కరోనానుంచి కోలుకున్న హీరోయిన్‌
క్వాంటం ఆఫ్ సోలేస్ స్టార్ ఓల్గా కురిలెంకో(40) ఆమె రోగ నిర్ధారణ జరిగిన రెండు వారాల తరువాత, కరోనావైరస్ నుండి "పూర్తిగా కోలుకుంది" అని చెప్పారు. ఉక్రేనియన్ లో జన్మించిన ఆమె ఆదివారం ఇన్‌స్టాగ్రామ్‌లో తన హెల్త్ అప్‌డేట్ ఇచ్చి, ఫేస్ మాస్క్ ధరించి కొడుకుతో కలిసి పొయ్యి దగ్గర కూర్చొని కనిపించే చిత్రాన్ని పంచుకున్నారు. "నేను పూర్తిగా కోలుకున్నాను," అని ఆమె తన పోస్ట్ ను ప్రారంభించారు. ఈ సందర్బంగా కురిలెంకో, గత రెండు వారాలలో ఆమె తన లక్షణాలను గుర్తుచేసుకున్నారు.
'ఒక వారం నేను చాలా ఇబ్బందిగా భావించాను, ఎక్కువగా మంచానికే పరిమితం అయ్యాను, అధిక జ్వరం మరియు విపరీతమైన తలనొప్పితో బాధపడ్డాను. రెండవ వారం, జ్వరం పోయింది కాని కొంత తేలికపాటి దగ్గు కనిపించింది.. అయినప్పటికీ అప్పటికే నేను చాలా అలసిపోయాను' అని ఆమె పేర్కొన్నారు. అయితే 'రెండవ వారం చివరి నాటికి నేను పూర్తిగా కోలుకున్నాను. రోజూ ఉదయాన్నే దగ్గు వచ్చేది కానీ ఇప్పుడు ఆ దగ్గు కూడా దాదాపుగా పోయింది' అని చెప్పారు. ఇప్పుడు నా కుమారుడితో కలిసి సమయాన్ని గడుపుతున్నా’నని పేర్కొన్నారు. కాగా, కొద్దివారాల క్రితం ఓల్గాకు కరోనా సోకినట్లు వైద్యులు ధ్రువీకరించారు.
