ఇంజనీరింగ్ కాలేజీలో సీనియర్ల ఆగడాలు..

బుద్ధిగా చదువకోమని లక్షలకు లక్షలు ఫీజు కట్టి కాలేజీలకు పంపిస్తే.. దాడులతో రౌడీయిజం ప్రదర్శిస్తున్నారు స్టూడెంట్స్. ఓ జూనియర్ ని పాత షెడ్డులోకి తీసుకెళ్లి సినిమా విలన్ల తరహాలో చావగొట్టారు. ఫేస్ బుక్ లో వ్యంగ్యంగా కామెంట్ చేశాడని ఆగ్రహంతో ఈ దారుణానికి ఒడిగట్టారు. దెబ్బలకు తాళలేక వదిలేయమని జూనియర్ విద్యార్ధి ప్రధేయపడినా సీనియర్లు కనికరించలేదు. బ్యాచ్ గా వచ్చి అతనిపై దాడి చేశారు. ఖమ్మం జిల్లా సత్తుపల్లి మండలం కొత్తూరు గ్రామంలో ఈ ఘటన చోటు చేసుకుంది.

ఖమ్మంకు చెందిన శివ కొత్తూరులోని మదర్ థెరిస్సా ఇన్సిట్యూట్ ఆఫ్ సైన్స్ అండ్ టెక్నాలజీ కాలేజీలో అగ్రికల్చర్ సెకండ్ ఇయర్ చదువుతున్నాడు. సీనియర్లను కామెంట్ చేస్తూ ఫేస్ బుక్ లో పోస్ట్ పెట్టడంతో శివను ఓ పాత్ షెడ్డులోకి తీసుకెళ్లారు సీనియర్లు. మమ్మల్నే కామెంట్ చేస్తావా అంటూ అంతా కలిసి అతనిపై దాడి చేశారు. సీనియర్ల ఆగడాలపై శివ సత్తుపల్లి పోలీస్ స్టేషన్లో ఫిర్యాదు చేశాడు. తనపై దాడి చేస్తుండగా తీసిన ఫూటేజ్ ను పోలీసులకు అందించాడు.