ఫ్లాప్ ఇచ్చిన డైరెక్టర్‌కి మరో ఛాన్స్ ఇచ్చిన గోపిచంద్
మాస్ లో ఫాలోయింగ్ ఉన్న హీరో గోపిచంద్. ఈ దసరాకి తన కొత్త సినిమా చాణక్యతో ప్రేక్షకుల ముందుకు వస్తున్నాడు. తిరు దర్శకత్వంలో ఈ చిత్రం రూపొందింది. ఫుల్ లెంగ్త్ మాస్ ఎంటర్టైనర్ గా, టెర్రరిజమ్ బ్యాక్ డ్రాప్ లో చాణక్య తెరకెక్కింది. ప్రజెంట్ ఈ సినిమా పోస్ట్ ప్రొడక్షన్ వర్క్ జరుగుతోంది. ఒక్కొక్కటిగా సాంగ్స్ ని రిలీజ్ చేస్తూ ప్రమోషన్స్ చేస్తోంది చిత్ర యూనిట్.
రీసెంట్ గానే బివిఎస్ఎన్ ప్రసాద్ నిర్మాణంలో గోపిచంద్ ఓ సినిమాకి కమిట్ అయ్యాడు. ఈ సినిమాతో సుబ్రహ్మణం అనే కొత్త దర్శకుడు పరిచయం అవుతున్నాడు. పూజా కార్యక్రమాలు జరుపుకున్న ఈ మూవీ త్వరలోనే పట్టాలెక్కబోతుంది. ఇక గురువారం గోపిచంద్ సినిమాలకు సంబంధించి మరో అనౌన్స్ మెంట్ వచ్చింది. దర్శకుడు సంపత్ నందితో మరో సినిమాకి గ్రీన్ సిగ్నల్ ఇచ్చాడు గోపిచంద్. వీరిద్దరి కాంబినేషన్లో గతంలో గౌతమ్ నందా వచ్చింది. అయితే అది నిరాశపరిచింది. అయినప్పటికీ కథ మీదున్న నమ్మకంతో మళ్ళీ సంపత్ నందికి ఛాన్స్ ఇచ్చాడు గోపిచంద్.
Also watch :
