Twitter : భారత్ కు ట్విట్టర్ రూ.110 కోట్ల సాయం

భారత్ లో కరోనా కట్టడి చర్యలకు ట్విట్టర్ సుమారు రూ.110 కోట్ల విరాళాన్ని ప్రకటించింది. దేశంలో కోవిడ్-19ను ఎదుర్కొనేందుకుగాను పాటుపడుతున్న మూడు ఎన్జీవో సంస్థలకు ఈ విరాళాన్ని అందిస్తున్నట్లు ట్విట్టర్ సీఈఓ జాక్ పాట్రిక్ డోర్సే తెలిపారు. ఆక్సిజన్, పీపీ ఈ కిట్స్, మందుల కొనుగోలుకు కేర్, ఎయిడ్ ఇండియా, సేవా ఇంటర్నేషనల్ యూఎస్ఏ అనే మూడు ప్రభుత్వేతర సంస్థలకు విరాళంగా ఇస్తున్నట్లు చెప్పారు. ఇందులో కేర్‌ ఎన్జీవోకు 10 మిలియన్‌ డాలర్లు కేటాయించగా.. మిగతా రెండు సంస్థలకు 2.5 మిలియన్‌ డాలర్ల చొప్పున విరాళమిచ్చారు.