హైదరాబాద్‌లో 45 బస్తీ దవాఖానాలు ప్రారంభం

గ్రేటర్‌ హైదరాబాద్‌ పరిధిలో శుక్రవారం 45 బస్తీ దవాఖానాలను ప్రారంభించనున్నారు. మంత్రులు కేటీఆర్‌, ఈటల ఈ కార్యక్రమాల్లో పాల్గొంటారని మేయర్‌ బొంతు రామ్మోహన్‌ వెల్లడించారు. హైదరాబాద్‌లో 22, మేడ్చల్, మల్కాజ్‌గిరి జిల్లాల్లో 15, రంగారెడ్డి జిల్లాలో 5, సంగారెడ్డి జిల్లాలో 3 బస్తీ దవాఖానాలు ప్రారంభిస్తారు. ప్రస్తుతం గ్రేటర్ పరిధిలో 123 బస్తీ దవాఖానాలు ప్రతిరోజూ 10 వేల మందికి వైద్య సేవలు అందిస్తున్నాయని మేయర్‌ వెల్లడించారు. ప్రజలకు వైద్య సేవలు మరింత చేరువ చేసేందుకే ప్రభుత్వం బస్తీ దవాఖానాలను ఏర్పాటు చేస్తుందన్నారు.