పైసల కోసం కన్నకొడుకునే కిడ్నాప్..

పైసల కోసం కన్నకొడుకునే కిడ్నాప్..
సొంత కొడుకునే కిడ్నాప్ చేశాడో సాఫ్ట్‌వేర్ ఇంజినీర్. తాను అడిగిన డబ్బులు ఇవ్వకపోతే బిడ్డను చంపేస్తానని బెదిరిచాడు.

సొంత కొడుకునే కిడ్నాప్ చేశాడో సాఫ్ట్‌వేర్ ఇంజినీర్. తాను అడిగిన డబ్బులు ఇవ్వకపోతే బిడ్డను చంపేస్తానని బెదిరిచాడు. చివరికి పోలీసులకు చిక్కి కటకటాలు లెక్కిస్తున్నాడు. ప్రకాశం జిల్లా కందుకూరు సమీపంలోని చెరువుకొమ్ముపాలెంకు చెందిన రామకృష్ణారెడ్డి.. డబ్బుల కోసం చేసిన ఈ నీచమైన పని కుటుంబ సభ్యుల్ని, బంధువుల్ని షాక్‌కి గురి చేసింది. హైదరాబాద్‌లోని ఓ సాఫ్ట్‌వేర్ కంపెనీలో పనిచేస్తున్న రామకృష్ణారెడ్డి ఏడాదిగా వర్క్ ‌ఫ్రమ్‌ హోమ్‌ కారణంగా ఊళ్లోనే ఉంటున్నాడు. మద్యం, పేకాట లాంటి చెడు వ్యసనాలకు బాగా బానిసయ్యాడు.

దాదాపు 20 లక్షల వరకూ అప్పులు చేశాడు. అవి తీర్చడానికి అమ్మానాన్నల్ని, అత్తామామల్ని డబ్బులు అడిగాడు. ఈ గొడవ కాస్తా పెద్దది కావడంతో కొడుకును కిడ్నాప్ చేసి ఎత్తుకెళ్లిపోయాడు. కందుకూరులోని ఓ లాడ్జిలో దిగాడు. 20 లక్షలు ఇవ్వకపోతే బాబును చంపేస్తానంటూ భార్యకు ఫోన్ చేశాడు. ఆమె పోలీసుల్ని ఆశ్రయించింది. చివరికి టెక్నాలజీ సాయంతో రామకృష్ణారెడ్డి ఉన్న లాడ్జ్‌ను గుర్తించి అతన్ని అదుపులోకి తీసుకున్నారు. బాబును క్షేమంగా తల్లికి అప్పగించారు.

Tags

Read MoreRead Less
Next Story