ఆ బండికి ఒకటికాదు రెండు కాదు.. ఏకంగా 72 ట్రాఫిక్ చలాన్లు
72 ట్రాఫిక్ చలాన్లు ఉన్నా ఒక్కటి కూడా కట్టకుండా యధేచ్చగా రోడ్లమీద తిరుగుతున్న ద్విచక్ర వాహనాన్ని బుధవారం హైదరాబాద్ ట్రాఫిక్ పొలిసులు పట్టుకున్నారు. బుధవారం రాత్రి నల్లకుంటలో ఈ వాహనాన్ని పోలీసులు స్వాధీనం చేసుకున్నారు. రిజిస్ట్రేషన్ నంబర్ టిఎస్ 11 ఇజె 7202 ను కలిగి ఉన్న హోండా యాక్టివా వాహనం బుధవారం రాత్రి 8 గంటల సమయంలో ట్రాఫిక్ పోలీసులు ఫీవర్ హాస్పిటల్ సమీపంలో పెండింగ్లో ఉన్న చలాన్స్పై ప్రత్యేక డ్రైవ్ నిర్వహించినప్పుడు ఈ వాహనం పట్టుబడిందని ఎస్ఐ రమేష్ తెలిపారు.
పోలీసులు వాహనాన్ని ఆపినప్పుడు, ద్విచక్ర వాహనంపై జారీ చేసిన 72(9,750 రూపాయల విలువ) చలాన్లను వారు కనుగొన్నారు. ఈ వాహనం అంబర్పేట నివాసి సురేష్కు చెందినది అని పోలీసులు తెలిపారు. పోలీసులు వాహనాన్ని స్వాధీనం చేసుకుని ట్రాఫిక్ పోలీస్ స్టేషన్కు పంపారు. కాగా అక్టోబర్ 09, 2019 న - చిక్కడపల్లి ట్రాఫిక్ పోలీసులకు చిక్కిన వాహనంపై 73 కి పైగా ట్రాఫిక్ చలాన్లు పెండింగ్లో ఉన్నాయి. ఆ తరువాత ఇదే కావడం విశేషం.
© Copyright 2024 : tv5news.in. All Rights Reserved. Powered by hocalwire.com