చెన్నైలో అమానీయం.. మృతదేహాన్ని స్మశానంలో వదిలేసి వెళ్లారు

చెన్నైలో అమానీయ ఘటన చోటుచేసుకుంది. మృతదేహానికి అంతిమసంస్కారాలు చేయకుండా స్మశానంలో వదిలేసి వెళ్లిన దుర్మార్గం వెలుగుచూసింది. నెల్లూరు కు చెందిన వైద్యుడు కరోనా వైరస్ కారణంగా చెన్నైలోని ఓ కార్పొరేట్ ఆసుపత్రికి చికిత్స పొందుతూ మృతి చెందారు. అయితే ఆయన మృతదేహాన్ని ఆసుపత్రి సిబ్బంది అంబత్తూరు లోని స్మశాన వాటికకు తీసుకొచ్చి దహనం చెయ్యకుండా అలాగే వదిలేసి వెళ్లిపోయారు. ఈ విషయం తెలుసుకున్న స్థానికులు ఆందోళనకు దిగారు. పోలీసులకు, కార్పొరేషన్ అధికారులకు సమాచారం ఇవ్వడంతో వారు వచ్చి మృతదేహాన్ని అంబులెన్స్ లో తరలించారు. ఆ ఆసుపత్రి సిబ్బంది తీరుపై విమర్శలు వెల్లువెత్తాయి. ఈ ఘటనకు కారణమైన వారిపై ఆరా తీస్తున్నారు.