ఏపీలో కొత్తగా 76 కరోనా కేసులు నమోదు

ఏపీలో కరోనా వైరస్ ఉద్ధృతి కొనసాగుతోంది. ఆదివారం ఉదయం 9 గంటల నుంచి సోమవారం ఉదయం 9 గంటల వరకు 10 వేల 567 శాంపిల్స్ పరీక్షించగా.. కొత్తగా 76 కేసులు నమోదైనట్టు వైద్య ఆరోగ్యశాఖ హెల్త్ బులిటెన్ విడుదల చేసింది. దీంతో రాష్ట్రవ్యాప్తంగా ఇప్పటివరకు కరోనా పాజిటివ్ కేసుల సంఖ్య 3 వేల 118కి చేరుకుంది. అటు కర్నూలు జిల్లాలో ఇద్దరు మృతిచెందారు. దీంతో మృతుల సంఖ్య 64కు చేరింది. ప్రస్తుతం 885 యాక్టివ్ కేసులుండగా.. ఇప్పటివరకు 2 వేల 169 మంది డిశ్చార్జి అయ్యారు. నెల్లూరు జిల్లాలో నమోదైన 8 కేసులకు కోయంబేడు లింకు వున్నట్టు తెలుస్తోంది. అటు విదేశాల నుంచి వచ్చిన వారిలో 112 మందికి కరోనా పాజిటివ్ నిర్ధారణ అయ్యింది. ఇతర రాష్ట్రాల నుంచి వచ్చిన 446 మందిలో ప్రస్తుతం 249 మంది బాధితులు వివిధ ఆసుపత్రుల్లో చికిత్ప సొందుతున్నారు.