దృశ్యం మూవీ సీన్ రిపీట్.. అమ్మాయి న్యూడ్ వీడియోలు చిత్రీకరించి..
అచ్చం దృశ్యం సినిమా సీన్ మరోసారి రిపీటైంది! ఎడ్యుకేషన్ టూర్లో అమ్మాయి దుస్తులు మార్చుకుంటుండగా.. తోటి విద్యార్ధి సెల్ఫోన్ వీడియో తీసి, బ్లాక్ మెయిల్ చేసే సీన్ ఆ మూవీలో ఉంటుంది. అలాంటి దృశ్యమే... ఇప్పుడు విజయవాడలో చోటు చేసుకుంది.
కృష్ణా జిల్లా సూర్యారావు పేటకు చెందిన గడ్డం జగదీష్ ఓ ప్రైవేట్ కాలేజీలో బీబీఏ చదువుతున్నాడు. కొంతకాలంగా.. వివిధ కాలేజీల వద్ద తిష్టవేసి.. అమ్మాయిలతో పరిచయాలు పెంచుకుని ఆపై వారిని ప్రేమలోకి దించేవాడు. ఈ క్రమంలో ఓ అమ్మాయిని ప్రేమ పేరుతో ట్రాప్ చేశాడు. వీడియో కాల్ చేస్తూ.. ఆమె నగ్న వీడియోలు, ఫోటోలు చిత్రీకరించాడు. వాటిని తన స్నేహితులకు షేర్ చేశాడు. ఆమెను బ్లాక్ మేయిల్ చేసి లక్షలాది రూపాయలు వసూలు చేశాడు.
ఈ నరకం తట్టుకోలేని ఆ విద్యార్ధిని.. తల్లిదండ్రులకు చెప్పింది. దీంతో వారు పోలీసుల్ని ఆశ్రయించారు. కేసు నమోదు చేసుకున్న పోలీసులు ఎంక్వైరీ చేస్తుండగా... మరికొందరు బాధితులు బయటికి వచ్చారు. విషయం పోలీసులకు తెలియడంతో అజ్ఞాతంలోకి వెళ్లిపోయాడు జగదీష్. ఎట్టకేలకు అతడ్ని అరెస్ట్ చేశారు పోలీసులు. మరోవైపు.. జగదీష్ చాలా మంచివాడంటూ ఓ ఎంపీతో పాటు తెలంగాణ మంత్రి రంగంలో దిగడం ప్రాధాన్యం సంతరించుకుంది. వీరు.. పోలీసు ఉన్నాతాధికారులతో ఫోన్లో మంతనాలు జరిపి జగదీష్ను విడిపించే ప్రయత్నాలు చేస్తున్నారు.
© Copyright 2024 : tv5news.in. All Rights Reserved. Powered by hocalwire.com