500 బిలియన్ డాలర్లు మార్కు దాటిన విదేశీ మారక ద్రవ్యం నిల్వలు

దేశంలో విదేశీ మారక ద్రవ్యం నిల్వలు బారీగా పెరిగాయని రిజర్వ్ బ్యాంక్ తెలిపింది. 500 బిలియన్ డాలర్లు(రూ.37 లక్షల కోట్లు) మార్కును మొదటిసారిగా దాటిందని పేర్కొంది. ఈ స్థాయిలో విదేశీ మారక ద్రవ్యం నిల్వలు ఉండటం ఇదే మొదటిసారని రిజర్వబ్యాంక్ తెలిపింది. ఈ వారంలో 8.2 బిలియన్ డాలర్లు(రూ.6వేల కోట్లకు పైగా) నిల్వ పెరిగి.. జూన్ 5 నాటికి భారత విదేశీ మారక ద్రవ్యం 501.7 బిలియన్ డాలర్లకు చేరిందని తెలిపింది. మొత్తం నిల్వలలో 463 బిలియన్ డాలర్లు కరెన్సీ రూపంలో ఉండగా.. 32.35 బిలియన్ డాలర్లు బంగారం రూపంలో ఉందని ఆర్బీఐ ప్రకటించింది.