దుబాయ్ షేక్ నోట ఎస్పీ బాలు పాట.. ఇందులో నిజమెంత..

అతను తెలుగు మాట్లాడకపోవచ్చు.. సంగీతానికి భాషతో పనేముంది.. దుబాయ్ షేక్ అయినా, భావం తెలియపోయినా తెలుగు పాటని అలవోకగా ఆలపించేస్తున్నారు. తెలుగు భాష వచ్చిన వారు కూడా ఆ పాట పాడాలంటే తడబడతారు. కానీ ఈ షేక్ మాత్రం ఈజీగా ఆ పాటను ఆలపిస్తున్నారు. ప్రపంచంలో ఎన్నో భాషలు ఉన్నా తెలుగు భాషను ఎంచుకుని సిరివెన్నెల సినిమాలోని సీతారామ శాస్త్రి రాసిన పాట పాడడం తెలుగువారికి ఒకింత గర్వకారణం. SP బాలు పాడిన ఆ పాట ఎంతో మధురంగా ఉంటుంది.

షేక్ టిక్‌టాక్ కోసం ఈ వీడియోను చేసినట్లు తెలుస్తోంది. అతను తన టిక్‌టాక్ ఖాతాలో వీడియోను షేర్ చేసిన మరుక్షణం, అది ప్రపంచవ్యాప్తంగా వైరల్ అయింది. చాలా మంది తెలుగువారు, భాషాభిమానులు వాట్సాప్‌లో ఈ వీడియోను ఫార్వార్డ్ చేయడం ప్రారంభించారు. భాష పట్ల ఆయనకున్న ప్రేమను ప్రశంసించారు. SP బాలుకి ఉత్తమ నేపథ్య గాయకుడిగా నంది అవార్డుని తెచ్చిపెట్టింది ఈ పాట. ఇది ఇప్పటికీ చాలా మంది సంగీత ప్రియులకు ఇష్టమైన తెలుగు పాట.

" సామవేద సారమిది ... నేపాడిన జీవన గీతం ... ఈ గీతం .. విపంచినై వినిపించిని ఈ గీతం…. "వీడియోలో షేక్ పాడే పంక్తులు. అతను అంత కఠినమైన పంక్తులను సులభంగా గుర్తుపెట్టుకుని పాటను అప్రయత్నంగా పాడటం నెటిజన్లను ఆశ్చర్యపరిచింది. వీడియో చివరలో, "నా టిక్‌టాక్ కుటుంబానికి ధన్యవాదాలు. నేను మీ అందరినీ ప్రేమిస్తున్నాను. " అని ముగించారు.

ఇది వైరల్ అవుతున్న మాట నిజమే. కానీ ఇది ఫేక్ న్యూస్. ఒక తెలుగు వ్యక్తే దుబాయ్ షేక్ లాగా పాడాడు అని తెలుస్తోంది.