Top

పాకిస్థాన్ లో 5 వేలకు పైగా కరోనా కేసులు

పాకిస్థాన్ లో 5 వేలకు పైగా కరోనా కేసులు
X

పాకిస్థాన్ లో కరోనావైరస్ కేసులు అంతకంతకూ పెరుగుతున్నాయి. గురువారం, దేశంలో వరుసగా రెండవ రోజు 5 వేలకు పైగా కొత్త అంటువ్యాధులు నమోదు అయ్యాయి. అలాగే వందకు పైగా మరణాలు సంభవించాయి. దీంతో కరోనా పాజిటివ్ కేసుల సంఖ్య 119,536 కు పెరిగింది. దేశవ్యాప్తంగా మరణాల సంఖ్య 2,356 కు పెరిగిందని దునియా న్యూస్ గురువారం తెలిపింది. నేషనల్ కమాండ్ అండ్ ఆపరేషన్ సెంటర్ (ఎన్‌సిఓసి) తాజా గణాంకాల ప్రకారం, 24 గంటల్లో 5,834 మంది వ్యక్తులు COVID-19 కు పాజిటివ్‌గా పరీక్షించబడ్డారని పేర్కొంది.

మహమ్మారి ధాటికి సింధ్, ఖైబర్ పఖ్తున్ఖ్వా ,బలూచిస్తాన్ తరువాత పంజాబ్ ప్రావిన్స్ లు అత్యధికంగా ప్రభావితం అయ్యాయి. పంజాబ్‌లో ఇప్పటివరకు 45,463 కరోనావైరస్ కేసులు, సింధ్‌లో 43,709, ఖైబర్ పఖ్తున్ఖ్వాలో 15,206, బలూచిస్తాన్‌లో 7,335, ఇస్లామాబాద్‌లో 6,236, గిల్గిట్-బాల్టిస్తాన్‌లో 1,018, ఆజాద్ కాశ్మీర్‌లో 488 కేసులు నమోదయ్యాయి. ఇంకా, పంజాబ్‌లో 841 మంది, సింధ్‌లో 738, కెపిలో 619, బలూచిస్తాన్‌లో 73, ఇస్లామాబాద్‌లో 62, జిబిలో 14, ఆజాద్ కాశ్మీర్‌లో 9 మంది అంటువ్యాధితో ప్రాణాలు కోల్పోయారు.

Next Story

RELATED STORIES