దిశ ఘటనపై అనుచిత వ్యాఖ్యలు చేసిన యువకుడి అరెస్ట్‌

దిశ ఘటనపై అనుచిత వ్యాఖ్యలు చేసిన యువకుడ్ని హైదరాబాద్‌లోని సీసీఎస్‌ పోలీసులు అరెస్ట్‌ చేశారు. దిశపై జరిగిన దారుణంపై దేశ వ్యాప్తంగా నిరసనలు మిన్నంటుతుంటే.. కొందరు మాత్రం పిచ్చి పోస్టులతో పైశాచిక ఆనందం పొందుతున్నారు. అలా పోస్టులు చేసిన నిజామాబాద్‌కు చెందిన శ్రీరామ్‌ను పోలీసులు అదుపులోకి తీసుకున్నారు.

దిశకు వ్యతిరేకంగా అసభ్యకర కామెంట్లపై సుమోటోగా కేసు నమోదు చేసుకున్న పోలీసులు.. శ్రీరామ్‌పై వయోలేషన్‌, ఐపీసీ యాక్ట్‌ కింద కేసులు నమోదు చేశారు. ఈ తరహా పోస్టులు ఎవరూ చేసినా వారిపై కఠిన చర్యలు తప్పవని హెచ్చరించారు.