ఇక్కడ నో మాస్క్.. నో ఎంట్రీ.. అక్కడ మాస్క్ ధరిస్తే ఫైన్

ప్రపంచమంతా కరోనాతో కకావికలమవుతూ, మాస్క్ తప్ప మరో మార్గం లేదని మూతి, ముక్కు బిగించుక్కూర్చుంటే అక్కడ మాస్క్ ధరించి లోపలకి వచ్చారంటే ఫైన్ వేస్తామంటూ కష్టమర్లని హడలెత్తిస్తోంది రెస్టారెంట్ యాజమాన్యం.

అమెరికాలోని రెస్టారెంట్ యొక్క ఈ వింత నియమావళిని చూసి ముక్కున వేలేసుకుంటున్నారు. మాస్క్ ధరించకుండా ఉంటేనే మాక్కూడా బావుందంటూ బార్‌కి వచ్చి బీర్ కొట్టేసి వెళ్లిపోతున్నారు.

కరోనావైరస్ నుండి రక్షించడానికి మాస్కులు చాలా ముఖ్యమైనవి అని ప్రపంచం మొత్తం వాటిని ధరిస్తోంది. కానీ యుఎస్‌లోని ఓ రెస్టారెంట్ యజమాని ఓ వింత రూల్ పెట్టారు. మాస్కులు ధరించి రెస్టారెంట్‌కు వచ్చే వినియోగదారులు 5 డాలర్లు (సుమారు రూ .363) అదనంగా చెల్లించాలి అని.

కాలిఫోర్నియాలోని మెన్డోసినోలోని ఫిడిల్‌హెడ్ కేఫ్ యజమాని క్రిస్ కాజిల్‌మన్, సమాజ శ్రేయస్సు కోసం ప్రజలు ముసుగులు ధరిస్తున్నారని అభిప్రాయపడ్డారు. అలాంటి వారికి 5డాలర్లు అదనంగా ఇవ్వడంలో ఎటువంటి ఇబ్బంది ఉండదు. అదనంగా వసూలు చేసిన ఈ డబ్బు స్వచ్ఛంద సంస్థకు వెళ్తుంది అని ఆయన అన్నారు.

ఘోరమైన కరోనావైరస్ సంక్రమణ వ్యాప్తిని నివారించడానికి విధించిన లాక్డౌన్ కారణంగా రెస్టారెంట్ వ్యాపారం తీవ్రంగా ప్రభావితమైంది. అటువంటి పరిస్థితిలో, ఇది రెస్టారెంట్ యజమాని కాజిల్మాన్ వ్యాపారాన్ని కూడా ప్రభావితం చేసింది. లాక్డౌన్ వల్ల కలిగే నష్టాన్ని భర్తీ చేయడానికి ఇటువంటి చర్య తీసుకోబడింది.

వ్యక్తిగతంగా మాస్కులు ధరించడానికి కాజిల్మన్ అనుకూలంగా లేడు. చాలా మంది కస్టమర్లు తనలాగే ఆలోచిస్తుంటారని ఆయన చెప్పారు. 'వారికి నచ్చిన నిర్ణయాలు తీసుకునే స్వేచ్ఛను నేను వారికి ఇస్తాను' అని కాజిల్‌మన్ అంటున్నారు.