London: లండన్‌లోని రెస్టారెంట్‌లో దారుణం.. పట్టపగలే అమ్మాయిని కత్తితో పొడిచి..

London: లండన్‌లోని రెస్టారెంట్‌లో దారుణం.. పట్టపగలే అమ్మాయిని కత్తితో పొడిచి..
London: లండన్‌ బార్కింగ్ రోడ్‌లోని ఈస్ట్ హోమ్‌ రెస్టారెంట్‌లో దారుణం చోటుచేసుకుంది.

London: లండన్‌ బార్కింగ్ రోడ్‌లోని ఈస్ట్ హోమ్‌ రెస్టారెంట్‌లో దారుణం చోటుచేసుకుంది. పట్టపగలు అమ్మాయిని ఓ వ్యక్తి కిరాతకంగా కత్తితో పొడిచాడు. అమ్మాయిని కత్తితో పొడుస్తున్న దృశ్యాలు సీసీ కెమెరాలో రికార్డయ్యాయి. మధ్యాహ్నం 2.22 గంటలకు ఈ సంఘటన జరిగింది. నిందితుడిని లండన్ మెట్రోపాలిటన్ పోలీసులు అరెస్ట్ చేయగా.. గాయపడిన అమ్మాయిని ఆస్పత్రికి తరలించారు.

లండన్‌లోని బార్కింగ్‌ రోడ్‌లో ఇండియన్ రెస్టారెంట్‌ హైదరాబాద్ వాలాలో జరిగిన ఈ హత్య ఉదంతం కలకలం రేపింది. అప్పటికే రెస్టారెంట్‌లో సదరు నిందితుడు టేబుల్‌ వద్ద కూర్చొని భోజనం చేస్తున్నాడు. బయటి నుంచి వచ్చిన అమ్మాయి ఆ వ్యక్తి వద్దకు వెళ్లింది. అమ్మాయితో మాట్లాడిన ఆ వ్యక్తి.. ఆ తర్వాత వెంట తెచ్చుకున్న కత్తితో పొడిచేందుకు ప్రయత్నించాడు. అయితే ఆ అమ్మాయి ప్రతిఘటించినా ప్రయోజనం లేకుండాపోయింది.

ఆ అమ్మాయిని కిందపడేసి కత్తిపోట్లు పొడిచాడు ఆ నిందితుడు. అడ్డు వచ్చిన వారిని కత్తితో బెదిరించి అక్కడి నుంచి పారిపోయాడు. ఆ తర్వాత సమాచారం తెలుసుకున్న పోలీసులు.. నిందితుడిని పట్టుకున్నారు. కత్తి దాడిలో తీవ్రంగా గాయపడిన యువతి హైదరాబాద్‌కు చెందిన సోనిగా గుర్తించారు. ఉన్నత విద్య కోసం లండన్ లో ఉంటున్న ఆమె.. పార్ట్‌టైం జాబ్‌గా రెస్టారెంట్‌లో పని చేస్తోంది.

Tags

Read MoreRead Less
Next Story