Tamilnadu: ట్రాలీలో రూపాయి నాణేలు.. బైక్ కొనేందుకు షో రూమ్ కి..

Tamilnadu: చిన్నప్పుడు ముంతలో డబ్బులు దాచుకునేవాళ్లం.. ఇప్పుడు నాణేలకు కాలం చెల్లింది.. అంతా నోటు మయం.. ప్రస్తుతం నోట్లు కూడా కాదు అకౌంట్లో డబ్బులు, పర్సులో ఏటీఎం కార్డు ఉంటే చాలు. అంతా డిజిటల్ ట్రాన్సాక్షన్.. కానీ అతడేమో ఓ యూట్యూబర్.. ఏం చేసినా అందులో ఏదో వెరైటీ ఉండాలి.. మూడేళ్ల క్రితం నుంచి బైక్ కొనుక్కోవాలని ముచ్చటపడుతున్నాడు తమిళనాడు సేలంకు చెందిన భూపతి.. ఎంతైనా యూట్యూబర్ కదా కొంచెం వెరైటీగా ఆలోచించాడు.. షోరూమ్ లో బైక్ ఖరీదు అడిగితే రూ.2.60 వేలు చెప్పారు. మూడేళ్ల నుంచి కూడబెట్టాడు.. నోట్లన్నీ తీసుకెళ్లి దేవాలయాలు, హోటల్స్, టీస్టాల్స్ లో ఇచ్చి రూపాయి నాణేలు తీసుకున్నాడు.

ఆ నాణేలు అన్నీ తీసుకుని సేలంలోని బైక్ షోరూమ్ కు వెళ్లాడు.. మ్యానేజర్ మహావిక్రాంత్ కు విషయం చెప్పగానే ఇదెక్కడి బేరం బాబు అని అన్నాడు.. కానీ భూపతి మొహం చూసి కాదనలేకపోయాడు. నాణేలను లెక్కించడానికి నలుగురు మనుషులు దాదాపు 10 గంటల సమయం పట్టింది. ఆ కాయిన్స్ అన్నింటినీ వ్యాన్‌లో తీసుకువచ్చి, ఆపై చక్రాల బండిలో వేసి షోరూమ్ కు తీసుకువెళ్లాడు భూపతి.

షోరూమ్ మేనేజర్ మహావిక్రాంత్ మాట్లాడుతూ, నాణేలలోని డబ్బును తీసుకోవడానికి మొదట ఇష్టపడలేదని, అయితే భూపతిని నిరాశపరచడం ఇష్టంలేక కాదనలేకపోయానని చెప్పారు.

"బ్యాంకులు 1 లక్ష (అది కూడా 2,000 డినామినేషన్‌లో) కమీషన్‌గా 140 వసూలు చేస్తాయి. మేము వారికి ఒక రూపాయి నాణేలను 2.6 లక్షలు ఇస్తే వారు దానిని ఎలా అంగీకరిస్తారు," అని మహావిక్రాంత్ అన్నారు. "హై-ఎండ్ బైక్ కొనాలనే బూపతి కలని పరిగణనలోకి తీసుకుని నేను చివరకు అంగీకరించాను," అని అన్నారాయన.

నగరంలోని అమ్మపేట గాంధీ మైదాన్‌లో నివాసముంటున్న భూపతి ఓ ప్రైవేట్‌ కంపెనీలో కంప్యూటర్‌ ఆపరేటర్‌గా పనిచేస్తున్నాడు. అతను యూట్యూబర్ కూడా, గత నాలుగు సంవత్సరాలుగా అనేక వీడియోలను పోస్ట్ చేసాడు. మూడేళ్ల క్రితం బైక్ ఖరీదు ఎంత అని ఆరా తీయగా 2 లక్షలు అని చెప్పారని భూపతి తెలిపారు.

"ఆ సమయంలో నా దగ్గర అంత డబ్బు లేదు, యూట్యూబ్ ఛానెల్ ద్వారా వచ్చే ఆదాయం నుండి డబ్బును ఆదా చేసి బైక్ కొనుక్కోవాలనుకున్నాను. "ఇటీవల నేను బైక్ ఖరీదు గురించి ఆరా తీయగా, అది ఇప్పుడు ఆన్ రోడ్ 2.6 లక్షలు అని తెలుసుకున్నాను. ఈసారి నా దగ్గర అంత మొత్తం ఉంది, అందుకే బైక్ కొనుక్కున్నాను. కాకపోతే అందరి కంటే భిన్నంగా కాస్త వినూత్నంగా ట్రై చేశాను అని చెబుతున్నాడు భూపతి.