* యువతను ఊరిస్తున్న స్పెషల్ డే
* ప్రసవం కోసం మహిళల ఎదురుచూపులు.
* సంఖ్యాపరంగా సూపర్ అంటున్న న్యూమరాలజిస్టులు.
* అంత స్పెషల్ ఏం కాదంటున్న పురోహితులు.

పుట్టిన రోజు అందరికి జీవితాంతం గుర్తుండిపోయే రోజు . అలాంటి బర్త్ డే ఒక ప్రత్యేకమైన రోజున వచ్చిందంటే ఇంకెంత థ్రిల్లింగ్‌ గా ఉంటుంది. అలాంటి స్పెషల్ డేనే నేడు. ఒకే తేదిన ఆరు ఒకట్లు వచ్చిన ఈ అద్బుతమైన రోజున పుట్టిన వారికి సంఖ్యాపరంగా ఎంతో బావుంటుందంటున్నారు న్యూమరాలజిస్ట్‌లు. అయితే ఇదంతా న్యాచురల్‌గా జరిగితేనే అంటూ కండిషన్‌ పెడుతున్నారు. ప్రతిదానికి ఏదో ఇక వింతను జోడించడం... ప్రస్తుత సమాజంలో కామన్ అయిపోయింది. పుట్టిన రోజైనా ... పెళ్లిరోజైనా దానికి ఓ స్పెషల్ ఉండాలని కోరుకునే వారు వందలు. వందేళ్లకోసారి వచ్చే అలాంటి రోజే ఇవాళ. పదకొండో తేది.. పదకొండో నెల..

2011 వ సంవత్సరం. తేదీలో ఏకంగా ఆరు ఒకట్లు వస్తున్న ఈ రోజు జీవితంలో మరచిపోని రోజుగా ఉండాలని కోరుకుంటున్నారంతా. ఈ విధంగా రావడం వల్ల ఎలాంటి ప్రత్యేకతా ఉండదని పురోహితులు చెబుతున్నా.... న్యూమరాలజిస్టులు మాత్రం ఈ రోజు ఎంతో గొప్పదంటున్నారు. 11 నెంబర్ సూర్యుడికి ఎంతో ఇష్టమైన రోజని అలాంటి రోజున పుట్టిన వారంతా గొప్పస్థానాలకు చేరుకునే అవకాశాలున్నాయని వారు చెబుతున్నారు. తమకు పుట్టబోయే పిల్లలకు ఏదో ఒక స్పెషల్ ఇవ్వాలని కోరుకునే తల్లి దండ్రులు లేకపోలేదు. వారికి 1-11-11 అదృష్టంగా కలిసివచ్చిందనే ఫీలవుతున్నారు.

అందుకే సిజేరియన్‌ చేయించుకునైనా ఇవాళే డెలివరీ కావాలని నిండు గర్భిణులు ఆశపడుతున్నారు. అయితే ఇదంత మంచి ఆలోచన కాదంటున్నారు నిపుణులు. సహజంగా పుట్టిన వారికే ఈ సంఖ్య కలిసి వస్తుందంటూ కండిషన్స్‌ అప్లై అని చెబుతున్నారు. మొత్తం మీద అందరూ ఎంతో ఆసక్తిగా ఎదురు చూసిన ఆ ఫ్యాన్సీ డే రానే వచ్చేసింది. ఇవాళ్టి రోజున ఏ అద్భుతాలు జరుగుతాయో వేచి చూడాలి మరి..

Published Date : Friday, 11/11/2011 10:24 AM IST

Name : Comments :

Don't post rude or nasty comments. Ethnic slurs, personal insults and abuses are rather uncool. Criticise, but know where to draw the line. No point putting in personal details or links, we won't publish them.