సాకర్ ప్రపంచకప్‌లో షకీరా మళ్ళీ సందడి చేయబోతోంది. ఇప్పటికే ఒక అఫిషియల్ థీమ్‌ సాంగ్‌లో స్టెప్పులేసిన ఈ అమ్మడు శుక్రవారం జరగబోయే ఓపెనింగ్‌ సెర్మనీలో మరో పాప్‌ స్టార్ జాన్స్‌తో కలిసి ఆడి , పాడి అభిమానులను అలరించబోతోంది. ప్రముఖ పాప్ సింగర్ షకీరాకు , సాకర్‌ ప్రపంచకప్‌కు అవినాభావ సంబంధమున్నట్లుంది. 2006 లో తొలిసారిగా సాకర్ ప్రపంచకప్‌కు థీమ్‌ సాంగ్‌ చేసిన షకీరా ఈ ఏడాది కూడా అఫిషియల్ సాంగ్‌లో ఆడి పాడింది.

జర్మనీలో జరిగిన ఫిఫా వాల్డ్‌కప్ ఫైనల్లో నడుం తిప్పుతూ అభిమానులను మత్తెక్కించిన ఈ అమ్మడు తమకు బాగా కలిసొచ్చిందని ఫిపా నిర్వాహాకులు భావిస్తున్నారు. అందుకే ఈ సారి ఓపెనింగ్ సెర్మనీలో ఆమె చేత పాడించాలని నిర్ణయించారు.కొలంబియన్ పాప్ సింగర్ జాన్స్‌తో కలిసి ఓపెనింగ్ సెర్మనీలో షకీరా సందడి చేయబోతోంది. ఇప్పటికే ఈ పాప్ క్వీన్ చేసిన దిస్ టైమ్ ఫర్ ఆఫ్రికా థీమ్‌ సాంగ్ అభిమానులను ఉర్రూతలూగిస్తోంది.

లైనోల్ మెస్సీ , డానీ ఆల్వేస్ , కార్లోస్ కామెనీ తదితర ప్రముఖ ఆటగాళ్ళ విన్యాసాలతో మిక్స్ చేసిన ఈ వీడియో సాంగ్ ప్రస్తుతం హాట్ కేక్‌లా అమ్ముడవుతోంది. మొత్తం మీద ప్రపంచ వ్యాప్తంగా ఊపందుకున్న సాకర్ ఫీవర్‌కు షకీరా హాట్ హాట్‌ స్టెప్పులు తోడైతే ఇక అభిమానులకు పండగే అని చెప్పాలి.

Watch Video.....

Name : Comments :

Don't post rude or nasty comments. Ethnic slurs, personal insults and abuses are rather uncool. Criticise, but know where to draw the line. No point putting in personal details or links, we won't publish them.