రష్మీని సుధీర్ చెల్లెమ్మా అని..

బుల్లితెరపై సుధీర్, రష్మీల జోడీ చూస్తే అభిమానులకు పండగే. వారు చేసే చిలిపి అల్లరి, ఆకట్టుకునే డ్యాన్స్ ఫెర్మామెన్స్, వారిమధ్య కెమిస్ట్రీ, ఒకరిపై ఒకరు చేసుకునే కామెంట్లు.. అన్నీ హైలెట్టే. వీరిద్దరు ప్రధాన పాత్రధారులుగా సాగుతున్న బుల్లి తెర షో లు మంచి వినోదాన్ని పంచుతున్నాయి. వీరి లవ్‌ట్రాక్ ప్రధాన హైలెట్‌గా కొనసాగుతుంటుంది. ఈ నెల 27న ప్రసారం కాబోయే జబర్దస్త్‌షోలో రష్మీ, సుధీర్‌ల జోడీపై షూట్ చేసిన సన్నివేశాలు ఆసక్తిని రేకెత్తిస్తున్నాయి. స్కిట్‌లో భాగంగా కాలేజీ ఆడపిల్లలను ర్యాగింగ్ చేస్తుంటాడు సుధీర్.

అంతలో చమ్మక్ చంద్ర రంగంలోకి దిగి రష్మీని చెల్లెమ్మా అని పిలువ్ అని అంటాడు. దాంతో సుధీర్ ఫీలింగ్స్ మారిపోతాయి. అది చూసి రష్మీ నవ్వాపుకోలేకపోతుంది. జడ్డిగా వ్యవహరిస్తున్న నాగబాబు సైతం పగలబడి నవుతుంటారు. సార్ ఆ ఒక్కావిడను మాత్రం నాకొదిలేయండి సార్ అని సుధీర్ అనడం హైలెట్. సుధీర్, రష్మీల జోడీని క్యాష్ చేసుకుంటూ ఇలాంటి స్కిట్లను రూపొందిస్తుంటారు దర్శక నిర్మాతలు. ప్రేక్షకులకు కూడా అవే నచ్చుతుంటాయి. ఆ మధ్య జరిగిన ఓ షోలో బుల్లి తెర వేదికపై రష్మీ, సుధీర్‌ల పెళ్లి కూడా చేసేసారు. అది ఎంత పాపులరైందో అందరికీ తెలిసిందే.