ఏపీలో హద్దులు దాటిన ఎస్సై.. ఆసుపత్రికి వెళ్లి వస్తున్నామని వేడుకున్నా కనికరించలేదు

లాక్‌డౌన్‌ను సాకుగా చూపిస్తూ.. ఏపీలో పోలీసులు ఇష్టారాజ్యంగా రెచ్చిపోతున్నారు. కనీసం మహిళలనే కనికరం కూడా చూపడం లేదు. కర్నూలు జిల్లా ఆదోనిలో ఓ ఎస్సై తీరే దీనికి నిదర్శనం. పట్టణానికి చెందిన ఓ మహిళ.. తన తల్లికి ఆరోగ్యం బాగా లేకపోతే ఆసుపత్రిలో జాయిన్‌ చేయించాలని వెళ్లింది. అయితే డాక్టర్‌ లేకపోవడంతో.. మరో ఆసుపత్రికి వెళ్లాలని భావించింది. ఆ సమయంలో.. విధులు నిర్వహిస్తున్న త్రీటౌన్‌ ఎస్సై రాజు కుళ్లాయప్ప.. వీరిని ఆపాడు. తల్లికి ఆరోగ్యం బాగాలేదని, తమను విడిచిపెట్టాలని మహిళ ఎంత వేడుకున్నా ఆయన కనికరించలేదు. పైగా ఆమెను బండబూతలు తిట్టాడు. ఎస్సై తీరును స్థానికులు ప్రశ్నించడంతో.. వారిపైనా రెచ్చిపోయాడు. ఈ ఎస్సై తీరుపై మండిపడుతున్నారు స్థానికులు. లాక్‌డౌన్‌ సాకుతో సామాన్యులపై ప్రతాపం చూపిస్తున్నాడంటూ విమర్శిస్తున్నారు.