రివర్స్ రెపో రేటు పావు శాతం కోత

కోవిడ్ -19 మహమ్మారి వల్ల కలిగే ఆర్థిక ఒత్తిడిని తగ్గించడానికి రిజర్వ్ బ్యాంక్ ఆఫ్ ఇండియా తగిన

విధంగా సహాయపడుతుందని గవర్నర్ శక్తికాంత దాస్ శుక్రవారం అన్నారు. రివర్స్ రెపో రేటు 4 శాతం నుంచి పావుశాతం కోత విధిస్తున్నట్టు ప్రకటించారు. దీంతో ప్రస్తుత 3.75 శాతంగా వుంటుంది. ఇది ఆర్థిక వ్యవస్థ యొక్క ఉత్పాదక రంగాలకు రుణాలు ఇవ్వడానికి బ్యాంకులను ప్రోత్సహిస్తుంది.

అలాగే ఆర్‌బిఐ లక్షలాది దీర్ఘకాలిక రెపో ఆపరేషన్ (టిఎల్‌టిఆర్‌ఓ) ద్వారా అదనంగా రూ .50 వేల కోట్లు ఇవ్వడం జరుగుతుందని చెప్పారు.

అంతేకాకుండా, నాబార్డ్, నేషనల్ హౌసింగ్ బ్యాంక్, సిడ్బీ వంటి ఆర్థిక సంస్థలకు రూ .50 వేల కోట్ల రీ ఫైనాన్సింగ్ విండోను ప్రకటించారు. అలాగే వాణిజ్య బ్యాంకుల లిక్విడిటీ కవరేజ్ రేషియో (ఎల్‌సిఆర్)ను ప్రస్తుతమున్న 100 శాతం నుంచి 80 శాతానికి తగ్గించనున్నట్లు గవర్నర్ ప్రకటించారు. కోవిడ్ -19 వ్యాప్తి పరిస్థితిని ఆర్‌బిఐ పర్యవేక్షిస్తోందని పేర్కొన్న ఆయన సెంట్రల్ బ్యాంక్ చర్యల ఫలితంగా బ్యాంకింగ్ వ్యవస్థలో మిగులు లిక్విడిటీ గణనీయంగా పెరిగిందని శక్తికాంత దాస్ అన్నారు.