గూగుల్ ఉద్యోగులకు 1000 డాలర్లు

వర్క్ ఫ్రమ్ హోమ్ చేస్తున్న గూగుల్ ఉద్యోగులకు కంపెనీ 1000 డాలర్లు ఇవ్వాలని నిర్ణయించింది. ఇంటి నుంచి పని చేసేందుకు వీలుగా వారికి ఒక ల్యాప్‌టాప్, ఇతర హార్డ్‌వేర్ పరికరాలు కొనేందుకు వీలుగా ఈ మొత్తాన్ని అందించనుందని సీఈఓ సుందర్ పిచాయ్ వెల్లడించారు. మరి కొంత కాలం ఇంటి నుంచే పని చేయాల్సి ఉంటుంది. ఇందుకుగాను ఉద్యోగులకు అవసరమైన సదుపాయాలు సమకూర్చాలనుకుంటున్నాం అని తెలిపారు. ఈ క్లిష్ట సమయంలో కంపెనీ తమ కోసం ఉందన్న భరోసా ఉద్యోగులకు కల్పించేందుకే ఈ నిర్ణయం తీసుకున్నామన్నారు. జులై 6 నాటికి తమ కార్యాలయాలను మరింత విస్తరింపజేయనున్నామని అన్నారు. ఆయా నగరాల్లో వైరస్ తీవ్రతను అంచనా వేసి కంపెనీలు తెరుస్తామని చెప్పారు. ఉద్యోగులు కోవిడ్ నిబంధనలు అనుసరించి కార్యాలయాలకు హాజరయ్యేలా చూస్తామని అన్నారు.