లాక్ డౌన్ నేపథ్యంలో మహారాష్ట్ర ప్రభుత్వం కీలక నిర్ణయం

కరోనా వైరస్ కారణంగా ప్రస్తుతం విధించిన లాక్ డౌన్ నేపథ్యంలో మహారాష్ట్ర ప్రభుత్వం కీలక నిర్ణయం తీసుకుంది. తీవ్రమైన ఆర్ధిక సంక్షోభాన్ని దృష్టిలో ఉంచుకొని జీతాల్లో కోత విధించాలని నిర్ణయించింది. ఈ మేరకు ఆర్ధిక మంత్రి అజిత్ పవార్ నిర్ణయం తీసుకున్నారు. మంత్రులు , ఎమ్మెల్యేలు, ఎమ్మెల్సీలు అలాగే కార్పొరేషన్ చైర్మన్ల తోపాటు ప్రభుత్వ అధికారుల జీతాల్లో 60% వరకు తగ్గించనున్నట్లు ఆర్థిక మంత్రి అజిత్ పవార్ ప్రకటించారు. ముఖ్యమంత్రి, మంత్రులు, ఎమ్మెల్యేలతో సహా ఎన్నికైన ప్రతినిధులకు 60% తగ్గింపుతో మార్చిలో జీతాలు లభిస్తాయని.. ఎ, బి గ్రేడ్ ప్రభుత్వ ఉద్యోగులకు 50% తగ్గింపు, సి గ్రేడ్ ఉద్యోగులకు 25% కోతతో జీతాలు లభిస్తాయని. డి గ్రేడ్ ఉద్యోగుల జీతాలలో కోత ఉండదని ఆయన స్పష్టం చేశారు.