వేదిక రాజకీయ పక్షపాతంపై ఫేస్‌బుక్ ఇండియా హెడ్ అజిత్ మోహన్ ను కమిటీ గతంలో పిలిచి మాట్లాడింది.
ఇటీవల సోషల్ మీడియా సంస్థలపై తీవ్ర ఆరోపణలు వస్తున్నాయి. ఒక పార్టీకి.. కొందరు నాయకులకు మద్దతుగా సోషల్ మీడియా వ్యవహరిస్తోందని గుర్తించారు. అందులో భాగంగానే ఫేస్‌బుక్, ట్విట్టర్‌కు సమన్లు జారీ చేసింది. ఆయా సంస్థల ప్రతినిధులతో 21వ తేదీన సమావేశమై కొన్ని సూచనలు, సలహాలు ఇచ్చే అవకాశం ఉంది. లేదా కొత్తగా నిబంధనలు విధించి వీటిని తప్పనిసరిగా అమలయ్యేలా నిర్ణయం తీసుకున్నట్లు తెలుస్తోంది.
