పెళ్లయిన 4 నెలలకే డెలివరి... టీచర్‌పై వేటు!

పెళ్లయిన 4 నెలలకే డెలివరి... టీచర్‌పై వేటు!

ప్రభుత్వ పాఠశాలలో టీచర్‌గా పనిచేస్తున్న ఓ మహిళ వివాహం జరిగిన నాలుగు నెలలకే బిడ్డకు జన్మనిచ్చింది. ఈ కారణంగా కొన్ని నెలలు ఆమె బడికి సెలవు పెట్టింది.ప్రసూతి సెలవులనంతరం తిరిగి ఉద్యోగంలో చేరేందుకు ప్రయత్నించగా..తోటి ఉపాధ్యాయులు అందుకు నిరాకరించారు. దీంతో ఆమె పోలీసులను ఆశ్రయించారు.

సెలవుల అనంతరం తను విధుల్లోకి చేరుందుకు బడికి వెళ్లగా పిల్లల పెరెంట్స్‌-టీచర్స్‌ అడ్డుకుని తీవ్రంగా దూషించారని ఫిర్యాదు చేశారు.ఆమె ఫిర్యాదును స్వీకరించిన పోలీసులు కేసు నమోదు చేసుకుని దర్యాప్తు జరుపుతున్నారు. ఈ ఘటన కేరళలోని కొట్టక్కల్‌ జిల్లాలో చోటుచేసుకుంది.

కొట్టక్కల్‌ జిల్లాలోని ప్రభుత్వ ప్రీ ప్రైమరీ స్కూల్‌లో ఐదేళ్లుగా టీచర్‌గా పనిచేస్తున్న ఓ ఉపాధ్యాయురాలు భర్తతో ఇబ్బందుల కారణంగా విడాకులు తీసుకుంది. నాలుగు నెలల క్రితం ఆమె మరో వివాహం చేసుకున్నారు. ఆ టీచర్ రెండో పెళ్ళి గతంలోనే చేసుకోవాలి అనుకున్నప్పటికీ మెుదటి భర్తతో విడాకుల కారణంగా ఆలస్యం జరిగింది. ఏడాది కాలంగా చట్టబద్ధంగా విడాకులు వచ్చే వరకు వేచి చూశారు. ఈ విడాకుల పక్రియ జరుగుతున్న క్రమంలోనే 2018 నుంచి ఆమె మరో వ్యక్తితో సహజీవనం చేస్తున్నారు. నాలుగు నెలల క్రితం మెుదటి భర్తతో డైవర్స్ రావడంతో సహజీవనం చేస్తున్న వ్యక్తిని పెళ్లి చేసుకున్నారు. ఈ క్రమంలో పెళ్లయ్యే నాటికే గర్భం దాల్చారు. తర్వాత పెళ్లయిన నాలుగు నెలల తర్వాత బిడ్డను ప్రసవించారు. ప్రసూతి సెలవులు అనంతరం ఆమె తిరిగి పాఠశాలలో చేరేందుకు ప్రయత్నించగా.. అధికారులు అందుకు అంగీకరించలేదు. దీంతో పోలీస్ స్టేషన్ మెట్లు ఎక్కారు

Tags

Read MoreRead Less
Next Story