Top

బ్రెజిల్ లో నూటికి 74 మందికి కరోనా.. భారత్ , అమెరికాలో చూస్తే..

బ్రెజిల్ లో నూటికి 74 మందికి కరోనా.. భారత్ , అమెరికాలో చూస్తే..
X

కరోనా టెస్టులు ఎంత ఎక్కువ చేస్తే అంత ఉపయోగం అని ప్రపంచం ఆరోగ్య సంస్థ (who) తెలిపిన సంగతి తెలిసిందే. టెస్టులు అధికంగా చెయ్యడం వలన వ్యాప్తిని తగ్గించవచ్చు. ఈ నేపథ్యంలో భారతదేశంలో కరోనా సోకినవారిని గుర్తించే పరీక్షలు బుధవారం 50 లక్షలను దాటాయి. ఇండియన్ మెడికల్ కౌన్సిల్ ఫర్ రీసెర్చ్ (ఐసిఎంఆర్) ప్రకారం దేశంలో ఇప్పటివరకు 50,61,332 పరీక్షలు జరిగాయి. వీరిలో 2 లక్షల 77 వేల మందికి వ్యాధి సోకినట్లు గుర్తించారు. అంటే పరీక్షించిన వారిలో 5.48% మందికి సోకినట్లు.

అయితే పరీక్షలు చేయడంలో అమెరికా మనకంటే నాలుగు రెట్లు ముందుంది. అమెరికాలో ప్రతిరోజూ 5 లక్షలకు పైగా పరీక్షలు జరుగుతున్నాయి. ఇప్పటివరకు ఇక్కడ 20 మిలియన్ల మందిని పరీక్షించారు. వారిలో, 9.23% మందికి వ్యాధి సోకింది. అయితే బ్రెజిల్‌లో మాత్రం దారుణమైన పరిస్థితి ఉంది. ఇప్పటివరకు, ఇక్కడ ఒక మిలియన్ మందిని మాత్రమే పరీక్షించారు. వారిలో , 74.22% అంటే 7 లక్షల 42 వేల 084 మంది కరోనా పాజిటివ్‌గా ఉన్నట్లు గుర్తించారు.

పరీక్షల విషయంలో యుఎఇ ప్రపంచంలోనే ప్రథమ స్థానంలో ఉంది. ఇక్కడ ప్రతి మిలియన్ జనాభాలో 2 లక్ష 52 వేల 963 మందికి కరోనా పరీక్షలు చేస్తున్నారు. రెండవ స్థానంలో, స్పెయిన్ ఉంది. ఇక్కడ 95 వేల మంది, ఖతార్లో 92 వేలు, రష్యాలో 89 వేల మందిని పరీక్షిస్తున్నారు. 30 దేశాల జాబితాలో భారత్ నాలుగో స్థానంలో ఉంది. జూన్ 8 నాటికి ఉన్న ఉన్న లెక్కల ప్రకారం ప్రస్తుతం ఇక్కడ మిలియన్ జనాభాకు 3 వేల 462 మందిని పరీక్షిస్తున్నారు.

భారతదేశంలో ప్రతిరోజూ 1.4 లక్షలకు పైగా పరీక్షలు జరుగుతున్నాయి , అయినప్పటికీ భారతదేశంలో మిలియన్ జనాభాకు చాలా తక్కువ పరీక్షలు ఉన్నాయి, అయితే ఇది మునుపటితో పోలిస్తే చాలా పెరిగింది. లాక్డౌన్ దశ 3 వరకు, దేశంలో 20 నుండి 50 వేల మంది మాత్రమే పరీక్షించారు. ఇప్పుడు రోజూ లక్షకు పైగా పరీక్షలు చేస్తున్నారు. ప్రస్తుతం, దేశంలోని 590 ప్రభుత్వ ప్రయోగశాలలు, 233 ప్రైవేట్ ప్రయోగశాలల వద్ద కరోనా నమూనాలను తీసుకుంటారు.

టాప్ ఫైవ్ పరీక్షలు ఈ దేశాల్లోనే జరుగుతున్నాయి.

అమెరికా, 2.2 కోట్లు

రష్యా ,1.3 కోట్లు

యునైటెడ్ కింగ్డమ్,58 లక్షలు

భారతదేశం,50 మిలియన్లు

స్పెయిన్,4.5 మిలియన్లు

Next Story

RELATED STORIES