మహారాష్ట్ర సీఎం ఇంటిని కూల్చేస్తామంటూ బెదిరింపు కాల్స్

మహారాష్ట్ర సీఎం ఉద్దవ్ థాక్రే నివాసమైన మాతోశ్రీని పేల్చేస్తామని బెదిరింపు కాల్స్ వచ్చినట్టు తెలుస్తుంది. ఈ వార్త ఇప్పుడు మహారాష్ట్రలోనే కాదు యావత్ దేశంలోనే కలకలం రేపుతుంది. స్వయంగా సీఎంకే ఈ కాల్ వచ్చినట్టు సమాచారం. ఈ కాల్ ముంబై పేలుళ్ల ప్రధాన సూత్రదారి, గ్యాంగ్ స్టర్ దావూద్ ఇబ్రహీం మనిషిని అంటూ కాల్ చేశారని తెలుస్తుంది. మొత్తం నాలుగు ఫోన్ కాల్స్ వాచ్చయని.. అన్ని కాల్స్ కూడా దుబాయ్ నుంచి వచ్చాయంటున్నారు. అయితే, కాల్స్ దావుద్ పేరుతో ఈ విషయాన్ని మరింత తీవ్రంగా భావించిన పోలీసులు.. సీఎం నివాసం దగ్గర భద్రతను పెంచారు. అయితే, ఫోన్ కాల్ కు సంబంధించిన వివరాలు తెలియాల్సి ఉంది.