ఫార్మట్ మారినా... టీమిండియా జాతకం మాత్రం మారలేదు. సీనియర్ల స్థానంలో యువ క్రికెటర్లు జట్టులోకి వచ్చినా... ఆటతీరులో మార్పు రాలేదు. ఆస్ట్రేలియా పర్యటనలో ఎదురవుతోన్న వరస పరాజయాలకు ట్వంటీ-ట్వంటీలో నైనా బ్రేక్ పడుతుందనుకున్న అభిమానులను నిరాశ పరుస్తూ... యంగ్ క్రికెటర్లు సైతం వైఫల్యాల బాటలోనే నడుస్తున్నారు. ఆస్ట్రేలియా పర్యటనలో టెస్టు సిరీస్ ఓడిపోతే... భారత క్రికెటర్లు షార్ట్ క్రికెట్‌కు ఎక్కువగా అలవాటు పడ్డారని ఓ కారణంగా చెప్పుకున్నాం.

కనకవర్షం కురిపించే ఐపీఎల్‌కు ప్రాధన్యతనిచ్చిన ఇండియన్ క్రికెటర్లు... ట్రెడీషనల్ టెస్టు ఫార్మట్‌ను నెగ్లెక్ట్ చేస్తున్నారనుకున్నాం. సరేలే... ట్వంటీ-ట్వంటీల్లో అయినా చెలరేగుతారని ఆశలు పెట్టుకున్నాం. కాని ఫస్ట్ టి-ట్వంటీల్లోనే ఫ్యాన్స్ ఆశలన్నీ అడియాసలయ్యాయి. జట్టులో యువరక్తం ఎక్కించినా... గెలవాలన్న ఉత్సాహం కనిపించలేదు. ఐపీఎల్‌లో ఆడి టి-ట్వంటీ క్రికెట్‌లో విశేష అనుభవం సంపాదించినప్పటికీ... మనోళ్లు స్థాయికి తగినవిధంగా ఆడలేదు. అన్ని రంగాల్లో వైఫల్యాలను కొనసాగించారు.

దీంతో ఫ్యాన్స్‌ను డిజప్పాయింట్ చేస్తూ... ధోనిసేన టి-ట్వంటీ సిరీస్‌లోను పరాజయాలను కంటిన్యూ చేసింది. అటు ఆస్ట్రేలియా కొత్త ముఖాలతోనే బరిలో దిగి... పటిష్టమైన భారత్‌ను కంగుతినిపించింది. పేరున్న ఆటగాళ్లు పెద్దగా లేనప్పటికీ... అన్ని రంగాల్లో ఆధిపత్యం ప్రదర్శించింది. టెస్టు క్రికెటర్లు అందించిన విన్నింగ్ స్ట్రీక్‌ను కంటిన్యూ చేస్తూ... టి-ట్వంటీల్లోను ఆసీస్ క్రికెటర్లు భారత్‌ను చిత్తుచేసారు.

పుంజుకోడానికి ఇంకా అవకాశాలు మిగిలి ఉండడం యంగిండియా అదృష్టంగా చెప్పుకోవాలి. ఇప్పటికైన టీమిండియా క్రికెటర్లు సామర్థ్యం మేరకు రాణించి... విజయం కోసం చకోరపక్షిలా ఎదురుచూస్తోన్న భారత అభిమానుల నిరీక్షణకు తెరదించాలని కోరుకుందాం.

Published Date : Thursday, 2/2/2012 5:06 PM IST

Name : Comments :

Don't post rude or nasty comments. Ethnic slurs, personal insults and abuses are rather uncool. Criticise, but know where to draw the line. No point putting in personal details or links, we won't publish them.