బుద్ధిగా హెల్మెట్ పెట్టుకున్నాడు కానీ.. డ్రెస్ మాత్రం..
బట్టల్లేకుండా బండి మీద రయ్‌మంటూ దూసుకెళ్తున్న అతడిని చూసి ట్రాఫిక్ పోలీస్ భయపడిపోయాడు. గట్టిగా విజిల్ వేసి అతడి బండికి సడెన్ బ్రేక్ వేయించాడు. ఏమయ్యా.. ఏమైంది నీకు ఒంటి మీద నూలు పోగైనా లేకుండా ఏంటా ప్రయాణం.. జరిగే యాక్సిడెంట్లు చాల్లేదానాయనా.. మళ్లీ ఇలాంటివి కూడానా. కనీసం అండర్ వేయర్ అయినా వేసుకోకుండా.. సిగ్గు లేదా నీకు అని చీవాట్లు పెట్టాడు. ఇంతకీ ఎందుకీ దారుణానికి ఒడిగట్టావు అని అడిగితే.. ఏం చేయమంటారు సార్.. వాతావరణం చాలా వేడిగా ఉంది. ఉక్కకి తట్టుకోలేకపోతున్నాను. ఒంటి మీద బట్టల్లేకుండా ఉంటే కొంచెమైనా గాలి తగిలి హాయిగా ఉంటుందని చల్లగా చెప్పాడు.
దాంతో పోలీస్‌కి తిక్కరేకింది. చాలు.. చాల్లేవయ్యా.. అందరూ నీలానే ఆలోచిస్తే చచ్చి ఊరుకుంటాం.. ముందు ప్యాంటు వేసుకుని బండి స్టార్ట్ చేయి అనేసరికి బుద్దిగా ప్యాంటు వేసుకున్నాడు. ఈశాన్య బ్రాండెన్‌ బర్గ్ ల్యాండర్‌లో చోటు చేసుకుంది ఈ ఘటన. ఐరోపా దేశాల్లో ఎండలకి జనం అల్లాడిపోతున్నారు. అత్యధిక ఉష్ణోగ్రతలు నమోదు కావడంతో ప్రజలు ఇళ్లలో ఉండలేక పార్కులు, బీచ్‌ల్లో కాలక్షేపం చేస్తున్నారు. కొందరు చల్లని ప్రాంతాల్లో పర్యటిస్తూ ఉపశమనం పొందుతున్నారు. జర్మనీలో గురువారం 40 డిగ్రీల ఉష్ణోగ్రత నమోదై 1947లో నమోదైన పాత రికార్డు 38.6 డిగ్రీల ఉష్ణోగ్రతను బ్రేక్ చేసింది. ఓ పోలీస్ విధుల్లో ఉండగా జరిగిన ఈ ఫన్నీ ఈవెంట్‌ని ట్విట్టర్‌లో పోస్ట్ చేయడంతో అది కాస్తా వైరల్ అయింది.
Weil wir #sprachlos sind ????: Wie würden Sie dieses Bild betiteln?
Als kleine Inspirationshilfe - ein #Zitat des Herren: „Et is halt warm, wa?“
Und jetzt Sie!#Hitze #safetyfirst #LebenAmLimit pic.twitter.com/BiM27ydDEy
— Polizei Brandenburg (@PolizeiBB) June 26, 2019
