పేపర్ వేస్తే తప్పేంటి.. బుడ్డోడి మాటలకు కేటీఆర్ ఫిదా

పేపర్ వేస్తే తప్పేంటి.. బుడ్డోడి మాటలకు కేటీఆర్ ఫిదా
స్కూలుకి టైమవుతోందని అమ్మ అరిస్తే కాని లేవని చిన్నారి.. అమ్మకంటే ముందే లేచి పేపర్ వేయడానికి వెళుతున్న కొడుకుని చూసి

స్కూలుకి టైమవుతోందని అమ్మ అరిస్తే కాని లేవని చిన్నారి.. అమ్మకంటే ముందే లేచి పేపర్ వేయడానికి వెళుతున్న కొడుకుని చూసి మురిసిపోయింది ఆ తల్లి.. ఆమెతో పాటు తెలంగాణ మంత్రి కేటీఆర్ కూడా ఫిదా అయ్యారు.

జగిత్యాలకు చెందిన జయప్రకాశ్ అనే విద్యార్థి స్థానిక ప్రభుత్వ పాఠశాలలో చదువుకుంటూ రోజూ ఉదయం ఇంటింటికీ వెళ్లి పేపర్ వేస్తుంటాడు. ఆ సమయంలో ఓ వ్యక్తి కుర్రాడి వద్దకు వెళ్లి చదువుకునే వయసులో పేపర్ ఎందుకు వేస్తున్నావు అని అడిగితే.. ఏం వేయకూడదా.. అంటే అలా అని కాదు.. చదువుకునే వయసులో పని చేస్తున్నావు కదా అని అడిగాడు.. దానికి ఆ పిల్లవాడు.. అందులో తప్పేముంది అంకుల్.. ఇప్పుడు కష్టపడటం వస్తే పెద్దయ్యాక ఈజీ అవుతుందని సమాధానం ఇచ్చేసరికి అడిగిన వ్యక్తి ఒక్కసారిగా షాకయ్యాడు.

పేపర్ వేస్తే తప్పేంటి.. చిన్నారి సమాధానానికి కేటీఆర్ ఫిదాఇద్దరి మధ్య జరిగిన ఈ సంభాషణ సోషల్ మీడియాలో వైరల్‌గా మారింది. ఈ క్రమంలో వీడియో చూసిన మంత్రి కేటీఆర్ కుర్రాడి సమాధానానికి ఫిదా అయ్యారు. ఈ మేరకు ట్విట్టర్‌లో ఆ వీడియోను పోస్ట్ చేస్తూ జయప్రకాశ్‌ను అభినందించారు. జగిత్యాల పట్టణం నుంచి వచ్చిన ఈ వీడియో చాలా నచ్చింది. ఆ విద్యార్థి ఆత్మవిశ్వాసం చూసి ముచ్చటేసింది. అతడి ఆలోచనా విధానంలో స్పష్టత చూసి చాలా సంతోషం అనిపించింది. చదువుకుంటూ పని చేయడంలో తప్పేంటని ప్రశ్నించిన విద్యార్థికి మంచి భవిష్యత్ ఉండాలి అని కేటీఆర్ ఆకాంక్షించారు.

Tags

Read MoreRead Less
Next Story